ኤርማሳ ቲንቢቴ 31:19 - ጋሞ ማጻፋ

¹⁹ ታ ኔፔ ሃካ ቢዳፔ ጉዬ ሲማዳ ሞታዲስ፤ ታ ኣኬኪዳ ዎዴ ታ ሁኤ ባቃዲስ፤ ታ ዬላጋቴ ካዉሻቴ ቶካዲስ፤ ዬላታዳ ጉጻዲስ› ጊዴስ።

Geeshsha Maxaafa

¹⁹ Ta neeppe haakka bidaappe guye simmada modhettadis; ta akeekida wode ta hu7e baqqadis; ta yelagateththaa kawushshateth tookkadis; yeellatada guuxxadis› gides.

ኤርማሳ ቲንቢቴ 31:19 Referans Kwoze

ሂዚቄላ ቲንቢቴ 36:31

ሄ ዎዴ ኢንቴ ኢንቴ ኢታ ኦጌኔ ቱኒዳ ኢንቴ ኦሶታ ኢንቴ ኣኬካና፤ ኢንቴ ናጋራ ጊሻሲኔ ሃራሲዛ ኢንቴ ኦሶታ ጊሻስ ኢንቴርካ ኢንቴ ኢንቴና ባሻሼታና።

ኤርማሳ ቲንቢቴ 3:25

ኑኒ ዬላጋቴፌ ዶሚዲ ሃች ጋካናስ፥ ኑኒካ ኑ ኣዋቲካ ጎዳ ኑ ጾሳ ቦላ ናጋራ ኦዶስ፤ ጎዳስ ኑ ጾሳስ ኣዛዜቲቤኮ፤ ሄሳ ጊሻስ ኣኔ ኑኒ ዬላቴ ጉሉንቲዲ ኢቾስ፤ ቃሴ ካዉሻቴ ኑና ኣፋላ ማላ ካሞ» ጌቴስ።

ሂዚቄላ ቲንቢቴ 21:12

ሃይሶ ኣሳ ናዉ! ሃይሲ ታ ዴሬ ቦላ ኢስራኤሌ ዳናታ ኡባ ቦላ ዪዴስ፤ ሄሳ ጊሻስ ዬሆኔ ዋሶ ሲሳ፤ ኢስቲ ታ ዴሬዛራ ኢሲፌ ማሻስ ኢሜቲዳ፤ ሄሳስ ኔ ጊሻስ ኔ ቲራ ኢጫ።

ሉቃሳ ሚሺራቾ 18:13

«ጊዶ ኣቲን ቃራጻ ሺሺዛ ኣዴዚ ሃሆን ኤቂዲ ፑዴ ሳሎ ቁ ጊ ጼላናስ ኮዪቤና፤ ጊዶ ኣቲን ባ ቲራ ኢጪሼ፥ ‹ጾሶ! ታና ናጋራንቻዛ ማራርኪ!› ጊዴስ።

ዛሬ ማጻፋ 30:2

ኢንቴኒኔ ኢንቴ ናይቲ ጎዳ ኢንቴ ጾሳኮ ሲሚዲ ኩሜ ዎዚናፔኔ ኩሜ ሼምፖፌ ታኒ ሃች ኢንቴና ኣዛዚዳ ቃላስ ኣዛዜቲኮ፥

ዛካራሳ ቲንቢቴ 12:10

«ሄ ዎዴ ዳዊቴ ኬ ኣሳ ቦላኔ ዬሩሳላሜን ዲዛ ኣሳ ቦላ ኪያቴ ኣያናኔ ዎሳ ኣያና ታ ጉሳና፤ ታና ጫዲዳይቲ ታኮ ጼላና፤ ኢስቲካ ኣሲ ባስ ዲዛ ኢሲ ናይ ሃይቂን ዬኪዛ ኣሳ ማላ ኢዛስ ዬካና፤ ባይራ ናስ ኣሲ ዬኪዛ ማላ ጫሞ ዬሆ ዬካና።

ዬ ማጻፋ 25:7

ታ ዬላጋቴ ናጋራኔ ሞሮ ሃሳኦፓ፤ ኣቤት ጎዳዉ! ኔ ጊታ ኪያቴ ማላኔ ኔ ሎኤቴ ኬና ታና ቆፓ፤

ኢዝራ ማጻፋ 9:6

«ታ ጾሳዉ! ኑ ናጋራይ ኑፔ ዳሮ ጊዲዳይሳኒኔ ኑ ሞሮይ ሳሎ ጋኪዳይሳ ጊሻስ ታኒ ኔኮ ፑዴ ቁ ጋዳ ጼላናዉ ባባይሲኔ ዬላታይስ።

2ጺምቶሳስ 2:25

ኢዚ ባናራ ኤቄቲዛ ኣሳታ ኣሽኬቴራ ኦይኪዛዴ ጊዳናስ ቤሴስ፤ ኦኔ ኤሪዛይ ኢስቲ ቱማ ኤራና ማላ ጾሲ ኢስታስ ማሬታናስ ዎዴ ኢማና ዳንዳዬስ።

ኦሮሜ ኣሳስ 6:21

ሃኢ ቃሴ ኢንቴ ዬላቲዛ ሚሻታፔ ሄ ዎዴ ኣይ ጎኣ ዴሚዴቲ? ሄሳ ሄ ሃኖዛስ ጎኣይ ሃይቆ።

ሉቃሳ ሚሺራቾ 15:30

ጊዶ ኣቲን ሃይሲ ኔ ናዚ ኔስ ዲዛይሳ ኡባ ላይማቲዛይታራ ዉርሲዲ ዪሺን ሞ ሚርጎ ቦራ ኢዛስ ሹካዳሳ› ጊዴስ።

ሂዚቄላ ቲንቢቴ 36:26

ታኒ ኢንቴስ ኦራ ዎዚና ኢማና፤ ኦራ ኣያናካ ኢንቴ ጊዶን ታ ኣይሳና፤ ቃሴ ሹቻ ዎዚና ኢንቴ ጊዶፌ ኬሳዳ ኣሾ ዎዚና ኢማና።

ሂዚቄላ ቲንቢቴ 23:3

ኢስቲ ቡሮ ናቴን ዲሼ ጊብጼ ቢታን ላይማቴ ዶሚዳ፤ ሄን ኢስቲ ዲሺን ን ቲራን ኡቲዴስ፤ ኣዴ ናይቲ ኢዛን ካኢዳ፤ ኢስታ ጌላኦቴይካ ኤኬቲዴስ።

ሂዚቄላ ቲንቢቴ 6:9

ሃይቲ ሃይቆፔ ኣቲዳይቲ ዲኤቲ ቢዳሶን ዲሼ ኢስቲ ታና ቆፓና፤ ኢስቲ ታፔ ሃኪዲ ላይማቴን ኩሚዳ ዎዚናኒኔ ዚታይ ኩሚዳ ኤቃ ጾሳታ ካሊዛ ኢንቴ ኣይፌታን ታና ሚሺሲዴታ፤ ባ ኦዳ ኢታቴፌኔ ሃራሲዛ ኤቃ ጾሳታፔ ዴንዲዳይሳን ኢስቲ ባርካ ባና ሃራሴታና።

ኤርማሳ ቲንቢቴ 32:30

ጎዳይ፥ «ኢስራኤሌ ኣሳይኔ ዩሁዳ ኣሳይ ባንታ ዬላጋቴፌ ዶሚዲ ታ ሲንን ኢታ ሚሽ ኦዳፔ ኣቲን ሃራ ኢሲ ሎኦ ሚሽ ኦቤቴና፤ ኢስቲ ባንታ ኩሼን ኦዳ ኦሶን ታና ሃንቄዳ።

ኤርማሳ ቲንቢቴ 22:21

ኔኒ ሳሮ ዲሺን ታ ኔስ ሚን ዮታዲስ፤ ጊዶ ኣቲን ኔኒ፥ ‹ሲዪኬ› ጋዳሳ። ዬላጋቴፌ ዶሚን ኔ ኦጌይ ሃይሳ፤ ኔኒ ታስ ኣዛዜቶንታ ኢጻዳሳ።

ኢሳያሳ ቲንቢቴ 54:4

«ኣይኮይ ባ ባቦፋ፤ ኔ ዬላታካ፤ ሂርጎፋ፤ ኔ ካዉያካ፤ ኔ ዬላጋቴ ዬላ ኔኒ ዶጋና፤ ኔ ኣምኤቴ ቦሮካ ሃይሳፌ ሲንን ሃሳኣካ።

ኢዮቤ ማጻፋ 20:11

ዎልቃን ኩሚዳ ዬላጋቴ ኣሳቴይ ጉ ዎዴፔ ጉዬ ቢታ ጊዳና።

ኢዮቤ ማጻፋ 13:26

ታ ቦላ ኔ ጻፊዳ ሞቶይ ኬሂ ጫሞ፤ ታኒ ዬላጋቴን ኦዳ ቆሆዛካ ታስ ኣጋቤካ።

ዬ ማጻፋ 119:67

ታ ቃጻዬታናፔ ካሴ ኔ ዎጋፔ ካሬ ኬዛዲስ፤ ሃኢ ታኒ ኔ ቃላስ ኣዛዜታና።

ሂዚቄላ ቲንቢቴ 21:17

ታኒካ ታ ኩሼ ባቃና፤ ታ ሃንቆይካ ኢርጻና ጋዲስ ታኒ ጎዳይ» ጊዴስ።