ኤርማሳ ቲንቢቴ 46:21 - ጋሞ ማጻፋ

²¹ ሚሻን ሻሜቲ ዪዳ ኢዚ ኦላንቻቲ ሞዳ ዎፋኖ ማላ። ኢስቲ ቃጻዬታና ዎዴይ ጋኪዳ ጊሻሲኔ ኢስቲ ያናስ ዎዴይ ማቲዳ ጊሻስ ኢስቲ ኢሲፌ ጉዬ ሲሚ ባቃታና፤ ባ ዲዛሶን ሚኒ ኤቂዲ ኤቄታናስ ዳንዳዬቴና።

Geeshsha Maxaafa

²¹ Miishshan shametti yida izi olanchchati modhdhida wofano mala. Istti qaxxayettana wodey gakkida gishshassinne istti dhayanaas wodey matida gishshas istti issife guye simmi baqatana; ba dizason minni eqqidi eqettanaas dandayettenna.

ኤርማሳ ቲንቢቴ 46:21 Referans Kwoze

ኤርማሳ ቲንቢቴ 46:5

ጊዶ ኣቲን ሃይሲ ታኒ ቤኢዛይ ኣዜ? ኬሂ ያዪዲ ጉዬ ኡንዱዴቴስ፤ ዎልቃማ ኢስታ ኦላንቻቲ ጾኔቲዳ፤ ጉዬ ሲሚ ጼሎንታ ኤሶን ባቃቴቴስ፤ ኡባሶን ሺሮይ ዴስ።

2ካዎታ ማጻፋ 7:6

ሄሲ ሃኒዳ ጋሶይካ ጎዳይ ኣራሜ ኦላ ኣሳይ ሲያና ማላ ፓራ-ጋሬታ ጊሪስ፥ ቶጋ ፓራ ጊሪስ ሄሳካ ዳሮ ኦላ ኣሳ ጊሪስ ኣራሜ ኣሳ ሲሲዳ ጊሻስ ኣሳይ ባ ጋርሳን ኢሶይ ኢሳ፥ «ሄኮ ኢስራኤሌ ካዎይ ኑ ቦላ ሜቶ ዬጋናስ ሂቴ ዴሬ ካዎሲኔ ጊብጼ ዴሬ ካዎስ ሚሼ ኢሚዲ ኑ ቦላ ኤሂዴስ» ጊዳ።

ሚኪያሳ ቲንቢቴ 7:4

ኢስታ ጋርሳፌ ሎኦ ጌቴቲዳዴይ ኣጉን ማላ ኬሂ ሎኦ ጌቴቲዛዴይ ቃሴ ኪንዲቾ ማላ ኢንቴና ናጊዛይታስ ዎዴይ ጋኪዴስ፤ ጾሳ ፒርዳ ጋላሳይ ጋኪዴስ፤ ኣሳይ ሺሮታና ዎዴይ ጋኪዴስ፤

ኣብዲዩ ቲንቢቴ 1:13

ታ ዴሬይ ይዛ ጋላስ ኢስታ ፔንጌራ ኔኒ ጌላና ቤሴናሺን፤ ኢስቲ ይዛ ጋላስ ሜቶቲሺን ኔኒ ኡፋዬታና ቤሴናሺን፤ ቃሴካ ኢስቲ ይዛ ጋላስ ኔ ኢስታ ሃሮ ቦጋና ኔስ ቤሴናሺን።

ኣሞጼ ቲንቢቴ 6:4

ኢንቴ ዳንጋርሳ ዛሌፔ ኦሴቲዳ ኣልጋን ኢቼታ፤ ኦሃላ ላቃ ኣሾኔ ማራ ኣሾ ሚሼ ሶፋ ቦላ ኡቲ ሼምፔታ።

ሆሴኤ ቲንቢቴ 9:7

ቃጻያና ዎዴይ ጋኪዴስ፤ ፒርዳ ጋላሲካ ጋኪዴስ፤ ሄሳ ኢስራኤሌ ኣሳይ ኤሮ። ኢንቴ ኦዳ ናጋራይ ዳሮ ጊዲዳ ጊሻሲኔ ኢንቴ ሞርኬቴ ጊታ ጊዲዳ ጊሻስ ናቤይ ኤያ ማላ፥ ጾሳ ኣያናይ ኢዛ ቦላ ሼምፒዳዴይ ጎሻ ማላ ቆዴቲዴስ።

ኤርማሳ ቲንቢቴ 50:27

ኢዚ ዎፋኖታ ኡባ ሹኪቴ፤ ዱጌ ሹኬቲዛሶ ዎቶ! ኢስቲ ቃጻዬታና ዎዴይኔ ጋላሳይ ጋኪዳ ጊሻስ ኣዬ ኣና!

ኢሳያሳ ቲንቢቴ 34:7

ቃሴ ኢስታራ ሜን፥ ኮርማይ ዎፋኖራ ኢሲፌ ኩንዳና፤ ቢታያ ሱን ጫጳና፤ ኢስታ ቢታይ ሞን ኣራዳና።

ዬ ማጻፋ 37:13

ጊዶ ኣቲን ጎዳይ ኢታታ ቦላን ሚጬስ፤ ኣይስ ጊኮ ኢስቲ ያና ጋላሳይ ጋኪዳይሳ ኢዚ ኤሬስ።

2ሳሜላ ማጻፋ 10:6

ኣሞኔ ኣሳይ ዳዊቲ ኢስታ ኢጺዳይሳ ኤሪዲ ቤት-ኤራኣቤፔኔ ጾባፌ 20,000 ኣራሜፔ ቶሆራ ቢዛ ዎታዳራታ ሄሳካ ካዎ ማኢካይ 1,000 ኣሳራ ቃሴካ ጾባፌ 12,000 ኣስ ቃጻሪዳ።

ሂዚቄላ ቲንቢቴ 35:5

« ‹ኢስራኤሌታ ቦላ ጋኪዛ ቂጻቴይ ኬሂ ጫሚን ኢስቲ ባንታና ጋኪዛ ሜቶዛ ኤኪዛ ዎዴ ኔኒ ቤኒ ላንጬዮ ኦይካ ኡታዳ ኔ ኢስታ ማሻስ ጋዳሳ።

ኤርማሳ ቲንቢቴ 50:11

«ኢንቴኖ ታ ጺንጾ ቦንቂ ኤኪዳይቶ! ኢንቴ ኡፋዬቲዳ ጊሻሲኔ ኡፋይሳን ማጉሊዳ ጊሻስ፥ ዴምባን ጺኬቲዛ ኡሳ ማላ ኢንቴ ሊፍጼቲዳ ጊሻስ፥ ዎዳላ ፓራ ማላ ኢንቴ ጫጊዳ ጊሻስ፥

ኤርማሳ ቲንቢቴ 46:9

ፓራቶ ጉፒ ኬዚቴ፤ ፓራ-ጋሬቶ ኣዳራሲቴ፤ ጎንዳሌ ኦይኪዳ ቶጵያ ኣሳይኔ ፑጼ ኣሳይ፥ ዎንዳፌ ዋጺ ኦይኪዳ ሚኖ ጊዲዳ ሉዲሜ ኣሳቲ፥ ኢንቴ ሚኖ ኦላንቻቲ ኦላስ ዴንዲቴ።

ኤርማሳ ቲንቢቴ 18:17

ኣርሼይ ሞኪዛ ባጋ ጫርኮ ማላ ታኒ ኢስታ ኢስታ ሞርኬታ ሲንን ላላና። ኢስቲ ይዛ ጋላስ ታ ኢስታስ ዞኮ ዛራና ኣቲን ታ ኣይፌሶ ቤሲኬ» ጌስ።

ኢሳያሳ ቲንቢቴ 10:3

ኢንቴና ጾሞሲዛ ዎዴ ኢንቴ ኣዋ ጌላንዴቲ? ሃኮፔ ባሺ ዪዛ ዎዴ ኣይ ሃናንዴቲ? ማዶ ዴማናስ ኦናኮ ባቃታንዴቲ? ኢንቴ ኣቆታ ኣዋን ቆታንዴቲ?

ሌሚሶ ማጻፋ 15:17

ኦሺ ዲዛሶን ሞ ኣሾ ማናፔ ሲቆይ ዲዛሶን ሳን ሙሲ ኣስ።

ዛሬ ማጻፋ 32:15

«ኢስራኤሌ ኣሳይ ኦርዲዴሲኔ ማካሊዴስ። ዳሮ ሚዲ ሞዴሲኔ ሞላቲዴስ፤ ባና ሜዳ ጾሳ ኣጊዴስ፤ ባና ኣሺዳይሳካ ካዉሺዴስ።

Maatosa 22:4

«ቃሴካ ሃራ ኣሽካራታ፥ ‹ካሴ ኢስታስ ዮቲዳይታ ሄኮ ታ ሳንጋ ቦራታኔ ሞዳ ሜሄታ ሹካዳ ዲጊሳ ጊጊሳዲስ፤ ዉሪካ ጊጌቲዳ ጊሻስ ሳርጌሶ ሃ ዪቴ!› ጊዲ ዮቲቴ።

ኤርማሳ ቲንቢቴ 46:22

ሞርኬይ ጾኒ ጾኒ ዪሺን ጊብጼ ኣሳይ ባቃቲሼ ሾሺ ሱይቂዛ ማላ ሱይቃና፤ ሚ ቃንጻና ቢዛ ኣሳ ማላ ኢዚ ሞርኬቲ ኢዞ ቃንጻና ካልታ ኤኪ ያና።

ኤርማሳ ቲንቢቴ 48:44

«ሻባርሳፌ ባቃቲ ኣቲዳ ኡባይ ኦላን ጌላና፤ ኦላፌ ኬዚዳይ ዎጺማዴን ኦይኬታና፤ ታኒ ሞኣቤይ ቃጻዬቲዛ ላይ ኤሃና ጊሻሳ።

ኤርማሳ ቲንቢቴ 49:8

ታኒ ኤሳዌ ቃጻዪዛ ዎዴ ታ ኢዛ ቦላ ባሻ ኤሂዛ ጊሻስ ኢንቴ ዲዳኔን ዲዛይቲ ጉዬ ሲሚ ባቃቲቴ፤ ጪማ ኦላ ጊዶን ቆቴቲቴ።

ሂዚቄላ ቲንቢቴ 30:22

ሄሳ ጊሻስ ኡባ ሃሪዛ ጎዳይ፥ ‹ታኒ ጊብጼ ካዎ ፓሮኔ ቦላ ዴንዳዲስ፤ ኢዛስ ፓጻ ቄሴዛራኔ ሜቆ ቄሴዛራ ናምኣ ጋ ሜንና፤ ኢዛ ማሻይ ኢዛ ኩሼፔ ኬሲ ኤኪ ዎና ማላ ታ ኦና።