ኤርማሳ ቲንቢቴ 32:20 - ጋሞ ማጻፋ

²⁰ ኔኒ ጊብጼን ማላታታኔ ኦራ ሚሽ ኦዳሳ፤ ሃች ጋካናስካ ሃ ኦራ ኦሶታ ኢስራኤሌ ኣሳ ጊዶኒኔ ሃራ ካዎቴታ ኡባ ጊዶን ኦዛይሳ ኣጋቤካ። ሄሳፌ ዴንዲዳይሳን ኔ ሱንይ ኡባሶን ኤሬቲዴስ።

Geeshsha Maxaafa

²⁰ Neni Gibxen malaatatanne ooraththa miish ooththadasa; hach gakkanaaska ha ooraththa oosota Isra7eele asaa giddoninne hara kawoteththata ubbaa giddon ooththizayssa aggabeekka. Hessafe dendidayssan ne sunththay ubbason erettides.

ኤርማሳ ቲንቢቴ 32:20 Referans Kwoze

ናሂሚያ ማጻፋ 9:10

ጊብጼ ካዎ ቦላ፥ ሹሜታ ቦላኔ ሄ ቢታን ዲዛ ኣሳ ኩሜ ቦላ ጊታ ማላታታ ቆንጪሳ ቤሳዳሳ። ሄሳ ኔ ኦዳይ ካሴ ኑ ኣዋታ ጊብጼ ኣሳይ ኣይ ማላ ኢስታስ ሜንጼ ኢቲዲ ዋዪሲዳኮ ኔ ቤኢዳ ጊሻሳ፤ ኔ ሄሳ ኦይሳ ጋሶን ሃች ጋካናስ ኔ ሱንይ ቦንቾን ጼይጌታና ማላ ኦዳሳ።

ሃዋሬታ ኦሶ 7:36

ኢዚካ ኢስታ ካሌዲ ጊብጼፔ ኬሲዴስ፤ ጊብጼን፥ ዞኦ ኣባኒኔ ባዞ ቢታን ኦይዱ ታሙ ላይ ዳሮ ማላሊሲዛ ሚሻታኔ ጊታ ማላታታ ኢስታስ ኦዴስ።

ዳኔላ ቲንቢቴ 9:15

«ኣቤት ጎዳ ኑ ጾሳዉ! ሃይሳፌ ካሴ ኔኒ ኔ ዴሬዛ ኔ ሚኖቴን ጊብጼፔ ኬሳዳ ሃች ጋካናስ ኔ ሱንይ ኤሬታና ማላ ኦዳሳ፤ ኑኒ ጊዲኮ ናጋራ ኦዶስ፤ ኔናካ ቆሂዶስ።

ዬ ማጻፋ 135:9

ኔኖ ጊብጼ! ፓሮኔ ቦላኔ ኢዛ ኦሳንቻታ ቦላ ኦራኔ ማላሊሲዛ ሚሽ ዬዲዴስ።

2ሳሜላ ማጻፋ 7:23

«ባ ዴሬ ጊዳና ማላ ኢዛ ኣሻናስ ጾሲ ኢዛፔ ሲንራ ቢዳ ዴሬይ፥ ባ ሱንስ ኦና ማላ ካዎቴታኔ ኢስታ ኤቃ ጾሳታ ባ ሲንፌ ጎዲዲ ጊታኔ ያሺሲዛ ማላታ ኦዲ ጊብጼፔ ዎዚ ኤኪዳ ኔ ዴሬ ኢስራኤሌ ማላይ ቢታ ቦላ ኦኒ ዲዜ?

ኬሳ ማጻፋ 9:16

ታኒ ኔና ፓጻ ዎዳይ ኔና ታ ዎልቃ ቤሳናሲኔ ታ ሱን ቢታ ኡባ ቦላን ጼይጌታና ማላሳ።

ኢሳያሳ ቲንቢቴ 63:12

ቦንቼቲዳ ዎልቃማ ቄሴ፥ ሙሴስ ኡሻቻ ኩሼ ቦላ ዎዴስ፤ ባስ ሜርናስ ሱን ኬሳናስ፥ ሃታ ኢስታ ሲንን ሻኪዴስ።

1ታሪኬ ማጻፋ 17:21

ኔኒ ጾሲ ጊብጼ ቢታፌ ኬሲዳ ኔ ዴራ ሲንፌ ካዎቴታ ጎዳዳ ጊታኔ ያሺሲዛ ሚሽ ኔ ሱንስ ኦና ማላ፥ ዴራካ ኔስ ዎዛና ማላ ኔ ኢስታስ ኦዳይሳ ኔ ዴሬ ኢስራኤሌ ማላ ዴሬይ ቢታ ቦላ ሃራይ ዲዜ?

ዛሬ ማጻፋ 7:19

ጎዳ ኢንቴ ጾሳይ ኢንቴና ጊብጼፔ ኬሲዛ ዎዴ ኦዳ ጊታ ቦሻታ፥ ማላታታ፥ ማላሊሲዛ ሚሻታ፥ ኢዛ ሚኖ ቄሴታኔ ሚጬቲዳ ኩሼታ ኢንቴ ኢንቴ ኣይፌን ቤኢዴታ፤ ሃኢ ኢንቴ ያዪዛ ኣሳ ኡባ ቦላንካ ጎዳ ኢንቴ ጾሳይ ሄሳ ኦና።

ዛሬ ማጻፋ 6:22

ጊብጼ ኣሳ፥ ኢስታ ካዎዛኔ ኢስታ ሹሜታ ኬሂ ቆሂዛ ጊታ ማላታታ ኢዚ ኦዛይሳ ኑኒ ኑ ኣይፌራ ቤኢዶስ።

ዛሬ ማጻፋ 4:34

ዎይኮ ጎዳ ኢንቴ ጾሳይ ኢንቴ ጼሊሺን ጊብጼ ቢታን ኢንቴስ ኦዛይሳ ፓጬን፥ ማላታን፥ ማላሊሲዛ ሚሻን፥ ኦላን፥ ሚኖ ቄሴኒኔ ሚጬቲዳ ኩሼን፥ ቃሴ ያሺሲዛ ባ ዎልቃን ሃራ ካዎቴታ ጊዶ ጌሊዲ ኢሲ ካዎቴ ባስ ኤካናስ ባጼቲዳ ሃራ ጾሲ ዲዜ?

ኬሳ ማጻፋ 7:3

ጊዶ ኣቲን ታኒ ካዎዛ ዎዚና ሚንና፤ ታኒ ጊብጼ ቢታን ታ ማላታኔ ማላሊሲዛ ሚሽ ዳርሳ ኦኮካ፥

ኬሳ ማጻፋ 3:20

ሄሳ ጊሻስ ታኒ ታ ኩሼ ዬዳዳ ኢስታ ጊዶን ታኒ ኦዛ ታ ማላታታ ኡባን ጊብጼ ኣሳ ሾጫና። ሄሳፌ ጉዬ ኢዚ ኢንቴና ዬዳና።

ኢሳያሳ ቲንቢቴ 63:14

ዱጌ ዙሌ ዎዛ ሜሄ ዉዴ ማላ፥ ጎዳ ኣያናይ ኢስታስ ሼምፖ ኢሚዴስ፤ ኢዚ ዴራ ሄሳ ካሌዳይ፥ ኔ ሱን ቦንቺሳናሳ።

ኤርማሳ ቲንቢቴ 13:11

ዳንጮይ ኣሳ ጼሳ ባቂ ኦይኪዛ ማላ ዩሁዳ ኣሳይ ኡባይኔ ኢስራኤሌ ኣሳይ ኡባይ ታኮ ሺጵ ጋና ማላኔ ታ ሱንስ ጋላታኔ ቦንቾ ኢማና ማላ ታ ኦን ኢስቲ ታ ጊዛዝ ሲዪቤቴና» ጌስ።

ዛሬ ማጻፋ 11:3

ማላታታኔ ኢዚ ጊብጼ ካዎ ቦላኔ ኩሜ ዴራ ቦላ ኦዳ ጊታ ኦሶታ ኢንቴ ኢንቴ ኣይፌራ ቤኢዴታ።

ናሂሚያ ማጻፋ 9:11

ኢስታ ሲንን ኣባ ናምኡ ኬሳ ሻካዳ፥ ሜላ ቢታራካ ኢስታ ፒንዳሳ፤ ሹች ዱጌ ጪማ ሃ ጊዶን ዬጊዛ ማላ ኢስታ ጎዲዛይታ ጪማ ሃ ጊዶ ዬጋዳሳ።

ዳኔላ ቲንቢቴ 6:28

ሄሳ ጊሻስ ዳኔሊ ካዎ ዳሪዮሳ ካዎቴ ዎዴኒኔ ፓሪሴ ዴሬ ኣስ ቂሮሳ ካዎቴ ላይ ኡባን ኢዛስ ዴኦይ ኢንጄቲዴስ።