ኤርማሳ ቲንቢቴ 31:11 - ጋሞ ማጻፋ

¹¹ ጋሶይካ ጎዳይ ያቆቤ ዎዛና፤ ኢዛፔ ሚኒዛይታ ኩሼፔ ኢዛ ኬሲ ኤካና።

Geeshsha Maxaafa

¹¹ Gaasoykka GODAY Yaaqoobe wozzana; izappe minnizayta kusheppe iza kessi ekkana.

ኤርማሳ ቲንቢቴ 31:11 Referans Kwoze

Titosas 2:14

ኢዚካ ኑና ኢታቴፌ ዎዛናሲኔ ሎኦ ኦናስ ሚኒዛ ባ ዴሬ ባስ ዶራናስ ባና ኑስ ኣ ኢሚዴስ።

ኢሳያሳ ቲንቢቴ 48:20

ባቢሎኔ ቢታፌ ኬዚቴ፤ ባቢሎኔ ኣሳፔ ባቃቲቴ! ሃይሳ ኢሊሊሳን ኤሪሲቴ፤ ኣዋጂቴ፤ ቢታ ጋጻ ጋካናስ ዮቲቴ፤ «ጎዳይ ባ ኣሽካራ ያቆቤ ዎዚዴስ» ጊቴ።

ኢሳያሳ ቲንቢቴ 44:23

ጎዳይ ሃይሳ ኦዳ ጊሻስ ሳሎቶ ዬጺቴ፤ ጪማ ቢታቶ ኡፋይሳን ኢሊሊቴ። ኢንቴኖ ዙማቶ፥ ኢንቴኖ ዎራቶ፥ ሚቶ ኡባይ ኢሊሊቴ፤ ጋሶይካ ጎዳይ ያቆቤ ዎዚዴስ፤ ባ ቦንቾ ኢስራኤሌ ቦላ ቆንጪሲዴስ።

ኤርማሳ ቲንቢቴ 15:21

ኢታታ ኩሼፔ ታኒ ኔና ዎዛና፤ ሜንጼ ኢታታ ቆሆፔካ ታ ኔና ኣሻና» ጌስ።

ኢሳያሳ ቲንቢቴ 49:24

ዲኢ ኤኪዳ ሚሽ ኦላንቻታፔ ጉዬ ዛራናስ፥ ዲኤቲ ቢዳይታ ሜንጼ ኢታታ ኩሼፔ ኣሻናስ ዳንዳዬቲዜ?

ዬ ማጻፋ 142:6

ታኒ ኬሂፔ ሂዶታ ቃንጺዳ ጊሻስ ኔ ታ ዋሶ ሲያ! ታና ጎዲዛይቲ ታፔ ዎልቃቲዳ ጊሻስ ታና ኣሻ።

Maatosa 20:28

ኣሳ ናይ ኣሳይ ኢዛስ ኦና ማላ ጊዶንታ ኢዚ ኣሳስ ኦናሲኔ ባ ሼምፖ ዳሮታ ጊሻስ ኣ ኢማናስ ዪዴስ» ጊዴስ።

Maatosa 12:29

«ዎይኮ ኢሲ ኣሲ ዎልቃራ ዲዛዴ ኬ ጌሊዲ ሚሼ ቦንቃና ኮይኮ ካሴቲዲ ሄ ዎልቃራ ዲዛ ኣዴዛ ኦይኪ ቃቾንታ ዎስቲ ቦንቃኔ? ቃቺዳፔ ጉዬ ቦንቃና ዳንዳዬስ።

Maatosa 22:29

ዬሱሲካ ኢስታስ ዛሪዲ፥ «ጌሻ ማጻፋታኔ ጾሳ ዎልቃ ኢንቴ ኤሮንታ ጊሻስ ባሌቴታ።

ሆሴኤ ቲንቢቴ 13:14

ታኒ ኔና ዱፎ ዎልቃፌ ኣሻና፤ ሃይቆፔካ ዎዛና። ሃይቆ! ኔ ዎዛ ዎልቃይ ኣዋን ዲዜ? ዱፎዞ! ኔኒ ኣስ ይሲዛ ዎልቃይ ኣዋን ዲዜ? ታኒ ኢዛስ ቃቲኬ።

ኤርማሳ ቲንቢቴ 50:33

ጎዳይ ኡባፌ ዎልቃማ ጾሳይ፥ «ኢስራኤሌ ኣሳይኔ ዩሁዳ ኣሳይ ኢሲ ቦላ ቆሄቲዴስ፤ ዲኢዳይቲ ኡባይ ኢስታ ሚን ኦይኪዳ፤ ኢስታ ዬዳናስ ኢጺዳ።

ኬሳ ማጻፋ 15:16

ኣቤት ጎዳዉ! ዳጋማይኔ ሂርጋይ ኢስታ ኦይካና። ኢስቲ ኔ ዎልቃ ጊታቴ ቤኢዲ፥ ኔ ኣሳይ ኣና ጋካናስ፥ ኔኒ ዎዚዳ ኣሳይ ኣና ጋካናስ፥ ሹቻ ማላ ቶሌቲ ኤቃና።

ኢሳያሳ ቲንቢቴ 51:11

ጎዳይ ዎዚዳይቲ ሲማና፤ ዬጺሼካ ጺዮኔ ጌላና፤ ሜርና ኡፋይሳ ካላቻ ሁኤን ጎጻና፤ ኢስቲ ኢንጄኔ ኡፋይሳ ዱስ ዴማና፤ ጬጬይኔ ዬሆይ ኢስታፌ ባቃታና።

ኤርማሳ ቲንቢቴ 50:34

ጊዶ ኣቲን ኢስታ ዎዚዛይ ሚኖ፤ ኢዛ ሱንይካ ጎዳ ኡባፌ ዎልቃማ ጾሳ፤ ኢስቲ ቢታስ ሼምፖ ኢማናስ ኬሂ ባጼቴስ፤ ጊዶ ኣቲን ባቢሎኔን ዲዛይታስ ሼምፖ ይሴስ» ጌስ።

ዛካራሳ ቲንቢቴ 9:16

ሄ ዎዴ ጎዳይ ኢስታ ጾሳይ ባ ዴራ ባስ ዉዴ ሜሄ ሂስቲ ኣሻና፤ ካላቻ ቦላ ዲዛ ሴሎይ ጾልቂዛ ማላ ኢስቲካ ጾሳ ዴሬን ጶላና።

ኢሳያሳ ቲንቢቴ 49:25

ጊዶ ኣቲን ጎዳይ፥ «ቱሙካ ኦላንቻቲ ዲኢ ኤፊዳ ሚሽ ኬሲ ኤካናስ፥ ሜንጼ ኢታታ ኩሼፔ ዲኤቲዳይታ ኣሻናስ ዳንዳዬቴስ፤ ኔናራ ኦሌቲዛይታራ ታ ኦሌታና፤ ኔ ናይታካ ታኒ ኣሻና።

ኤርማሳ ዚላስ 3:58

ጎዶ! ኔ ታስ ሞቴታዳ ታና ኣሻዳሳ።