ኤርማሳ ቲንቢቴ 23:5 - ጋሞ ማጻፋ

⁵ ጎዳይ፥ «ታኒ ዳዊቴስ ጺሎ ዛሬ ዴንና ዎዴይ ያና፤ ኢዚ ቱሙ ፒርዳኔ ጺሎቴ ኦዛዴ፥ ኣ ኤራቴን ሃሪዛ ካዎ ጊዳና።

Geeshsha Maxaafa

⁵ GODAY, «Tani Dawites xillo zare denththana wodey yaana; izi tumu pirdanne xilloteth ooththizaade, aadho erateththan haariza kawo gidana.

ኤርማሳ ቲንቢቴ 23:5 Referans Kwoze

ኢሳያሳ ቲንቢቴ 4:2

ሄ ዎዴ ጎዳ ሚ ሃጋይ ሎኣናኔ ቦንቼታና፤ ኢስራኤሌ ኣሳፔ ይሼ ኣቲዳይታስ ሄ ቢታ ካይ ጬቆሲኔ ቦንቾስ ጊዳና።

ኢሳያሳ ቲንቢቴ 52:13

ጎዳይ፥ «ቤኢቴ፥ ታ ኣሽካራይ ኣኬካን ኦና፤ ኢዚ ኤሬቲዳዴ ጊዳና፥ ኢዚ ቁ ቁ ጋና፤ ኢዚ ኬሂ ቦንቼታና።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ዛካራሳ ቲንቢቴ 3:8

«ሃይሶ ቄሴታ ሃላቃ ኢያሶ ሲያ! ኔ ማታን ኔና ኦ ማዲዛይቲ ቡሮ ሲንፌ ሃናና ሎኦ ማላታ ጊዲዳ ጊሻስ ኢስቲካ ሲዬቶ፤ ሄኮ ታኒ ቡሮ ፑርጪዛ ታ ኣይሌዛ ኤሃና።

ኢሳያሳ ቲንቢቴ 53:2

ኢዚ ኢዛ ሲንን ጫሬቻ ማላ፥ ሜላ ቢታፌ ሞኪዛ ጻጶ ማላ ሞኪዴስ፤ ኑ ኢዛ ጼላናስ ሺጫቴ ዎይኮ ቴማይ ዴና፤ ኑ ኢዛ ዶሳናስ ኢዛ ማላይ ሎኤና።

ዛካራሳ ቲንቢቴ 9:9

ሃኔ ጺዮኔ ናዬ ኬሃ ኡፋዬታ። ሃኔ ዬሩሳላሜ ናዬ ኡፋይሳን ኢሊላ፤ ጺሎኔ ኣሺዛ ኔ ካዎይ ኣሽኬ ጊዲዲ ሃሬዮኔ ሃሬይ ጉቴ ቶጊዲ ኔኮ ዬስ።

ዮሃኒሳ ኣጁታ 19:11

ሄሳፌ ጉዬ ሳሎይ ዶዬቲዳይሳ ታ ቤያዲስ፤ ቃሴካ ቦ ፓራካ ቤያዲስ፤ ሄ ፓራዛ ቶጊዳይሲ ኣማኔቲዳዴኔ ቱማንቻ ጌቴቲዛዴ፤ ኢዚ ቃሴ ቱማ ፒርዴሲኔ ኦሌቴስ።

ኣሞጼ ቲንቢቴ 9:11

«ጮ ኩንዲ ላሌቲዳ ኬ ማላ ጊዲዳ ዳዊቴ ዜሬታ ካዎቴስ ታኒ ዛራ ኤሳና ዎዴይ ያና፤ ታኒ ጊምቤዛ ዛራ ጊምባና፤ ላሌቲዳይሳካ ኦራጺሳና፤ ካሴይሳ ዛራ ኦና።

ኤርማሳ ቲንቢቴ 30:9

ጊዶ ኣቲን ጎዳስ ባንታ ጾሳሲኔ ታኒ ኢስታስ ካዎዳ ካዎ ዳዊቴ ዛሬስ ኢስቲ ሃሬታና» ጌስ።

ኤርማሳ ቲንቢቴ 30:3

ታኒ ታ ዴሬ ኢስራኤሌኔ ዩሁዳ ካሴ ኢስታ ኣዋታስ ታ ኢሚዳ ቢታ ኢስታስ ዛራ ኤሃና ዎዴይ ጋኪዴስ፤ ኢስቲካ ላታና» ጌስ።

ኤርማሳ ቲንቢቴ 23:6

ኢዛ ካዎቴ ላይን ዩሁዳይ ኣታና፤ ኢስራኤሌይካ ሳሮን ዳና፤ ኢዛ ሱን፥ ‹ጎዳይ ኑስ ጺሎቴ› ጌቴታና።

Ibirawe 8:8

ጊዶ ኣቲን ጾሲ ዴሬዛ ቦላ ፓጬይ ዲዛይሳ ዴሚዳ ጊሻስ፥ «ኢስራኤሌ ኣሳራኔ ዩሁዳ ኣሳራ ታኒ ኦራ ጫቆ ጫቄታና ዎዴይ ያና።

ዮሃኒሳ ሚሺራቾ 1:45

ፒሊጶሲ ናቲናኤሌ ዴሚዲ፥ «ሙሴይ ዎጋ ማጻፋን ቃሴ ናቤቲካ ቡሮፔ ሃናናይሳ ዮቲዛ ባ ማጻፋታን ኢዛ ጊሻስ ጻፊዳ ኣዴዛ ኑ ዴሚዶስ። ኢዚካ ዮሴፌ ና ናዚሬቴ ዬሱሳኮ!» ጊዴስ።

ሆሴኤ ቲንቢቴ 3:5

ሄሳፌ ጉዬ ኢስራኤሌ ዴሬይ ጎዳ ባ ጾሳኮኔ ባ ካዎ ዳዊቴኮ ሲማና። ዉርሴ ዎዴ ኢስቲ ያሻን ኮኮሪሼ ጎዳኮኔ ኢዛ ኣንጆኮ ያና።

ዳኔላ ቲንቢቴ 9:24

«ማካላቴ ኤሳናስ፥ ናጋራ ዲጋናስ፥ ቆሆ ዉርሳናስ፥ ሜርና ጺሎቴ ኤሃናስ፥ ኣጁታኔ ቲንቢቴ ማታሜን ሾጫናስ፥ ጌሽ ጊዲዳ ጊዶ ቆልኣ ቲስታናስ ኔ ዴራ ጊሻሲኔ ኔ ጌሻ ካታማይ ጊሻስ ላፑን ታሙ ሳሚንታይ ኣዋጄቲዴስ።

ኤርማሳ ቲንቢቴ 31:27

ጎዳይ፥ «ታኒ ኢስራኤሌ ቢታኒኔ ዩሁዳ ቢታን ኣሲኔ ሜሄ ኩንዛ ዎዴይ ያና።

ኤርማሳ ቲንቢቴ 22:3

ጎዳይ፥ «ሱሬ ፒርዳኔ ጺሎ ኦቴ፤ ቦንቄቲዳይታ ኡንኤዛይታ ኩሼፔ ኣሺቴ፤ ቤቴታ፥ ዪኦታኔ ኣምኤታ ቆሆፒቴ፤ ሃ ሶሆንካ ጺሎ ሱ ጉሶፍቴ።

ኢሳያሳ ቲንቢቴ 53:10

«ኢዛ ሊቄኔ ዋዬዚ ጎዳ ሼኔ ጊዲዴስ፤ ጎዳይ ኢዛ ሼምፖ ናጋራ ያርሾ ኦኮካ ኢዚ ባ ዜሬ ቤኣና፤ ጎዳ ሼኔይ ኢዛ ኩሼን ፖሌታና።

ዮሃኒሳ ሚሺራቾ 1:49

ናቲናኤሌይ፥ «ኣስታማሬ! ኔ ጾሳ ና፤ ኔ ኢስራኤሌ ካዎ» ጊዴስ።

Maatosa 2:2

«ዬሌቲዳ ኣይሁዳ ካዎይ ኣዋን ዲዜ? ኣዋ ኣርሼይ ሞኪዛ ባጋራ ዲዛ ጾሊንቴዛ ቤኢዲ ኢዛስ ጎይናና ዪዶስ» ጊዲ ኦይቺዳ።

ሂዚቄላ ቲንቢቴ 34:29

ሄሳፌ ጉዬ ኢስቲ ኮሻቶንታ ማላ፥ ካዎቴታ ጫሼ ቶኮንታ ማላ ኣይፌ ኢሞን ኤሬቲዳ ኣራዳ ቢታ ታ ኢስታስ ኢማና።

ዬ ማጻፋ 80:15

ኢዛ ኔ ኡሻቻ ኩሼይ ቶኪዳ ፑቴ፤ ኔኒ ኔስ ጋዳ ዲቺዳ ኣጫ።

ዬ ማጻፋ 45:4

ቱማቴስ፥ ኣሽኬቴሲኔ ጺሎቴስ ኔ ቴማቴ ማይኣዳ ኦላ ጾናናስ ሲን ሆርዶፋ፤ ኔ ኡሻቻ ኩሼይ ማላሊሲዛ ሚሽ ቤሶ።

ኤርማሳ ቲንቢቴ 22:30

ጎዳይ፥ «ዩሁዳ ኣይሳናስ ኣሲ ባይንዳ ጊሻስ፥ ዳዊቴ ኣራታን ኡታና ኢሳዴይካ ኬኦንታ ጊሻስ፥ ኢሲ ፓጻ ኣሲ ኬዞንታ ጊሻስ ኢዛስ ዴኦ ላይ ኡባን ኢንጄቶንታ ን ኣስ ጊዲ ጻፍቴ» ጌስ።

ኤርማሳ ቲንቢቴ 22:15

«ኔ ካዎቴ ኬ ዳሮ ዚጋ ሚን ኬጺዳይሲ ኔስ ካዎቲዳ ሚሳቲዜ? ኔ ኣዋይ ሱሬ ፒርዳኔ ጺሎ ኦዳ ጊሻስ ሚዛዚኔ ኡዪዛዚ ፓጪዴ? ኢዛስ ኡባ ሚሺካ ኢንጄቲዴስ።

1ቆሮንቶሴ ኣሳስ 1:30

ኢንቴና ቃሴ ጾሲ ዬሱስ ኪርስቶሳራ ኢሲፌቴ ዳና ማላ ኦዴስ፤ ሄሳ ጊሻስ ጾሲ ዬሱስ ኪርስቶሳ ኑ ኤራቴ፥ ኑ ጺሎቴ፥ ኑ ጌሻቴኔ ኑና ኣሺዛዴ ጊዳና ማላ ኦዴስ።

ኢሳያሳ ቲንቢቴ 42:6

«ታኒ ጎዳይ ኔና ጺሎቴን ጼይጋዲስ፤ ታ ኔ ኩሼ ኦይካና፤ ታ ኔና ናጋና። ታኒ ኔና ካዎቴስ ጫቆ ቃላ፥ ኣይዛቤታስካ ፖኦ ሂስታና

ኤርማሳ ቲንቢቴ 29:11

ታ ኢንቴስ ሃልቺዳ ሃልቾ ኤራይስ፤ ሄ ሃልቾዛስ ፖሎይ ሎኦኔ ሂዶታ ኢሚዛዛ፥ ኢንቴና ጎኢዛዛ ኣቲን ቆሂዛዝ ጊዴና።

ሂዚቄላ ቲንቢቴ 21:27

ቡላሳና! ቡላሳና! ኣዋቴ ቤሲዛዴይ ያና ጋካናስ ኢዛ ቤኒ ማላ ሃኑኩ፤ ታ ኢዛስ ኢዞ ኣ ኢማና› ጌስ።

ሂዚቄላ ቲንቢቴ 45:8

ሄ ጊሻይ ኢስራኤሌ ቢታ ሃላቃስ ላታ ጋዴ ጊዶ። ሃይሳፌ ሲንን ታ ሃላቃቲ ታ ኣሳ ዋዪሶፔቶ፤ ኢስቲ ኢስራኤሌ ኣሳይ ኡባይ ባ ዛሬን ዛሬን ጋዴ ኤካና ማላ ኦቶ።

ሆሴኤ ቲንቢቴ 1:11

ሄ ዎዴ ዩሁዳ ኣሳይኔ ኢስራኤሌ ኣሳይ ሲሚዲ ኢሲኖ ጊዳና። ናምኣቲ ባንታና ኣይሳናዴ ኢሲ ኣስ ዶራና። ቃሴካ ኢስቲ ባንታ ዴሬን ዲቻኒኔ ዱሬቴን ዴኣና። ኢዝራኤሌ ጋላሳይ ጊታ ጊዳና።

2ሳሜላ ማጻፋ 23:3

ኢስራኤሌ ጾሲ ሃሳይዴስ፤ ኢስራኤሌ ዛላይ ታስ፥ ‹ኣሳ ጺሎቴን ሃሪዛይ፥ ጾሳ ያሻቴን ኣይሲዛይ፥

ዬ ማጻፋ 99:4

ቱማ ፒርዳ ዶሲዛ ዎልቃማ ካዎ! ኔኒ ሱሬቴስ ዮች ዬጋዳሳ፤ ኔኒ ያቆቤስ ቱሙ ፒርዳኔ ጺሎቴ ኤሳዳሳ።

ኢሳያሳ ቲንቢቴ 9:5

ኦላንቻታ ጫማይ ኡባይ፥ ሱን ሞሬቲዳ ማይኦ ኡባይካ ታማን ዱኔ ጊዲ ኤጻና።

ኢሳያሳ ቲንቢቴ 9:6

ሄኮ ኑስ ናይ ዬሌቲዴስ! ኣቱማ ናይካ ኑስ ኢሜቲዴስ! ሃላቃቴ ኢዛ ሃሼ ቦላ ጊዳና፤ ኢዛ ሱን፥ «ማላሊሲዛ ዞራንቻ፥ ዎልቃማ ጾሳ፥ ሜርና ኣዋ፥ ሳሮቴ ሃላቃ» ጌቴታና።

ኢሳያሳ ቲንቢቴ 33:5

ጎዳይ ቦላ ሳሎን ዴኢዛ ጊሻስ፥ ቁ ቁ ጊዴስ፤ ኢዚ ጺዮኖ ሱሬ ፒርዳኒኔ ጺሎቴን ኩንና።

ኢሳያሳ ቲንቢቴ 45:24

«ኢስቲ ታ ጊሻስ ሃሳይሼ፥ ‹ጺሎቴኔ ዎልቃይ ጎዳን ጻላ ዴስ› ጋና» ጌስ። ኢዛ ቦላ ሃንቆን ዴንዲዳይቲ ኡባይ ኢዛኮ ዪዲ ዬላታና።

ሂዚቄላ ቲንቢቴ 34:16

ታኒ ይዳይሳ ኮያና፤ ቶይላቲዳይሳካ ዛራና፤ ሜቂዳይሳ ኮላና፤ ዳቡርዳይሳካ ሚንና። ጊዶ ኣቲን ታኒ ሞዳይታኔ ሚኒዳይታ ይሳና፤ ዉዴዛ ዎጋራ ሄማና።

ሚኪያሳ ቲንቢቴ 5:3

ሄሳ ጊሻስ ዬሊዛራ ሚጻታዳ ዬላና ጋካናስ ኢስራኤሌይ ዬጌታ ኣታና፤ ሃንኮ ኣቲዳ ኢሻቲካ ሲሚዲ ኢስራኤሌ ኣሳራ ዋላኬታና።