ኤርማሳ ቲንቢቴ 5:15 - ጋሞ ማጻፋ

¹⁵ ጎዳይ ኢንቴና፥ «ኢንቴኖ ኢስራኤሌ ኣሳቶ! ታኒ ኢንቴ ቦላ ሃሆ ቢታፌ ኢሲ ካዎቴ ኤሃና። ኢዚ ዎልቃማኔ ቤኒሶፌ ዲዛ ካዎቴ። ኢዛ ቃላይ ኢንቴስ ኤሬቴና፤ ኢዛ ሃሳያይ ኢንቴስ ጌሌና።

Geeshsha Maxaafa

¹⁵ GODAY inttena, «Intteno Isra7eele asatoo! Tani intte bolla haaho biittafe issi kawoteth ehana. Izi wolqqamanne beniisofe diza kawoteththa. Iza qaalay inttes erettenna; iza haasayay inttes gelenna.

ኤርማሳ ቲንቢቴ 5:15 Referans Kwoze

ዛሬ ማጻፋ 28:49

ጎዳይ ኔ ኢስታ ቃላ ኤሮንታ ካዎቴ ሃኮ ዴሬፔ ኔ ቦላ ኤሃና፤ ኢስቲካ ጎሌ ካፎ ማላ ኔ ቦላ ዎና።

ኤርማሳ ቲንቢቴ 4:16

«ካዎቴታስ ዮቲቴ፤ ዬሩሳላሜስካ፥ ‹ዶዲ ኡንኤዛይቲ ሃሆ ቢታፌ ያና፤ ዩሁዳ ካታማታ ቦላካ ጬቄታና፤

ኢሳያሳ ቲንቢቴ 33:19

ሄይታንቲ ቃታይ ባይንዳ ኣሳ፤ ኢስታ ሃሳያይ ኣሳስ ጌሎንታይታኔ ኢስታ ኢንጻርሲ ዴዶቲዛይታ፤ ሃይሳፌ ጉዬ ኢንቴ ኢስታ ቤዬኬታ።

ኢሳያሳ ቲንቢቴ 28:11

ሂስቲኮ ሲንፌ ጾሳይ ኣላጋታ ቃላኒኔ ኢማታ ዶናን ሃ ኣሳስ ሃሳያና።

ኢሳያሳ ቲንቢቴ 5:26

ጎዳይ ሃኮን ዴኢዛ ካዎቴታስ ማላታ ቃን ኤሴስ፤ ሳኣ ጋጻን ዴኢዛ ሞርኬታስካ ዋይቄስ፤ ኢስቲካ ኤሶን ቢቻሪሼ ፑቱ ጋና።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኤርማሳ ቲንቢቴ 1:15

ታኒ ፑዴሃ ባጋን ዲዛ ካዎቴታ ሃ ያና ማላ ጼይጋና፤ ዬሩሳላሜኒኔ ኢዚ ዩሾን ዲዛ ዩሁዳ ካታማታ ቦላ ሜቶ ጋዲ ኢስታ ኦይካና፤ ሄሳፌ ጉዬ ዬሩሳላሜ ጌሊዛ ፔንጌታ ቦላ ባንታ ኣራታ ሚጫና።

1ቆሮንቶሴ ኣሳስ 14:21

ካሴ ዎጋንካ፥ « ‹ኢስታ ቃላይ ኢማ ጊዲዳ ኣላጋ ኣሳታ ቃላራ ታ ሃይሳ ኣሳስ ዮታና። ሄሳ ዮቲንካ ታ ጊዛዝ ኢስቲ ሲዬቴና› ጌስ ጎዳይ» ጌቴቲ ካሴ ጌሻ ማጻፋን ጻፌቲዴስ።

ሂዚቄላ ቲንቢቴ 18:31

ኢንቴ ታ ቦላ ኦዳ ቆሆ ኡባ ዎራ ኦሊቴ፤ ኢንቴስ ኦራ ዎዚናይኔ ኦራ ኣያናይ ዴኦ፤ ኢንቴኖ ኢስራኤሌ ኣሳቶ ኣይስ ሃይቄቲ?

ኤርማሳ ቲንቢቴ 9:26

ሄይቲካ ጊብጼ፥ ዩሁዳ፥ ኤዶሜ፥ ኣሞኔ፥ ሞኣቤኔ ባንታ ሁኤ ጪሪ ሜዲዲ ባዞን ዲዛ ኣሳ ኡባታ። ሃ ካዎቴታን ዲዛ ኣሳይ ኡባይ ቱሙካ ቃጻሬቲቤና፤ ኢስራኤሌ ኣሳ ኡባ ዎዚናይካ ቃጻሬቲቤና» ጌስ።

ኤርማሳ ቲንቢቴ 6:22

ቃሴካ ጎዳይ፥ «ሄኮ ፑዴሃ ባጋፌ ኦላንቻቲ ዬቴስ፤ ጊታ ካዎቴ ሳኣ ጋጻፔ ዴን ቦላ ዴስ።

ኤርማሳ ቲንቢቴ 2:26

«ካይሶይ ኦይኬቲዲ ዬላቲዛ ማላ ኢስራኤሌ ኣሳይ ዬላቲዴስ፤ ኢስቲካ፥ ኢስታ ካዎቲ፥ ኢስታ ሹሜቲ፥ ኢስታ ቄሴቲኔ ኢስታ ናቤቲ ኡባይ ሄሳ ዬላታና።

ኢሳያሳ ቲንቢቴ 29:6

ኡባፌ ዎልቃማ ጎዳይ ዳዳን፥ ቢታ ቃን፥ ጊታ ጬንጉርሳን፥ ጎቴ ጫርኮኒኔ ዎልቃማ ኣባ ዳምባላን ኡባ ሚዛ ታማ ላጮን ያና።

ኢሳያሳ ቲንቢቴ 29:3

ታኒ ኔ ዩሾን ዱንካናና፤ ታ ኔ ዩሾን ጊምቤ ዩሻ ኣና፤ ኔ ዩሾን ሻኮ ኦዳ ታ ኔና ኡንኤና።

ኢሳያሳ ቲንቢቴ 5:7

ኡባፌ ዎልቃማ ጎዳ ዎይኔ ቶኪዛ ጋዴይ ኢስራኤሌ ኣሳ። ዩሁዳ ኣሳይ ኢዚ ኡፋዬቲዛ ኣታኪልቴ። ኢስቲ ሱሬ ፒርዳ ፒርዳና ጊዲ ናጊዴስ፤ ጊዶ ኣቲን ሱ ጉሲሺን ቤዪዴስ። ኢዚ ጺሎቴ ኮዪዴስ፤ ጊዶ ኣቲን ሜቶ ዋሶ ሲዪዴስ።

ዳኔላ ቲንቢቴ 7:7

«ሄሳፌ ጉዬ ኦይዳን ዶኣዛ ታ ቤያዲስ፤ ኢዚካ ኬሂ ባቢሲዛ፥ ዳጋንዛዚኔ ዎልቃማ ዶኣ፤ ሄ ዶኣዛስ ፑዜሬዛኔ ሜንሬዛ ቢራታ ሚሳቲዛ ጊታ ኣቻቲ ዴቴስ። ኢዚ ሚሺን ኣቲዳይሳ ባ ቶሆታን ዬቴስ፤ ካሴ ኣዳ ዶኣታ ኡባፌ ኢዚ ዱማ፤ ኢዛስ ታሙ ካጬቲ ዴቴስ።

ሜቴ ማጻፋ 11:7

ሃ ዪቴ! ኣኔ ኑ ዱጌ ዎዲ ኢስቲ ኢሶይ ኢሳ ቃላ ኤሮንታ ማላ ኢስታ ቃላ ዋላኮስ» ጊዴስ።

ዛሬ ማጻፋ 28:33

ኔ ቢታ ካ ኣይፌኔ ኔ ዳቡራ ኬሲዳ ኡባ ሃራ ዴሬ ኣሲ ማና፤ ኔኒ ኔ ዴኦ ኡባን ኡንኤቲዳዴኔ ቆሄቲዳዴ ጊዳና።

ዬ ማጻፋ 81:5

ጊብጼ ቢታ ኢዚ ዬዲ ኬዚዳ ዎዴ ዮሴፌ ዛሬታስ ዎጋ ሂስቲ ዎዴስ፤ ታኒ ኤሮንታ ቃላራ ኢዚ ታስ፥

ኢሳያሳ ቲንቢቴ 39:3

ሄሳፌ ጉዬ ናቤ ኢሳያሲ ካዎ ሂዝቂያሳኮ ዪዲ፥ «ሃ ኣሳቲ ኔና ኣይ ጊዶ? ኢስቲ ኔኮ ኣዋፔ ዪዶ?» ጊ ኦይቺዴስ። ሂዝቂያሲካ ዛሪዲ ኢዛስ፥ «ሃ ኣሳቲ ታኮ ሃኮ ቢታፌ ባቢሎኔፔ ዪዳ» ጊዴስ።

ዳኔላ ቲንቢቴ 1:4

ሄ ዶሬቲዳይቲ ናቴኔ ካዎ ኬን ኦናስ ዳንዳይዛ ኤራቴ ዲዛይታ ጊዳና ማላ፥ ማላ ሎኦታ፥ ኣ ኤራቴ ዲዛይታ፥ ዩሺ ቆፒዛይታ፥ ኡባ ኤሶን ኤኪዛይታኔ ኢስታ ኣሳቴ ቦላ ቦሬይ ባይንዳይታ ጊዳና ማላ ቆፍሲዴስ፤ ሄይታ ቃሴ ባቢሎኔ ቃላኒኔ ሄ ዴሬ ቃላን ጻፎ ዎጋ ታማርሳና ማላ ኣዛዚዴስ።

ኣሞጼ ቲንቢቴ 6:14

ጎዳይ ሳሎ ጾሳይ፥ «ኢስራኤሌ ኣሳዉ! ታኒ ኢንቴ ቦላ ሃራ ዎልቃማ ዴሬ ዴንና፤ ሄሲካ ፑዴሃ ባጋፌ ሃማቴ ፔንጌፌ ዶሚዲ ዱጌሃ ባጋራ ኣራቤ ሾባ ጋካናስ ኢንቴና ኡንኤና» ጌስ።

ኢምባቆ ቲንቢቴ 3:16

ታኒ ሲያዲስ፤ ታ ዎዚናይካ ዳጋሚዴስ፤ ኢዛ ጊርሳፌ ዴንዲዳይሳን ታ ሜቴርሻይ ኮኮሪዴስ። ባቦን ታስ ማራጬይ ቃጺዴስ። ታስ ጉልባቴይ ኮኮሪዴስ፤ ጊዲኮካ ኑ ቦላ ዎራጂዛ ዴሬዛ ቦላ ሜቶይ ያና ጋላስ ታ ጌንጫ ናጋይስ።