ኤርማሳ ቲንቢቴ 43:12 - ጋሞ ማጻፋ

¹² ጊብጼን ኤቃ ጾሳታ ኬን ታማ ዬዳናኔ ኢስታ ሙሌራ ጹጋና፤ ኢስታ ኤቃ ጾሳታካ ዲኢ ኤፋና። ሄንንቻይ ባ ሄን ማይኦ ማይኢዛ ማላ ኢዚ ጊብጼ ቢታፌ ቡሪ ኤኪዲ ሳሮን ባና።

Geeshsha Maxaafa

¹² Gibxen eeqa xoossata keeththan tama yeddananne istta mulera xuuggana; istta eeqa xoossatakka di7i efana. Heenththanchchay ba heenththa may7o may7iza mala izi Gibxe biittafe buuri ekkidi saron baana.

ኤርማሳ ቲንቢቴ 43:12 Referans Kwoze

ሂዚቄላ ቲንቢቴ 30:13

«ኤቃ ጾሳታ ታ ይሳና፤ ሜምፒሳን ዲዛ ሚስሌታ ታ ዲፒ ሂስታና፤ ሃይሳፌ ጉዬ ጊብጼን ሃላቃታናይ ዴና፤ ቢታይ ቦላ ታ ያሻቴ ኪታና።

ኢሳያሳ ቲንቢቴ 49:18

ኣኔ ቁ ጋዳ ኔ ዩሾ ጼላ፤ ኔ ናይቲ ኡባይ ኢሲፌ ሺቂዲ ኔኮ ያና። ታኒ ጎዳይ ታ ዴኦን ጫቃይስ፤ ኔኒ ኢስታ ኡባ ኣሌቆ ማላ ማይኣና፤ ኔ ኢስታ ሚሺራ ማይኦ ማላ ማይኣና» ጌስ።

ኢሳያሳ ቲንቢቴ 19:1

ጊብጼ ጊሻስ ዮቴቲዳ ቃላይ፥ «ቤኢቴ፥ ጎዳይ ኤሶቲዛ ሻራ ቶጊዲ ጊብጼ ዬስ። ጊብጼ ኤቃ ጾሳቲ ኢዛ ሲንን ኮኮሬቴስ፤ ጊብጼ ዎዚናይ ኢስታ ጊዶን ሴሬስ» ጌስ።

ኤርማሳ ቲንቢቴ 48:7

ኢንቴ ኦዳ ኦሶኒኔ ኢንቴ ኣቆታን ኢንቴ ኣማኔቲዛ ጊሻስ ኢንቴካ ዲኤታና፤ ካሞሼይካ ባ ቄሴታራኔ ባ ሹሜታራ ዲኤቲ ባና።

ኤርማሳ ቲንቢቴ 46:25

ኡባፌ ዎልቃማ ጎዳ ኢስራኤሌ ጾሳይ፥ «ቴቤሴ ጾሳ ኣሞኔ ቦላ፥ ፓሮኔ ቦላ፥ ጊብጼ ቦላኔ ኢዚ ኤቃ ጾሳታ ቦላ፥ ኢዚ ካዎታ ቦላኔ ፓሮኔን ኣማኔቲዛይታ ቦላ ታኒ ቂጻቴ ኤሃና።

ዬ ማጻፋ 104:2

ኔኒ ኣፋላ ማላ ፖኦ ቁማኣዳሳ፤ ሳሎታካ ዱንካኔ ማላ ቶላዳሳ።

ኢዮቤ ማጻፋ 40:10

ሄሳ ማላ ጊዲኮ ኣኔ ኔ ቦንቾኒኔ ኔ ጊታቴን ዴንዳ! ኔ ቴማቴኔ ጊታቴ ማይኣ።

ኣስቴሪ ማጻፋ 6:9

ሄሳፌ ጉዬ ማይኦዚኔ ፓራዚ ኬሂፔ ቦንቼቲዳ ካዎ ሹሜታፔ ኢሳ ኩሼን ኢሜቶ። ካዎዚ ቦንቻና ዶሲዳዴ ማይዜቶ፤ ኢዛ ፓራ ቶጊሲዲ ካታማይስ ዋና ዋና ኦጌታ ዩሺሼ፥ ‹ካዎይ ቦንቻና ኮዪዳዴስ ሃይሳ ኦሴቴስ› ጌቶ» ጊዴስ።

2ሳሜላ ማጻፋ 5:21

ፊሊስጼሜ ኣሳይ ባ ኤቃ ጾሳታ ዬጊ ኣጊዲ ባቃቲዳ ጊሻስ ዳዊቲኔ ኢዛ ካሊዛ ኣሳይ ዲኢ ኤኪ ቢዳ።

ኬሳ ማጻፋ 12:12

«ታኒ ሄ ጋላስ ቃማራ ጊብጼ ቢታራ ሄሜታሼ ባይራ ዬሌቲዳ፥ ኣሴካ ሜሄካ ኡባ ዎና። ጊብጼ ኤቃታ ኡባ ቦላካ ታኒ ፒርዳና፤ ታኒ ጎዳ ጊዲኪና?

ቆላሲያሴ ኣሳስ 3:14

ሄሳ ኡባ ቦላ ኩሜ ኢሲፌቴን ሺሺ ቃቺዛ ሲቆ ማይኢቴ።

ቆላሲያሴ ኣሳስ 3:12

ሄሳ ጊሻስ ዱማ ጊዲዲ ዶሴቲዳይቶ! ኢንቴ ጾሳስ ዶሬቲዳይታ ጊዲዳ ማላ ሚሼቴኔ ኪያቴ፥ ኣሽኬቴ፥ ቦንቾኔ ዳንዳያ ማይኢቴ።

ኤፌሶኔ ኣሳስ 6:11

ዳቡሎሳ ጌኔ ኦሶ ኢንቴ ኤቄታናስ ዳንዳያና ማላ ጾሳ ኦላ ማይኦታ ማይኢቴ።

ኤፌሶኔ ኣሳስ 4:24

ቱሙ ጺሎቴኒኔ ጌሻቴን ጾስ ሚሳታና ሜቲዳ ኦራ ኣሳቴ ማይኢቴ።

ኦሮሜ ኣሳስ 13:12

ቃማይ ኣን ዎንታና ጌስ፤ ሄሳ ጊሻስ ኣኔ ኑ ማ ኦሶ ዎራ ዬጊዲ ፖኦ ኦላ ሚሽ ማይኦስ።

ሶፎናሳ ቲንቢቴ 2:11

ጎዳይ ሄ ቢታ ኤቃ ጾሳታ ኡባ ይሲዛ ዎዴ ኢዚ ኢስታ ያሺሲዛይሳ ጊዳና፤ ኣባ ኣቻን ዲዛ ዴሬቲ ኡባይ ኢሶይ ኢሶይ ባ ዲዛሶን ዲሼ ኢዛስ ጎይናና።

ኤርማሳ ቲንቢቴ 51:44

ቤሌ ታኒ ባቢሎኔን ቃጻያና፤ ኢዚ ሚቲዳይሳካ ታ ጮሻና፤ ሃይሳፌ ካዎቴይ ኢዛኮ ጎጌና፤ ባቢሎኔ ጊምቤይ ኩንዳና።

ኤርማሳ ቲንቢቴ 50:2

«ካዎቴታ ኡባ ጊዶን ኣዋጂቴ! ባንዲራ ቁ ሂስቲ ኦይኪዲ ኣዋጂቴ! ኣይኮካ ኣሾንታ ዲሼ፥ ‹ሄኮ ባቢሎኔይ ኦይኬታና፤ ቤሌይ ካዉያና፤ ማርዱኬይ ሺሮን ኩማና፤ ኢዚ ኤቃ ጾሳቲ ካዉያና፤ ኢዚ ኤቃ ሚስሌቲ ሜቄሬታና› ጊቴ።

ኢሳያሳ ቲንቢቴ 61:10

ታኒ ጎዳን ኬሂፔ ኡፋዬታይስ፤ ታ ሼምፖያካ ታ ጾሳን ሆምቦጫዉስ፤ ሚሺራይ ባ ሁኤን ካላቻ ጎጺዛ ማላ፥ ሚሺራያካ ባና ኢንቁን ሴሌዛ ማላ ኣቶቴ ማይኦ ታና ማይዚዴስ፤ ጺሎቴ ሴሎካ ታ ቦላ ጎጲዴስ።

ኢሳያሳ ቲንቢቴ 61:5

ኢማቲ ኢንቴ ዶርሳ ዉዴታ ሄማና፤ ኣላጋ ቢታ ኣሳቲ ኢንቴ ጋዴኒኔ ኢንቴ ዎይኔ ኣታኪልቴ ጊዶን ኦና።

ኢሳያሳ ቲንቢቴ 59:17

ኢዚ ጺሎቴ ጹሩሬ ማላ ቲራን ማይኢዴስ፤ ኣቶቴ ቢራታ ቆቤ ማላ ባ ሁኤ ቦላ ዎዴስ። ማይኦ ጋርሳራ ማይኢዛ ማላ ሃሎ ኬሶ ማይኢዴስ፤ ማይኦ ጎጲ ማይኢዛ ማላ ቃናቴ ቦላራ ጎጲዴስ።

ኢሳያሳ ቲንቢቴ 52:1

ሃኔ ጺዮኔ ዴንዳ፤ ዴንዳ፤ ዎልቃ ማይኣ፤ ጌሻ ካታማዬ ዬሩሳላሜ! ኔ ቦንቾ ማይኦ ማይኣ፤ ሃይሳፌ ጉዬ ቃጻሬቶንታይኔ ቱናይ ኔ ጊዶ ጌሌና።

ኢሳያሳ ቲንቢቴ 46:1

ቤሌይ ካዉዪዴስ፤ ኔቦይ ኬሂ ጉጺዴስ፤ ኢስታ ኤቃ ጾሳቲ ጫና ሜሄታን ጫኔቲዳ፤ ኢስቲ ኦይኪ ዩዪዛ ሚስሌቲ ቶሆ፤ ዳቡርዳ ሜዶሳታስ ዴጾ ባኦ።

ኢሳያሳ ቲንቢቴ 21:9

ቤኢቴ፥ ኢሲ ኣሲ ፓራታን ጎሼቲዛ ፓራ-ጋሬታን ዪዴስ፤ ሂስቲዲ፥ ‹ባቢሎኔይ ኩንዳዱስ! ኩንዳዱስ! ኢዚ ኤቃ ጾሳ ሚስሌቲካ ሜቄሬቲ ጋዴን ኩንዲዳ› ጊ ዛሪዴስ» ጊ ዋሲዴስ።

ዬ ማጻፋ 132:18

ታኒ ኢዛ ሞርኬታ ዬላቻና፤ ጊዶ ኣቲን ኢዛ ሁኣን ዴኢዛ ካዎቴ ካላቻይ ጶላና» ጊዴስ።

ዬ ማጻፋ 132:16

ታኒ ኢዚን ዲዛ ቄሴታ ኣቶቴ ማይዛና፤ ኢዚን ዴኢዛ ጾሳ ኣሳቲካ ኡፋይሳን ዬጻና።

ኢሳያሳ ቲንቢቴ 46:2

ኢስቲካ ኢሲ ቦላ ዱጌ ጉፋናና፤ ጫናካ ኣሻና ዳንዳዬቴና፤ ኢስቲካ ዲኤቲዲ ባና።

ኤርማሳ ቲንቢቴ 43:13

ጊብጼ ቢታን ሄሊዮፖሊሳ ጌቴቲዛ ካታማን ኣዋ ኣርሼ ጾስ ጌቴቲዛ ኤቃ ጾሳታ ሃዉልቴታ ኢዚ ሜንሬና፤ ጊብጼን ኤቃ ጾሳታ ኬታካ ታማን ጹጋና› ጌስ ጋዳ ኢስታስ ዮታ» ጊዴስ።

ኤርማሳ ቲንቢቴ 49:27

ታኒ ዳማስቆ ካታማ ዩሾን ዲዛ ጊምቤ ቦላ ታማ ዬዳና፤ ሄ ታማይ ቤኒ-ሃዳዴ ሻኮ ማና» ጌስ።

ሂዚቄላ ቲንቢቴ 29:11

ኣስ ጊዲን ሜሄ ጊዲን ሄራ ኣቤና፤ ኦይዱ ታሙ ላይ ጋካናስ ኦኒካ ኢዚን ዴና።

ዳኔላ ቲንቢቴ 11:8

ኢስታ ኤቃ ጾሳታ ሚስሌታ፥ ቢራፔኔ ዎርቃፌ ኦሴቲዳ ሚሻታ ዲኢ ኤኪዲ ዱጌ ጊብጼ ኤፋና፤ ጉ ላይታስ ዱጌሃ ባጋ ካዎይ ፑዴሃ ባጋ ካዎራ ኦሌቴ ኤሳና።

ኤርማሳ ቲንቢቴ 10:11

ጎዳይ፥ «ኢንቴካ፥ ‹ሄይቲ ሳሎኔ ሳኣ ሜንታ ጾሳቲ ሳኣፔኔ ሳሎ ጋርሳፌ ያና› ጌታ» ጌስ።

ኤርማሳ ቲንቢቴ 10:15

ኢስቲ ጮ ቂስ ሜቲዳ ሚሻ። ፒርዳይ ኢስታ ቦላ ጋኪዛ ዎዴ ኢስቲ ያና።

ኤርማሳ ቲንቢቴ 25:19

ጊብጼ ቢታ ካዎ፥ ኢዛ ኣይሌታ፥ ኢዛ ሹሜታ፥ ኢዛ ዴራ ኡባ፥

ሂዚቄላ ቲንቢቴ 29:19

ሄሳ ጊሻስ ኡባ ሃሪዛ ጎዳይ፥ ‹ታኒ ጊብጼ ቢታ ባቢሎኔ ካዎ ናቡካዳናጾሬስ ኣ ኢማና፤ ኢዚስ ዲዛ ኣቆታ ኡባ ኢዚ ባስ ሚያና፤ ኢዛ ኦላንቻታስ ዳሞዛ ጊዳና ማላ ቢታይን ዲዛ ሚሽ ኡባ ቦንቃናኔ ፒቲ ኤፋና።