ኤርማሳ ቲንቢቴ 3:25 - ጋሞ ማጻፋ

²⁵ ኑኒ ዬላጋቴፌ ዶሚዲ ሃች ጋካናስ፥ ኑኒካ ኑ ኣዋቲካ ጎዳ ኑ ጾሳ ቦላ ናጋራ ኦዶስ፤ ጎዳስ ኑ ጾሳስ ኣዛዜቲቤኮ፤ ሄሳ ጊሻስ ኣኔ ኑኒ ዬላቴ ጉሉንቲዲ ኢቾስ፤ ቃሴ ካዉሻቴ ኑና ኣፋላ ማላ ካሞ» ጌቴስ።

Geeshsha Maxaafa

²⁵ Nuni yelagateththafe doommidi hach gakkanaas, nunikka nu aawatikka GODAA nu Xoossa bolla nagara ooththidos; GODAAS nu Xoossaas azazettibeekko; hessa gishshas ane nuni yeellateth gullunttidi ichchoos; qasse kawushshateththi nuna afala mala kammo» geettes.

ኤርማሳ ቲንቢቴ 3:25 Referans Kwoze

ኤርማሳ ቲንቢቴ 22:21

ኔኒ ሳሮ ዲሺን ታ ኔስ ሚን ዮታዲስ፤ ጊዶ ኣቲን ኔኒ፥ ‹ሲዪኬ› ጋዳሳ። ዬላጋቴፌ ዶሚን ኔ ኦጌይ ሃይሳ፤ ኔኒ ታስ ኣዛዜቶንታ ኢጻዳሳ።

ኤርማሳ ቲንቢቴ 2:26

«ካይሶይ ኦይኬቲዲ ዬላቲዛ ማላ ኢስራኤሌ ኣሳይ ዬላቲዴስ፤ ኢስቲካ፥ ኢስታ ካዎቲ፥ ኢስታ ሹሜቲ፥ ኢስታ ቄሴቲኔ ኢስታ ናቤቲ ኡባይ ሄሳ ዬላታና።

ኦሮሜ ኣሳስ 6:21

ሃኢ ቃሴ ኢንቴ ዬላቲዛ ሚሻታፔ ሄ ዎዴ ኣይ ጎኣ ዴሚዴቲ? ሄሳ ሄ ሃኖዛስ ጎኣይ ሃይቆ።

ዳኔላ ቲንቢቴ 12:2

ኢስቲ ሃይቂን ቢታይ ሚዳይቲ ዉሪካ ዴንዳና፤ ኢስታ ጋርሳፌ ባጋይቲ ሜርና ዴኦስ፥ ባጋይቲ ሜርና ካዉሻሲኔ ዋዬስ ዴንዳና።

ሂዚቄላ ቲንቢቴ 36:32

ታኒ ሃይሳ ኦዛይ ኢንቴ ጊሻስ ጊዶንታይሳ ኤሪቴ፤ ኢንቴኖ ኢስራኤሌ ኣሳቶ! ኢንቴ ኢንቴ ኦሶን ዬላቲቴኔ ባሻሼቲቴ፤ ታኒ ኡባ ሃሪዛ ጎዳይ ሃይሳ ዮታይስ› ጌስ።

ሂዚቄላ ቲንቢቴ 7:18

ኢስቲ ማቃ ማይኣና፤ ኢስቲ ዳጋማን ሺሮታና፤ ኢስታ ኡባ ኣይፌሶይ ዬላ ማይኣና፤ ኢስታ ኡባ ሁኤይካ ቡሊሴታና።

ኤርማሳ ዚላስ 5:16

ካላቻይ ኑ ሁኤፔ ኩንዲዴስ፤ ኑ ናጋራ ኦዳ ጊሻስ ኣዬ ኣና!

ኤርማሳ ዚላስ 5:7

ኑ ኣዋቲ ናጋራ ኦዳ፤ ኑኒ ኢስታ ቂጻቴ ኤኪዶስ።

ኤርማሳ ቲንቢቴ 6:26

ታ ዴሬቶ ማቃ ማይኢቴ፤ ቢዲን ቦላ ቡሉሌቲቴ፤ ሜጺ ኢሲ ናይ ሃይቂዳ ኣሳ ማላ ጫሞ ዬሆ ዬኪቴ፤ ጋሶይካ ኑ ቆፖንታ ዲሺን ይሲዛይ ኑ ቦላ ያና።

ኤርማሳ ቲንቢቴ 2:19

ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

ኤርማሳ ቲንቢቴ 2:17

ኦጌ ኔና ካሌዛይሳ ጎዳ ኔ ጾሳ ኣጋዳ ሃይሳ ኔ ቦላ ኤሂዳይ ኔና ጊዲኪ?

ኤርማሳ ቲንቢቴ 2:2

«ባ! ባዳ ዋሳ፤ ዬሩሳላሜ ኣሳ ሃይን ሲሳ፤ ጎዳይ፥ ‹ኔኒ ናቴቴን ኣይ ኬና ኣማኔቲዳኮ፥ ቃሴ ኔኒ ቡሮ ሚሺራን ዳሼ ታና ኣይ ኬና ሲቂዳኮ፥ ዜሬ ዜሬቶንታ ባዞ ቢታን ኔ ዎስታ ካሊዳኮ ታ ኣኬካይስ።

ኢሳያሳ ቲንቢቴ 50:11

ሃኢ ጊዲኮ ኢንቴ ታማ ኤዲ፥ ላጪዛ ኢንቴ ጾምፔ ጾምፔ ኦይኪዳ ኡባቲ ኢንቴ ፖኦን ቢቴ፤ ኢንቴ ኦይዳ ጾምፔ ፖኦን ሲሜሬቲቴ፤ ኢንቴ ታ ኩሼፔ ኤካናይሲ ሃይሳ፤ ኢንቴ ኢታ ሜቶን ኩንዳና።

ኢሳያሳ ቲንቢቴ 48:8

ኔኒ ሲያቤካ ዎይኮ ኤራቤካ፤ ኔ ሃይ ቤኒፔካ ዶዬቲቤና። ጋሶይካ ኔኒ ካሴካ ጪሚዛዴኔ ናቴፌ ዶማዳ ኔ ማካላንቻ ጌቴቲዳይሳ ታ ኤራዲስ።

ሌሚሶ ማጻፋ 5:13

ታና ታማርሲዛይቲ ዮቲዳይሳ ኤካቤኬ፤ ታና ዞሪዛይታ ዞሬዛካ ኤዝጋቤኬ።

ዬ ማጻፋ 109:29

ታና ሞቲዛይቲ ካዉሻቴ ማይኤቶ፤ ባንታ ዬላካ ኩታ ማላ ቁማኤቶ።

ዬ ማጻፋ 106:7

ኑ ኣዋቲ ጊብጼን ዴኢዛ ዎዴ፥ ኔ ማላሊሲዛ ኦሶ ቆፒቤቴና። ኔ ሲቆ ዳሮቴ ኢስቲ ኣኬኪቤቴና፤ ዞኦ ኣባ ላንቄን ማካሊዳ።

ዳናታ ማጻፋ 2:2

ኢንቴ ሃ ቢታን ዲዛ ኣሳታራ ጫቆ ጫቄቶፍቴ፤ ኢስቲ ያርሺዛሶታ ላሊቴ› ጋዲስ፤ ጊዶ ኣቲን ኢንቴ ታስ ኣዛዜቲቤኬታ፤ ኣይስ ሄሳ ሃኒዴቲ?

ዬ ማጻፋ 106:6

ኑኒ ኑ ኣዋታ ማላ ናጋራ ኦዶስ፤ ሞሮኔ ኢታ ኦዶስ።

ኤርማሳ ቲንቢቴ 3:13

ጊዲኮኔ ኔኒ፥ ‹ጎዳ ኔ ጾሳ ቦላ ማካላቴን፥ ኔ ቦንቾካ ኣላጋ ጾሳታስ ዳሻ ሚታ ጋርሳን ኣ ኢሞኒኔ ታስ ኣዛዜቶንታ ኢጾን ኔኒ ሞራንቻ ጊዲዳይሳ ጻላ ኣማና› ጌስ ጎዳይ» ጊዴስ።

ኤርማሳ ቲንቢቴ 8:14

ሂስቲን ኣሳቲ፥ «ኑኒ ሃይሳን ኣይስ ኡቲኖ? ኣኔ ኢሲ ቦላ ሺቂቴ፤ ጊምቤቲ ኡቲዳ ካታማታን ባቃቲ ቢዲ ሄን ሃይቆስ፤ ጎዳ ኑ ጾሳይ ኑና ሃይቃና ማላ ፒርዲዴስ፤ ኑኒ ኢዛ ቦላ ናጋራ ኦዳ ጊሻስ ኑ ኡያና ማላ ማርዜራ ዲዛ ሃ ኢሚዴስ።

ኤርማሳ ቲንቢቴ 14:7

ኣሳይ፥ «ኣቤት ጎዳዉ! ኔ ሲንፌ ባቃታ ዳርሲዶስ፤ ኔ ሱን ጊሻስ ኑስ ኢሲ ሚሽ ኦ፤ ኑኒ ኔፔ ዳሮቲ ጉዬ ሲሚዶስ፤ ኔ ቦላን ናጋራ ኦዶስ።

ኤርማሳ ቲንቢቴ 14:20

ኣቤት ጎዳዉ! ኑኒ ኑ ኢታቴ ኤሪዶስ፤ ኑ ኣዋታ ቆሆካ ኣኬኪዶስ፤ ቱማፔካ ኔ ቦላ ናጋራ ኦዶስ።

ኤርማሳ ቲንቢቴ 20:18

ታኒ ሜቶኔ ጬጬ ቤኣናሲኔ ታ ዴኦ ላይ ኡባ ካዉሻቴን ዉርሳናስ ታ ኣዪ ኡሎፔ ኣይስ ኬዛዲና?

ኤርማሳ ቲንቢቴ 31:19

ታ ኔፔ ሃካ ቢዳፔ ጉዬ ሲማዳ ሞታዲስ፤ ታ ኣኬኪዳ ዎዴ ታ ሁኤ ባቃዲስ፤ ታ ዬላጋቴ ካዉሻቴ ቶካዲስ፤ ዬላታዳ ጉጻዲስ› ጊዴስ።

ሂዚቄላ ቲንቢቴ 2:3

ኢዚካ ታስ፥ «ሃይሶ ኣሳ ናዉ! ታ ቦላ ማካሊዳ ማካላንቻ ዴሬ ኢስራኤሌ ኣሳኮ ታ ኔና ኪታይስ፤ ኢስቲኔ ኢስታ ኣዋቲ ሃች ጋካናስካ ታ ቦላ ማካሊዳ።

ሌሚሶ ማጻፋ 13:18

ሴራ ኢጺዛ ኣሲ ማንቄሲኔ ካዉዬስ፤ ሃንቆ ሲዪዛ ኣሲ ጊዲኮ ቦንቼቴስ።

ኤርማሳ ቲንቢቴ 7:19

ኢስቲ ሃይሳ ኡባ ኦዛይ ታና ቆሃናሴ? ሃይሳን ቆሄቲዲ ዬላታናይ ባንታ ሁኤስ ኢስታ ጊዴቴኔ?» ጊዴስ።

ኤርማሳ ቲንቢቴ 9:18

ኢስቲ ኤሶን ዬቶ፤ ኑ ኣይፌራ ኣፉን ጎጋናሼ ጋካናሲኔ ኑ ሲጲንራ ኣፉን ፑልታና ጋካናስ ኑ ጊሻስ ዚላሌቶ።

ኤርማሳ ቲንቢቴ 11:13

ኢንቴኖ ዩሁዳ ኣሳቶ! ኢንቴ ጾሳቲ ኢንቴ ካታማታ ኬና ጮራ። ቃሴ ባኣሌ ጌቴቲዛ ሄ ዬላቺዛ ጾሳስ ኤጻኔ ጩዋሳናስ ኢንቴ ኤሲዳ ያርሺዛሶሆቲ ዬሩሳላሜ ኦጌታ ኬና ጮራ› ጌስ።

ኤርማሳ ቲንቢቴ 12:13

ኢስቲ ጊስቴ ዜሪዲ ኣጉን ጫካና፤ ኢስቲ ዳሮ ዳቡራናሺን ኣይኮካ ዴሜቴና፤ ዳሮ ዜሪዲ ጎዳ ሃንቆ ጋሶን ኢንቴ ጉ ዴሚዲ ዬላታና» ጊዴስ።

ሂዚቄላ ቲንቢቴ 44:13

ኢስቲ ቄሴ ጊዲዲ ኦናስ ታኮ ሺቄቴና፤ ዎይኮ ታስ ዱማቲዳ ጌሻኮኔ ኡባፌ ኣዳ ጌሻኮ ሺቄቴና። ኢስቲ ባንታ ኦዳ ቱና ኦሶ ጊሻስ ዬላ ማይኤቶ።

ሆሴኤ ቲንቢቴ 9:10

ጎዳይ፥ «ታኒ ኢስራኤሌ ኣሳ ዴሚዳ ዎዴ ታስ ባዞ ቢታን ዎይኔ ሚ ኣይፌ ዴሚዳ ሚሳቲዴስ። ታኒ ካሴ ኢንቴ ኣዋታ ቤኢዳ ዎዴ ታስ ኮይሮ ካጺዳ ባላሴ ሚ ኣይፌ ቤኢዳ ሚሳቲዴስ። ኢስቲ ባኣሊ-ፔኦሬ ጋኪዳ ዎዴ ባንታናቴ ዬላቺዛ ኤቃ ጾሳስ ዱማሲዳ። ኢስቲካ ሄ ባ ሲቂዛ ኤቃ ጾሳ ማላ ቱኒዳ።

ሶፎናሳ ቲንቢቴ 1:17

ኣሳይ ቆቄ ሄሜታና ማላ ኣሳ ቦላ ታኒ ጬጬ ዬዳና፤ ኣሳይ ጎዳ ቦላ ናጋራ ኦዳ ጊሻስ ኢስታ ሱ ዲኦ ማላ ጉካና፤ ኢስታ ኣሃይካ ቡራ ማላ ኦሌታና።