ኤርማሳ ቲንቢቴ 23:6 - ጋሞ ማጻፋ

⁶ ኢዛ ካዎቴ ላይን ዩሁዳይ ኣታና፤ ኢስራኤሌይካ ሳሮን ዳና፤ ኢዛ ሱን፥ ‹ጎዳይ ኑስ ጺሎቴ› ጌቴታና።

Geeshsha Maxaafa

⁶ Iza kawoteththa layththan Yuhuday attana; Isra7eeleykka saron daana; iza sunththi, ‹GODAY Nuus Xilloteththa› geetettana.

ኤርማሳ ቲንቢቴ 23:6 Referans Kwoze

1ቆሮንቶሴ ኣሳስ 1:30

ኢንቴና ቃሴ ጾሲ ዬሱስ ኪርስቶሳራ ኢሲፌቴ ዳና ማላ ኦዴስ፤ ሄሳ ጊሻስ ጾሲ ዬሱስ ኪርስቶሳ ኑ ኤራቴ፥ ኑ ጺሎቴ፥ ኑ ጌሻቴኔ ኑና ኣሺዛዴ ጊዳና ማላ ኦዴስ።

ኤርማሳ ቲንቢቴ 33:16

ሄ ዎዴ ዩሁዳ ኣሳይ ኣታና፤ ዬሩሳላሜ ኣሳይካ ሳሮን ዳና፤ ኢዛካ፥ ‹ጎዳይ ኑስ ጺሎቴ› ጋና።

ፒሊጲሲዮሴ ኣሳስ 3:9

ታኒ ሄሳ ኦዛ ጋሶይካ ካሴ ሙሴ ዎጋን ታስ ዲዛ ጺሎቴ ኣጋዳ ኣማኖን ቤቲዛ ጾሳ ጺሎቴ ኪርስቶሳን ኣማናዳ ዴማናሲኔ ታ ኢዛራ ኢሲፌ ዴኣናሳ።

ኦሮሜ ኣሳስ 3:22

ሄሲ ጾሳ ጺሎቴ ዬሱስ ኪርስቶሳ ኣማኖን ዱማቴ ባይንዳ ቤቲዛ ጺሎቴ።

2ቆሮንቶሴ ኣሳስ 5:21

ኑኒ ኪርስቶሳ ባጋራ ጾሳ ጺሎቴ ጊሼቲ ኤኪዛይታ ጊዳና ማላ ጾሲ ኢዛ ቦላ ናጋራይ ባይንዳ ኪርስቶሳ ኢዚ ኑ ናጋራ ቶካና ማላ ኦዴስ።

ዳኔላ ቲንቢቴ 9:24

«ማካላቴ ኤሳናስ፥ ናጋራ ዲጋናስ፥ ቆሆ ዉርሳናስ፥ ሜርና ጺሎቴ ኤሃናስ፥ ኣጁታኔ ቲንቢቴ ማታሜን ሾጫናስ፥ ጌሽ ጊዲዳ ጊዶ ቆልኣ ቲስታናስ ኔ ዴራ ጊሻሲኔ ኔ ጌሻ ካታማይ ጊሻስ ላፑን ታሙ ሳሚንታይ ኣዋጄቲዴስ።

ኤርማሳ ቲንቢቴ 32:37

«ታ ሚኖ ሃንቆኒኔ ጊታ ቦሻን ታ ኢስታ ጎዳ ዬዲዳ ቢታ ኡባፌ ሺሻና፤ ሂስታዳ ሃሶሆ ዛራ ኤሃዳ ሳሮቴን ታ ኢስታ ዎና።

ኤርማሳ ቲንቢቴ 30:10

«ሄሳ ጊሻስ ታ ኣይሌ ያቆቤ ዛሬቶ ያዮፍቴ! ኢንቴኖ ኢስራኤሌቶ ዳጋሞፍቴ! ኢንቴ ሃሆሶን ዲሺን ታኒ ኢንቴና ኣሻና፤ ኢንቴ ዛሬታካ ኢስቲ ዲኤቲዳ ቢታፌ ኬሳ ኤካና፤ ያቆቤ ዛሬቲ ሲሚዲ ሳሮኒኔ ዎፓን ኡታና፤ ኢስታ ያሺሳና ኣይ ሚሺካ ዴና።

ኢሳያሳ ቲንቢቴ 9:6

ሄኮ ኑስ ናይ ዬሌቲዴስ! ኣቱማ ናይካ ኑስ ኢሜቲዴስ! ሃላቃቴ ኢዛ ሃሼ ቦላ ጊዳና፤ ኢዛ ሱን፥ «ማላሊሲዛ ዞራንቻ፥ ዎልቃማ ጾሳ፥ ሜርና ኣዋ፥ ሳሮቴ ሃላቃ» ጌቴታና።

ኢሳያሳ ቲንቢቴ 7:14

ሂስቲኮ ጎዳይ ባርካ ኢንቴስ ማላታ ቤሳና፤ ጌላኦይ ሻራና፤ ኣቱማ ና ዬላና፤ ኢዛ ሱንካ፥ ‹ኣማኑኤሌ› ጋዳ ሱንና።

ዛካራሳ ቲንቢቴ 10:6

«ታኒ ዩሁዳ ኬ ሚንና፤ ታ ኢስታስ ቃቲዛ ጊሻስ ኢስቲ ካሴ ዲዛሶታ ኢስታ ዛራና፤ ታኒ ጎዳ ኢስታ ጾሳ ጊዲዳ ጊሻስ ታ ኢስታ ዎሳ ሲያና፤ ኢስቲካ ሃይሳፌ ካሴ ታ ዬጋ ኤሮንታ ኣሳ ማላ ጊዳና።

ዛካራሳ ቲንቢቴ 3:10

ኡባፌ ዎልቃማ ጎዳይ፥ «ሄ ዎዴ ኢሶይ ኢሶይ ባ ዎይኔ ሚ ጋርሳኒኔ ባ ባላሴ ሚ ጋርሳን ባ ላጌ ዲጊሳስ ጼይጋና» ጌስ።

ሶፎናሳ ቲንቢቴ 3:13

ኢስራኤሌፔ ጫሻ ኣቲዳይቲ ናጋራ ኦሴቴና። ዎርዶ ሃሳዬቴና፤ ኢስታ ዶናንካ ጌኔ ሃሳያይ ዴና። ሄሳ ጊሻስ ኢስቲ ሚዲ ሳሮን ዴኣና፤ ኢስታ ባቢሳና ሚሺካ ዴና።

ኣብዲዩ ቲንቢቴ 1:21

ኣቲዳ ኢስራኤሌ ኣሳቲ ጺዮኔ ዙማ ቦላ ኡቲዲ ኤዶሜ ዴሬ ኣይሳና፤ ቃሴ ካዎቴይካ ጾሳስ ጊዳና» ጊ ዮቲዴስ።

ኣብዲዩ ቲንቢቴ 1:17

«ጺዮኔ ዙማን ሜቶፔ ኣታናይ ዳና፤ ሄ ዙማያካ ጌሽ ጊዳና፤ ያቆቤ ዴሬይ ቦንቄቲዳ ባ ሃሮ ዛሪ ኤካና።

ሆሴኤ ቲንቢቴ 2:18

ሄ ዎዴ ዶኣታራ፥ ካፎታራኔ ቢታ ቦላ ጎሼቲዛ ሜቴ ኡባታራ ታ ኢንቴ ጊሻስ ጫቄታና። ኡባይካ ሳሮን ዳና ማላ ኦላ፥ ቶራኔ፥ ማሻ ቢታ ቦላፌ ታ ዲጋና።

ሆሴኤ ቲንቢቴ 1:7

ዩሁዳ ኣሳስ ጊዲኮ ታኒ ታ ሲቆ ቤሳና። ታኒ ጎዳይ ኢስታ ጾሳይ ኣሻና፤ ታ ኢስታ ኣሻናይሲ ኦላ ዎልቃን ጊዴና፤ ማሻን፥ ቶራን ዎይኮ ፓራኒኔ ፓራን ኦሊዛይታን ጊዴና» ጊዴስ።

ኢሳያሳ ቲንቢቴ 54:17

ኔና ቆሃናስ ኦሴቲዳ ሚሺ ኦና። ኔና ሞቲዛ ኢንጻርስ ኡባ ኔ ላና፤ ሄሳ ጊሻስ ጎዳ ኣይሌታ ጺንጾይ ሃይሳ፤ ኢስቲ ታፔ ዴማና ኣንጆይ ሄሳ» ጌስ።

ኢሳያሳ ቲንቢቴ 35:9

ሄን ጋሞይ ዴኤና፤ ዳፊ ሚዛ ዶኣይካ ኢዛን ኬዜና፤ ሄይታንቲ ሄን ቤቴቴና፤ ዎዜቲዳይቲ ጻላ ሄራ ባና።

ኢሳያሳ ቲንቢቴ 45:17

ኢስራኤሌይ ጊዲኮ ጎዳን ሜርና ኣቶቴ ኣታና፤ ኢንቴካ ሜርናስ ዬላቴኬታኔ ካዉዬኬታ።

ኢሳያሳ ቲንቢቴ 33:22

ጎዳይ ኑስ ፒርዲዛ ዳና፤ ጎዳይ ኑስ ዎጋ ኢሚዛዴ፤ ጎዳይ ኑስ ካዎ፤ ኑና ኣሻናይካ ኢዛ።

ኢሳያሳ ቲንቢቴ 2:4

ኢዚ ካዎቴታ ጊዶን ፒርዳና፤ ዳሮ ኣሳታ ጋርሳን ዲዛ ፓላማ ኢዚ ዲጋና። ኢስቲ ባንታ ጊ ማሻ ማራሻ፥ ባንታ ቶራካ ባጫ ቆጺ ኬሳና። ዴሬይ ዴሬ ቦላ ማሻ ዴንና፤ ሄሳፌ ጉዬ ኢስቲ ኦላ ታማሬቴና።

1ካዎታ ማጻፋ 4:25

ሶሎሞኔይ ዴኢዳ ላይ ኡባን ዳኔፔ ቢዲ ቤርሳቤሄ ጋካናስ ዩሁዳ ኣሳይኔ ኢስራኤሌ ኣሳይ ኡባይ ባ ዎይኔ ቱራ ኩዋኒኔ ባ ኤ ኩዋን ዎፓን ኡቲዳ።

ኢሳያሳ ቲንቢቴ 42:6

«ታኒ ጎዳይ ኔና ጺሎቴን ጼይጋዲስ፤ ታ ኔ ኩሼ ኦይካና፤ ታ ኔና ናጋና። ታኒ ኔና ካዎቴስ ጫቆ ቃላ፥ ኣይዛቤታስካ ፖኦ ሂስታና

ኤርማሳ ቲንቢቴ 29:11

ታ ኢንቴስ ሃልቺዳ ሃልቾ ኤራይስ፤ ሄ ሃልቾዛስ ፖሎይ ሎኦኔ ሂዶታ ኢሚዛዛ፥ ኢንቴና ጎኢዛዛ ኣቲን ቆሂዛዝ ጊዴና።

ኤርማሳ ቲንቢቴ 33:15

«ሄ ጋላሳታኒኔ ሄ ዎዴታን ታኒ ዳዊቴ ዛሬፔ ኢሲ ጺሎ ሃጋ ኣጪሳና፤ ኢዚ ሄ ቢታን ሱሬ ፒርዳኔ ጺሎቴ ኦና።

ሂዚቄላ ቲንቢቴ 21:27

ቡላሳና! ቡላሳና! ኣዋቴ ቤሲዛዴይ ያና ጋካናስ ኢዛ ቤኒ ማላ ሃኑኩ፤ ታ ኢዛስ ኢዞ ኣ ኢማና› ጌስ።

ሂዚቄላ ቲንቢቴ 28:26

ሄን ኢስቲ ሳሮን ዳና፤ ኬታ ኬጻና፤ ዎይኔ ቱራ ቶኪዛሶሆታ ጊጊሳና፤ ኢስቲ ካዳ ሾሮታ ታ ቃጻዪዛ ዎዴ ኢስቲ ሳሮን ዳና፤ ሄሳፌ ጉዬ ታኒ ጎዳይ ኢስታ ጾስ ጊዲዳይሳ ኢስቲ ኤራና» ጌስ።

ሂዚቄላ ቲንቢቴ 38:14

«ሄሳ ጊሻስ ኣሳ ናዉ፥ ጎጌ ቦላ ቲንቢቴ ዮታ፤ ኢዛስ ኡባ ሃሪዛ ጎዳይ፥ ‹ሄ ዎዴ ታ ዴሬ ኢስራኤሌይ ሳሮን ኡቲዳይሳ ኔኒ ኤራዳ ኣኬኪኪ?

ሂዚቄላ ቲንቢቴ 48:35

ካታማ ዩሾይ ሙሌራ ዋን 9,000 ሜቲሬ ጊዳና። ሄ ዎዴፔ ዶሚዲ ሄ ካታማይ፥ ‹ጎዳይ ሄን ዴስ› ጌቴቲ ጼይጌታና» ጌስ።

ዳኔላ ቲንቢቴ 9:7

«ኣቤት ጎዳዉ! ኔኒ ጺሎ፤ ኑኒ ጊዲኮ ኔስ ኣማኔቶንታ ጊሻስ ኑና ቢታ ኡባ ቦላን ኔ ላሊዳ ዩሁዳ ኣሳይ፥ ዬሩሳላሜ ኣሳይኔ ኩሜ ኢስራኤሌ ኣሳይ ማታን ጊዲን ሃሆን ዲዛ ኡባይ ሃኢ ዬላቲዶስ።

ሆሴኤ ቲንቢቴ 1:11

ሄ ዎዴ ዩሁዳ ኣሳይኔ ኢስራኤሌ ኣሳይ ሲሚዲ ኢሲኖ ጊዳና። ናምኣቲ ባንታና ኣይሳናዴ ኢሲ ኣስ ዶራና። ቃሴካ ኢስቲ ባንታ ዴሬን ዲቻኒኔ ዱሬቴን ዴኣና። ኢዝራኤሌ ጋላሳይ ጊታ ጊዳና።

ኬሳ ማጻፋ 9:26

ኢስራኤሌ ናይቲ ዲዛ ጌሴሜ ቢታይ ጻላ ሻቺ ቡኮንታ ኣቲዴስ።

ዬ ማጻፋ 45:5

ኔ ዪሻቲ ቃራታ፤ ኢስቲ ካዎ ሞርኬታ ዎዚና ኣይፌን ጫዳና፤ ካዎቴቲ ጾኔቲዲ ኔ ቶሆ ጋርሳን ኩንዳና።

ኢሳያሳ ቲንቢቴ 32:1

ቤኢቴ፥ ካዎይ ጺሎቴን ካዎታና፤ ሃሪዛይቲካ ሱሬ ፒርዳን ሃራና።

ኢሳያሳ ቲንቢቴ 32:18

ታ ዴሬይ ሳሮይ ዲዛሶን፥ ኣማንዛሶን፥ ዎፓይ ዲዛሶን ዎፑ ጊ ዳና።

ኢሳያሳ ቲንቢቴ 33:5

ጎዳይ ቦላ ሳሎን ዴኢዛ ጊሻስ፥ ቁ ቁ ጊዴስ፤ ኢዚ ጺዮኖ ሱሬ ፒርዳኒኔ ጺሎቴን ኩንና።

ኤርማሳ ቲንቢቴ 31:23

ኡባፌ ዎልቃማ ጎዳ ኢስራኤሌ ጾሳይ፥ «ታኒ ኢስታፌ ዲኤቲዳ ሚሻ ታ ኢስታስ ዛሪዛ ዎዴ ኢስቲ ዩሁዳ ቢታኒኔ ኢዚ ካታማታን፥ ‹ኔኖ ጺሎቴ ኣቂዛ ጌሻ ዙማዞ! ጎዳይ ኔና ኣንጆ!› ጊዛ ቃላ ዛሪ ጎኤታና።