ኤርማሳ ቲንቢቴ 3:3 - ጋሞ ማጻፋ

³ ሄሳ ጊሻስ ፑሴይካ ፑሶንታ ማላ ዲጌቲዴስ፤ ባልጎ ኢራይካ ቡኮንታ ኣጊዴስ፤ ኔ ጊዲኮ ሃኖ ጋካናስ ላይማቴ ኣጋቤካ፤ ኔኒ ዬላቶንታካ ኢጻዳሳ።

Geeshsha Maxaafa

³ Hessa gishshas puuseykka puusontta mala digettides; balgo iraykka bukkontta aggides; ne gidikko hanno gakkanaas laymateth aggabeekka; neni yeellatonttaka ixxadasa.

ኤርማሳ ቲንቢቴ 3:3 Referans Kwoze

ሌዌታ ማጻፋ 26:19

ኢንቴ ኦቶሮቴ ዎልቃ ታ ሜንና፤ ኢንቴፌ ቦላራ ሳሎዛ ቢራታ ማላ ኦና፤ ኢንቴ ቢታካ ጻርቂማላ ኦና።

ኤርማሳ ቲንቢቴ 14:4

ኢራይ ቡኮንታ ጊሻስ ቢታይ ሜሊዲ ዛኤስ። ጎሻንቻቲ ዬላቲዲ ባንታ ሁኤ ጉሉንቴቴስ።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 5:24

ኢስቲ ባንታ ዎዚናን፥ ‹ኑስ ሲላ ኢራኔ ጋባ ኢራ ዎዴን ዎዴን ቡኪሲዛ፥ ካ ሺሾ ዎዴ ኑስ ዎዴራ ኤሂዛ ጎዳ ኑ ጾሳስ ኣኔ ያዮስ› ጊቤቴና።

ኢሳያሳ ቲንቢቴ 5:6

ታኒ ሄ ሶሆዛ ማጎ ቢታ ኦና። ሄ ቱራይ ጹንቄቴናኔ ቡልኤቴና፤ ሂስቲን ኪንዲቾይኔ ኣጉን ኢዛን ሞካና። ኢራይ ኢዛን ቡኮንታ ማላ፥ ታኒ ሻራታ ኣዛዛና» ጊዴስ።

ዛሬ ማጻፋ 28:23

ኔፔ ቦላራ ኔ ጊናን ዴኢዛ ሳሎይ ጻርቂማላ ጊዳና፤ ኔ ቢታይካ ቢራታ ማላ ጊዳና።

ሃጌ ቲንቢቴ 1:11

ታኒካ ጎሻታ ቦላኔ ዙማታ ቦላ፥ ካ ቦላኔ ኦራ ዎይኔ ኡሻ ቦላ፥ ዛይቴ ቦላ፥ ቢታይ ኢሚዛ ኣይፌ ኡባ ቦላ፥ ኣሳ ቦላ፥ ሜሄ ቦላኔ ኢንቴ ኩሼ ኦሶ ኡባ ቦላ ኮሻ ኤሃና» ጌስ።

ኣሞጼ ቲንቢቴ 4:7

ኢንቴ ካይ ጋካናፔ ቡሮ ሄ ኣጊናይ ዲሺን ሲንታ ታ ኢንቴስ ኢራይ ቡኮንታ ማላ ዲጋዲስ፤ ኢሲ ካታማን ቡኪሺን ሃራ ካታማን ቡኮንታ ማላ ዲጋዲስ፤ ኢሲ ጋዴን ቡኪሺን ሃንኮ ኢሳ ጋዴን ኢራይ ዪን ሜሊዴስ።

ኤርማሳ ቲንቢቴ 9:12

ሄሳ ኣኬካናስ ዳንዳይዛ ኣ ኤራንቻይ ኦኔ? ጎዳይ ኢዛስ ቆንጪሲን ሃይሳ ኢዛስ ዮታና ዳንዳይዛይ ኦኔ? ቢታያ ኣሲ ባይንዳ ካይስ ኣይስ ጊዳዴ?

ኤርማሳ ቲንቢቴ 8:12

ቱና ኦሶ ኦዲ ዬላቲዶ? ቺ! ሙሌካ ዬላቲቤቴና። ኢስቲ ዬላይ ኣዛኮካ ኤሬቴና። ሄሳ ጊሻስ ኢስቲካ ኩንዲዳይታራ ኢሲፌ ኩንዳና፤ ታ ኢስታ ቃጻዪዛ ዎዴ ኢስቲ ካዉያና» ጌስ።

ኤርማሳ ቲንቢቴ 6:15

ሃ ሃራሲዛ ኦሶዛ ጊሻስ ኢስቲ ዬላቲዶ? ኣካይ ሙሌካ ዬላቲቤቴና፤ ኢስቲ ዬላይ ኣዛኮ ኤሬቴና። ሄሳ ጊሻስ ኢስቲ ኩንዲዛይታራ ኢሲፌ ኩንዳና፤ ታኒ ኢስታ ቃጻዪዛ ዎዴ ኢስቲ ካዉያና» ጌስ።

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ሂዚቄላ ቲንቢቴ 3:7

ጊዶ ኣቲን ኢስራኤሌ ኣሳይ ዞባኔ ዎዚና ሙሜ ጊዲዳ ጊሻስ ታ ዮቲዛይሳ ሲያና ኮዪቤቴና፤ ሄሳ ጊሻስ ኢስቲ ኔ ዮቲዛይሳካ ሲዬቴና።

ኤርማሳ ቲንቢቴ 5:3

ኣቤት ጎዳዉ! ኔ ኣይፌቲ ቱማ ጼሌቴኔ? ኔኒ ኢስታ ሾጫዳሳ ሺን ኢስታ ሳኪቤና። ኔኒ ኢስታ ኪንቼሬዳሳ፤ ጊዶ ኣቲን ኢስቲ ሲሚቤቴና፤ ኢስቲ ባንታ ዎዚና ሹቻፌ ኣ ሚንዳ፤ ባንታ ናጋራፔካ ሲሞንታ ኢጺዳ።

Ibirawe 12:25

ኢንቴስ ዮቲዛይሳ ኢንቴ ኣካይ ጎንታ ማላ ናጌቲቴ፤ ሄይታንቲ ጾሲ ቢታ ቦላ ዲዛ ኣሳ ባጋራ ኢስታስ ዮቲዛይሳ ኤኮንታ ኢጺዲ ኢዛፔ ኣታናስ ዳንዳዮንታ ኣጊኮ ኑኒ ሳሎፔ ዪዳይሲ ኑስ ዮቲሺን ኤኮንታ ኢጺኮ ኑ ኢዛፔ ዋኒ ኣታኔ?

ናሂሚያ ማጻፋ 9:17

ኔስ ኣዛዜቲቤቴና፤ ኔ ኢስታስ ኦዳ ጊታ ማላታካ ኡባ ዶጊዳ፤ ዎዚና ሙሜ ጊዲዳ፤ ቃሴ ጉዬ ጊብጼ ኣይሌቴን ዛራና ማላ ባንታና ካሌዛ ኣስ ዶሪዳ። ጊዶ ኣቲን ኔኒ ሲቆን ኩሚዳ ጾሳ፥ ሃንቆስ ታኪዛ ጾሳ፥ ኣቶ ጊዛ ጾሳ፥ ኪያኔ ማሪዛ ጎዳ ጊዲዳ ጊሻስ ኔ ኢስታ ኣጋቤካ።

ኤርማሳ ቲንቢቴ 14:3

ዱሬቲ ባንታ ኣይሌታ ሃ ዱቃናስ ኪቴቴስ። ኢስቲካ ሃ ኦላይ ዲዛሶ ቤቴስ፤ ጊዶ ኣቲን ሃ ዴሜቴና፤ ባንታ ኦቶ ሜላ ቶኪ ኤኪዲ ሲሜቴስ። ዬላቲዲኔ ሂዶታ ቃንጺዲ ባንታ ሁኤ ጉሉንቴቴስ።

ኤርማሳ ቲንቢቴ 36:2

«ጻ ማጻፋ ኤካዳ ታኒ ኢዮሲያሳ ካዎቴ ዎዴፔ ዶማዳ ታ ኔስ ዮቶ ኦይኮሶፌ ሃች ጋካናስ ኢስራኤሌ ቦላ፥ ዩሁዳ ቦላኔ ሃራ ካዎቴታ ኡባ ቦላ ሃሳይዳ ቃላ ኡባ ጻፋ።

ሶፎናሳ ቲንቢቴ 2:1

ኢንቴኖ ዬላይ ባይንዳ ዴሬቶ! ኣኔ ኢሲ ቦላ ሺቂቴ!

ሜቴ ማጻፋ 19:34

ዎንቴ ጋላስ ባይራያ ካሎዮ፥ «ሲያ! ቃማ ታኒ ኑ ኣዋራ ኣቃዲስ፤ ሃች ኦማርስ ቃሴ ዎይኔ ኡሹ ኡሺኮ ኔኒ ጌላዳ ኢዛራ ኣቃ፤ ሂስቲዲ ኑኒ ኑ ኣዋፔ ኑስ ዜሬ ኤሶስ» ጋዱስ።

ሌሚሶ ማጻፋ 21:29

ኢታ ኣሲ ቤሶንታዝ ጻላ ጻሌስ፤ ጊዶ ኣቲን ሱሬ ኣሲ ዩሺ ቆፔስ።

ኤርማሳ ቲንቢቴ 5:25

‹ኢንቴ ኢታ ኦሶይ ሃይታ ኢንቴና ዲጊዴስ። ኢንቴ ናጋራይ ኢንቴና ሎኦ ሚሻፌ ኣሺዴስ› ጋ» ጌስ።

ኤርማሳ ቲንቢቴ 14:1

ጎዳይ ኮሻ ጊሻስ ኤርማሳስ ዮቲዳ ቃላይ ሃይሳፌ ካሊዛይሳ፤

ኣሞጼ ቲንቢቴ 4:8

ኣሳይ ሃ ኡያናስ ኮዪሼ ሃ ካታማፔ ሄ ካታማ ቢዴስ፤ ጊዶ ኣቲን ባስ ጊዲዛ ሃ ዴሞንታ ኣጊዳ ጊሻስ ኡዪዲ ኣላናስ ዳንዳይቤቴና፤ ኢንቴካ ታኮ ሲሚቤኬታ።