ኤርማሳ ቲንቢቴ 5:12 - ጋሞ ማጻፋ

¹² ኢስቲ ጎዳ ቦላ ዎርዶ ሃሳይዳ፤ «ኢዚ ኑና ኣይኮካ ኦና፤ ኢታ ሚሺካ ኑ ቦላ ጋኬና፤ ኦላኔ ኮሻ ኑኒ ሙሌካ ቤኦኮ።

Geeshsha Maxaafa

¹² Istti GODAA bolla wordo haasayda; «Izi nuna aykkoka ooththenna; iita miishshika nu bolla gakkenna; olanne kosha nuni mulekka be7okko.

ኤርማሳ ቲንቢቴ 5:12 Referans Kwoze

2ታሪኬ ማጻፋ 36:16

ጊዶ ኣቲን ጾሳ ሃንቆይ ኢስታ ቦላ ዪን ፓጻቴ ኢስታስ ቤቶንታ ኢጻናሼ ጋካናስ ኢስቲ ጎዳይ ኪቲዳይታ ቂዳ፤ ኢዛ ቃላ ካዳኔ ናቤታካ ካዉሺዳ።

1ሳሜላ ማጻፋ 6:9

ጊዶ ኣቲን ኢዚ ኣዋ ባናኮ ጼሊቴ፤ ኢዚ ቤቲ-ሼሚሼ ባጋራ ካሴ ባ ዪዳ ዴሬ ቢዛ ጊዲኮ፥ ሃይሳ ዎልቃማ ሜቶዛ ኑ ቦላ ጋዳይ ጎዳ። ኢዚ ሄ ቦንታ ኣጊኮ ሜቶዚ ኑ ቦላ ዲንጋቴ ጋኪዴስ ኣቲን ኢዛ ኩሼይ ኑና ሾጮንታይሳ ኑ ኤራና» ጊዳ።

ዛሬ ማጻፋ 29:19

ሃ ጫቆ ቃላ ሲዪዲ ባ ዎዚናን፥ «ታኒ ታ ሼኔ ማላ ዲኮካ ታስ ሳሮይ ዴስ» ጊዲ ባና ጪሚኮ ሄሳ ማላ ኣሲ ሎኦታ ቦላኔ ኢታታ ቦላ ባሽ ኤሃና።

1ዮሃኒሳ ኪታ 5:10

ጾሳ ናን ኣማኒዛ ኡባ ዎዚናን ኢዛ ጊሻስ ማርካቴ ዴስ፤ ጾስ ኣማኖንታይ ዉሪካ ጾሲ ባ ናዛ ጊሻስ ኢሚዳ ማርካቴ ኣማኖንታ ጊሻስ ኢዛ ዎርዶሴስ።

ሚኪያሳ ቲንቢቴ 3:11

ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

ሚኪያሳ ቲንቢቴ 2:11

ባሌዛ ዎርዶ ኣሲ ዪዲ፥ ‹ዳሮ ዎይኔ ኡሹ ጊሻሲኔ ማሲዛ ኡሻ ጊሻስ ጊዲ ቲንቢቴ ኢንቴስ ዮታና› ጊኮ ሃይሳ ዴሬዛስ ዶሴቲዳ ናቤ ጊዳና።

ሂዚቄላ ቲንቢቴ 13:6

ኢስታ ኣጁታይኔ ኢስታ ቲንቢቴይ ዎርዶ። ኢስቲ ጎዳይ ኪቶንታ ዲሺን ጎዳይ ሃይሳ ጌስ› ጌቴስ። ኢስቲካ ባ ዮቲዳይሲ ፖሌታና ጊዲ ናጌቴስ።

ኤርማሳ ቲንቢቴ 28:4

ቃሴ ታኒ ዩሁዳ ካዎ ኢዮኣቄሜ ና ኢኮኒያኔኔ ዩሁዳፔ ዲኤቲዲ ባቢሎኔ ቢዳ ኣሳ ኡባ ዛራዳ ሃ ሶሆ ኤሃና። ጋሶይካ ባቢሎኔ ካዎይ ኢንቴና ቶሲዳ ቃምባራ ታ ሜንና› ጌስ» ጊዴስ።

ኤርማሳ ቲንቢቴ 5:31

ናቤቲ ዎርዶ ቲንቢቴ ዮቴቴስ፤ ቄሴቲካ ኢስታ ዞሬን ኣይሴቴስ። ታ ኣሳይካ ሄሳ ማላ ሚሽ ዶሴስ! ሂስቲን ዉርሴን ኢንቴ ኣይ ኦኔ?» ጌስ።

ኤርማሳ ቲንቢቴ 4:10

ሂስቲን ታኒ፥ «ኣቤት ኡባ ሃሪዛ ጎዳዉ! ማሻይ ኢስታ ቆን ዎን፥ ‹ኢንቴስ ሳኣይ ሳሮ ጊዳና› ጋዳ ሃ ኣሳኔ ዬሩሳላሜ ኣይስ ኬሃ ባሌዲ?» ጋዲስ።

ዬ ማጻፋ 10:6

ባ ዎዚናን ኢዚ፥ «ታና ኣይኮይካ ቃና፤ ታና ሙሌካ ሜቶይ ጋኬና» ጊዲ ቆፔስ።

ሌሚሶ ማጻፋ 30:9

ሂስቶንታ ኣጊኮ ታኒ ኬሃ ካላዳ ኔና ካዳና፤ ‹ጎዳይ ኢዚ ኦኔ?› ጋና፤ ዎይኮ ማንቃዳ ካይሳና፤ ሂስታዳ ታኒ ጾሳ ሱን ጫይሳና።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 43:1

ጎዳይ ኪቲዳ ቃላ ኡባ ኤርማሲ ኢስታስ ዮቲዲ ዉርሲዳፔ ጉዬ፥

ዬ ማጻፋ 14:1

ኤያቲ ባንታ ዎዚናን፥ «ጾሲ ባዋ» ጌቴስ፤ ኢስታ ዴኦይ ሞሬቲዴስ፤ ኢስቲ ሃራሲዛ ሚሽ ኦቴስ፤ ኢስታ ጊዶን ሎኦ ኦዛ ኢሲ ኣሲካ ዴና።

ኤርማሳ ቲንቢቴ 2:6

ኢስቲካ፥ ‹ኑና ጊብጼፔ ኬሲዳይ፥ ባዞን ሳሚዳ ኦጌራ፥ ኩንዱኩርጮ ቢታራ፥ ሜላኔ ማ ቢታራ፥ ኣሲ ኣንታሶራ ኑና ካሌ ኤሂዳ ጎዳይ ኣዋን ዲዜ?› ጊ ኦይቺቤቴና።

ኤርማሳ ቲንቢቴ 6:14

ኢስቲ ታ ዴራ ማዱን ቄሪ ሚሻ ማላ ጼሊዳ፤ ፓጻና ማላ ኮሺዛ ኦሶ ኦቤቴና፤ ሳሮይ ባይንዳ፥ ‹ሳሮ፤ ሳሮ› ጌቴስ።