ኤርማሳ ቲንቢቴ 35:15 - ጋሞ ማጻፋ

¹⁵ ታስ ኦሳንቻ ጊዲዳ ናቤታ ዛራ ዛራ ኢንቴኮ ኪታዲስ፤ ሂስታዳ፥ ‹ኢንቴ ኡባይካ ኢንቴ ኢታ ኦጌፔ ሃኢ ሲሚቴ፤ ኢንቴ ኦሶካ ሎኤቴ፤ ኤቃ ጾሳታስ ጎይኖፍቴኔ ኦፍቴ። ሂስቲኮ፥ ታኒ ጎዳይ ኢንቴሲኔ ኢንቴ ኣዋታስ ኢሚዳ ቢታን ኢንቴ ዳና› ጋዲስ። ኢንቴ ጊዲኮ ኢንቴ ሃይ ታኮ ዬጊዲ ሲዪቤኬታ።

Geeshsha Maxaafa

¹⁵ Taas oosanchcha gidida nabeta zaara zaara intteko kiittadis; histtada, ‹Intte ubbayka intte iita ogeppe ha7i simmite; intte oosokka lo7eththite; eeqa xoossatas goynnoftenne ooththofte. Histtiko, tani GODAY inttessinne intte aawatas immida biittan intte daana› gadis. Intte gidikko intte hayth taakko yeggidi siyibeekketa.

ኤርማሳ ቲንቢቴ 35:15 Referans Kwoze

ኤርማሳ ቲንቢቴ 18:11

ጎዳይ፥ «ሄሳ ጊሻስ፥ ኤርማሳ ሃኢ ዩሁዳ ኣሳታሲኔ ዬሩሳላሜን ዲዛይታስ ባዳ፥ ‹ሄኮ ታኒ ኢንቴ ቦላ ባሽ ጊጊሶ ቦላ ዳይስ፤ ኢንቴ ቦላ ኢታ ሚሽ ሜሼ ዳይስ፤ ሄሳ ጊሻስ ኢንቴ ኡባይካ ኢንቴ ቢዛ ኢታ ኦጌፔ ሲሚቴ፤ ኢንቴ ኦጌኔ ኢንቴ ኦሶ ሱሪሲቴ› ጋ ዮታ።

ሃዋሬታ ኦሶ 26:20

ጊዶ ኣቲን ታ ካሴታዳ ዳማስቆን ዲዛ ኣሳ ካሌዳ ዬሩሳላሜኒኔ ዩሁዳ ዴሬ ኡባን ዲዛይታ ቃሴካ ኣይዛቤቲካ ናጋራ ኦጌፔ ጾሳኮ ሲሚዲ ማሬታና ማላ ኤሪሳዲስ፤ ኢስቲ ናጋራፔ ሲሚዳይሳ ቤሲዛዝ ኦና ማላ ታ ኢስታስ ዮታዲስ።

ኤርማሳ ቲንቢቴ 22:4

ሃይታ ኣዛዞታ ኢንቴ ሎኤ ናጊኮ ዳዊቴ ካዎቴ ኣራታ ቦላ ኡቲዛ ካዎቲ ባ ሹሜታራኔ ባ ዴሬ ኣሳራ ፓራ-ጋሬኔ ፓራ ቶጊዲ ሃይሳ ካዎቴ ኬ ፔንጌራ ጌላናኔ ኬዛና።

1ታሶሎንቄ ኣሳስ 4:8

ሄሳ ጊሻስ ሃይሳ ሃ ዞሬዛ ካዲ ኤኮንታዴይ ጺሎ ኣያና ኢዛስ ኢሚዳ ጾሳ ካስ ኣቲን ኣስ ካዛዴ ጊዴና።

ሉቃሳ ሚሺራቾ 10:16

«ኢንቴ ጊዛይሳ ሲዪዛ ኣሲ ታና ሲዬስ፤ ኢንቴና ኤኮንታ ኣሲ ታናካ ኤኬና፤ ታና ኤኮንታይካ ታና ኪቲዳይሳ ኤኬና» ጊዴስ።

ኤርማሳ ቲንቢቴ 34:14

‹ባና ኣይሌቴስ ኣ ኢሚዳ ኢንቴ ዳቦ ኢብራዌታ ኡሱፑን ላይ ሃሪዳፔ ጉዬ ላፑን ላይን ላኣ ዬዶ› ጋዳ ጫቄዲስ፤ ጊዶ ኣቲን ኢንቴ ኣዋቲ ታ ጊዛዝ ሲዮንታ ኢጺዲ ባ ሃይ ሃራሶ ዬጊዳ።

ኤርማሳ ቲንቢቴ 26:13

ሃኢካ ኢንቴ ኦጌኔ ኢንቴ ኦሶ ሎኤቴ፤ ጎዳ ኢንቴ ጾሳስ ኣዛዜቲቴ፤ ኢንቴ ሂስቲኮ ጎዳይ ኢንቴ ቦላ ኤሃና ጊ ዮቲዳ ኢታ ሚሻ ኢዚ ኣጋጋና።

ኤርማሳ ቲንቢቴ 4:14

ኔኖ ዬሩሳላሜ! ኔ ኣታና ኮይኮ ኔ ዎዚና ኢታቴ ሜጬታ፤ ኢታ ቆፋይ ኔ ዎዚናን ኣይዴ ጋካናስ ጋምኣኔ?

ኤርማሳ ቲንቢቴ 4:1

ጎዳይ፥ «ኢስራኤሌ ኣሳዉ! ሲሚኮ ሃ ታኮ ሲሚቴ። ኢንቴ ሃራሲዛ ሚሻታ ታ ሲንፌ ዲጊኮ፥ ያዮንታ ሚኒ ኤቂኮ፥

ኤርማሳ ቲንቢቴ 3:14

ቃሴካ ጎዳይ፥ «ኢንቴኖ ኣማኔቶንታ ኣሳቶ፥ ሲሚቴ፤ ታኒ ኢንቴስ ኣዚና፤ ታኒ ኢንቴ ጊዶፌ ኢሲ ካታማፔ ኢሳ፥ ኢሲ ቆሞፌ ናምኣታ ዶራዳ ጺዮኔ ኤሃና።

ዛሬ ማጻፋ 30:20

ጎዳ ኢንቴ ጾሳ ሲቂቴ፤ ኢዛ ቃላ ሲዪቴ፤ ኢዛኮ ሺጲ ጊቴ፤ ሄሳ ሃኒኮ ጎዳይ ካሴ ኢንቴ ኣዋታስ፥ ኣብራሃሜስ፥ ዪሳቃሲኔ ያቆቤስ ኢማናስ ጫቂዳ ቢታን ኢንቴኒኔ ኢንቴ ናይቲ ኣዱሳ ላይ ዴኣና።

ኬሳ ማጻፋ 20:3

«ታፔ ኣቲን ሃራ ኤቃ ጾሳታስ ጎይኖፋ።

ዛሬ ማጻፋ 6:14

ኢንቴ ዩሾን ዲዛ ሃራ ዴሬ ኣሳይ ጎይኒዛ ኤቃ ጾሳታስ ጎይኖፍቴ፤

ኤርማሳ ቲንቢቴ 11:8

ኢስቲ ጊዲኮ ባ ዎዚና ኢታቴ ካሊዳ ኣቲን ታስ ኣዛዜቲቤቴና፤ ባ ሃይካ ሃ ታኮ ዬጊቤቴና፤ ሄሳ ጊሻስ ኢስቲ ካላና ማላ ታ ኣዛዚዳ ጫቆ ቃላ ፖሎንታ ኣጊዳ ጊሻስ ታ ኢስታ ቦላ ቃንጌ ኤሃዲስ» ጊዴስ።

ኤርማሳ ቲንቢቴ 13:10

ታ ቃላ ሲዮንታ ኢጺዲ፥ ባንታ ዎዚና ሙሜቴ ካሊዲ፥ ኤቃ ጾሳታስ ኦናሲኔ ጎይናናስ ቢዛ ሃ ኢታ ኣሳይ ሃይሳ ዳንጮዛ ማላ ሙሌካ ጎኦንታይሳ ጊዳና።

ኤርማሳ ቲንቢቴ 23:22

ኢስቲ ታ ዞሬን ኤቂዳኮ ታ ቃላ ታ ዴራ ሲሳና፤ ኢታ ኦጌፔኔ ኢታ ኦሶፔ ኢስታ ዛራና።

ኤርማሳ ቲንቢቴ 25:4

«ጎዳይ ባ ኣይሌ ጊዲዳ ናቤታ ኡባ ዛሪ ዛሪዲካ ኢንቴኮ ኪቲዴስ፤ ጊዶ ኣቲን ኢንቴ ኢስታ ሲዮንታ ኢጺዴታ፤ ኢስታስካ ዉዱ ጎንታ ኢጺዴታ» ጊዴስ።

ኤርማሳ ቲንቢቴ 26:5

ኢንቴ ሲያና ማላ ታ ኦሳንቻታ ዛራ ዛራ ታ ኢንቴኮ ዬዲዳ ናቤታ ቃላ ኢንቴ ሲዮንታ ኢጺኮ፥

ኤርማሳ ቲንቢቴ 29:19

ጋሶይካ ታ ኦሳንቻ ናቤታ ቦላ ታኒ ኢስታስ ዛራ ዛራዳ ኪቲዳ ታ ቃላ ኢስቲ ሲዮንታ ኢጺዳ። ኢንቴካ ዲኤቲ ቢዳይቲ ሲዮንታ ኢጺዴታ› ጌስ።

ኤርማሳ ቲንቢቴ 32:33

ኢስቲ ታስ ባንታ ሲን ኣጊዲ ዞኮ ዛሪዳ፤ ታኒ ኢስታ ዛራ ዛራዳ ታማርሲኮካ ኢስቲ ሲዬቴናኔ ሴራካ ኤኬቴና።

ኤርማሳ ቲንቢቴ 36:3

ታኒ ዩሁዳ ኣሳ ቦላ ኤሃና ጋዳ ሃልቺዳ ቦሻ ኡባ ኣሳይ ሲዪዲ ኢሶይ ኢሶይ ባ ቢዛ ኢታ ኦጌፔ ሲማናኮ ኦኔ ኤሪዛይ? ታኒካ ኢስታ ቆሆኔ ኢስታ ናጋራ ኣቶ ጋና» ጊዴስ።