ኤርማሳ ቲንቢቴ 34:8 - ጋሞ ማጻፋ

⁸ ካዎ ሴዴቂያሲ ኣይሌቴ ጋርሳን ዲዛይታ ላኣ ኬሳናስ ዬሩሳላሜን ዲዛ ኣሳ ኡባራ ጫቄቲዳፔ ጉዬ ጎዳ ቃላይ ኤርማሳኮ ዪዴስ።

Geeshsha Maxaafa

⁸ Kawo Sedeqiyaasi aylleteththa garsan dizayta la7a kessanaas Yerusalaamen diza asaa ubbaara caaqettidaappe guye GODAA qaalay Ermaasakko yides.

ኤርማሳ ቲንቢቴ 34:8 Referans Kwoze

ሌዌታ ማጻፋ 25:10

ሄሳካ ኢቻሽ ታማን ላይ ዱማሲ ሻኪዲ ቢታይ ቦላ ዲዛይታስ ኡባስ ዎዜቴ ኣዋጂቴ፤ ሃይሳፌ ካሴ ባይዜቲዳ ጋዴይ ካሴ ባይዚዳዴስ ዎይኮ ኢዛዴ ቆሞስ ሲሞ፤ ኣይሌቴን ባይዜቲዳ ኣይሌይካ ካሴ ባ ኣሳኮ ሲሞ።

ኤርማሳ ቲንቢቴ 34:17

ሄሳ ጊሻስ ታኒ ጎዳይ፥ «ኢንቴ ታስ ኣዛዜቶንታ ኢጺዲ ኢንቴ ኢሻታኔ ኢንቴ ዳቦታ ኣይሌቴፌ ላኣ ዬዲዛ ኣዋጃ ኣዋጂቤኬታ፤ ቤኢቴ ታኒ ኢንቴ ቦላ፥ ‹ላኣ› ኣዋጃ ኣዋጃና፤ ሄሲካ ኦላን፥ ኢታ ሃርጌኒኔ ኮሻን ኢንቴ ኩንዳና ኣዋጃ፤ ታኒ ኢንቴና ሳኣ ቦላ ዲዛ ካዎቴቲ ሻጴቲዛ ሚሽ ኦና።

2ካዎታ ማጻፋ 11:17

ዮዳሄይካ ኣሳይ ጎዳ ዴሬ ጊዳና ማላ ጾሳ ሲንኒኔ ካዎዛ ሲንን ዴሬዛሲኔ ጎዳስ ጊዶን ጫቆ ቃላይ ዳና ማላ ኦዴስ። ሄሳካ ካዎዛሲኔ ዴሬዛስ ጊዶን ጫቆ ቃላ ዎዴስ።

ኢሳያሳ ቲንቢቴ 61:1

ኡባ ሃሪዛ ጎዳ ኣያናይ ታ ቦላ ዴስ፤ ሂዬሳታስ ሚሺራቾ ዮታና ማላ፥ ጎዳይ ታና ቲይዴስ። ኢዚ ታና ዎዚናይ ሜቂዳይታ ኮላና ማላ፥ ዲኤቲዳይታ ላኣ ኬሳና ማላ፥ ቃሼቲዳይታስ ቢርሼ ኣዋጃና ማላ ኪቲዴስ።

ናሂሚያ ማጻፋ 9:38

«ሃኒዳ ዮኦ ኡባስ ኑኒ ኢስራኤሌ ኣሳይ ቃላን ጋጊዳይሳ ጻፊ ዎናስ ቃላ ቃቺዶስ፤ ኑ ቃቺን ጻፌቲዳ ቃላ ቦላ ኑና ካሌዛይቲ፥ ሌዌ ባጋቲኔ ኑ ቄሴቲ ባ ማታሜ ሾጪዳ» ጊዳ።

2ታሪኬ ማጻፋ 29:10

«ሃኢ ጊዲኮ ባቢሲዛ ኢዛ ሃንቆይ ኑ ቦላፌ ኪቻና ማላ ታኒ ጎዳ ኢስራኤሌ ጾሳራ ጫቄታናስ ታ ዎዚናን ቆፓዲስ።

2ታሪኬ ማጻፋ 23:16

ሄሳፌ ጉዬ ዮዳሄይ፥ ዴሬዚኔ ካዎዚ ጎዳ ዴሬ ጊዳናስ ጫቂዳ።

ዛሬ ማጻፋ 15:12

ኣዴ ጊዲን ማጫ ጊዲን ኔ ባጋ ጊዲዳ ኢስራኤሌ ኣሳፔ ኢሲ ኣሲ ኣይሌታናስ ባና ኔስ ባይዚኮ ኢዚ ኔስ ኡሱፑን ላይ ኦዳፔ ጉዬ ላፑን ላይን ኢዛ ኣይሌቴፌ ኬሳ ዬዳ።

ኢሳያሳ ቲንቢቴ 58:6

«ቤኢቴ ታኒ ዶሪዳ ጾማይ፥ ኡንኤቲዳይታ ሳንሳላታ ኢንቴ ዱና ማላ፥ ቃምባራ ዎዶሮ ኢንቴ ቢርሻና ማላ፥ ኡንኤቲዳይታ ኢንቴ ላኣ ዬዳና ማላ፥ ቶሆ ጊዲዳ ቃምባራ ኢንቴ ሜንና ማላ ጊዴኔ?