ኤርማሳ ቲንቢቴ 4:7 - ጋሞ ማጻፋ

⁷ ጋሞይ ባ ዲዛሶፔ ኬዚዴስ፤ ካዎቴታ ይሲዛይ ኪቴቲዴስ፤ ኔ ቢታዮካ ቡላሳናስ ባ ዲዛሶፔ ኬዚዴስ፤ ኔ ካታማቲ ላሌታና፤ ኩንዲዲካ ካይዚ ኣታና።

Geeshsha Maxaafa

⁷ Gaammoy ba dizasoppe kezides; kawoteththata dhayssizay kiitettides; ne biittayokka bulasanaas ba dizasoppe kezides; ne katamati laalettana; kundidikka kayzi attana.

ኤርማሳ ቲንቢቴ 4:7 Referans Kwoze

ኤርማሳ ቲንቢቴ 5:6

ሄሳ ጊሻስ ጋሞይ ዎራፔ ኬዚዲ ኢስታ ሜንሬና፤ ኢስታ ፑዜሬና፤ ማሄይ ኢስታ ካታማታ ዩሾ ዛማዲ ናጋና። ሄ ካታማታፔ ኬዚዛ ኡባ ኢዚ ፑዛና። ጋሶይካ ኢስታ ማካላቴኔ ካዶይ ዳሪዴስ።

ኤርማሳ ቲንቢቴ 2:15

ጋሞቲ ኢዛ ቦላን ጻጊዳ፤ ኢስቲ ባንታ ቃላ ቁ ሂስቲዲ ኢዛ ቦላ ጋርማሚዳ፤ ኢስቲ ኢዛ ቢታ ቡላ ኬሲዳ፤ ኢዛ ካታማቲካ ጹጌቲዳኔ ካይዚዳ።

ኢሳያሳ ቲንቢቴ 6:11

ታኒካ፥ «ኣቤት ጎዳዉ! ሃይሲ ኣይዴ ጋካናስ ሃናኔ?» ጋዲስ። ኢዚካ ዛሪዲ ታስ፥ «ካታማቲ ኢስታን ዴኢዛ ኣሲ ዪን ኢስቲ ላሌታና ጋካናስ፥ ኬቲካ ኡባይ ካይዛና ጋካናሲኔ ቢታይካ ሙሌራ ኣይኮይ ባይንዳ ቡላ ጊዳና ጋካናሳ።

ኢሳያሳ ቲንቢቴ 1:7

ኢንቴ ዴሬይ ኣይኮይ ባይንዳ ባዞ ጊዳና፤ ኢንቴ ካታማቲ ታማን ጹጌታና፤ ኢንቴ ኣይፌይ ጼሊሺን ኢንቴ ቢታ ኣላጋይ ቦንቂ ኤካና፤ ኢስቲ ኢንቴ ቢታ ቡላ ኬሳና።

ዳኔላ ቲንቢቴ 7:4

«ኮይሮ ዶኣዚ ጋሞ ሚሳቴስ፤ ኢዛስ ጎሌ ቄፌ ማላ ቄፌቲ ዴቴስ፤ ታኒካ ጼሎን ዲሺን ሄ ቄፌቲ ሾዴቲ ሾዴቲ ዎዳ፤ ሄ ዶኣዚ ቁ ጊዲ ኣሳ ማላ ናምኡ ቶሆታን ኤቂዴስ፤ ኢዛስ ኣሳ ዎዚናይ ኢሜቲዴስ።

ኤርማሳ ቲንቢቴ 50:17

«ኢስራኤሌይ ጋሞይ ጎዲዲ ላሊዳ ዉዴ ማላ ጊዲዴስ፤ ኮይሮ ኣሶሬ ካዎይ ፑዜሬ ሚዴስ፤ ጉዬፔ ባቢሎኔ ካዎ ናቡካዳናጾሬይ ሜቄ ጊዴስ» ጌስ ጎዳይ።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኤርማሳ ቲንቢቴ 49:19

ጎዳይ፥ «ጋሞይ ዮርዳኖሴ ዎራታፔ ሜሄ ሄሚዛ ዴምባን ኬዚ ዎዛ ማላ ታኒካ ኤዶሜይ ቆፖንታ ዲሺን ኬዛ ዎና፤ ኢዛ ቢታፌ ታ ኢዛ ጎዳና፤ ታ ዶሪዳይሳ ኢዛ ቦላ ሹማና፤ ታ ማላይ ኦኔ? ታናራ ኤቄታና ዳንዳይዛይ ኦኔ? ታናራ ኤቄታና ዳንዳይዛ ሄንንቻይ ኦኔ?» ጌስ።

ኤርማሳ ቲንቢቴ 34:22

ታኒ ኢስታ ኣዛዛና፤ ኢስቲ ሃ ካታማዮ ኦላና ማላ ታኒ ዛራ ኤሃና፤ ኢስቲካ ካታማዮ ኦሊ ኦይካናኔ ታማን ጹጋና፤ ታኒ ዩሁዳ ካታማታ ኣሲ ባይንዳሶ ቡላ ኬሳና» ጌስ።

ኤርማሳ ቲንቢቴ 33:10

ጎዳይ፥ «ኢንቴ፥ ‹ሃና ሃ ሶሆያ ኣሲኔ ሜዶሳቲ ባይንዳሶ› ጌታ፤ ጊዶ ኣቲን ኣሲኔ ሜዶሳቲ ባይንዳ ቡላ ጊዲዳ ዩሁዳ ካታማታኒኔ ዬሩሳላሜ ኦጌታን ቃሴ ጬንጉርሲ ሴቴታና።

ኤርማሳ ቲንቢቴ 26:9

ኔኒ፥ ‹ሃይሲ ኬዚ ሴሎ ማላ ጊዳና፤ ቃሴ ሃና ካታማያ ቡላኔ ካይስ ጊዳና› ጋዳ ጎዳ ሱንን ኣይስ ቲንቢቴ ዮታይ?» ጊዳ። ሂስቲዲ ጎዳ ኬን ሺቂዳ ኣሳይ ኡባይ ኤርማሳ ጊዶዴስ።

ኤርማሳ ቲንቢቴ 25:38

ጋሞይ ባ ኣቂዛሶፔ ዬጊ ቢዛ ማላ ኡንኤዛይሳ ማሻፌኔ ጎዳ ሃንቆፌ ዴንዲዳይሳን ኢስታ ቢታያ ቡላ ጊዳና።

ኢሳያሳ ቲንቢቴ 5:9

ኡባፌ ዎልቃማ ጎዳይ ታኒ ታ ሃይራ ሲዪሺን፥ «ጊታ ኬቲ ካይዚ ኣታና፤ ሄ ሎኦ ኬታን ዴኣናስ ኣሲ ያና።

2ካዎታ ማጻፋ 24:1

ኢዮኣቄሜይ ካዎቲዛ ዎዴ ባቢሎኔ ካዎ ናቡካዳናጾሬይ ዩሁዳ ቦላ ዎራጂዴስ፤ ኢዮኣቄሜይካ ኢዛስ 3 ላይ ጊሪዴስ። ሄሳፌ ጉዬ ኢዚ ባ ቆፋ ላሚዲ ናቡካዳናጾሬ ቦላ ማካሊዴስ።

ዳኔላ ቲንቢቴ 5:19

ኢዚ ኢሚዳ ጊታቴፌኔ ማታፔ ዴንዲዳይሳን ዱማ ዱማ ዴሬቲ፥ ዱማ ዱማ ካዎቴቲ፥ ዱማ ዱማ ቃላን ሃሳይዛይቲ ኡባይ ኢዛስ ኮኮሪዳኔ ያዪዳ። ኢዚካ ባ ዎና ኮዪዳይሳ ዎስ፤ ኣሻና ኮዪዳዴ ኣሼስ፤ ባ ቂሳና ኮዪዳይሳ ቂሴስ፤ ካዉሻና ኮዪዳዴ ካዉሼስ።

ኤርማሳ ቲንቢቴ 50:44

ጋሞይ ዮርዳኖሴ ዎራታፔ ሜሄ ሄሚዛ ዴምባን ኬዚ ዎዛ ማላ ታኒካ ባቢሎኔይ ቆፖንታ ዲሺን ኬዛ ዎና፤ ኢዚ ቢታፌ ታ ኢዞ ጎዳና፤ ታ ዶሪዳይሳ ኢዚ ቦላ ሹማና፤ ታ ማላይ ኦኔ? ታናራ ኤቄታና ዳንዳይዛይ ኦኔ? ታናራ ኤቄታና ዳንዳይዛ ሄንንቻይ ኦኔ?

ኤርማሳ ቲንቢቴ 27:8

«ጊዶ ኣቲን ኣይ ዴሬይ ዎይኮ ኣይ ካዎቴኔ ሃ ባቢሎኔ ካዎ ናቡካዳናጾሬስ ኣዛዜቶንታ ኢጺኮኔ ኢዛ ቃምባራን ጌሎንታ ኢጺኮ፥ ታኒ ጎዳይ ሄ ካዎቴ ኢዛ ኩሼን ይሳና ጋካናስ፥ ኦላን፥ ኮሻኒኔ ኢታ ሃርጌን ቃጻያና።

ኤርማሳ ቲንቢቴ 9:11

ጎዳይ፥ «ዬሩሳላሜ ካታማ ታኒ ቡቲ ካይዚዳሶኔ ዎራካናቲ ካኢዛሶ ኦና። ዩሁዳ ካታማታካ ኣሲ ባይንዳሶ ቡላ ኬሳና» ጌስ።

2ካዎታ ማጻፋ 25:1

ዩሁዳ ካዎ ሴዴቂያሲ ካዎቲዳ ኡዱፉን ላይን ታማን ኣጊናን ታማን ጋላስ ባቢሎኔ ካዎ ናቡካዳናጾሬይ ባ ኦላንቻታ ኡባ ኤኪዲ ዬሩሳላሜ ቦላ ዎራጂዴስ፤ ካታማይ ጊምቤፌ ካሬ ባጋራ ዩዪ ኣ ጊዶ ኡቲዳ።

ኤርማሳ ቲንቢቴ 4:29

ፓራ ኣሳታኔ ዎንዳፌ ኣሳታ ካቻ ጋሶን ኣሳይ ካታማ ኡባፌ ባቃታና። ባጋይ ዎጺዲ ዎራ ጋርስ ጌላና፤ ባጋይ ቃሴ ዛላ ቦላ ኬዛና፤ ካታማይ ኡባይ ኣሲ ባይንዳ ካይዚ ኣታና።

ኤርማሳ ቲንቢቴ 22:7

ታኒ ኔና ኦሊዛይታ ሁኤን ሁኤን ኦላ ሚሽ ኦይዳ ኔ ቦላ ዬዳና፤ ኢስቲ ዚጋፔ ማሴቲዳ ቱቄታ ቃንጼሬዲ ታማን ዬጋና።

ኤርማሳ ቲንቢቴ 44:2

ኡባፌ ዎልቃማ ጎዳ ኢስራኤሌ ጾሳይ፥ «ዬሩሳላሜ ቦላኒኔ ዩሁዳ ካታማታ ኡባ ቦላን ታኒ ኤሂዳ ባሽ ኡባ ኢንቴ ኢንቴ ኣይፌራ ቤኢዴታ፤ ኢስቲ ሃች ጋካናስ ኦኒካ ዶንታ ባዞ ቢታ ጊዲ ኣቲዳ።

ሂዚቄላ ቲንቢቴ 12:20

ካሴ ኢስታን ኣሲ ኩሚዳ ካታማቲ ካይዛና፤ ቢታያካ ቡላታና። ታኒ ጎዳ ጊዲዳይሳ ኢንቴ ሄ ዎዴ ኤራና› ጌስ» ጋ ጊዴስ።

ሂዚቄላ ቲንቢቴ 21:31

ታኒ ታ ሃንቆ ኔ ቦላ ጉሳና፤ ታኒ ታ ሃንቆ ታማ ኔ ቦላ ኤና፤ ኢታቴን ኤሬቲዳ ሜንጼ ኢታ ኣሳታስ ታ ኔና ኣ ኢማና።

ሂዚቄላ ቲንቢቴ 32:2

«ሃይሶ ኣሳ ናዉ! ጊብጼ ካዎ ፓሮኔስ ዚላላሼ፥ « ‹ኔኒ ካዎቴ ጊዶን ጋሞ ማላ፤ ኣባ ጊዶንካ ሚሚንቴ ማላ፤ ኔኒ ሻፋታን ቦቦልጩ ጋሳ፤ ሃታ ኔ ቶሆን ዋሳ፤ ፑልቶታ ኡሎሳሳ።

ሌዌታ ማጻፋ 26:31

ታ ኢንቴ ካታማታ ላላና፤ ኢንቴ ጎይኒዛሶታ ታ ካይስ ሂስታና፤ ሳዊዛ ኢንቴ ያርሾዛ ታ ኤኪኬ።

ሌዌታ ማጻፋ 26:33

ታ ኢንቴ ቦላ ኦላ ኤሃዳ ኢንቴና ኣይዛቤታ ጊዶን ላላና፤ ታኒ ታ ማሻ ኬሳዳ ኢንቴና ጎዳና፤ ኢንቴ ካዎቴይ ኣሲ ባይንዳ ቢታ ጊዳና፤ ኢንቴ ካታማቲካ ላሌታና።

ኤርማሳ ቲንቢቴ 8:16

ሞርኬታ ፓራ ፔኖይ ዳኔ ካታማፔ ሲዬቴስ፤ ኢስታ ዎዳላ ፓራታ ጫሻን ቢታይ ኡባይ ቃጼስ፤ ቢታዮኔ ቢታይ ቦላ ዲዛ ኡባ፥ ካታማዮኔ ኢዚን ዲዛ ኡባ ሚታናስ ዪዳ» ጌቴስ።

ኤርማሳ ቲንቢቴ 22:6

ጎዳይ ዩሁዳ ካዎ ኬስ፥ «ኔኒ ታስ ጋላኣዴ ቢታኔ ሊባኖሴ ዙማ ጼራ ማላ ሎኢኮካ ታኒ ኔና ኣዳፌ ባዞኔ ኣሲ ኢዛን ባይንዳ ካታማ ኦና።

ኤርማሳ ቲንቢቴ 46:18

ኢዛ ሱንይ ጎዳ ኡባፌ ዎልቃማ ጾሳ ጌቴቲዛ ካዎይ፥ ታኒ ታ ዴኦን ጫቃይስ፤ ዙማታ ጊዶን ዲዛ ታቦሬ ዙማ ሚሳቲዛይ፥ ኣባ ኣቻን ዲዛ ቃርሜሎሴ ዙማ ሚሳቲዛ ኢሳዴይ ያናስ ዴስ።