ኤርማሳ ቲንቢቴ 49:7 - ጋሞ ማጻፋ

⁷ ኤዶሜ ጊሻስ ጎዳይ ኡባፌ ዎልቃማ ጾሳይ፥ «ኣ ኤራቴ ቴማኔ ኣሳፔ ይዴ? ዞሬይ ኣኬካንቻታፔ ሃኪዴ? ኢስታ ኣ ኤራቴይ ጪንጊዴ?

Geeshsha Maxaafa

⁷ Eedoome gishshas GODAY Ubbaafe wolqqama Xoossay, «Aadho erateththi Temaane asaappe dhaydee? Zorey akeekanchchatappe haakkidee? Istta aadho erateththay cingidee?

ኤርማሳ ቲንቢቴ 49:7 Referans Kwoze

ኤርማሳ ቲንቢቴ 49:20

ሄሳ ጊሻስ ታኒ ጎዳይ ኤዶሜ ቦላ ፖላናስ ሃልቺዳ ሃልቾኔ ቴማኔን ዲዛይታ ቦላ ታ ቆፒዳ ቆፋ ሲዪቴ! ጉ ዉዴቲ ጎሼቲ ባና፤ ሄሳ ጋሶን ዉዴይ ሄሜቲዛሶ ሙሌራ ይሳና።

ኤርማሳ ቲንቢቴ 25:21

ኤዶሜ፥ ሞኣቤኔ ኣሞኔ፥

ሜቴ ማጻፋ 36:15

ኤሳዌ ዬሌታ ዜሬ ሃላቃቲ ሃይሳፌ ካሊ ጻፌቲዳይታ። ኤሳዌስ ባይራ ና ኤልፋዜ ኣቱማ ናይታስ ሃላቃ ጊዲዳይቲ ቴማኔ፥ ኦማሬ፥ ጼፎ፥ ቄናዜ፥

ሜቴ ማጻፋ 25:30

ኤሳዌይ ያቆቤ፥ «ታና ሃይሳ ዞኦ ዎጼዛፔ ሚዛ፤ ታና ጋፋይ ዎስ» ጊዴስ። (ሄሳ ጊሻስ ቃሴ ኢዛ ሱን ኤዶሜ ጌቴቲዴስ።)

ኢዮቤ ማጻፋ 2:11

ቴማኔ ዴሬ ኣስ ኤልፋዜ፥ ሹሃ ዴሬ ኣስ ቤሊዳዲኔ ናኢማኔ ዴሬ ኣስ ዞፋሬ ጌቴቲዛ ሄ ላጌቲ ኢዮቤስ ዴቴስ። ኢስቲካ ኢዮቤ ቦላ ጋኪዳ ሜቶዛ ሲዪዳ ዎዴ ኢዛስ ኢስቲ ቃቶይሳ ቆንጪሳናሲኔ ኢዛ ሚንናስ ባንታ ዴሬፔ ጼይጌቲዲ ኢሲፌ ኢዮቤኮ ዪዳ።

ሜቴ ማጻፋ 36:11

ኤልፋዜ ናይቲ ቴማኔ፥ ኦማሬ፥ ጼፎ፥ ጋኢታሜኔ ቄናዜ።

ኢምባቆ ቲንቢቴ 3:3

ጾሲ ቴማኔፔ ጌሻይካ ፓራኔ ዙማ ቦላፌ ዪዴስ፤ ኢዛ ቦንቾይ ሳሎ ካሚ ኦይኪዴስ፤ ኢዛ ጋላታይካ ቢታ ቦላ ኩሚዴስ።

ኢዩኤሌ ቲንቢቴ 3:19

ጊብጼ ኣሳይኔ ኤዶሜ ኣሳይ ዩሁዳ ኣሳ ቦላ ጌኔ ኦዳ ጊሻስ ቃሴካ ጺሎ ኣሳ ዎዳ ጊሻስ ጊብጼይ ባዞ ጊዳና፤ ኤዶሜይ ኣሲ ባይንዳሶ ጊዳና።

ዳኔላ ቲንቢቴ 11:41

ሎኦ ቢታዮካ ዎራጂ ኦይካና፤ ዳሮ ዴሬቲ ኢዛ ኩሼን ኩንዳና፤ ጊዲኮካ ኤዶሜይ፥ ሞኣቤይኔ ኣሞኔ ዴሬቲ ኢዛ ኩሼፔ ኣታና።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኤርማሳ ቲንቢቴ 18:18

ኢስቲካ፥ «ኣኔ ሃ ዪቴ፤ ኤርማሳ ቦላ ማቄቶስ፤ ዎጋይ ቄሴታ ኣቻን፥ ዞሬይ ኣ ኤራንቻታ ኣቻን፥ ቃላይካ ናቤታ ኣቻን ዬና፤ ኣኔ ሃ ዪቴ፤ ኑ ኢንጻርሳን ኢዛ ቶቾስ፤ ኢዚ ጊዛይሳካ ኡባ ሲዮኮ» ጊዳ።

ኢሳያሳ ቲንቢቴ 29:14

ሄሳ ጊሻስ ታኒ ሃ ኣሳ ቦላ ማላሊሲዛ ሚሻ ቦላ ማላሊሲዛ ሚሽ ኦሼ ዛራ ዛራ ኢስታ ማላሊሳና፤ ኣ ኤራንቻታ ኤራቴ ያና፤ ኣኬካንቻታ ኣኬካይካ ፔንቲ ባና» ጊዴስ።

ዬ ማጻፋ 137:7

ኣቤት ጎዳዉ! ዬሩሳላሜይ ኩንዲዛ ጋላስ ኤዶሜ ኣሳቲ ኦዳይሳ ቆፓ፤ ኢስቲ፥ «ላሊቴ! ላሊቴ! ዮቻፌ ቃሊ ይሲቴ!» ጊዳይሳ ባሎፓ።

ኢዮቤ ማጻፋ 4:1

ቴማኔ ዴሬ ኣስ ኤልፋዜይ ሂዝጊ ዛሪዴስ፤

1ታሪኬ ማጻፋ 1:53

ቄናዜ፥ ቴማኔ፥ ሚቢዛሬ፥

ዛሬ ማጻፋ 23:7

ኢስቲ ኢንቴስ ዳቦ ጊዲዳ ጊሻስ ኤዶሜ ኣሳ ካዲ ኢጾፍቴ፤ ቃሴ ኢንቴ ጊብጼ ቢታን ካሴ ቤቴ ጊዲዲ ዴኢዳ ጊሻስ ጊብጼ ኣሳታካ ኢጾፍቴ።

ሜቴ ማጻፋ 36:34

ዮባቤይ ሃይቂን ቴማኔ ቢታፌ ዪዳ ሁሻሜይ ካዎቲዴስ።

ሜቴ ማጻፋ 36:8

ሂስቲን ኤዶሜ ጌቴቲዛ ኤሳዌይ ሴይሬ ጌቴቲዛ ጌዜን ኡቲዴስ።

ሜቴ ማጻፋ 27:41

ኣዋይ ያቆቤ ኣንጂዳ ጊሻስ ኤሳዌይ ያቆቤ ኬሂ ኢጺዴስ፤ ኢዚ ባ ዎዚናራ፥ «ታ ኣዋይ ሃይቃና ማቲዴስ፤ ኢዚ ሃይቂዳ ማላ ታ ኢሻ ያቆቤ ታ ዎና» ጊዴስ።

ሜቴ ማጻፋ 32:3

ያቆቤይ ሴይሬ ጌቴቲዛሶን ኤዶሜ ቢታን ዲዛ ባ ኢሻ ኤሳዌኮ ባፔ ሲን ኪታ ዬዲዴስ።

ኤርማሳ ቲንቢቴ 8:9

ኣ ኤራንቻቲ ዬላታና፤ ኢስቲ ካዉያናኔ ዎጺማዴን ኦይኬታና። ጎዳ ቃላራ ኢስቲ ኤቄቲቺን ኢስታስ ኣዛ ኤራቴ ዲዜ?

ኤርማሳ ቲንቢቴ 12:14

ጎዳይ፥ «ታኒ ታ ዴሬ ኢስራኤሌስ ኢሚዳ ጺንጾ ቢታ ኦይኪዛ ኢታ ሾሮታ ታኒ ኢስታ ኢስታ ቢታፌ ቃላና። ቃሴ ዩሁዳ ኣሳታካ ኢስታ ጊዶፌ ቃላና።

ኤርማሳ ቲንቢቴ 25:23

ዳዳኔ፥ ቴማ፥ ቡዜኔ ባንታ ሁኤ ጋሜ ሜዲዛ ኣሳ ኡባታ፥

ሂዚቄላ ቲንቢቴ 32:29

«ኤዶማ ሄን ዴኣዉስ፤ ኢዚ ካዎቲኔ ኢዞ ሃሪዛይቲ ኡባይ ሄን ዴቴስ፤ ኢስቲ ዎልቃራ ዲዛይታ ጊዲኮካ ማሻን ሲፌቲዳይታራ፥ ዱጌ ዱፎን ጌሊዳይታራኔ ኣማኖንታይታራ ኢሲ ቦላ ኢቺዳ።

ኢሳያሳ ቲንቢቴ 21:11

ኤዶሜ ጊሻስ ዮቴቲዳ ሚኖ ዮኦ፤ ኢሲ ኣሲ ሴይሬፔ ታና ጼይጊዲ «ናጊዛይሶ! ጋዴይ ዎንታናስ ኣይ ኬና ሳቴይ ኣቲዴ? ናጊዛይሶ! ጋዴይ ዎንታናስ ኣይ ኬና ሳቴይ ኣቲዴ?» ጊዴስ።

ኤርማሳ ዚላስ 4:21

ኢንቴኖ ኡጼ ቢታን ዲዛ ኤዶሜ ኣሳቶ! ኡፋይስ ኖጮጩ ጊቴ! ጊዶ ኣቲን ቃዳይ ኢንቴናካ ጋካና፤ ኢንቴ ማታናኔ ካሎ ኣታና።