ኤርማሳ ቲንቢቴ 36:2 - ጋሞ ማጻፋ

² «ጻ ማጻፋ ኤካዳ ታኒ ኢዮሲያሳ ካዎቴ ዎዴፔ ዶማዳ ታ ኔስ ዮቶ ኦይኮሶፌ ሃች ጋካናስ ኢስራኤሌ ቦላ፥ ዩሁዳ ቦላኔ ሃራ ካዎቴታ ኡባ ቦላ ሃሳይዳ ቃላ ኡባ ጻፋ።

Geeshsha Maxaafa

² «Xaaththa maxaafa ekkada tani Iyosiyaasa kawoteththa wodeppe doommada ta nees yooto oykkoosofe hach gakkanaas Isra7eele bolla, Yuhuda bollanne hara kawoteththata ubbaa bolla haasayda qaala ubbaa xaafa.

ኤርማሳ ቲንቢቴ 36:2 Referans Kwoze

ኤርማሳ ቲንቢቴ 30:2

ጎዳ ኢስራኤሌ ጾሳይ ኤርማሳ፥ «ታኒ ኔስ ዮቲዳ ቃላ ኡባ ማጻፋን ጻፋ።

ኤርማሳ ቲንቢቴ 25:3

«ዩሁዳ ካዎ ኣሞኔ ና ኢዮሲያሲ ካዎቲዳ ታማኔ ሄን ላይፌ ዶሚዲ ሃች ጋካናስ ናምኡ ታማኔ ሄ ላይ ኩሜ ጎዳ ቃላይ ታኮ ዪዴስ። ሂስቲን ታኒካ ዛራ ዛራዳ ኢንቴስ ዮታዲስ፤ ጊዶ ኣቲን ኢንቴ ሲዮንታ ኢጺዴታ።

ኤርማሳ ቲንቢቴ 1:10

ኔኒ ሾዳናሲኔ ላላናስ፥ ይሳናሲኔ ሺራ ዬጋናስ፥ ኬጻናሲኔ ቶካናስ ዴሬታ ቦላኔ ካዎቴታ ቦላ ታኒ ሃች ኔና ሹማዲስ» ጊዴስ።

ኬሳ ማጻፋ 17:14

ሄሳፌ ጉዬ ጎዳይ ሙሴስ፥ «ታኒ ኣማሌቄ ኣሳይ ቆፌቶንታ ማላ ኢስታ ቢታ ቦላፌ ኩሜ ይሳና። ሃይሲ ኡባ ዎዴ ቆፌታና ማላ ማጻፋን ጻፋዳ ኢያሶስ ናባባ ሲሶንታ ኣጎፋ» ጊዴስ።

ሂዚቄላ ቲንቢቴ 2:9

ሄሳፌ ጉዬ ታኒ ጼሊሺን ኢሲ ኩሼይ ታኮ ሚጬቲዳይሳ ሄራካ ቤኣዲስ፤ ሄ ኩሼዛን ጻ ማጻፋይ ዴስ።

ኤርማሳ ቲንቢቴ 51:60

ኤርማሲ ባቢሎኔ ጊሻስ ካሴ ጻፊ ዎዳይሳ ኡባ ባቢሎኔ ቦላ ያና ባሽ ኡባ ጻ ማጻፋን ጻፊዴስ።

ኤርማሳ ቲንቢቴ 36:23

ዩሁዳይ ሄ ዎይኮ ኦይዱ ሶሆታ ናባቢዳፔ ጉዬ ካዎዚ ሄ ሶሆታ ጻ ማጻፋፔ ጻፌዛ ማጋላን ቃንጺ ቃንጺዲ ኩሜ ማጻፋይ ጹጌቲ ዉራና ጋካናስ ታማዛን ዬጊዴስ።

ኤርማሳ ቲንቢቴ 36:6

ሄሳ ጊሻስ ኔኒ ኣሳይ ጾሚዛ ጋላስ ጎዳ ኬ ባዳ፥ ታኒ ዮቲን፥ ኔኒ ጻ ማጻፋን ጻፊዳ ጎዳ ቃላ ኢስታስ ናባባ፤ ባንታ ካታማታፔ ዪዳ ዩሁዳ ኣስ ኡባሲካ ናባባ።

ኢሳያሳ ቲንቢቴ 8:1

ጎዳይ ታና፥ «ጊታ ጻ ዋራቃታ ኤካዳ፥ ‹ማሄር-ሻላል ሃሽ-ባዝ› ጋዳ ናባቤቲዛ ፒዳሌን ጻፋ።

ዬ ማጻፋ 40:7

ሄሳፌ ጉዬ ታኒ፥ «ጻ ማጻፋን ታ ጊሻስ ጻፌቲዳ ማላ ሄኮ ሃኢ ታኒ ያዲስ።

ኢዝራ ማጻፋ 6:2

ጊዶ ኣቲን ባቢሎኔ ካታማን ጊዶንታ ሜዶኔ ዴሬን ኣሂሚቴ ካታማን ኢሲ ጻ ማጻፋይ ቤቲዴስ፤ ኢዛን ጻፌቲዳ ቃላይ፥

ሆሴኤ ቲንቢቴ 8:12

ታ ኢስታስ ታ ዎጋ ጋርሳን ዲዛ ዳሮ ሚሻታ ጻፋዲስ። ኢስቲ ጊዲኮ ሃዳ ሚሻ ማላ ቆዲዳ።

ኤርማሳ ቲንቢቴ 45:1

ኢዮሲያሳ ና ኢዮኣቄሜይ ዩሁዳን ካዎቲዳ ኦይዳን ላይን፥ ኔሪያ ና ባሮኬይ ሃ ቃላታ ኤርማሲ ዮቲን ሲዪዲ ማጻፋን ጻፊዴስ። ሄ ዎዴ ኤርማሲ ኢዛስ ዮቲዳ ቃላይ፥

ኤርማሳ ቲንቢቴ 36:29

ቃሴ ዩሁዳ ካዎ ኢዮኣቄሜስ፥ ‹ባቢሎኔ ካዎይ ቱማፔ ዪዲ ሃ ቢታ ይሳና፤ ኢዚን ዲዛ ኣሳኔ ሜሄ ዉርሳና ጋዳ ኣይስ ጻፋዲ?› ጋዳ ጻ ማጻፋ ጹጋዳሳ» ጌስ ጎዳይ ጋዳ ዮታ።

ኤርማሳ ቲንቢቴ 2:4

ኢንቴኖ ያቆቤ ኬ ኣሳቶ! ኢስራኤሌ ዛሬ ኡባቶ! ጎዳ ቃላ ሲዪቴ!

ኤርማሳ ቲንቢቴ 1:5

«ኤርማሳ! ታኒ ኔና ኔ ኣዬይ ኡሎን ሜናፔ ካሴ ኤራይስ። ኔኒ ዬሌታናፔ ሲንን ታ ኔና ዱማሳ ዎዲስ። ቃሴካ ካዎቴታስ ናቤ ጊዳና ማላ ሹማዲስ።»

ኢዮቤ ማጻፋ 31:35

«ታ ጊዛይሳ ሲዪዛዴይ ቤቴሬኔሺን! ታኒካ ቴቄ ቃላ ሺሻናኮሺን! ኡባ ዳንዳይዛ ጾሳይ ታ ጊዛይሳ ዛሮ ኢዚ ኢሞ! ታና ሞቲዛ ሞታንቻይ ታና ሞቲዛይሳ ጻፊ ሺሺን ታ ቤያርኪናሺን!

ዛሬ ማጻፋ 31:24

ሙሴይካ ሃይሳ ዎጋ ቃላታ ኮይሮፔ ቢዲ ዉርሴ ጋካናስ ኡባ ጻፊዳፔ ጉዬን፤

Ibirawe 10:7

ሄ ዎዴ ታኒ፥ «ታ ጊሻስ ጌሻ ማጻፋን ጻፌቲዳ ማላ፥ ‹ጾሶ፥ ሄኮ ታኒ ኔ ሼኔ ኦናስ ያዲስ› » ጋዲስ።

ኤርማሳ ቲንቢቴ 1:9

ጎዳይ ባ ኩሼ ዬዲዲ ታ ሜቴርሻታ ቦቺዲ፥ «ሄኮ ኔ ዮታና ታ ቃላ ኔ ዶናን ዎዲስ።

ኤርማሳ ቲንቢቴ 36:14

ሹሜቲ ኡባይ ኩሼ ና፥ ሼሌሚያ ና፥ ናታኒያ ና ዩሁዳ፥ «ዴራስ ኔ ናባቢዳ ጻ ማጻፋ ኤካዳ ያ» ጊዲ ባሮኬስ ኪታ ዬዲዳ፤ ኔሪያ ና ባሮኬይ ጻ ማጻፋ ኤኪዲ ኢስታኮ ዪዴስ፤

ኤርማሳ ቲንቢቴ 36:18

ባሮኬይካ፥ «ኤ፥ ሃ ቃላ ኡባ ኤርማሲ ባ ዶናፔ ታስ ዮቲዴስ፤ ታኒካ ቃላሜን ጻ ማጻፋን ጻፋዲስ» ጊ ዛሪዴስ።