ኤርማሳ ቲንቢቴ 48:7 - ጋሞ ማጻፋ

⁷ ኢንቴ ኦዳ ኦሶኒኔ ኢንቴ ኣቆታን ኢንቴ ኣማኔቲዛ ጊሻስ ኢንቴካ ዲኤታና፤ ካሞሼይካ ባ ቄሴታራኔ ባ ሹሜታራ ዲኤቲ ባና።

Geeshsha Maxaafa

⁷ Intte ooththida oosoninne intte aqotan intte ammanettiza gishshas intteka di7ettana; Kamoosheykka ba qeesetaranne ba shuumetara di7etti baana.

ኤርማሳ ቲንቢቴ 48:7 Referans Kwoze

ታይቦ ማጻፋ 21:29

ሃኔ ሞኣቤ ኔስ ኣዬ ኣና! ኢንቴኖ ካሞሼስ ጎይኒዛይቶ! ኢንቴ ዲፒ ጊ ያና፤ ኢንቴ ኣቱማ ናይታ ቤቴስ፥ ኢንቴ ማጫ ናይታካ ዲኤቴስ ኣሞሬ ካዎ ሲሆኔስ ኣ ኢሚዴስ።

ኤርማሳ ቲንቢቴ 49:3

ሃኔ ሃሴቦኔ! ኣዬ ካታማይ ይዳ ጊሻስ ዬካ፤ ኤራባ ማጫ ናይቶ ዋሲቴ፤ ማቃ ማይኢዲ ዬኪቴ፤ ጋሶይካ ሚልኮሜይ ባ ቄሴታራኔ ባ ሹሜታራ ዲኤቲዲ ባና፤ ዲርሳ ጊዶን ያኔ ሃ ዎጼሬቲቴ።

ኤርማሳ ቲንቢቴ 9:23

ጎዳይ፥ «ኣ ኤራንቻይ ባ ኣ ኤራቴን ጬቄቶፎ፤ ዎልቃማይ ባ ዎልቃን ጬቄቶፎ፤ ዎይኮ ዱሬይ ባ ዱሬቴን ጬቄቶፎ።

ዬ ማጻፋ 52:7

«ጾሳ ባስ ዜምፖ ኦንታዴ፥ ባ ዱሬቴ ዳሮን ኣማኔቲዛዴ ባ ኢታ ኦሶን ሚኒዛዴ ሃይሳ ቤኢቴ!» ጋና።

1ጺምቶሳስ 6:17

ሃይሳ ሃ ኣላሜዛን ዱሬቲዳይቲ ኦቶሬቶንታ ማላ ኣዛዛ፤ ኑ ኡፋዬታና ማላ ዉርሲካ ዳርሲ ቲርፊሲዲ ኑስ ኢሚዛ ጾሳን ኣቲን ኣማንንታ ሚሻን ኣማኔቶንታ ማላ ኣሳስ ዮታ።

ሆሴኤ ቲንቢቴ 10:13

«ኢንቴ ጊዲኮ ኢንቴ ዎልቃኒኔ ኢንቴ ኦላ ቃራታ ዳሮቴን ኣማኔቲዲ ኢታቴ ዜሪዴታ፤ ናጋራ ሺሺዴታ፤ ዎርዶቴ ኣይፌ ሚዴታ።

ኤርማሳ ቲንቢቴ 48:46

ሞኣቤ ኔስ ኣዬ ኣና! ካሞሼስ ጎይኒዛ ዴሬይ ዉሪ ዉሪዴስ። ኔ ኣቱማ ናይቲ ኡባይ ዲኤቲዳ፤ ማጫ ናይቲ ኡባይካ ዲኤቲ ቢዳ።

ኤርማሳ ቲንቢቴ 48:13

ኢስራኤሌ ኣሳይ ቤቴሌን ኣማኔቲ ዲሼ ዬላቲዳይሳ ሞኣቤ ኣሳይካ ባ ጾሳን ካሞሼን ዬላታና።

1ካዎታ ማጻፋ 11:33

ታ ሃይሳ ኦናስ ጋሶይካ ሶሎሞኔይ ታና ኣጊዲ ሲዶናታ ጾስ ኣስታሮቴስ፥ ሞኣቤታ ጾስ ካሞሼሲኔ ኣሞኔታ ጾስ ሞሎኬስ ጎይኒዳ ጊሻሳ፤ ቃሴካ ታ ኦጌን ሄሜቶንታ፥ ታ ሲንን ሱሬ ኦሶ ኦንታ ኣጊዲ ኢዛ ኣዋ ዳዊቲ ናጊዳ ማላ ታ ዎጋታኔ ማራታ ናጎንታ ኢጺዳ ጊሻሳ።

ዮሃኒሳ ኣጁታ 18:7

ኢዛ ባስ፥ ባ ቦንቾሲኔ ባስ ጊጋና ማላ ኢሞይሳ ጊና ዋዬኔ ሙዞቴ ኢዚስ ኢሚቴ፤ ኢዛ ባ ዎዚናራ፥ ‹ታኒ ካዎ ማቺ ማላ ኡታዲስ ኣቲን ኣምኢ ማላ ጊዲኬ፤ ታና ሙዞቴ ሙሌካ ጋኬና› ጋዳ ጬቄታዉስ።

ኤርማሳ ቲንቢቴ 43:12

ጊብጼን ኤቃ ጾሳታ ኬን ታማ ዬዳናኔ ኢስታ ሙሌራ ጹጋና፤ ኢስታ ኤቃ ጾሳታካ ዲኢ ኤፋና። ሄንንቻይ ባ ሄን ማይኦ ማይኢዛ ማላ ኢዚ ጊብጼ ቢታፌ ቡሪ ኤኪዲ ሳሮን ባና።

ኤርማሳ ቲንቢቴ 13:25

ኢንቴ ታና ዶጊዳ ጊሻሲኔ ዎርዶ ጾሳታን ኣማኔቲዳ ጊሻስ ኢንቴ ሳማይኔ ኢንቴ ቃዳይ ሃይሳ።

ዬ ማጻፋ 40:4

ጎዳን ኣማኔቲዛይ፥ ኦቶራንቻታኮ ሲሞንታይ፥ ዎርዳንቻታኮ ጼሎንታይ ኣንጄቲዳዴ።

1ካዎታ ማጻፋ 11:7

ሄሳፌ ጉዬ ሶሎሞኔይ ሃራሲዛ ሞኣቤታ ጾሳ ካሞሼሲኔ ኣሞኔታ ጾሳ ሞሎኬስ ዬሩሳላሜፔ ኣርሼይ ሞኪዛ ባጋን ዲዛ ዙምቡላታ ቦላ ጎይኒዛሶታ ጊግሲዴስ።

ዳናታ ማጻፋ 11:24

ኔስ ኔ ጾስ ካሞሼይ ኢሚዛይሳ ኤካዳ ሼምፓ ኡቲኪ? ኑኒ ጊዲኮ ጎዳ ኑ ጾሳይ ኑስ ኢሚዳይሳ ኡባ ላታና።

2ሳሜላ ማጻፋ 5:21

ፊሊስጼሜ ኣሳይ ባ ኤቃ ጾሳታ ዬጊ ኣጊዲ ባቃቲዳ ጊሻስ ዳዊቲኔ ኢዛ ካሊዛ ኣሳይ ዲኢ ኤኪ ቢዳ።

ኤርማሳ ቲንቢቴ 49:4

ሃኔ ካዲዳሬ! ኔኒ ኔ ሾባታን ኣይስ ኣማኔታይ? ኔኒ ሎኦ ካ ኢሚዛ ኔ ሾባን ኣይስ ጬቄታይ? ኔኒ ኔ ዱሬቴን ጬቄታዳ፥ ‹ታና ኦኔ ቦቻናይ?› ጋሳ።