ኤርማሳ ቲንቢቴ 3:14 - ጋሞ ማጻፋ

¹⁴ ቃሴካ ጎዳይ፥ «ኢንቴኖ ኣማኔቶንታ ኣሳቶ፥ ሲሚቴ፤ ታኒ ኢንቴስ ኣዚና፤ ታኒ ኢንቴ ጊዶፌ ኢሲ ካታማፔ ኢሳ፥ ኢሲ ቆሞፌ ናምኣታ ዶራዳ ጺዮኔ ኤሃና።

Geeshsha Maxaafa

¹⁴ Qasseka GODAY, «Intteno ammanettontta asatoo, simmite; tani inttes azina; Tani intte giddofe issi katamappe issaa, issi qommofe nam7ata doorada Xiyoone ehana.

ኤርማሳ ቲንቢቴ 3:14 Referans Kwoze

ኤርማሳ ቲንቢቴ 2:19

ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

ኤርማሳ ቲንቢቴ 31:32

ሄ ጫቆዚ ታኒ ኢስታ ጊብጼፔ ኬሳናስ ኢስታ ኩሼ ኦይካዳ ኢስታ ኣዋታራ ጫቄቲዳ ጫቆዛ ማላ ጊዴና፤ ታኒ ኢስታስ ኣዚና ማላ ጊዳ ዲሺን ኢስቲ ታናራ ዲዛ ጫቆ ቃላዛ ላሊዳ» ጌስ።

ኢሳያሳ ቲንቢቴ 54:5

ኔና ሜዳይሲ ኔስ ኣዚና፤ ኢዛ ሱንይካ ኡባፌ ዎልቃማ ጎዳ። ኔና ዎዚዳይ ኢስራኤሌ ጌሻ፤ ኢዚ ቢታ ኡባ ጾሳ ጌቴቴስ።

ኤርማሳ ቲንቢቴ 23:3

ሄሳፌ ጉዬ ታ ዉዴፔ ኣቲዳይታ ካሴ ታ ጎዳ ዬዲዳ ዴሬ ኡባፌ ታኒ ታርካ ሺሻዳ ካሴ ታ ሄሚዛሶሆ ዛራ ኤሃና፤ ኢስቲካ ሄሳን ዬሌቲዲ ጮራታና።

ኤርማሳ ቲንቢቴ 3:8

ኣማኖይ ባይንዳ ኢስራኤሌ ዴሬቲ ላይማቲዳ ጊሻስ ኣንጆ ዋራቃታ ኢማ ዬዳዲስ፤ ኢስራኤሌ ሚቾ ኣማኔቶንታ ዩሁዳይካ ሃይሳ ቤኣሼ ያዮንታ ኬዛዳ ላይማቲሺን ቤኣዲስ።

ኤርማሳ ቲንቢቴ 2:2

«ባ! ባዳ ዋሳ፤ ዬሩሳላሜ ኣሳ ሃይን ሲሳ፤ ጎዳይ፥ ‹ኔኒ ናቴቴን ኣይ ኬና ኣማኔቲዳኮ፥ ቃሴ ኔኒ ቡሮ ሚሺራን ዳሼ ታና ኣይ ኬና ሲቂዳኮ፥ ዜሬ ዜሬቶንታ ባዞ ቢታን ኔ ዎስታ ካሊዳኮ ታ ኣኬካይስ።

ኢሳያሳ ቲንቢቴ 10:22

ኔኖ ኢስራኤሌ! ኔ ኣሳይ ኣባ ሻሚንታ ማላ ጊዲኮካ ጫሻ ኣቲዳይቲ ጻላ ሲማና። ጺሎቴን ኩሚዳ ጊታ ባሺ ኣዋጄቲዴስ።

ኢሳያሳ ቲንቢቴ 6:13

ታሙ ኣሳፔ ኢሲ ኣሲ ቢታ ቦላ ኣቲኮ፥ ኢዚካ ያና፤ ቃንጺ ዬጊን ኣቲዳ ዎላ ዱሩማ ማላ ጊዳና፤ ጌሻ ዛሬይ ሄሳ ሄ ዱሩማ ማላ ጊዳና» ጊዴስ።

ኦሮሜ ኣሳስ 9:27

ኢሳያሲካ ኢስራኤሌ ናይታ ጊሻስ፥ «ኢስራኤሌ ናይታ ቆዳይ ኣባ ኣጬ ማላ ዳሪኮካ ጉቲ ጻላላ ኣታና።

ኤርማሳ ቲንቢቴ 3:1

«ኢሲ ኣሲ ባ ኬዮ ኣንጂ ዬዲን ኢዛ ባዳ ሃራ ኣዚና ጌሊኮ፥ ካሴ ኣንጂ ዬዲዳዴይ ሲሚ ኢዚኮ ቢዜ? ኢዚ ቢኮ ሄ ቢታያ ሙሌ ቱኔኬ? ኔኒ ጊዲኮ ኔ ሲቂዛ ጮራ ላጌታራ ላይማታዳሳ፤ ሂስታዳካ ሃኢ ኔኒ ታኮ ሲማና ኮያይ?» ጌስ።

ኢሳያሳ ቲንቢቴ 17:6

ዎጋራ ሚ ሾጪን ናምኡ ዎይኮ ሄ ኣይፌቲ ሃጋ ጼራ ቦላ ኣቲዛ ማላ ኦይዱ ዎይኮ ኢቻሽ ኣይፌቲ ፒ ጊዳ ሃጋታ ቦላ ኣቲዛ ማላ ጉ ሃጋቲ ኣታና» ጊ ጎዳ ኢስራኤሌ ጾሳይ ሃሳይዴስ።

ኢሳያሳ ቲንቢቴ 1:9

ኡባፌ ዎልቃማ ጎዳይ ኑስ ዜሬ ኣሾንታኮ፥ ኑኒ ሶዶሜ ማላኔ ጋሞራ ማላ ጊዳናኮሺን።

ኢሳያሳ ቲንቢቴ 31:6

ኢንቴኖ ኢስራኤሌ ኣሳዞ! ኢንቴ ኬሂፔ ማካሊዳይሳኮ ሲሚቴ።

ኢሳያሳ ቲንቢቴ 57:17

ኢዛ ናጋራ ጊሻሲኔ ኢዛ ዪቄቴ ጊሻስ ታ ሃንቄታዲስ፤ ታ ኢዛ ቃጻያዲስ፤ ታ ሲንካ ሃንቆን ኢዛፔ ጌንዲስ፤ ጊዶ ኣቲን ሃኢካ ሲሚዲ ኢዚ ባ ኦጌን ቢዴስ።

ኤርማሳ ቲንቢቴ 3:12

«ባ፤ ባዳ ፑዴሃ ባጋስ፥ ‹ሃኔ ኣማኖይ ባይንዳ ኢስራኤሌ ሲማ! ታኒ ማሮታይ ኩሚዳዴ ጊዲዳ ጊሻስ ኔና ኢታ ኣይፌን ጼሊኬ፤ ሜርናስካ ሃንቄቲኬ› ጌስ ጎዳይ።

ኤርማሳ ቲንቢቴ 29:14

ታኒካ ኢንቴስ ቤታና። ታ ኢንቴ ዲኤቲ ቢዳ ቢታፌ ዛራና፤ ታኒ ኢንቴና ላላ ዬዲዳ ካዎቴፌኔ ሶሆ ኡባፌ ሺሻና፤ ሂስታዳ ታኒ ኢንቴና ዲኦስ ዬዳናፔ ካሴ ኢንቴ ዴኢዳ ሶሆ ጉዬ ዛራዳ ኤሃና› ጌስ።

ኤርማሳ ቲንቢቴ 31:6

ኤፍሬሜ ዙምቡላታ ቦላ ናጊዛይቲ፥ ‹ሃ ዪቴ፤ ጎዳ ኑ ጾሳኮ ፑዴ ጺዮኔ ኣኔ ኬዞስ› ጊ ጼይጋና ዎዴይ ያና» ጌስ።

ኤርማሳ ቲንቢቴ 31:12

ኢስቲ ዪዲ ጺዮኔ ዙማ ቦላ ኡፋይሳ ማዛሙሬ ዬጻና፤ ኢስቲ ጎዳ ኪያቴ ጊዲዳ ካን፥ ዎይኔ ኡሻን፥ ዛይቴን፥ ዴይሻኒኔ ዶርሳ ላቃታን፥ ዎፋኖታኒኔ ኡሳታን ኡፋዬታና፤ ኢስቲ ሃ ፓጮንታ ኣታኪልቴ ሶሆ ማላ ጊዳና፤ ሃይሳፌ ጉዬ ኢስቲ ሙዞቴቴና።

ሆሴኤ ቲንቢቴ 5:15

ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።

2ታሪኬ ማጻፋ 30:6

ካዎዚኔ ኢዛ ሹሜቲ ኣዛዚን ኪቴቲዳይቲ ኢስራኤሌ ዴራሲኔ ዩሁዳ ዴራስ ኡባስ፥ «ኢስራኤሌ ኣሳዉ! ኣሶሬ ካዎታ ኩሼፔ ኬሲ ኤኪዲ ኣቲዳ ኢንቴኮ ጾሲ ሲማና ማላ ኢንቴካ፥ ጎዳ ኣብራሃሜ፥ ዪሳቃኔ ያቆቤ ጾሳኮ ሲሚቴ!

ኢሳያሳ ቲንቢቴ 27:12

ሄ ጋላስ ኤፊራጺሴ ሻፋፔ ሃ ባይንዳ ጊብጼ ሻፋ ጋካናስ ጎዳይ ባ ካ ቡካና፤ ኢንቴኖ ኢስራኤሌ ኣሳቶ፥ ኢንቴ ኢሶይ ኢሶይ ሺቃና።

ኢሳያሳ ቲንቢቴ 44:22

ታኒ ኔ ሞሮ ሻራ ማላ፥ ኔ ናጋራካ ማላዶ ቱላላ ማላ ቁጫ ይሳዲስ፤ ታኒ ኔና ዎዚዳ ጊሻስ ሃ ታኮ ሲማ› » ጌስ።

ኢሳያሳ ቲንቢቴ 55:7

ኢታ ኣሲ ባ ኦጌ፥ ቆሂዛይካ ባ ቆፋ ኣጎ፤ ጎዳኮ ሲሞ። ኢዚካ ኢዛ ማራና፤ ኢዛ ማሮቴይ ዳሮ ጊዲዳ ጊሻስ ኢዚ ኑ ጾሳኮ ሲሞ።

ዛካራሳ ቲንቢቴ 1:4

ካሴ ናቤቲ ኢንቴ ኣዋታስ፥ ‹ኢንቴ ኢንቴ ኢታ ኦጌፔኔ ኢንቴ ኦሶፔ ሲሚቴ› ጊዲ ሚን ዮቲዳ፤ ጊዶ ኣቲን ኢስቲ ቃሴ ሲዪቤቴናኔ ታ ኣዛዞካ ናጊቤቴና፤ ሄሳ ማላ ኢንቴ ኢንቴ ኣዋታ ማላ ሃኖፒቴ።