ኤርማሳ ቲንቢቴ 4:31 - ጋሞ ማጻፋ

³¹ ታኒ ኮይሮ ባይራ ና ዬላናስ ሚጻቲዛ ማጫሳ ማላ ኔ ዋሲሺን ታ ሲያዲስ፤ ዬሩሳላሜ ማጫ ናያ ፔኖይ ቱጬታናሼ ጋካናስ ዋሲሺኒኔ ባ ኩሼ ሚጫዳ፥ «ታ ዋኖ! ሄኮ ታና ዎና ጌቴስ!» ጊሺን ሲያዲስ።

Geeshsha Maxaafa

³¹ Tani koyro bayra naa yelanaas miixattiza maccassa mala ne waassishin ta siyadis; Yerusalaame macca naya peenoy tucettanaashe gakkanaas waassishininne ba kushe miccada, «Ta waanoo! Hekko tana wodhana geettes!» gishin siyadis.

ኤርማሳ ቲንቢቴ 4:31 Referans Kwoze

ኤርማሳ ዚላስ 1:17

ጺዮና ባ ኩሼ ሚጫዱስ፤ ኢዞ ሚንዛዴይ ዴና፤ ያቆቤ ዛሬታስ ሾሮቲ ኢዛስ ሞርኬ ጊዳና ማላ ጾሲ ኣዛዞ ኬሲዴስ፤ ዬሩሳላሜይካ ኢስታ ጊዶን ቱና ሚሻ ማላ ቆዴታዱስ።

ኢሳያሳ ቲንቢቴ 1:15

ኢንቴ ኢንቴ ኩሼ ዎሳስ ታኮ ሚጪኮ ታኒ ታ ኣይፌ ኢንቴፌ ሃራሶ ዛራና፤ ኢንቴ ኩሼን ሱ ኩሚዳ ጊሻስ ኢንቴ ኬሂ ዎሲኮካ ታ ኢንቴ ዎሳ ሲዪኬ።

ኤርማሳ ቲንቢቴ 13:21

ኔኒ ኔስ ዳቦ ጊዳና ማላ ኮዪዳይቲ ኔና ጾኒዲ ሃሪዛ ዎዴ ኔ ኣይ ጋኔ? ዬሎ ሚጻይ ኦይኪዳ ማጫሳ ማላ ኔና ሚጻይ ኦይኬኔ?

1ታሶሎንቄ ኣሳስ 5:3

ኣሳይ፥ «ጋዴይ ሳሮኔ ሎኦኮ» ጊሺን ሚጻይ ቃንራ ዲዛ ማጫስ ኦይኪዛ ማላ ሄሳካ ኣስ ይሲዛይ ቆፖንታ ዲሺን ኣሳ ቦላ ጋካና፤ ኦኒካ ኬሲ ኤኬና።

1ቆሮንቶሴ ኣሳስ 9:16

ሚሺራቾ ቃላ ሳባኪዳይሲ ታና ጬቂሴና፤ ታ ሳባኪዛይ ዶሳን ጊዶንታ ዎልቃራ ታና ጋኪዳ ጊሻሳ፤ ታ ሚሺራቾ ቃላ ሳባኮንታ ኣጊኮ ታስ ኣዬ ኣና!

ሚኪያሳ ቲንቢቴ 7:1

ታና ኣዬ ኣና! ዎይኔ ሚ ጊዶፌ ማጺሺን ኣቲዳ ሚ ኣይፌ ቦኔ ቆሪዛ ኣሳ ማላ ጊዳዲስ፤ ሜቴቲዛ ዎይኔ ሚ ኣይፌይ ዴና፤ ኑ ኢዛስ ኣሞቲዛ ኤሌሊ ጋኪዛ ባላሴ ሚ ኣይፌይካ ቤቲቤና።

ሆሴኤ ቲንቢቴ 13:13

ሚጻይ ኦይኪዳ ማጫሳ ማላ ኢዛ ቦላ ሜቶይ ያና፤ ኢዚ ጊዲኮ ኣ ኤራቴ ባይንዳ ኤያ ና፤ ዬሌቲዛ ዎዴይ ጋኪን ባ ኣዬይ ኡሎፔ ዬሌታናስ ኮዮንታ ና ማላ።

ኤርማሳ ዚላስ 2:21

ዬላጋቲኔ ጪማቲ ሃይቂዲ ኦጌን ኩንዲ ኣቲዳ፤ ዬላጋ ማጫሳቲኔ ኣቱማቲ ማሻን ሃይቂዳ፤ ኔ ሃንቄቲዳ ጋላስ ኢስታ ዎዳሳ፤ ቃታይ ባይንዳካ ሹካዳሳ።

ኤርማሳ ዚላስ 1:20

«ኣቤት ጎዳዉ! ታ ዋዬዛ ቤኣ! ታ ጊዶ ኣሳቴይ ሜቶቲዴስ፤ ታ ኬሃ ማካላዲስ፤ ታ ዎዚናይካ ሜቂዴስ፤ ካሬን ጊዲን ሶን ዴራ ሃይቆይ ዉርሴስ።

ኤርማሳ ቲንቢቴ 50:43

ባቢሎኔ ካዎይ ኢስታ ጊሻስ ሲዪዴስ፤ ኢዛ ኩሼቲካ ዶጪዳ፤ ኢዛ ጬጬይ ኦይኪዴስ፤ ሚጻይ ኦይኪዳ ማጫሳ ማላ ሳኬቲዴስ።

ኤርማሳ ቲንቢቴ 49:24

ዳማስቆይ ዳቡራዱስ፤ ባቃታናስ ጉዬ ሲማዱስ፤ ኮኮራዱስ፤ ሚጻይ ኦይኪዳ ማጫሳ ማላ ጬጬይኔ ቱጋይ ኢዞ ኦይኪዴስ።

ኤርማሳ ቲንቢቴ 49:22

ጎሌ ማላ ዱጌ ሲቲ ጊ ኢዚ ቦላ ዎና፤ ባ ቄፌታካ ቦጺራ ቦላ ሚጫና፤ ሄ ዎዴ ኤዶሜ ኦላንቻቲ ሚጻይ ኦይኪዳ ማጫሳ ማላ ሂርጋና።

ኤርማሳ ቲንቢቴ 48:41

ኢዛ ካታማቲኔ ኢዛ ሚጻቲ ኦይኬታና፤ ሄ ጋላስ ሞኣቤ ኦላንቻታ ዎዚናይካ ሚጻ ኦይኬቲዳ ማጫሳ ዎዚና ማላ ጊዳና።

ኤርማሳ ቲንቢቴ 45:2

«ባሮኬ! ኔና ጎዳ ኢስራኤሌ ጾሳይ፥

ኤርማሳ ቲንቢቴ 30:6

ኣኔ ኦይቺቴኔ ኣኬኪቴ! ኣዴይ ዬላናስ ዳንዳይዜ? ሂስቲን ኣዴይ ኡባ ሚጻይ ኦይኪዳ ማጫሳ ማላ ባ ኩሼ ባ ኡሎ ቦላ ዎን ኣሳ ኡባ ሲን ካሬቲን ታ ቤኢዛይ ኣዛሴ?

ኤርማሳ ቲንቢቴ 22:23

ሃኔ ሊባኖሴን ዲዛሬ! ኔ ኬ ዚጋ ሚፌ ኬጺዳሬ! ሚጻይ ኦይኪዳ ማጫሳ ማላ ሜቶይ ኔ ቦላ ዪሺን ዋና ዋሳንዲ!» ጌስ።

ኤርማሳ ቲንቢቴ 18:21

ሄሳ ጊሻስ ኢስታ ናይታ ኮሻሲኔ ማሻስ ኣ ኢማ፤ ኢስታ ማጫሳቲ ማይኔኔ ኣምኤታ ጊዴቶ፤ ኢስታ ኣቱማሳቲካ ፓራ ሃይቆን ዉሬቶ፤ ኢስታ ናቴ ናይቲ ኦላሶን ማሻስ ጊዴቶ

ኤርማሳ ቲንቢቴ 15:18

ታ ቦላ ሃርጌይ ኣይስ ሚኒዴ? ታ ማዱንይ ኣይስ ዳሪ ዳሪ ቢዴ? ኣይስ ፓጾንታ ኢጺዴ? ኔኒ ታስ ባሌዛ ሻፋ ማላኔ ጪሚዛ ፑልቶ ማላ ኣይስ ጊዳዲ?

ኤርማሳ ቲንቢቴ 14:18

ታኒ ጋጻሬ ቢኮ፥ ማሻን ሃይቂዳይታ ቤኣይስ፤ ካታማ ጌሊኮ ኮሻይ ዉርሲዳይታ ቤኣይስ። ናቤቲኔ ቄሴቲ ባ ኤሮንታ ዴሬ ባቃቲዳ› ጌስ ጎዳይ» ጊዴስ።

ኤርማሳ ቲንቢቴ 10:19

ዋኖ ኣይ ሃኖ! ታ ማዱንይ ፓጾንታ ማዱን። ጊዶ ኣቲን ታ ታና፥ «ሃይሲ ታ ሃርጌ፤ ታኒ ዳንዳያናስ ቤሴስ» ጋዲስ።

ኤርማሳ ቲንቢቴ 6:2

ታኒ ማላ ሎኦኔ ኡፋይሲዛ ጺዮኔ ናዮ ይሳና።

ኢሳያሳ ቲንቢቴ 42:14

ጎዳይ፥ «ታኒ ኣዱሳ ዎዴሶፌ ጮኡ ጋዲስ፤ ሲርጲ ጋዲስ፤ ታና ቁምኣ ኦይካዲስ፤ ሃኢ ጊዲኮ ሚጻ ኦይኬቲዳ ማጫሳ ማላ ዋሳይስ፤ ሼኖታይሲኔ ባናካይስ።

ኢሳያሳ ቲንቢቴ 21:3

ሄሳ ጊሻስ ታ ጼሳይ ሳኮ ጻላላ ጊዲዴስ፤ ሚጻይ ኦይኪዳ ማጫሳ ማላ ታና ሌሶይ ኦይኪዴስ፤ ታኒ ሲዪዳ ዮኦይ ታና ጋዲጋዲሲዴስ፤ ታ ቤኢዳ ዮኦን ሺሮታዲስ።

ኢሳያሳ ቲንቢቴ 13:8

ኢስቲ ሺሮታና፤ ኢስታ ዋዬይኔ ሜቶይ ጋካና፤ ሚጻይ ኦይኪዳ ማጫሳ ማላ ኢስቲ ሚጻታና፤ ኢሶይ ኢሳራ ዳጋማን ጼሌታና፤ ኢስታ ኣይፌሶይ ዳጋማን ሻላ ማይኢዴስ።

ኢሳያሳ ቲንቢቴ 6:5

ሂስቲን ታኒ፥ «ታኒ ዶናይ ቱኒዳ ኣሳ፤ ቃሴ ዶናይ ቱኒዳ ኣሳታ ጊዶን ዴኣይስ፤ ታኒ ካዎዛ፥ ኡባፌ ዎልቃማ ጎዳ ጾሳ ታ ኣይፌን ቤኢዳ ጊሻስ ታስ ኣዬ ኣና! ታ ያዲስ» ጋዲስ።

ዬ ማጻፋ 120:5

ታ ሜሼኬ ዴራ ጊዶን ዳይስ፤ ቄዳሬ ዱንካኔንካ ኡቲዳ ጊሻስ ታስ ኣዬ ኣና!

ኢዮቤ ማጻፋ 10:1

«ዱሲ ታና ሳሌዴስ፤ ታ ዴኢዛ ጫሞ ዴኦዛ ቆንጬን ሲሳና።

ሜቴ ማጻፋ 27:46

ሄሳፌ ጉዬ ኢርቢቃይ ዪሳቃ፥ «ኤሳዌይ ኤኪዳ ሂቴታ ማጫ ናይታ ጌዶን ዱሳይ ታና ኢቴስ፤ ቃሴ ያቆቤይካ ሄይታ ማላ ሂቴታ ማጫ ናይታፔ ማቾ ኤኪኮ ታኒ ሄኮ ሃይቃናስ ኮያይስ» ጋዱስ።

ኢሳያሳ ቲንቢቴ 26:17

ኣቤት ጎዳዉ! ሻራ ማጫሲ ሚጻን ሜቶቲዛ ማላኔ ዋሲዛ ማላ ኑኒካ ኔ ሲንን ሜቶቲዲ ዋሶስ።

ሚኪያሳ ቲንቢቴ 4:9

ሂስቲን ኔ ሃኢ ኣዛስ ዋሳይ? ኔስ ካዎይ ባዬ? ኔኒ ሚጻይ ኦይኪዳ ማጫሳይ ማላ ኡንኤቲዳይ ኔና ዞሪዛይ ይኔ?

ሚኪያሳ ቲንቢቴ 4:10

ሃኔ ጺዮኔ ማጫ ናዬ! ሚጻቲዛ ማጫሳይ ማላ ኔ ሜቶታና፤ ሃኢ ቃሴ ኔ ካታማፔ ጌዴ ኬዛዳ ጮ ዴምባን ዴኣና ቤሲዛ ጊሻስ ባቢሎኔ ባና፤ ኔ ሄ ባዳ ሄን ኔ ሞርኬታ ኩሼፔ ኣታና፤ ጎዳይ ኔና ሄን ኔ ሞርኬታፔ ኣሻና።