ኤርማሳ ቲንቢቴ 38:19 - ጋሞ ማጻፋ

¹⁹ ቃሴካ ካዎ ሴዴቂያሲ ኤርማሳስ፥ «ባቢሎኔ ባቃቲ ቢዳ ኣይሁዳቲ ታ ቦላ ቂ ካኦንታ ማላ ታና ኢስታ ኩሼን ኣ ኢማናኮ ጋዳ ባባይስ» ጊዴስ።

Geeshsha Maxaafa

¹⁹ Qasseka kawo Sedeqiyaasi Ermaasas, «Baabiloone baqati bida Ayhudati ta bolla qidhi kaa7ontta mala tana istta kushen aaththi immanaakko gaada babbays» gides.

ኤርማሳ ቲንቢቴ 38:19 Referans Kwoze

ዮሃኒሳ ሚሺራቾ 12:42

ጊዲኮካ ኣይሁዳታ ሃላቃታፔ ዳሮ ኣሳይ ዬሱሳ ኣማኒዴስ። ጊዶ ኣቲን ኢስታ ኣይሁዳታ ዎሳ ኬፌ ጎዶንታ ማላ ፋርሳዌታስ ባቢዲ ባ ኣማኖ ቆንጬን ማርካቲቤቴና።

ኤርማሳ ቲንቢቴ 38:22

ዩሁዳ ካዎቴ ኬን ኣቲዳ ማጫሳቲ ኡባይ ዲኤቲዲ ባቢሎኔ ሹሜታስ ኣ ኢሜታና፤ ሄ ማጫሳቲ፥ « ‹ኔኒ ኢስታን ኣማኔቲዳ ኔ ሲቆቲ ኔና ባሌዳኔ ጾኒዳ፤ ኔ ቶሆይ ኡርቃን ሚቴቲዴስ፤ ኔ ሲቆቲካ ኔና ዬጊ ቢዳ› ጋና።

ኢሳያሳ ቲንቢቴ 57:11

«ኔኒ ታስ ዎርዶቲዳይ፥ ኦናስ ያያዳ? ኦናስ ሂርጋዳ? ኔ ታና ቆፖንታ ኣጊዳይ፥ ሃይሳካ ኔ ዎዚናን ቁምኦንታ ኣጊዳይ፥ ታስ ኔ ያዮንታ ኢጺዳይ፥ ታኒ ጮኡ ጊዳ ጊሻስ ጊዴኔ?

ኤርማሳ ቲንቢቴ 39:9

ባቢሎኔ ካዎ ቦንቾ ናጊዛ ዛቤታ ኣዛዚዛ ናቡዛራዳኔይ ካታማን ኣቲዳ ኣሳታኔ ካዲዲ ባናን ጋጊዳ ኣሳታ ኡባ ኢሲፌ ዲኢዲ ባቢሎኔ ቢታ ኤፊዴስ።

1ሳሜላ ማጻፋ 31:4

ሳኦሊ ባ ጎንዳሌ ኦይኪዛይሳስ፥ «ሃይቲ ቃጻሬቶንታይቲ ታና ጫዶንታ ማላኔ ካዉሾንታ ማላ ኔኒ ኔ ማሻን ታና ጫዳ» ጊዴስ። ኢዛስ ጎንዳሌ ቶኪዛይሲ ኬሂ ባቢዳ ጊሻስ ጫዶንታ ኢጺዴስ። ሂስቲን ሳኦሊ ባርካ ባ ጊ ማሻ ቦላ ኩንዲ ሃይቂዴስ።

ሌሚሶ ማጻፋ 29:25

ኣሳስ ያዪዛይሲ ኢዛዴስ ዎጺማዴ ጊዴስ፤ ጊዶ ኣቲን ጎዳን ኣማኔቲዛ ኣሲ ሳሮን ዴኤስ።

1ሳሜላ ማጻፋ 15:24

ሄሳፌ ጉዬ ሳኦሊ ሳሜላስ፥ «ታኒ ናጋራ ኦዲስ፤ ጎዳ ኣዛዞኔ ኔ ኢሚዳ ዎጋ ሞራዲስ፤ ታኒ ዴራስ ያዪዳ ጊሻስ ኢስታስ ኣዛዜታዲስ።

ዳናታ ማጻፋ 16:25

ኢስቲ ኬሂ ኡፋዬቲዳ ጊሻስ፥ «ኢዛ ቦላ ኑ ሚጪ ካኣና ማላ ሳምሶኔ ሃ ኤኪ ዪቴ» ጊዳ፤ ሂስቲን ሳምሶኔ ቃሾ ኬፌ ጼይጊዲ ኤሂን ኢዚ ኢስታ ሲንን ካኢዴስ፤ ካኢዳፔ ጉዬ ኢዛ ናምኡ ቱሳታ ጊዶን ኤሲዳ።

ዳናታ ማጻፋ 9:54

ኢዛ ጎንዳሌ ኦይኪ ካሊዛ ናቴዛ ኤሶን ጼይጊዲ፥ «ታና ኣሲ፥ ‹ኢዛ ማጫሲ ዎዱስ› ጎንታ ማላ ኔ ጊ ማሻ ኮሆፔ ሾዳዳ ታና ዎ» ጊዴስ፤ ሄ ኣይሌዚካ ጫዲን ኢዚ ሃይቂዴስ።

ኤርማሳ ቲንቢቴ 38:5

ካዎ ሴዴቂያሲ ዛሪዲ፥ «ኢዚ ኢንቴ ኩሼን ዴስ፤ ካዎዚ ኢንቴናራ ኤቄቲዲ ኣይኮካ ኦና ዳንዳዬና» ጊዴስ።

ኢዮቤ ማጻፋ 31:34

ታና ኣሳ ዳሮይ ያሺሲኒኔ ሶ ኣሳታ ካይ ዳጋንን ታኒ ታሶን ጮኡ ጋዳ ቆቴቲዳ ዎዴይ ዴና።

2ታሪኬ ማጻፋ 30:10

ኪቴቲዳይቲ ኤፍሬሜ ቢታኔ ሚናሴ ቢታ ካንዲ ዛቢሎኔ ቢታ ጋካናስ ካታማፔ ካታማ ቢዳ፤ ጊዶ ኣቲን ሄ ካታማታን ዴኢዛ ኣሳቲ ኢስታ ካዲ ኢስታ ቦላ ሚጪዳኔ ቂልጪዳ።

ናሂሚያ ማጻፋ 4:1

ኑኒ ጊምቤዛ ኦሶ ዶሚዳይሳ ሳንባላጼይ ሲዪዲ ኬሂ ዪሎቲዲ ኑና ናጫናስ ዴንዲዴስ።

ኤርማሳ ቲንቢቴ 20:7

ኣቤት ጎዳዉ! ኔኒ ታና ጪማዳሳ፤ ታኒካ ጪሜታዲስ። ኔኒ ታፔ ኬሃ ሚናዳ ታና ጾናዳሳ። ጋላስ ኩሜ ታኒ ኣሳስ ሚቻስ ኣታዲስ፤ ኡባይካ ታና ቂስ።