ኤርማሳ ቲንቢቴ 3:17 - ጋሞ ማጻፋ

¹⁷ ሄ ዎዴን ኢስቲ ዬሩሳላሜ፥ ‹ጎዳ ኣራታ› ጊ ጼይጋና። ካዎቴ ኡባፌ ኣሳይ ጎዳ ሱን ቦንቻናስ ዬሩሳላሜ ሺቃና። ሄሳፌ ኢስቲ ባንታ ኢታ ዎዚና ሃኖቴ ካሌቴና።

Geeshsha Maxaafa

¹⁷ He woden istti Yerusalaame, ‹GODAA araata› gi xeygana. Kawoteththa ubbaafe asay GODAA sunth bonchchanaas Yerusalaame shiiqana. Hessafe istti bantta iita wozina hanoteththaa kaallettenna.

ኤርማሳ ቲንቢቴ 3:17 Referans Kwoze

ሂዚቄላ ቲንቢቴ 43:7

ኢዚ «ሃይሶ ኣሳ ናዉ፥ ሃይሲ ታ ኣልጋ ሶሆኔ ታ ቶሆይ ዬዛ ሶሆ። ታኒ ኢስራኤሌ ኣሳ ጊዶን ሜርናስ ዳና። ሃይሳፌ ጉዬ ኢስራኤሌ ኣስ ጊዲን፥ ኢስታ ካዎቴ ጊዲን፥ ሃራ ጾሳታስ ጎይኒዲ ዎይኮ ሼምፖይ ባይንዳ ባንታ ካዎታ ሃዉልቴ ጎይኖን ታ ጌሻ ሱን ቱኒሴቴና።

ኤርማሳ ቲንቢቴ 17:12

ኑ ጾሳ ኬ ዲዛሶይ ቤኒፔ ዶሚዲ ቁ ጊዳ ቦንቾ ኣራታ።

ዛካራሳ ቲንቢቴ 2:11

ሄ ጋላስ ዳሮ ካዎቴቲ ጎዳኮ ሺቂዲ ኢዛ ዴሬ ጊዳና፤ ኢዚካ ኔ ጊዶን ዴኣና፤ ኡባፌ ዎልቃማ ጎዳይ ታና ኔኮ ኪቲዳይሳ ኔካ ኤራና።

ኤርማሳ ቲንቢቴ 11:8

ኢስቲ ጊዲኮ ባ ዎዚና ኢታቴ ካሊዳ ኣቲን ታስ ኣዛዜቲቤቴና፤ ባ ሃይካ ሃ ታኮ ዬጊቤቴና፤ ሄሳ ጊሻስ ኢስቲ ካላና ማላ ታ ኣዛዚዳ ጫቆ ቃላ ፖሎንታ ኣጊዳ ጊሻስ ታ ኢስታ ቦላ ቃንጌ ኤሃዲስ» ጊዴስ።

ኢሳያሳ ቲንቢቴ 66:20

ጎዳስ ያርሾ ጊዳና ማላ ኢንቴ ኢሻታ ኡባታ ካዎቴታፔ ቦንቼቲዳ ታ ዙማ ዬሩሳላሜ ፓራን፥ ፓራ-ጋሬኒኔ ጋሬን፥ ባቁሎኒኔ ጋሜላን ኢስታ ኤሃና። ኢስራኤሌ ኣሳይ ካ ያርሾ ዎጋን ዲዛ ማላ ጌሻ ሚሻን ዎዲ ጎዳ ኬ ሺሺዛ ማላ ሃይታካ ሺሻና።

ኢሳያሳ ቲንቢቴ 56:6

ጎዳስ ሃጋዛናስ፥ ባና ጎዳራ ጋ ዋጺዳ ቤቴ ኣሳታ ጎዳ ሱን ሲቂዛይታኔ ኢዛስ ጎይኒዛይታ፥ ሳምባታ ቱኒሶንታ ቦንቺዛ ኡባታኔ ጫቆ ቃላ ናጊዛይታ፥

ጋላቲያ ኣሳስ 4:26

ፑዴ ቦላ ሳሎን ዲዛ ዬሩሳላሜይ ጊዲኮ ጎቃ ጊዳዳ ዳዉስ፤ ኢዛካ ኑ ኣዮ።

ኦሮሜ ኣሳስ 1:21

ኢስቲ ጾስ ኤሪኮካ ኢዛ ጾሳቴ ማላ ኢዛ ቦንቺቤቴናኔ ጋላቲቤቴና፤ ጊዶ ኣቲን ኢስታ ቆፋይ ሜላ ጎኣይ ባይንዳዝ ጊዲዴሲኔ ዩሺ ቆፖንታ ማላ ኢስታ ዎዚናይ ሚዴስ።

ኤርማሳ ቲንቢቴ 31:23

ኡባፌ ዎልቃማ ጎዳ ኢስራኤሌ ጾሳይ፥ «ታኒ ኢስታፌ ዲኤቲዳ ሚሻ ታ ኢስታስ ዛሪዛ ዎዴ ኢስቲ ዩሁዳ ቢታኒኔ ኢዚ ካታማታን፥ ‹ኔኖ ጺሎቴ ኣቂዛ ጌሻ ዙማዞ! ጎዳይ ኔና ኣንጆ!› ጊዛ ቃላ ዛሪ ጎኤታና።

ኤርማሳ ቲንቢቴ 18:12

ጊዶ ኣቲን ኢስታስ፥ ‹ዳቡሮፓ፤ ኑ ሃልቺዳ ኦጌራ ባና፤ ኑኒ ኢሶይ ኢሶይ ኑ ኢታ ዎዚና ቆፋ ካላና› ጌቴስ» ጊዴስ።

ኤርማሳ ቲንቢቴ 16:12

ኢንቴ ካሴ ኢንቴ ኣዋታፔካ ኣዳ ኢታ ኦዳ ጊሻሳ፤ ቤኢቴ፤ ኢንቴ ኢሶይ ኢሶይ ኢንቴ ዎዚና ኢታቴ ካሊዴታ፤ ታስካ ኣዛዜቶንታ ኢጺዴታ።

ኤርማሳ ቲንቢቴ 14:21

ኑና ኔ ሱን ጊሻስ ጋዳ ካፓርኪ! ኔ ቦንቾ ኣራታ ካዉሾፋ። ኔኒ ኑናራ ጫቄቲዳ ጫቆዛ ቆፓ፤ ኔ ጫቂዳ ቃላ ሞፓ።

ኤርማሳ ቲንቢቴ 9:14

ሂስቲዲ ኢስቲ ባንታ ዎዚና ሙሜቴን ቢዲ ባንታ ኣዋቲ ታማርሲዳ ማላካ ባኣሌ ጌቴቲዛ ኤቃ ጾሳ ካሊዳ» ጊዴስ።

ኤርማሳ ቲንቢቴ 7:24

ኢስቲ ጊዲኮ ታ ጊዛዝ ሲዪቤቴና፤ ዎዚናን ዎ ሲያናስካ ኮዪቤቴና፤ ኢስቲ ባንታ ኢታ ዎዚና ቆፋ ሚን ካሊዳ፤ ኢስቲ ሲን ቡስ ኣጊዲ ጉዬ ጉዬ ቢዳ።

ኢሳያሳ ቲንቢቴ 66:1

ጎዳይ፥ «ሳሎይ ታስ ኣራታ፤ ሳኣይካ ታስ ዬዛሶ፤ ሂስቲን ኢንቴ ታስ ኬጻና ኬኔ ታ ሼምፓና ሶይ ኣዋይሴ?

ኢሳያሳ ቲንቢቴ 59:19

ጎዳ ፔኖይ ሱጊ ኤኪ ቢዛ ዎልቃማ ዲኦ ማላ ያና። ሄሳ ጊሻስ ኣርሼይ ዉሊዛ ባጋራ ዲዛይቲ ጎዳ ሱንስ ያያና፤ ኣርሼይ ሞኪዛ ባጋራ ዲዛይቲ ኢዛ ቦንቾስ ሃሬታና።

ኢሳያሳ ቲንቢቴ 26:8

ኣቤት ጎዳዉ! ኔ ዎጋ ኦጌራ ሄሜቲሼ ኑኒ ኔና ሂዶታ ኦዶስ፤ ኔ ሱንኔ ኔ ጊታቴ ኑ ዎዚናስ ኣሞ።

ኢሳያሳ ቲንቢቴ 6:1

ካዎ ኦዚያይ ሃይቂዳ ላይ ጎዳይ ቃ ኣራታ ቦላ ኡቲዳይሳ ቤያዲስ፤ ኢዚ ማይኢዳ ኣፋላ ማጫራይ ጾሳ ኬ ኩሚ ኡቲዴስ።

ዬ ማጻፋ 87:3

ሃኔ ጾሳ ካታማዬ! ጾሳይ ኔ ጊሻስ ማላሊሲዛ ሚሽ፥

ዬ ማጻፋ 78:8

ኢስቲ ካሴ ባንታ ኣዋታ ማላ ዎዚና ሙሜኔ ማካላንቻ ጊዴቴና፤ ኢስቲ ጾሳ ሲንን ሱሬ ጊዴቴና፤ ጾሳስካ ኣማኔቲቤቴና።

ዳናታ ማጻፋ 2:19

ጊዶ ኣቲን ኢስታ ካሌዛ ዳናቲ ሃይቂዳ ዎዴ ኡባን ኣሳይ ጉዬ ሲሚዲ፥ ኤቃ ጾሳታ ካሎን፥ ኢስታስ ሃጋዞኒኔ ኢስታ ጎይኖን ካሴ ኢስታ ኣዋቲ ኦዳ ኢታ ኦሶፔ ኣዳ ኢታ ኦሶን ሲሚ ጌሊዳ፤ ባንታ ኢታ ኦሶኔ ጌላ ኦጌ ኣጎንታ ኢጺዳ።

ዛሬ ማጻፋ 29:29

ጹራ ዮኦቲ ጎዳ ኑ ጾሳሳ፤ ጊዶ ኣቲን ኑኒ ሃ ዎጋ ቃላ ናጋና ማላ ቆንጪዳ ዮኦቲ ሜርናስ ኑሲኔ ኑ ናይታሳ።

ታይቦ ማጻፋ 15:39

ሄ ማጫራታ ኢንቴ ቤኢዛ ዎዴ ኡባን ታ ኣዛዞታ ሃሳኢ ኤኪዲ ፖሊቴ፤ ሂስቲኮ ኢንቴ ኢንቴ ኣይፌን ቤኢዳይሳኔ ኢንቴ ዎዚናን ኣሞቲዳይሳ ካሊዲ ታፔ ሻኬቴኬታ።

ሜቴ ማጻፋ 8:21

ሂስቲን ጎዳይ ያርሾዛ ፔኖ ሳዊዛይሳ ሲንጊዲ ባ ዎዚናን፥ «ዬላጋቴፌ ዶሚን ኣሲ ዎዚናን ቆፒዛይሲ ዉሪ ኢታ ጊዲኮካ ታኒ ኣሳ ጊሻስ ጋዳ ናምኣን ሙሌካ ሃ ቢታ ቃንጊኬ። ቃሴ ታኒ ሃኢ ኦዳ ማላ ፓጻ ዲዛ ሜቴ ኡባ ናምኣን ሙሌካ ይሲኬ።

ኦሮሜ ኣሳስ 6:14

ኢንቴ ጾሳ ኪያቴ ጋርሳን ዴታ ኣቲን ዎጋ ጋርሳን ዶንታ ጊሻስ ኢንቴና ናጋራይ ሃሬና።

ሂዚቄላ ቲንቢቴ 1:26

ኢስታፌ ቦላራ ዲዛ ሳሎ ጉፋንፌ ቁ ጊዲ ሲምፔሬ ኣራታ ሚሳቲዛይ ዴስ፤ ሄ ኣራታ ቦላ ኣስ ሚሳቲዛዚ ኡቲዴስ።

ኢሳያሳ ቲንቢቴ 66:18

«ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና።

ኤርማሳ ቲንቢቴ 3:19

ጎዳይ፥ «ታኒ ኔና ኣቱማ ናይታ ማላ ዎስታ ዎናኮ፥ ዶሬቲዳ ቢታዮኔ ኣይ ካዎቴካ ዴሞንታ ሎኦ ቢታዮ ኔና ላቲሳና ቆፓዲስ። ቃሴ ታና፥ ‹ታ ኣዋዉ!› ጋዳ ጼይጋና ሚሳቲዴስ፤ ታና ካሊዛሶፔ ጉዬ ሲሞንታ ሚሳታዳሳ፤

ኤርማሳ ቲንቢቴ 4:2

ኢንቴ ቱማን፥ ሱሬቴኒኔ ጺሎቴን፥ ‹ዴኦ ጎዳይ ቤዪን!› ጊዲ ጫቂኮ፥ ሄ ዎዴ ካዎቴቲ ኢዛን ኣንጄታናኔ ቦንቼታና» ጌስ።

ኤርማሳ ቲንቢቴ 12:15

ጊዶ ኣቲን ታኒ ኢስታ ኢስታ ቢታፌ ቃሊዳፔ ጉዬ ዛራዳ ማራና፤ ታኒ ኢስታ ዴሬኒኔ ኢስታ ጺንጾን ጺንጾን ዛራ ኤሃና።

ኤርማሳ ቲንቢቴ 12:16

ካሴ ታ ኣሳ ባኣሌ ሱንን ጫቃና ማላ ታማርሶይሳካ፥ ‹ጎዳይ ቤኢን!› ጊዲ ታ ሱንን ጫቂኮ ኢስቲ ታ ኣሳ ጊዶን ጻጵዲ ዳና።

ኤርማሳ ቲንቢቴ 16:19

ታስ ሚኖቴኔ ሚጻ ጊዳዳ ሜቶ ጋላስ ታ ሺቃ ኣቲዛሶ ጊዲዳ ጎዳዉ! ካዎቴቲ ሳኣ ጋጻፔ ኔኮ ዪዲ፥ «ካሴ ኑ ኣዋቲ ባና ኣይኮካ ማዶንታ ኤቃ ጾሳታስ ጎይኒዳ።

ኤርማሳ ቲንቢቴ 33:9

ሄሳፌ ጉዬ ሃና ሃ ካታማያ ታ ኢዚስ ኦዳ ሎኦ ሚሽ ኡባ ሲዪዛ ካዎቴታ ኡባ ሲንን ሳባስ፥ ኡፋይሳስ፥ ጋላታሲኔ ቦንቾስ ጊዳና፤ ታ ኢዚስ ኢሚዛ ዳሮ ዱሬቴፌኔ ሳሮቴፌ ዴንዲዳይሳን ኣሳይ ኢዚስ ያሻን ኮኮራና» ጌስ።

ሂዚቄላ ቲንቢቴ 48:35

ካታማ ዩሾይ ሙሌራ ዋን 9,000 ሜቲሬ ጊዳና። ሄ ዎዴፔ ዶሚዲ ሄ ካታማይ፥ ‹ጎዳይ ሄን ዴስ› ጌቴቲ ጼይጌታና» ጌስ።

ዛካራሳ ቲንቢቴ 8:8

ኢስቲ ዬሩሳላሜን ዴኣና ማላ ታ ኢስታ ዛራ ሃ ኤሃና፤ ኢስቲካ ታ ዴሬታ ጊዳና፤ ታኒካ ጺሎቴኒኔ ኣማኔቴን ኢስታ ጾሳ ጊዳና» ጌስ።

1ካዎታ ማጻፋ 8:41

«ኔ ዴሬ ኢስራኤሌ ጊዶንታይቲ ኔ ጊታ ሱን ጊሻስ ሲዪዲ ሃሆ ቢታፌ ዪዳ ካሬ ዴሬ ኣሲ ዲኮ፥

ዬ ማጻፋ 102:23

ታኒ ናቴቴን ዲሺን፥ ኢዚ ታ ሚኖቴ ኦጌን ኣሺዴስ፤ ታ ዳና ላይካ ቃንዴስ።