ኤርማሳ ቲንቢቴ 30:16 - ጋሞ ማጻፋ

¹⁶ «ጊዶ ኣቲን ኢንቴና ዲፒ ሂስቲ ሚዳ ኡባቲ ሄሳ ሜቴታና፤ ኢንቴ ሞርኬ ኡባቲካ ዲኤቲ ባና፤ ኢንቴና ቦንቂዳይቲ ቦንቄታና፤ ኢንቴና ቦጊዛይቲ ቦጌታና።

Geeshsha Maxaafa

¹⁶ «Gido attiin inttena dippi histti mida ubbati hessaththo meetettana; intte morkke ubbatikka di7etti baana; inttena bonqqidayti bonqqettana; inttena boggizayti bogettana.

ኤርማሳ ቲንቢቴ 30:16 Referans Kwoze

ኤርማሳ ቲንቢቴ 10:25

ያቆቤ ሙሌራ ሚ ሚቲዳይታ ቦላኔ ኔ ሱን ጼይጎንታ ኣሳታ ቦላ ጉሳ። ኢዛ ዱሳሶካ ካይዚሲዳ ጊሻስ ኔኒ ኔ ሃንቆዛ ኔና ኤሮንታ ዴሬታ ቦላኔ ኔ ሱን ጼይጎንታ ካዎቴታ ቦላ ጉሳ።

ኢሳያሳ ቲንቢቴ 33:1

ኔስ ዮንታ ዳሼ ሃራ ይሲዛይሶ! ኔስ ኣዬ ኣና! ኔና ኣ ኢሞንታ ዲሺን ሃራ ኣ ኢሚዛይሶ! ኔስ ኣዬ ኣና! ኔኒ ይሶ ኣጊዳ ዎዴ ኔ ያና፤ ኔኒ ኣ ኢሞ ኣጊዳ ዎዴ ኔና ኣ ኢማና።

ኬሳ ማጻፋ 23:22

ኢዚ ዮቲዛይሳ ኢንቴ ሎኤ ሲዪኮ፥ ታኒ ዮቲዛይሳ ኡባ ኦኮ ኢንቴ ሞርኬታ ኡባ ታኒ ሞርካና፤ ኢንቴናራ ኤቄቲዛይታራ ታኒካ ኤቄታና።

ዛካራሳ ቲንቢቴ 2:8

ኡባፌ ዎልቃማ ጎዳይ፡ ባ ቦንቾ ቆንጪሳና ማላ ባ ኣሳ ቦንቂዳይታ ካዎቴኮ ታና ኪቲዴስ፤ ኢንቴና ቦቺዛይ ታስ ኣይፌ ጪሮ ቦቺዛ ማላ።

ዮሃኒሳ ኣጁታ 13:10

«ዲኤታናስ ዲዛዴይ ዲኤታና፤ ማሻን ሃይቃናስ ዲዛዴይ ማሻን ሃይቃና፤» ሄሳ ጊዲዳ ጊሻስ ኣማኒዛይታ ዳንዳያይኔ ኢስታ ኣማኔቴ ኮሺዛይ ሃኒና።

ዛካራሳ ቲንቢቴ 12:2

«ታኒ ዬሩሳላሜ ኢዞ ዩዪ ኣ ዲዛ ዴሬታስ ማሲዛ ዎይኔ ኡሹ ኢዛን ቲጊዛ ቢሪሌ ማላ ኦና፤ ዬሩሳላሜ ዶዳና ማላ ዩሁዳ ካታማዮካ ዶዳና።

ኢዩኤሌ ቲንቢቴ 3:8

ኢንቴ ማጫ ናይቲኔ ኣቱማ ናይቲ ዩሁዳ ኣሳስ ባይዜታና ማላ ታ ኦና፤ ኢስቲካ ሃሆ ዴሬን ዲዛ ሳባኔ ኣሳስ ኣ ባይዛና፤ ሃይሳ ዉርሳ ዮቲዳይ ታና ጎዳ።

ኢሳያሳ ቲንቢቴ 14:2

ካዎቴቲ ኤፊዲ ኢስታ ኢስታ ቢታ ዛራና። ኢስራኤሌ ኣሳይ ካዎቴታ ባስ ኦይኪዲ ማጫሳኔ ኣቱማሳ ኣይሌ ሂስቲዲ ጎዳ ቢታን ሃራና። ባና ዲኢዳይታ ዛሪ ዲኣና፤ ባና ኡንኤዳይታ ዛሪዲ ሃራና።

ዬ ማጻፋ 129:5

ጺዮኔ ኢጺዛ ኡባይ ዬላቲዲ ጉዬ ሲሞ!

ሶፎናሳ ቲንቢቴ 2:8

ጎዳይ፥ «ሞኣቤ ኣሳይ ጫዪዛይሳኔ ኣሞኔ ኣሳይ ቂዛይሳ ታ ሲያዲስ። ታ ዴራ ጫዪዳ፤ ኢስቲ ታ ዴራ ቦላካ ማንዲዳ» ጌስ።

ኢምባቆ ቲንቢቴ 2:16

ኔኒ ቦንቾ ጊሻስ ዬላታና፤ ሄሲካ ሃኢ ታራይ ኔስ ጊዲዳ ጊሻስ ኡያዳ ጋንዲጋራ፤ ኔ ካሎታ። ጎዳ ኡሻቻ ኩሼን ዲዛ ሃንቆ ጹኣይ ኔ ቦላ ሲማና፤ ካሴ ኔስ ዲዛ ቦንቾዛ ካዉሻቴን ላማና።

ናሆሜ ቲንቢቴ 1:8

ጊዶ ኣቲን ኢዚ ናናዌ ዎልቃማ ዲኦ ሃን ይሳና፤ ባ ሞርኬታ ማይ ዲዛሶ ዬዴና።

ሚኪያሳ ቲንቢቴ 7:10

ታ ሞርኬዛካ ሄሳ ቤያንዱስ፤ ኢዛ ዬላታና። ታና፥ «ጎዳ ኔ ጾሳይ ኣዋን ዲዜ?» ጊዳሪ ኩንዴ ታ ኣይፌቲ ቤያና፤ ኦጌ ኡርቃ ማላ ኢዛ ዬታና።

ሚኪያሳ ቲንቢቴ 4:11

ሃኢ ቃሴ ዳሮ ሃንኮ ዴሬ ኣሳይ ኔ ቦላ ሺቂዴስ፤ ኢስቲካ፥ ‹ሃና ቱኒዳዝ ጊዱ! ኑ ኣይፌይ ጺዮኖ ቂን ጼሎ› ጋና።

ሂዚቄላ ቲንቢቴ 35:5

« ‹ኢስራኤሌታ ቦላ ጋኪዛ ቂጻቴይ ኬሂ ጫሚን ኢስቲ ባንታና ጋኪዛ ሜቶዛ ኤኪዛ ዎዴ ኔኒ ቤኒ ላንጬዮ ኦይካ ኡታዳ ኔ ኢስታ ማሻስ ጋዳሳ።

ሂዚቄላ ቲንቢቴ 29:6

«ሄሳፌ ጉዬ ጊብጼን ዲዛ ኡባይ ታኒ ጎዳ ጊዲዳይሳ ኤራና። «ኢስራኤሌ ኬን ኔኒ ኣሳስ ማቃ ጉፌ ጊዳዳሳ።

ኤርማሳ ዚላስ 1:21

«ዴሬይ ታ ዚላሊዛይሳ ሲዪዴስ፤ ጊዶ ኣቲን ኦኒካ ታና ሚንዛዴይ ቤቲቤና፤ ታ ሞርኬቲ ኡባይካ ታ ሜቶቶይሳ ሲዪዳ፤ ኔኒ ኦይሳካ ኤሪዲ ኢስቲ ኡፋዬቲዳ፤ ኔ ኢስታ ቦላ ኤሃና ጋ ቃቺዳ ጋላሳያ ዩ፤ ኢስቲካ ታ ማላ ዚላሌቶ።

ኤርማሳ ቲንቢቴ 2:3

ሄ ዎዴ ኢስራኤሌይ ጎዳስ ጌሻ፥ ኮይሮ ሺሺዛ ጼራ ካ ማላ፤ ኢዞ ሚቲዳይቲ ሞራንቻ ጊዲዳ፤ ኢስታ ቦላ ባሺ ዪዴስ› » ጌስ።

ኢሳያሳ ቲንቢቴ 54:17

ኔና ቆሃናስ ኦሴቲዳ ሚሺ ኦና። ኔና ሞቲዛ ኢንጻርስ ኡባ ኔ ላና፤ ሄሳ ጊሻስ ጎዳ ኣይሌታ ጺንጾይ ሃይሳ፤ ኢስቲ ታፔ ዴማና ኣንጆይ ሄሳ» ጌስ።

ኢሳያሳ ቲንቢቴ 54:15

ኦኒካ ኔና ቆሂኮ፥ ሄሲ ታፔ ጊዴና፤ ኔና ቆሂዳይ ዲኮ ኔ ሲንን ኩንዳና፤

ዛካራሳ ቲንቢቴ 14:2

ዬሩሳላሜ ኦላና ማላ ካዎቴታ ኡባ ታ ሺሻና፤ ካታማያካ ኦይኬታና፤ ኬ ጊዶን ዲዛ ሚሺ ቦንቄታና፤ ማጫሳታራካ ዎልቃን ኢቻና፤ ካታማ ኣሳፔ ባጋይ ዲኤታና፤ ኣቲዳ ዴሬይ ቃሴ ካታማይፔ ኬዜና።

ዛካራሳ ቲንቢቴ 1:14

ቃሴካ ታናራ ሃሳይዛ ኪታንቻዚ፥ «ሃይሳ ቃላ ዮታ፤ ኡባፌ ዎልቃማ ጎዳይ፥ ‹ታኒ ጺዮኔሲኔ ዬሩሳላሜስ ኬሃ ቃታይስ።

ኤርማሳ ቲንቢቴ 50:28

«ጎዳ ኑ ጾሳይ ሃሎ ኬሲዳይሳ፥ ጾሳ ኬ ጊሻስ ሃሎ ኬሲዳይሳ ባቢሎኔፔ ቤቲዳይቲኔ ጎዴቲዳይቲ ጺዮኔን ሃሳይዛይሳ ሲዪቴ።

ኤርማሳ ቲንቢቴ 25:12

«ላፑን ታሙ ላይይ ፖሌቲዳፔ ጉዬ ባቢሎኔ ካዎ፥ ኢዛ ዴራኔ ኢዛ ቢታ ሞሮ ጊሻስ ታኒ ቃጻያና፤ ኢስታ ቢታካ ሜርናስ ቡላ ኦና።

ኤርማሳ ቲንቢቴ 12:14

ጎዳይ፥ «ታኒ ታ ዴሬ ኢስራኤሌስ ኢሚዳ ጺንጾ ቢታ ኦይኪዛ ኢታ ሾሮታ ታኒ ኢስታ ኢስታ ቢታፌ ቃላና። ቃሴ ዩሁዳ ኣሳታካ ኢስታ ጊዶፌ ቃላና።

ኤርማሳ ቲንቢቴ 8:16

ሞርኬታ ፓራ ፔኖይ ዳኔ ካታማፔ ሲዬቴስ፤ ኢስታ ዎዳላ ፓራታ ጫሻን ቢታይ ኡባይ ቃጼስ፤ ቢታዮኔ ቢታይ ቦላ ዲዛ ኡባ፥ ካታማዮኔ ኢዚን ዲዛ ኡባ ሚታናስ ዪዳ» ጌቴስ።

ኤርማሳ ቲንቢቴ 30:15

ሌይ ባይንዳ ኢንቴ ሃርጌሲኔ ኢንቴ ማዱን ጊሻስ ኣይስ ዋሴቲ? ኢንቴ ሞሮይ ጊታኔ ኢንቴ ናጋራይ ዳሮ ጊዲዳ ጊሻስ ሃይታ ኡባ ታ ኢንቴ ቦላ ኦዲስ» ጌስ።

ዛሬ ማጻፋ 30:7

ጎዳ ኢንቴ ጾሳይ ሃይታ ሃ ቃንጌታ ኡባ ኢንቴ ሞርኬታ ቦላኔ ኢንቴና ኢጺዛይታ ቦላ ዛራና።

1ሳሜላ ማጻፋ 17:53

ኢስራኤሌ ኣሳይ ፊሊስጼሜታ ዬዴ ሲሚዲ ኢስታ ጉታን ዲዛ ሚሽ ኡባ ቦንቂዴስ።

ሌሚሶ ማጻፋ 22:23

ኣይስ ጊኮ ጎዳይ ኢስታ ጊሻስ ሞቴታና፤ ኢስታ ቦንቂዳይታካ ኢዚ ቦንቃና።

ኤርማሳ ዚላስ 1:22

«ኢስታ ኢታቴ ኔ ሲንን ቤቶ፤ ታ ናጋራ ጋሶን ኔ ታ ቦላ ኦይሳ ኢስታ ቦላካ ኦ፤ ታ ጬጫዳ ዚላሊዛ ዚላሳይ ዳሪዴስ፤ ታ ዎዚናይካ ዳቡርዴስ» ጊሼ ዋሴቴስ።

ዛካራሳ ቲንቢቴ 1:15

ጊዶ ኣቲን ሳሮቴ ዴሚዲ ዎፓን ዲዛ ካዎቴታ ኬሃ ሃንቄታዲስ፤ ሄሳስ ጋሶይካ ታኒ ታ ዴሬዛ ቦላ ጉራ ሃንቄቲን ካዎቴቲ ታ ቆፋፔ ቦላራ ታ ዴራ ቆሂዳ› ጊዴስ።

ዛካራሳ ቲንቢቴ 2:12

ጎዳይ ጌሻ ቢታይን ዩሁዳ ባስ ቡዞ ሂስቲ ላታና፤ ዬሩሳላሜካ ዛሪ ዶራና።