ኤርማሳ ቲንቢቴ 45:5 - ጋሞ ማጻፋ

⁵ ሂስቲን ኔኒ ኔስ ጊታ ሚሽ ኮያይ? ኣሳ ናይታ ኡባ ቦላ ታኒ ባሽ ኤሃና ጊሻስ ኔ ሄሳ ኮዮፓ፤ ጊዶ ኣቲን ኔኒ ቢዳሶ ኡባን ታ ኔ ሼምፖ ኣሻና» ጌስ።

Geeshsha Maxaafa

⁵ Histtiin neni nees gita miish koyay? Asa nayta ubbaa bolla tani bash ehana gishshas ne hessa koyoppa; gido attiin neni bidaso ubbaan ta ne shemppo ashshana» gees.

ኤርማሳ ቲንቢቴ 45:5 Referans Kwoze

ኤርማሳ ቲንቢቴ 39:18

ታኒ ኔና ኣሻና፤ ኔኒ ታናን ኣማኔቲዳ ጊሻስ ሼምፖራ ፓጻ ኣታና ኣቲን ማሻን ሲፌታካ» ጊዲ ዮታና ማላ ኣዛዚዴስ።

Ibirawe 13:5

ሚሻ ሲቆፔ ናጌቲቴ፤ ኢንቴስ ዲዛይሲ ጊዳና፤ ሄሳስ ጋሶይካ ጾሲ፥ «ታ ኢንቴና ሙሌካ ኣጊኬኔ ዬጊኬ» ጊዴስ።

ኤርማሳ ቲንቢቴ 21:9

ሃኖ ሃ ካታማይን ታኪዛ ኡባይ ማሻን፥ ኮሻኒኔ ኢታ ሃርጌን ሃይቃና፤ ጊዶ ኣቲን ካታማይፔ ኬዚ ቢዲ ካታማ ዶዲ ኦይኪዳ ባቢሎኔ ኣሳታስ ባ ኩሼ ኢሚዳ ኣሲ ባ ሼምፖ ኣሻናኔ ዴኦን ዳና።

ኦሮሜ ኣሳስ 12:16

ኢንቴ ኢንቴ ጋርሳን ዶሴቴን ዲቴ፤ ማንቆታራ ኢሲፌቴን ዳናስ ኮዪቴ ኣቲን ኦቶሬቶፍቴኔ ጬቄቶፍቴ።

ኤርማሳ ቲንቢቴ 25:26

ሃሆኒኔ ማታን ዲዛ ፑዴሃ ባጋ ካዎታ ኡባ፥ ታራን ታራን ቢታ ቦላ ዲዛ ካዎቴታ ኡባ ኡሻዲስ። ኢስታ ኡባፌ ጉዬ ባቢሎኔ ካዎይካ ኡያና።

ሶፎናሳ ቲንቢቴ 3:8

ጎዳይ፥ «ሄሳ ጊሻስ ታ ፒርዳና ጋላሳይ ጋካናስ ዲሺቴ፤ ታኒ ዴሬ ኣሳኔ ካዎታ ሺሻናስ ቃቻዲስ። ታኒ ታ ሚኖ ሃንቆዛ ኢስታ ቦላ ጉሳናስ ቃቻዲስ። ታ ሃንቆ ታማን ኩሜ ቢታይ ኤጻና።

ኤርማሳ ቲንቢቴ 38:2

ጎዳይ፥ «ሃኖ ካታማይን ኣቲዛ ኦኒካ ኦላን፥ ኮሻኒኔ ኢታ ሃርጌን ሃይቃና፤ ጊዶ ኣቲን ባቢሎኔታኮ ቢዛ ኦኒካ ሃይቄና፤ ባ ሁኤ ኣሻና፤ ፓጻካ ዳና» ጌስ።

2ካዎታ ማጻፋ 5:26

ጊዶ ኣቲን ኤልሳኢ ኢዛስ፥ «ሄ ኣዴዚ ኔናራ ጋይታናስ ኢዚ ባ ፓራ-ጋሬዛፔ ዎሺን ታ ኣያናይ ኔናራ ቢቤኔ? ሂስቲን ሃይሲ ዎዴዚ ሚሼኔ ማይኦ፥ ዎጋራ ሚኔ ዎይኔ ቶኪዛሶሆ፥ ዶርሳ ዉዴኔ ሜሄ ዉዴ፥ ኣቱማኔ ማጫ ኣይሌታ ኤኪዛ ዎዴ?

ሜቴ ማጻፋ 6:12

ጾሲ ዱጌ ቢታ ጼሊሺን ቢታ ቦላ ዲዛ ኣሳይ ዉሪ ቱኒዳይሳ ቤኢዴስ።

ኢሳያሳ ቲንቢቴ 66:16

ታማኒኔ ማሻን ጎዳይ ባ ፒርዳ ኣሳ ኡባ ቦላ ኤሃና፤ ዳሮቲ ጎዳ ማሻን ሹኬታና።

1ካዎታ ማጻፋ 3:9

ሄሳ ጊሻስ ታኒ ኔ ኣሳ ኣይሳናስ ሎኦኔ ኢታ ሻካዳ ኤራና ማላ ታስ ኔ ኣይሌዛስ ኣኬኪዛ ዎዚና ኢማ፤ ሂስቶንታ ኣጊኮ ሃ ጊታ ዴሬዛ ኦኒ ካሌና ዳንዳይዜ?» ጊዴስ።

1ካዎታ ማጻፋ 3:11

ቃሴካ ጾሳይ ኢዛ፥ «ኔኒ ኔስ ላይ ኣዱቃና ማላ ዎይኮ ዱሬታና ማላ፥ ዎይኮ ኔ ሞርኬቲ ሃይቃና ማላ ጊዶንታ ዴራ ዎጋራ ኣይሳናስ ኣ ኤራቴ ኦይቺዳ ጊሻስ፥

ዬ ማጻፋ 131:1

ኣቤት ጎዳዉ! ታ ዎዚናይ ኦቶሬቲቤና፤ ታኒ ኦቶሮን ጼላ ኤሪኬ፤ ታ ቆፋን ቤሶንታ ጊታቴስ ኣሞታቤኬ፤ ታ ዎልቃፌ ቦላራ ዛራቤኬ።

ኤርማሳ ቲንቢቴ 25:31

ጎዳይ ካዎቴታ ቦላ ፒርዲዛ ዎዴ ኢዛ ጬንጉርሳይ ቢታ ጋጻ ጋካናስ ሲዬታና፤ ኢዚ ኣስ ኡባ ቦላ ፒርዳና፤ ኢታታካ ማሻስ ኣ ኢማና› » ጊዴስ።

ኤርማሳ ቲንቢቴ 25:15

ጎዳ ኢስራኤሌ ጾሳይ ታስ፥ «ሃይሳ ታ ሃንቆ ዎይኔ ኡሻዚ ኩሚዳ ዋንጫ ሄይ፤ ኤፋዳ ታኒ ኔና ኪቲዛ ካዎቴታ ኡባ ኡሻ።

ኤርማሳ ቲንቢቴ 25:16

ኢስቲ ኡዪዳ ዎዴ ጋንዲጋራና፤ ኢስታ ቦላ ታ ዬዲዳ ኦላ ጋሶን ኢስቲ ጎያና» ጊዴስ።