ኤርማሳ ቲንቢቴ 47:4 - ጋሞ ማጻፋ

⁴ ፊሊስጼሜ ኣሳ ኡባ ይሳናስ፥ ባስ ኣቲዲ ሃራታ ማዲዛይታ ኡባ ጺሮሴፔኔ ሲዶናፔ ዱ ኣሻናስ ዎዴይ ጋኪዴስ። ጎዳይ ካፍቶሬ ጋጻን ኣቲዳ ፊሊስጼሜ ኣሳ ይሳና ዴንዲዴስ።

Geeshsha Maxaafa

⁴ Filisxeeme asaa ubbaa dhayssanaas, baas attidi harata maaddizayta ubbaa Xirooseppenne Sidoonappe duuththa ashshanaas wodey gakkides. GODAY Kaftoore gaxan attida Filisxeeme asaa dhayssana dendides.

ኤርማሳ ቲንቢቴ 47:4 Referans Kwoze

ኣሞጼ ቲንቢቴ 9:7

ጎዳይ፥ «ኢስራኤሌ ኣሳዉ! ኢንቴ ታስ ቶጵያ ኣሳ ማላ ጊዴኬቲ? ታኒ ኢንቴና ጊብጼፔ ኬሶይሳ ፊሊስጼሜ ኣሳ ቃርጼሴፔ ቃሴ ሶሪያ ኣስ ቂሬፔ ኬሳቤኪና?

ኢሳያሳ ቲንቢቴ 20:6

ሄ ዎዴ ኣባ ማታን ዴኢዛ ዴሬይ፥ ‹ካሴ ኢስቲ ጬቄቲዳይቲ፥ ኣሶሬ ካዎፔ ኣታናሲኔ ላኣ ኬዛናስ ኑ ኢስታ ጊዶን ቆቴቲዳይታ ኣዚ ጋኪዳኮ ኣኔ ጼሊቴ፤ ሂስቲን ኑኒ ዋኒ ኬሲ ኤኪ ኣታኔ? ጋና› » ጊዴስ።

ዛሬ ማጻፋ 2:23

ጋዛ ጋካናስ ዴኢዛ ሄራታን ዲዛ ኣዌ ዴሬ ኣሳታ ካፍቶሬ ጌቴቲዛ ቢታፌ ዪዳ ካፍቶሬ ኣሳቲ ኢስታ ይሲዲ ኢስታ ቢታን ኬጺ ኡቲዳ።]

ሆሴኤ ቲንቢቴ 9:7

ቃጻያና ዎዴይ ጋኪዴስ፤ ፒርዳ ጋላሲካ ጋኪዴስ፤ ሄሳ ኢስራኤሌ ኣሳይ ኤሮ። ኢንቴ ኦዳ ናጋራይ ዳሮ ጊዲዳ ጊሻሲኔ ኢንቴ ሞርኬቴ ጊታ ጊዲዳ ጊሻስ ናቤይ ኤያ ማላ፥ ጾሳ ኣያናይ ኢዛ ቦላ ሼምፒዳዴይ ጎሻ ማላ ቆዴቲዴስ።

ሂዚቄላ ቲንቢቴ 21:29

ኔ ጊሻስ ቤኢዳ ዎርዶ ኣጁታይ፥ ኔስ ዮቴቲዳ ሙሬኖይ ዲኮካ፥ ኢስታስ ጌኔ ጹኣይ ኩሚሺን፥ ኢስታ ባሬይ ጋኪሺን ሲፌታና ቤሲዛ ኢታታ ቆ ቦላ ዎና።

ሂዚቄላ ቲንቢቴ 21:25

« ‹ሃይሶ ጌኔኔ ቱና ጊዲዳ ኢስራኤሌ ዳናዞ! ኔ ቃጻዬቲዛ ዎዴይ ጋኪዴስ› ጌስ፤ ቱናኒኔ ኢታቴን ኩሚዳ ኢስራኤሌ ዳናዞ፥

ሂዚቄላ ቲንቢቴ 7:12

ዎዴዚ ጋኪዴስ፤ ጋላሳይካ ማቲዴስ! ሃንቆይ ዴሬ ኡባ ቦላ ጋኪዳ ጊሻስ ባይዚዛይ ጬጮፖ፤ ሻሚዛይካ ኡፋዬቶፎ።

ኤርማሳ ቲንቢቴ 46:10

ሄ ጋላሳይ ጎዳ ኡባፌ ዎልቃማ ጾሳ ጋላሳ፤ ኢዚ ባ ሞርኬታ ቦላ ሃሎ ኬሲዛ ጋላሳ፤ ማሻይ ካላና ጋካናስ ማና፤ ሳሞ ኣላና ጋካናስካ ሱ ኡያና፤ ጎዳይ ኡባፌ ዎልቃማ ጾሳይ ፑዴሃ ባጋን ኤፊራጺሴ ሻፋ ማታን ኢስታስ ያርሾ ጊግሲ ዎዴስ።

ዬ ማጻፋ 37:13

ጊዶ ኣቲን ጎዳይ ኢታታ ቦላን ሚጬስ፤ ኣይስ ጊኮ ኢስቲ ያና ጋላሳይ ጋኪዳይሳ ኢዚ ኤሬስ።

ሉቃሳ ሚሺራቾ 21:22

ጻፌቲዳይሲ ዉሪ ፖሌታናስ ሃና ሃሎ ኬሲዛ ዎዴ።

ሂዚቄላ ቲንቢቴ 30:8

ታኒ ጊብጼን ታማ ኦይዛ ዎዴ፥ ኢዞ ማዲዛይቲ ኡባይ ኩንዲዛ ዎዴ፥ ታኒ ጎዳ ጊዲዳይሳ ኢስቲ ሄ ዎዴ ኤራና።

ሂዚቄላ ቲንቢቴ 25:16

ኡባ ሃሪዛ ጎዳይ፡ ታኒ ታ ቄሴ ፊሊስጼሜ ኣሳ ቦላ ዴንና፤ ኬሊቴ ኣሳ ቃንጻና፤ ኣባ ጋጻን ኣቲዳይታካ ይሳና።

ኢሳያሳ ቲንቢቴ 31:8

«ኣሶሬይ ኣሳ ማሻ ጊዶንታ ማሻን ሃይቃና፤ ኣሾ ማይኢዳዴ ማሻ ጊዶንታ ሃራ ማሻይ ኢዛ ማና፤ ኢዚ ጊ ማሻ ሲንፌ ባቃታና፤ ናቴቲ ዶሳይ ባይንዳ ዎልቃን ኦና።

ኢሳያሳ ቲንቢቴ 10:3

ኢንቴና ጾሞሲዛ ዎዴ ኢንቴ ኣዋ ጌላንዴቲ? ሃኮፔ ባሺ ዪዛ ዎዴ ኣይ ሃናንዴቲ? ማዶ ዴማናስ ኦናኮ ባቃታንዴቲ? ኢንቴ ኣቆታ ኣዋን ቆታንዴቲ?

ኢዮቤ ማጻፋ 9:13

ጾሳይ ባ ሃንቆዛፔ ጉዬ ሲሜና፤ ኤራኣቤ ጌቴቲዛ ኣባ ጊዶ ዶኣታ ማዲዛይቲካ ኢዛ ቶሆ ጋርሳን ጉልባታና።

1ታሪኬ ማጻፋ 1:12

ጳጺሮሴታ፥ ካሲሉሄታኔ ፊሊስጼሜ ዛሬታ ዬሊዳ ካፍቶሬታ ዬሊዴስ።

ኢያሶ ማጻፋ 22:30

ቄሴ ፊኒሃሲኔ ኢዛራ ዲዛ ኢስራኤሌ ቆሞታ ሃላቃቲ፥ ኦሮቤሌ፥ ጋዴኔ ሚናሴ ቆሞቲ ዮቲዳይሳ ሲዪዲ፥ ኬሂ ኡፋዬቲዳ።

ሜቴ ማጻፋ 10:15

ካናኔይ ባ ባይራ ናዛ ሲዶና፥ ኬጼታ፥ ያቡሴታ፥ ኣሞሬታ፥ ጌርጌሴታ ኣዋ፤

ኢሳያሳ ቲንቢቴ 14:31

«ኔኖ ፔንጌዞ! ዉ! ዉይ ጋ፤ ኔኖ ካታማዞ! ዋሳ፤ ኢንቴኖ ፊሊስጼሜ ኣሳቶ! ኢንቴ ኡባይካ ሂርጋን ሴሪቴ! ጋሶይካ ፑዴሃ ባጋፌ ጩዋይ ኢንቴ ቦላ ዪዴስ፤ ሄ ጪፍራፔ ዱጺ ኣታናይ ዴና።