ኤርማሳ ቲንቢቴ 27:9 - ጋሞ ማጻፋ

⁹ ሄሳ ጊሻስ ኢንቴና፥ ‹ባቢሎኔ ካዎስ ሃሬቴኬታ› ጊዛ ኢንቴ ናቤታ፥ ሙሬኒዛይታ፥ ኣጉሞ ኣጉሜቲዛይታ፥ ሞይቲሌ ጼይጊዛይታ ሲዮፒቴ።

Geeshsha Maxaafa

⁹ Hessa gishshas inttena, ‹Baabiloone kawos haaretteketa› giza intte nabeta, muurennizayta, agumo agumettizayta, moytille xeygizayta siyopite.

ኤርማሳ ቲንቢቴ 27:9 Referans Kwoze

ኤርማሳ ቲንቢቴ 14:14

ሂስቲን ጎዳይ ታስ፥ «ናቤቲ ታ ሱንን ዎርዶ ዮቴቴስ። ታኒ ኢስታ ኪታቤኬ፥ ኣዛዛቤኬ፥ ኢስታስካ ዮታቤኬ። ኢስቲ ኢንቴስ ዎርዶ ኣጁታ፥ ሙሬኖ ዮኦ፥ ሃዳ ዮኦኔ ባንታ ዎዚናን ዲዛ ባሌ ዮኦ ዮቴቴስ።

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ኤርማሳ ቲንቢቴ 29:8

ቱሙካ ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴ ጊዶን ዲዛ ናቤቲኔ ማሮቲ ኢንቴና ባሌፌቶ፤ ኢስቲ ኢንቴ ጊሻስ ኣጉሜቲዛ ኣጉሞ ሲዮፒቴ።

ኢሳያሳ ቲንቢቴ 8:19

ኣሳይ ኢንቴና፥ «ቤሶንታዝ ታታፌቲሼኔ ሳሱኬቲሼ ሃሳዬቲዛ ቢቲዛይታኔ ሞይቲሌ ጼይጊዛይታ ኦይቺቴ» ጊኮ ዴሬይ ባ ጎዳ ኦይቻናስ ቤሴኔ? ዴኦ ጾሳ ኣጊዲ ሃይቂዳይታ ኦይሾ ኣይስ ኮሺዜ?

ዮሃኒሳ ኣጁታ 22:15

ካና ማላ ጮ ሆ ሆዛይቲ፥ ቢታ ቢቲዛይቲ፥ ላይማቲዛይቲ፥ ሼምፖ ዎዛይቲ፥ ኤቃስ ጎይኒዛይቲ፥ ዎርዶ ሲቂዛይቲኔ ዎርዶ ኦዛይቲ ዉሪካ ሄ ካታማይፔ ካሬን ኣታና።

ዮሃኒሳ ኣጁታ 21:8

ጊዶ ኣቲን ሃንኮ ባቦቲ፥ ኢስታስ ኣማኔቶንታይቲ፥ ቱናቲ፥ ኣሳ ሼምፖ ዎዛይቲ፥ ላይማቲዛይቲ፥ ቢቲዛይቲ፥ ኤቃስ ጎይኒዛይቲ፥ ዎርዶቲዛይቲ፥ ሄይታ ኡባታ ቃዳይ ዲኔን ኤጺዛ ታማ ኣባ ጊዶን ጊዳና፤ ሄሲካ ናምኣን ሃይቆ» ጊዴስ።

ዮሃኒሳ ኣጁታ 18:23

ታማ ፖኦይ ሃይሳፌ ጉዬ ኔናን ፖኤና፤ ኣዴኔ ማጫ ሚሺራ ቃላይ ሃይሳፌ ጉዬ ኔናን ሴቴቴና፤ ኔ ዛልኣንቻቲ ካሴ ኣላሜን ኤሬቲዳይታ፤ ኔኒ ቃሴ ኣሳ ዉርሳ ሙሬኖን ባሌዳሳ።

ዮሃኒሳ ኣጁታ 9:21

ሄሳካ ሼምፖ ዎፔ፥ ቢታፔ፥ ላይማፔኔ ካይሶቴፌ ሲሚዲ ማሮቴን ጌሊቤቴና።

ሃዋሬታ ኦሶ 8:11

ዳሮ ዎዴ ባ ማሮቴ ኦሶን ኣሳ ማላሊሲዳ ጊሻስ ኣሳይ ኢዛ ዎዚናፔ ካሊሼ ጋምኢዴስ።

ሚኪያሳ ቲንቢቴ 3:7

ቡሮ ማሮቲዛይቲ ካዉያና፤ ቲንቢቴ ዮቲዛይቲ ዬላታና፤ ዉሪካ ባ ኣይፌሶ ካማና፤ ጋሶይካ ኢስታስ ዛሮይ ጾሳ ኣቻፌ ባይንዳ ጊሻሳ» ጊዴስ።

ኤርማሳ ቲንቢቴ 23:32

ጎዳይ፥ «ታኒ ዎርዶ ኣጉሞ ካሊዲ ቲንቢቴ ዮቲዛ ናቤታራ ኤቄታይስ፤ ታ ኪቶንታ ዲሺን ዎይኮ ታ ሹሞንታ ዲሺን ጻላቴን ዎርዶ ዮኦ ዮቴቴስ፤ ታ ዴሬዛካ ባሌቴስ፤ ሃይሳ ሃ ዴሬዛ ኣይኮካ ጎኤቴና» ጌስ።

ኤርማሳ ቲንቢቴ 23:25

ጎዳይ፥ «ታኒ ኣጉሜታዲስ፤ ታኒ ኣጉሜታዲስ» ጊሼ ታ ሱንን ዎርዶ ቲንቢቴ ሃሳይዛ ናቤታ ቃላ ሲያዲስ።

ኤርማሳ ቲንቢቴ 23:16

ኡባፌ ዎልቃማ ጎዳይ፥ «ሃይቲ ናቤቲ ቲንቢቴ ኢንቴስ ዮቲዛይሳ ሲዮፒቴ፤ ኢስቲ ኢንቴና ዎርዶ ሂዶታን ኩንቴስ፤ ኢስቲ ጎዳፔ ጊዶንታ ባፔ ሜ ኤኪ ዮቴቴስ።

ኢያሶ ማጻፋ 13:22

ኢስራኤሌ ኣሳይ ኦላን ዎዳ ኣሳፔ ሃራ፥ ቢኦሬ ና ማሮ ባላሜካ ማሻን ሲፊዳ።

ዛሬ ማጻፋ 18:14

ሃ ኢንቴ ላታናስ ቢዛ ቢታን ዲዛ ካዎቴቲ ሙሬኒዛይቲኔ ማራጬ ጼሊዛይቲ ዮቲዛይሳ ሲዪዛይታ። ኢንቴ ጊዲኮ ሄሳ ኦንታ ማላ ጎዳ ኢንቴ ጾሳይ ኢንቴና ዲጊዴስ።

ኬሳ ማጻፋ 7:11

ሄሳፌ ጉዬ ካዎዚ ዳሮ ኤራንቻታኔ ቢቲዛይታ ጼይጊሲን ጊብጼ ዴሬ ማሮቲካ ባ ዴሬን ሄሳ ኦዳ።

ዛካራሳ ቲንቢቴ 10:2

ኤቃ ጾሳቲ ባሌ ዮኦ ዮቴቴስ፤ ማሮቲ ዎርዶ ኣጁታ ቤዬቴስ፤ ካዪዛይቲ ዎርዶ ኣጉሞ ኣጉሜቴቴስ፤ ኣሳካ ጮ ሃዳ ዮኦን ሚንቴስ፤ ሄሳ ጊሻስ ዴሬይ ሄሚዛዴይ ባይንዳ ዶርሳ ማላ ጮ ሜላ ቶይላቲሼ ቆሄቲዴስ።

ኤፌሶኔ ኣሳስ 5:6

ኢንቴና ኦኒካ ዎርዶ ሃሳያን ባሌፎ፤ ጋሶይካ ጾሳ ሃንቆይ ኢዛስ ኣዛዜቶንታ ናይታ ቦላ ያናይ ሃይታንታ ማላና።

ኬሳ ማጻፋ 22:18

«ቢታ ቢቲዛ ማጫስ ፓጻ ዎፋ።

ሌሚሶ ማጻፋ 19:27

ታ ናዞ! ታ ዞሬ ኔ ሲዮንታ ኣጊኮ፥ ኔ ኤሪዛ ቃላካ ባላና።

ሂዚቄላ ቲንቢቴ 21:29

ኔ ጊሻስ ቤኢዳ ዎርዶ ኣጁታይ፥ ኔስ ዮቴቲዳ ሙሬኖይ ዲኮካ፥ ኢስታስ ጌኔ ጹኣይ ኩሚሺን፥ ኢስታ ባሬይ ጋኪሺን ሲፌታና ቤሲዛ ኢታታ ቆ ቦላ ዎና።

ዳኔላ ቲንቢቴ 4:7

ቢቲዛይቲ፥ ማሮቲ፥ ሳጋቲ፥ ጾሊንቴ ታይቢዛ ኤራንቻቲኔ ሙሬኒዛይቲ ኡባይ ታኮ ዪን ታ ኢስታስ ታ ኣጉሞዛ ዮታዲስ ሺን ኢስቲ ኣጉሞዛ ቢርሻና ዳንዳይቤቴና።

ዛሬ ማጻፋ 13:2

ኢዚ ዮቲዳ ጊታ ማላታይኔ ማላሊሲዛ ሚሽ ኡባይ ቱሙካ ፖሌቲን ኢዚ ኢንቴና፥ «ኣኔ ኢንቴ ኤሮንታ ሃራ ጾሳታስ ጎይኖስ» ጊኮ፥