ኤርማሳ ቲንቢቴ 4:19 - ጋሞ ማጻፋ

¹⁹ ዋኖ ታኒ! ታኒ ሃይሳ ዎስታ ዳንዳያኔ! ታና ሜቲዴስ! ታ ዎዚናይ ሂርጌስ፤ ታኒ ጮኡ ጋናስ ዳንዳይኬ። ኣይስ ጊኮ ታኒ ዛዬ ጬንጉርሲኔ ኦላ ጬንጉርስ ሲያዲስ።

Geeshsha Maxaafa

¹⁹ Waanoo tanii! Tani hayssa wostta dandayanee! Tana metides! Ta wozinay hirgees; tani co7u gaanaas dandaykke. Ays giikko tani zaye cenggurssinne ola cenggurs siyadis.

ኤርማሳ ቲንቢቴ 4:19 Referans Kwoze

ኢምባቆ ቲንቢቴ 3:16

ታኒ ሲያዲስ፤ ታ ዎዚናይካ ዳጋሚዴስ፤ ኢዛ ጊርሳፌ ዴንዲዳይሳን ታ ሜቴርሻይ ኮኮሪዴስ። ባቦን ታስ ማራጬይ ቃጺዴስ። ታስ ጉልባቴይ ኮኮሪዴስ፤ ጊዲኮካ ኑ ቦላ ዎራጂዛ ዴሬዛ ቦላ ሜቶይ ያና ጋላስ ታ ጌንጫ ናጋይስ።

ኢሳያሳ ቲንቢቴ 22:4

ሄሳ ጊሻስ ታኒ፥ «ታፔ ሃኪቴ፤ ኣኔ ጫሞ ዬሆ ታ ዬካይስ፤ ይዳ ታ ኣሳ ጊሻስ ታና ሚንና ቆፖፍቴ» ጋዲስ።

ኢሳያሳ ቲንቢቴ 16:11

ሄሳ ጊሻስ ታ ዎዚናይ ሞኣቤ ጊሻስ ቃታ ሚላስ ሲሳዉስ፤ ቂሬ-ሄሬሴታ ጊሻስ ታ ማራጬያ ዬካዉስ።

ኤርማሳ ቲንቢቴ 9:10

ታኒ ቃ ዴሬታስ ዬካናኔ ዋሳና፤ ባዞን ሄንሶሆታስ ካዮታና። ጋሶይካ ኢስቲ ይዳ፤ ሄራ ኢሲ ኣሲኔ ካንና። ሜሄ ዋሶይ ሲዬቴና፤ ሳሎ ካፎቲኔ ዶኣቲ ባቃቲዲ ቢቺዳ።

ኤርማሳ ቲንቢቴ 9:1

ሹኬቲዳ ታ ዴራ ጊሻስ ኦማርሲኔ ጋላስ ታ ዬካና ማላ ታ ሁኤይ ሃ ኦላ፥ ታ ኣይፌቲካ ፑልቶ ማላ ኣፉን ጎጊሲዳኮ ታ ኣይ ማላ ዶሳንዲና!

ኢሳያሳ ቲንቢቴ 21:3

ሄሳ ጊሻስ ታ ጼሳይ ሳኮ ጻላላ ጊዲዴስ፤ ሚጻይ ኦይኪዳ ማጫሳ ማላ ታና ሌሶይ ኦይኪዴስ፤ ታኒ ሲዪዳ ዮኦይ ታና ጋዲጋዲሲዴስ፤ ታ ቤኢዳ ዮኦን ሺሮታዲስ።

ጋላቲያ ኣሳስ 4:19

ታ ናይቶ! ኪርስቶሲ ኢንቴ ዎዚናን ጻፌቲን ታ ቤያና ጋካናስ ኢንቴ ጊሻስ ታ ሚጻታይስ።

ዳኔላ ቲንቢቴ 8:27

ታስ ዳኔላስ ዎልቃይ ኢጺዴስ፤ ዳሮ ዎዴካ ሳኬታ ኢቻዲስ፤ ሄሳፌ ጉዬ ዴንዳዳ ካዎ ኦሶሶ ባዲስ፤ ታ ቤኢዳ ኣጁታን ኬሃ ዳጋማዲስ፤ ታ ኤራፔ ቦላ ጊዲዴስ።

ዳኔላ ቲንቢቴ 7:15

«ታኒ ዳኔሊ ሃይሳ ታ ቤኢዳ ኣጁታን ኬሃ ሜቶታዲስ፤ ታ ሼምፖያካ ጬጫዱስ።

ኢሳያሳ ቲንቢቴ 15:5

ታ ዎዚናይ ሞኣቤ ጊሻስ ዬኪዴስ፤ ኢዚፔ ጎዴቲዳ ኣሳቲ ዞኣሬ ጋካናስ፥ ኤጊላቴ-ሻሊሺያ ጋካናስ ባቃቲዳ፤ ኢስቲ ኣፉን ጉሲሼ ፑዴ ሉሂቴ ኬዚዳ፤ ቃሴ ሆሮናይሜ ኤፊዛ ኦጌራ ቢሼ ባንቲ ያናይሳስ ዋሲዳ።

ዬ ማጻፋ 116:7

ታ ሼምፖዬ ኣኔ ዎፑ ጋ፤ ጎዳይ ኔስ ሎኦ ሚሽ ኦዴስ።

ኦሮሜ ኣሳስ 10:1

ታ ኢሻቶ! ኢስራኤሌ ናይታ ጊሻስ ታ ኣሞይኔ ታ ጾስ ዎሲዛይ ኢስቲ ዮንታ ኣታናሳ።

ኣሞጼ ቲንቢቴ 3:6

ካታማ ጊዶን ኦላስ ዛዬይ ፑኔቲሺን ባቦን ኮኮሮንታ ኣሲ ዲ ኤሪዜ? ጎዳ ሼኔይ ባይንዳ ዲሺን ካታማ ቦላ ኢታ ሚሺ ጋኪ ኤሪዜ?

ዳኔላ ቲንቢቴ 7:28

«ታ ኣጁታ ቢርሼ ሃይሳን ፖሌቴስ፤ ታኒ ዳኔሊ ታ ቆፋን ኬሃ ጬጫዲስ፤ ታ ኣይፌሶይ ላሜቲዴስ፤ ጊዶ ኣቲን ታኒ ሃይሳ ዉርሳካ ታ ዎዚናን ቁምኣ ኦይካዲስ» ጊዴስ።

ኤርማሳ ዚላስ 2:11

ታ ዴሬይ ዉሪዴስ፤ ናቴ ናይቲኔ ቄሪ ናይቲ ካታማ ጊዶን ላባኒ ኩንዲዳ። ሄሳ ጊሻስ ታ ኣይፌይ ኣፉንን ባልጁሚዴስ፤ ታስ ማራጬይ ኮኮሪዴስ፤ ታ ዎዚናይካ ሴሪዴስ፤

ኤርማሳ ዚላስ 1:16

«ሞርኬይ ኑ ቦላ ጎቢዴስ፤ ኑ ናይቲካ ባርካ ኣቲዳ፤ ኑና ዞሪ ሚንዛይቲ ኑፔ ሃኪዳ፤ ሄሳ ጊሻስ ታ ዬካይሲኔ ኣፉን ጉሳይስ።

ኤርማሳ ቲንቢቴ 23:9

ናቤታ ጊሻስ ታ ዎዚናይ ሜቂዴስ፤ ታ ሜቄቲ ኡባይካ ኮኮሪዳ። ጎዳ ጋሶኒኔ ኢዛ ጌሻ ቃላ ጋሶን ዎይኔ ኡሹ ኡዪዲ ማቲዛ ኣሳ ማላ ጊዳዲስ።

ኤርማሳ ቲንቢቴ 20:9

ታኒ፥ «ሃይሳፌ ጉዬ ጎዳ ሱን ዴንኬ፤ ኢዛ ሱንንካ ሃሳይኬ» ጊኮ ኢዛ ቃላይ ታ ዎዚና ጊዶን ታማ ማላ፥ ታ ሜቄ ጊዶንካ ሱርቁንቶ ማላ ጊዲዴስ፤ ሄሳ ጊሻስ ታ ካማ ኦይካናስ ጾኒዴስ፤ ሙሌራካ ኤቄታናዉ ዳንዳያቤኬ።

ኤርማሳ ቲንቢቴ 13:17

ኢንቴ ሲዮንታ ኢጺኮ፥ ኢንቴ ኦቶሬቴ ጊሻስ ታ ሼምፖያ ጌማን ዬካና፤ ጎዳ ዉዴይ ዲኤቲ ቢቺዳ ጊሻስ ታኒ ጫሞ ዬሆ ዬካይስ፤ ታ ኣይፌፔ ኣፉን ሃ ማላ ጎጌስ።

ኤርማሳ ቲንቢቴ 4:21

ታኒ ኣይዴ ጋካናስ ኦላ ማላታ ጼላኔ? ታ ኣይዴ ጋካናስ ዛዬ ጊሪስ ሲያኔ?

ኤርማሳ ቲንቢቴ 4:5

ጎዳይ፥ « ‹ቢታ ኡባን ዛዬ ፑኒቴ!› ጊዲ ዩሁዳን ዮቲቴ። ዬሩሳላሜንካ ኣዋጂቴ፤ ‹ኢሲፌ ሺቂቴ! ኣኔ ጊምቤቲዳ ካታማታኮ ባቃቶስ!› ጊ ዋሲቴ።

ዬ ማጻፋ 146:1

ጎዳይ ጋላቴቶ! ታ ሼምፖዬ፥ ጎዳ ጋላታ!

ዬ ማጻፋ 119:136

ኔ ዎጋይ ቦንቼቶንታ ጊሻስ ታ ኣፉን ሃ ማላ ጎጌስ።

ዬ ማጻፋ 119:53

ኢታቲ ኔ ዎጋስ ኣዛዜቶንታይሳ ቤኣዳ ኬሃ ሃንቄታዲስ።

ዬ ማጻፋ 103:1

ታ ሼምፖዬ! ጎዳ ጋላታ! ታ ኩሜ ኣሳቴይ ኢዛ ጌሻ ሱን ጋላቶ።

ዬ ማጻፋ 16:2

ታኒ ጎዳስ፥ «ኔኒ ታ ጎዳ፤ ኔፔ ኣቲን ሃራ ሎኦይ ታስ ዴና» ጋዲስ።

ዳናታ ማጻፋ 5:21

ቤኒ ቂሶኔ ሻፋ ኪጻይ ኢስታ ዴን ኤፊዴስ፤ ኢስቲካ ሃሮን ሜጬቲ ይዳ፤ ታ ሼምፖዬ ሚና፤ ዎልቃንካ ሲን ጉጃ።

ታይቦ ማጻፋ 10:9

«ኢንቴ ዴራ ቦላ ዎራጂዳ ኢንቴ ሞርኬታራ ኢንቴ ኦሌታናስ ኬዚዛ ዎዴ ዛዬታ ቁ ሂስቲ ፑኒቴ፤ ሂስቲኮ ጎዳ ኢንቴ ጾሳይ ኢንቴና ቆፓናኔ ኢንቴ ሞርኬታፔ ኢንቴና ኣሻና።

ሜቴ ማጻፋ 49:6

ታኒ ኢስታ ዞሬቴን ጌሊኬ፤ ታኒ ኢስታ ሺቆሶንካ ኡቲኬ። ኣይስ ጊኮ ኢስቲ ባ ሃንቆን ኣስ ዎዳኔ ባና ኤካ ኤካ ጊን ቦራታ ጊልዳዪ ቃንጺዳ።

1ቆሮንቶሴ ኣሳስ 14:8

ቃሴካ ጹሩምባይ ኣዛስ ፑኔቲዛኮ ዎይኮ ዛዬይ ኣዛስ ዛዬቲዛኮ ሻኪ ኤሬቶንታ ኦጌራ ፑኔቲኮ ኦኒ ኦላስ ጊጌታኔ?

ኤርማሳ ቲንቢቴ 6:24

ኑኒ ሄ ዮኦ ሲዪን ኑ ቄሴይ ኪምኢሊሽ ጊዴስ። ማጫስ ሚጻይ ኦይኪዳ ማላ ኑና ጬጬይ ኦይኪዴስ።

ኤርማሳ ቲንቢቴ 8:21

ታ ዴሬይ ማዱንጺሺን ታኒካ ማዱንጻዲስ፤ ዬካዲሲኔ ዳጋማዲስ።

ኤርማሳ ቲንቢቴ 42:14

ቃሴ ኢንቴ፥ ‹ኦላ ቤዮንታሶ፥ ኦላ ዛዬይ ፑኔቶንታሶኔ ኮሻይ ባይንዳሶ ጊብጼ ቢዲ ሄን ዳና› ጊኮ፥

ኤርማሳ ቲንቢቴ 49:2

ኣሞኔ ካታማ ኤራባ ቦላ ኦላ ዋሶ ጬንጉርሲ ሴቴታና ዎዴይ ያና። ኢዛ ቡታዳ ዶሬቲዳ ዶሬ ጊዳና፤ ኢዚ ጉታቲ ኡባይ ጹጌታና፤ ኢስራኤሌይ ባና ኬሲ ጎዲዳይታ ባ ዴሬፔ ኬሳ ጎዳና።

ኤርማሳ ቲንቢቴ 50:22

ሄ ቢታን ኦላ ሺሮይኔ ጊታ ባሻ ዋሶይ ሴቴቲዴስ።

ዳኔላ ቲንቢቴ 4:19

ሄ ዎዴ ቢልጻሶሬ ጌቴቲዛ ዳኔሊ ኬሂ ዳጋሚዲ ሃኒዛዝ ይዴስ፤ ባ ቆፋን ጉ ዎዴስ ጬጪዴስ፤ ካዎዚካ ኢዛ፥ «ቢልጻሶሬ! ኣጉሞዛ ጊዲን ዎይኮ ኢዛ ቢርሼይ ኔና ዳጋንፎ» ጊዴስ። ቢልጻሶሬይካ ኢዛስ፥ «ካዎ! ኔ ኣጉሞዚ ኔና ኢጺዛይታስ፥ ቢርሼይካ ኔ ሞርኬታስ ጊዶ።

2ካዎታ ማጻፋ 4:19

ኢዚ ባ ኣዋስ፥ «ታ ሁኤ! ታ ሁኤ!» ጊዴስ። ኣዋዚካ ባ ኣይሌዛስ፥ «ናዛ ባኣ ኤፋዳ ኢዛ ኣዬይኮ ጋ» ጊዴስ።

2ካዎታ ማጻፋ 8:11

ኢዚ ዬላታና ጋካናስ ኣዛሄሌይ ኢዛ ቲሺ ሂስቲ ጼሊዴስ፤ ሄሳፌ ጉዬ ጾሳ ናቤዚ ኣይፉን ጉሲዴስ።

ኢሳያሳ ቲንቢቴ 21:4

ታ ዎዚናይ ፖዱ ጊዴስ፤ ታና ያሺ ኮኮሪሲዴስ፤ ታ ኡፋይሳን ናጊዳ ኦማርሳይ ታ ቦላ ሂርጋ ዬጊዴስ።

ኤርማሳ ቲንቢቴ 8:18

ታ ጬጪዛ ዎዴ ታና ሚንዛይሶ! ታ ዎዚናይ ኬሂ ሜቂዴስ።

ኤርማሳ ዚላስ 1:20

«ኣቤት ጎዳዉ! ታ ዋዬዛ ቤኣ! ታ ጊዶ ኣሳቴይ ሜቶቲዴስ፤ ታ ኬሃ ማካላዲስ፤ ታ ዎዚናይካ ሜቂዴስ፤ ካሬን ጊዲን ሶን ዴራ ሃይቆይ ዉርሴስ።