ኤርማሳ ቲንቢቴ 46:27 - ጋሞ ማጻፋ

²⁷ «ታ ኦሳንቻ ያቆቤ ያዮፋ፤ ኢስራኤሌ ሺሮቶፓ፤ ታ ኔና ሃሆ ቢታፌ ኔ ዛሬካ ዲኤቲ ቢዳሶፔ ኣሻና። ያቆቤይካ ሲሚዲ ሳሮቴን ዎፑ ጊ ዳና፤ ኢዛ ባቢሳና ሚሺካ ዴና።

Geeshsha Maxaafa

²⁷ «Ta oosanchcha Yaaqoobe yayyofa; Isra7eele shirotoppa; ta nena haaho biittafe ne zarekka di7etti bidasoppe ashshana. Yaaqoobeykka simmidi saroteththan woppu gi daana; iza babisana miishshika deenna.

ኤርማሳ ቲንቢቴ 46:27 Referans Kwoze

ኢሳያሳ ቲንቢቴ 43:5

«ታኒ ኔናራ ዲዛ ጊሻስ ያዮፋ፤ ታኒ ኔ ናይታ ኣርሼይ ሞኪዛ ባጋፌ ኤሃና፤ ኔና ኣርሼይ ዉሊዛ ባጋፌ ሺሻና።

ኢሳያሳ ቲንቢቴ 43:1

ሃኢ ጊዲኮ ያቆቤ፥ ኔና ሜዳይ፥ ኢስራኤሌ! ኔና ጊግሲዳ ጎዳይ፥ «ታኒ ኔና ዎዚዳ ጊሻስ ያዮፋ። ታኒ ኔና ኔ ሱንን ጼይጋዲስ፤ ኔኒ ታሳ።

ኤርማሳ ቲንቢቴ 50:19

ጊዶ ኣቲን ታኒ ኢስራኤሌ ካሴ ኢዚ ሄሜቲዛሶ ኢዛ ዛራና፤ ቃርሜሎሴኒኔ ባሳኔ ዴሬን ኢዚ ሄሜታና፤ ቃሴ ኢዚ ኤፍሬሜ ዙምቡላታ ቦላኔ ጋላኣዴ ዙምቡላታ ቦላ ካላናሼ ጋካናስ ማና» ጌስ።

ኤርማሳ ቲንቢቴ 29:14

ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

ኣሞጼ ቲንቢቴ 9:14

ዲኤቲ ቢዳ ኢስራኤሌ ኣሳ ሃ ኢስታ ዴሬ ዛራ ኤሃና፤ ላሌቲዳ ካታማታ ዛሪ ኬጺዲ ኢዛን ዴኣና፤ ኢስቲ ዎይኔ ቶኪዲ ኢዛፔ ኣጌቲዳ ኡሹ ኡያና፤ ዱማ ዱማ ኣይፊዛ ሚ ቶኪዲ ኢዛ ኣይፌ ማና።

ኤርማሳ ቲንቢቴ 33:16

ሄ ዎዴ ዩሁዳ ኣሳይ ኣታና፤ ዬሩሳላሜ ኣሳይካ ሳሮን ዳና፤ ኢዛካ፥ ‹ጎዳይ ኑስ ጺሎቴ› ጋና።

ኤርማሳ ቲንቢቴ 23:6

ኢዛ ካዎቴ ላይን ዩሁዳይ ኣታና፤ ኢስራኤሌይካ ሳሮን ዳና፤ ኢዛ ሱን፥ ‹ጎዳይ ኑስ ጺሎቴ› ጌቴታና።

ኢሳያሳ ቲንቢቴ 44:2

ኔና ሜዳይ፥ ኔ ኣዬይ ኡሎን ኦዳይ፥ ኔና ማዲዛ ጎዳይ፥ ‹ታ ኣሽካራ ያቆቤ! ታኒ ዶሪዳ ዪሹሩኔ! ያዮፋ።

ኤርማሳ ቲንቢቴ 32:37

«ታ ሚኖ ሃንቆኒኔ ጊታ ቦሻን ታ ኢስታ ጎዳ ዬዲዳ ቢታ ኡባፌ ሺሻና፤ ሂስታዳ ሃሶሆ ዛራ ኤሃዳ ሳሮቴን ታ ኢስታ ዎና።

ሂዚቄላ ቲንቢቴ 39:25

«ሄሳ ጊሻስ ኡባ ሃሪዛ ጎዳይ፥ ‹ሃኢ ያቆቤይ ጎዴቲዳሶፔ ታኒ ኢዛ ዛራዳ ኢሻልሳና፤ ኢስራኤሌ ኣሳ ኡባስ ታ ቃታና፤ ታ ጌሻ ሱን ጊሻስ ታኒ ሚሼታና።

ሂዚቄላ ቲንቢቴ 36:24

« ‹ታኒ ኢንቴና ካዎቴታ ጊዶፌ ኬሳና፤ ዴሬ ኡባፌ ታ ሺሻና። ሂስታዳ ኢንቴና ኢንቴ ቢታ ዛራ ኤሃና።

ኢሳያሳ ቲንቢቴ 14:3

ጎዳይ ኢንቴና ኢንቴ ዋዬፔ፥ ሜቶፔኔ ኡንኤቴፌኔ ኢታ ኣይሌቴፌ ኔና ሼምፒሲዳ ጋላሲ፥

ኢሳያሳ ቲንቢቴ 44:1

ጎዳይ፥ «ጊዶ ኣቲን ታ ኣሽካራ ያቆቤ፥ ታ ዶሪዳ ኢስራኤሌ፥ ሲያ።

ኤርማሳ ቲንቢቴ 51:46

ዎሬይ ቢታይን ሴቴቲሺን ሂዶታ ቃንጾፍቴኔ ባቦፍቴ፤ ካዎይ ካዎ ቦላ ዴንዲዛይሳ፥ ማካላቴ ቢታይ ቦላ ዲዛይሳ ኢሲ ዎሬይ ሃ ላይን፥ ሃራይ ላይ ካሊዲ ያና።

ሂዚቄላ ቲንቢቴ 16:53

«ታኒ ጊዲኮ ሶዶሞኔ ኢዚ ማጫ ናይታ፥ ሄሳካ ሳማሪያፔኔ ኢዚ ማጫ ናይታፔ ኤኬቲዳ ዲኦ ታ ዛራና፤ ኢስታፌ ዲኤቲዳይሳ ታ ዛሪዛ ዎዴ ኔፔ ዲኤቲዳይሳካ ዛራና።