ኤርማሳ ቲንቢቴ 25:18 - ጋሞ ማጻፋ

¹⁸ ሃች ሃኒዳይሳ ማላ ኢስቲ ቡላ፥ ኣሲ ሃራሴቲዛይታ፥ ካዛይታኔ ቃንጌቲዳይታ ጊዳና ማላ ዬሩሳላሜኔ ዩሁዳ ካታማ ኣሳታ፥ ኢስታ ካዎታኔ ኢስታ ሹሜታ ኡባ፥

Geeshsha Maxaafa

¹⁸ Hach hanidayssa mala istti bula, asi harasettizayta, kadhizaytanne qanggettidayta gidana mala Yerusalaamenne Yuhuda katama asata, istta kawotanne istta shuumeta ubbaa,

ኤርማሳ ቲንቢቴ 25:18 Referans Kwoze

ኤርማሳ ቲንቢቴ 44:22

ኢንቴ ኦዳ ኢታኔ ሃራሲዛ ኦሶ ጎዳይ ጮኡ ጋናስ ዳንዳዮንታ ጊሻስ ሃች ኢንቴ ቤኢዛ ማላ ኢንቴ ቢታይ ቃንጌስ ማላታ፥ ኣሲ ባይንዳ ባዞ ቢታ ጊዲዴስ።

ኤርማሳ ቲንቢቴ 24:9

ቢታ ቦላ ካዎቴታ ኡባ ሲንን ሃራሴቲዛይታኔ ጫዬቲዳይታ ጊዳና፤ ኢስታ ላላ ዬዲዛሶ ኡባን ኢስቲ ቂስ፥ ሌሚሶስ፥ ካሲኔ ቃንጌስ ታ ኢስታ ኦና።

ዬ ማጻፋ 60:3

ኔኒ ኔ ኣሳ ሜቶ ቤሳዳሳ፤ ኔኒ ኑና ማሲዛ ዎይኔ ኡሹ ኡሻዳሳ።

1ጴጽሮሳ ኪታ 4:17

ፒርዳይ ዶሜታናስ ዎዴይ ማቲዴስ፤ ሄ ፒርዳይ ዶሜታናይ ኮይሮ ጾሳ ኣሳ ቦላኮ! ሂስቲን ፒርዳይ ኑናን ዶሚኮ ጾሳ ሚሺራቾ ቃላስ ኣዛዜቶንታ ኢጺዳ ኣሳ ዉርሴ ኣይ ጊዳኔ?

ኣሞጼ ቲንቢቴ 3:2

ጾሳይ፥ «ኩሜ ኣላሜን ዲዛ ዴሬ ኡባፌ ታ ኢንቴና ጻላ ዶራዲስ፤ ኢንቴ ኦዛ ናጋራ ኡባ ጊሻስ ታ ኢንቴና ቃጻያይስ» ጌስ።

ኣሞጼ ቲንቢቴ 2:5

ሄሳ ጊሻስ ታኒ ዩሁዳ ቦላ ታማ ዬዳና፤ ሄ ታማይ ዬሩሳላሜ ሚጻታ ማና» ጌስ።

ዳኔላ ቲንቢቴ 9:12

‹ኢንቴ ቦላኔ ኢንቴና ካሌዛይታ ቦላ ታ ጊታ ሜቶ ኤሃና› ጋዳ ካሴ ኔ ዮቲዳይሳ ኡባ ኑ ቦላ ፖላዳሳ፤ ሄ ዎዴ ዬሩሳላሜ ቦላ ጋኪዳ ቂጻቴ ማላይ ሃራሶ ኣዋንካ ጋኪቤና።

ኤርማሳ ቲንቢቴ 25:11

ሃ ቢታይ ሙሌራ ቡላኔ ካይስ ጊዳና፤ ሃ ካዎቴቲካ ባቢሎኔ ካዎስ ላፑን ታሙ ላይ ሃሬታና።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኤርማሳ ቲንቢቴ 1:10

ኔኒ ሾዳናሲኔ ላላናስ፥ ይሳናሲኔ ሺራ ዬጋናስ፥ ኬጻናሲኔ ቶካናስ ዴሬታ ቦላኔ ካዎቴታ ቦላ ታኒ ሃች ኔና ሹማዲስ» ጊዴስ።

ናሂሚያ ማጻፋ 9:36

ሄሳፌ ዴንዲዳይሳን ኔ ኑ ኣዋቲ ኣይፌዮ ማና ማላኔ ሎኦ ሚሻን ኡፋዬታና ማላ ኔ ኢስታስ ኢሚዳ ቢታን ሃች ኑ ኣይሌ ጊዲዶስ።

ኢዝራ ማጻፋ 9:7

ካሴ ኑ ኣዋታፔ ዶሚዲ ሃች ጋካናስ ኑ ኬሂ ዳሮ ሞሮ ኦዶስ፤ ኑ ናጋራፔ ዴንዲዳይሳን ኑኒ፥ ኑ ካዎቲኔ ኑ ቄሴቲ ኣላጋ ካዎታ ኩሼን ኩንዲዶስ፤ ሄሳፌ ዴንዲዳይሳን ማሻስ ኢሜቲዶስ፤ ኑ ሃሮይካ ቦንቄቲዴስ፤ ኑ ቃሼቲዲ ዲኤቲ ቢዶስ፤ ሃች ኑ ዲዛይሳ ማላ ዉርሴ ጋካናስ ካዉዪዶስ።

2ካዎታ ማጻፋ 22:19

ኢስቲ ቃንጌታናይሳኔ ያናይሳ ታኒ ሃይሳ ሃ ሶሆዛ ቦላኔ ዴሬዛ ቦላ ካሴ ዮቲዳይሳ ኔኒ ሲያዳ ኔ ዎዚናይ ሜቂን ኔናቴ ጎዳ ሲንን ካዉሻዳኔ ኔ ማይኦካ ዳካዳ ታ ሲንን ኔ ዬኪዳ ጊሻስ ጎዳይ ኔና ሲያዲስ።

1ካዎታ ማጻፋ 8:24

ኔ ኣሽካራስ ታ ኣዋ ዳዊቴስ ኔኒ ኦና ጋዳ ኢሚዳ ሂዶታ ናጋዳሳ፤ ኔኒ ካሴ ኔ ዶናን ዮቲዳ ሂዶታ ቃላ ኔ ኩሼን ሃች ፖላዳሳ።

ኢያሶ ማጻፋ 6:18

ጊዶ ኣቲን ኢንቴ ጎዳስ ዱማቲዳይሳፌ ኣይኮካ ኤኮንታ ማላ ኢንቴ ሁኤስ ናጌቲቴ፤ ኢንቴ ሂስቶንታ ኣጊኮ ኢስራኤሌቲ ዱንካኒዳሶ ኢታስ ኣ ኢማና፤ ሂስቲዲ ሄ ሶሆዛ ቦላ ሜቶ ጋና።

2ታሪኬ ማጻፋ 29:8

ሄሳ ጊሻስ ጎዳ ሃንቆይ ዩሁዳ ቦላኔ ዬሩሳላሜ ቦላ ዎዴስ፤ ኢንቴ ኢንቴ ኣይፌን ቤኢዳይሳ ጎዳይ ኢስታ ዳጋማስ፥ ሚቻሲኔ ቂስ ኣ ኢሚዴስ።

ኢሳያሳ ቲንቢቴ 40:23

ሃላቃታ ሃዳ ሂስታና፤ ሃ ቢታ ኣይሲዛይታካ ፒቲ ይሴስ።

ኢሳያሳ ቲንቢቴ 65:15

ኢንቴ ኢንቴ ሱን ዶሬቲዳ ታ ዴሬይ ቃንጋና ማላ ኣ ኢማና፤ ኡባ ሃሪዛ ጎዳይ ኢንቴና ዎና፤ ባስ ሃጋዚዛይታስ ጊዲኮ ኢዚ ሃራ ሱን ኢማና።

ኤርማሳ ቲንቢቴ 26:6

ታኒ ሃ ኬ ሴሎ ማላ ኦና፤ ሃ ካታማዮካ ሳኣ ቦላ ዲዛ ካዎቴ ኡባ ሲንን ቃንጌቲዳሮ ሂስታና› ጌስ ጋ» ጊዴስ።

ሂዚቄላ ቲንቢቴ 30:7

ቡላ ቢታታ ጊዶን ኢስቲ ኣ ቡላ ጊዳና፤ ኢስታ ካታማቲካ ላሌቲዳ ካታማታ ጊዶፌ ኢሳ ጊዳና።

ሚኪያሳ ቲንቢቴ 6:16

ካዎ ኦሚሬ ዎጋኔ ካዎ ኣካቤ ኬ ዎጋ ኔ ኡባ ሺሻ ኦይካዳሳ፤ ኔካ ኢስታ ሃይሲኤ ካላዳሳ። ሄሳ ጊሻስ ኔና ይሳስ፥ ኔ ዴሬዛካ ታኒ ቂስ ኣ ኢማና፤ ዴሬይ ኔ ቦላ ቂ ካኣና።

ኤርማሳ ቲንቢቴ 13:3

ጎዳ ቃላይ ናምኣን ታኮ ዪዲ፥

ኤርማሳ ቲንቢቴ 13:9

«ጎዳይ ታኒ ዩሁዳ ኣሳ ኦቶሬቴኔ ዬሩሳላሜ ኣሳ ጬቄቴ ሄሳ ማላ ይሳና።