ኤርማሳ ቲንቢቴ 23:39 - ጋሞ ማጻፋ

³⁹ ሄሳ ጊሻስ ኢንቴና፥ ቃሴካ ኢንቴሲኔ ኢንቴ ኣዋታስ ታ ኢሚዳ ካታማይራ ጋዳ ዬጋ ኣጋና፤ ታ ሲንፌካ ዎራ ኦላና።

Geeshsha Maxaafa

³⁹ Hessa gishshas inttena, qasseka inttessinne intte aawatas ta immida katamayra gaththada yegga aggana; ta sinththafekka wora olana.

ኤርማሳ ቲንቢቴ 23:39 Referans Kwoze

ኤርማሳ ቲንቢቴ 23:33

ጎዳይ ታስ፥ «ሃ ዴሬይ፥ ዎይኮ ናቤይ፥ ዎይኮ ቄሴይ፥ ‹ጎዳስ ቶሆ ጊዲዳይ ኣዜ?› ጊዲ ኦይቺኮ፥ ‹ጎዳስ ቶሆይ ኢንቴና፤ ሄሳ ጊሻስ ታኒ ኢንቴና ዎራ ኦላና› ጌስ ጋ ዮታ።

ሂዚቄላ ቲንቢቴ 8:18

ሄሳ ጊሻስ ታኒ ኢስታ ቦላ ሃንቆን ያና፤ ታኒ ኢስታስ ቃቲኬኔ ኢስታ ቦላ ያና ሃኖታፔ ታ ኢስታ ኣሺኬ፤ ኢስቲ ታኮ ዋሲኮካ ታ ሲዪኬ» ጊዴስ።

2ታሶሎንቄ ኣሳስ 1:9

ኢስቲካ ጎዳ ሲንፌኔ ኢዛ ቦንቾ ዎልቃ ኣቻፌ ኪቺዲ ሜርናስ ዮን ቃጻዬታና።

Maatosa 25:41

«ቃሴካ ሃዲርሳ ባጋራ ዲዛይታስ፥ ‹ኢንቴኖ ቃንጌቲዳይቶ! ታፔ ሻኬቲዲ ዳቡሎሳሲኔ ኢዛ ኪታንቻታስ ጊጌቲዳ ሜርና ታማን ቢቴ ጋና።

ሆሴኤ ቲንቢቴ 5:14

ሄሳፌ ዴንዲዳይሳን ታኒ ኢስራኤሌስ ጋሞ ማላ ዩሁዳስካ ዎዳላ ጋሞ ማላ ጊዳና፤ ታ ኢስታ ኒፊፊ ሂስታ ሜንሬ ዬጋና፤ ቦንቃ ኤካዳ ባና፤ ኦኒካ ኢስታ ታ ኩሼፔ ኣሻናስ ዳንዳዬና።

ሆሴኤ ቲንቢቴ 4:6

ታ ዴሬዛስ ኤራቴ ፓጪዳ ጊሻስ ይዴስ። ኢንቴ ታና ኤራናስ ኮዮንታ ጊሻስ ታኒካ ኢንቴ ታስ ቄሴታ ጊዲ ኦና ማላ ኮይኬ። ኢንቴ ታ ዎጋ ባሌቲዳ ጊሻስ ታኒካ ኢንቴ ናይታ ባላና።

ሂዚቄላ ቲንቢቴ 34:20

«ሄሳ ጊሻስ ኡባ ሃሪዛ ጎዳይ ኢስታስ፥ ‹ቤኢቴ፥ ታኒ ታርካ ሞ ሜሄታሲኔ ጊልቃ ሜሄታስ ጊዶን ፒርዳና።

ሂዚቄላ ቲንቢቴ 34:11

«ኡባ ሃሪዛ ጎዳይ፥ ‹ታኒ ታርካ ታ ዉዴታ ኮያና፤ ታ ኢስታ ናጋና።

ሂዚቄላ ቲንቢቴ 9:6

ጪማታ፥ ናቴታኔ ጌላኦታ፥ ማጫሳታኔ ጉ ናይታ ኡባካ ሹኪቴ፤ ጊዶ ኣቲን ማላታራ ዲዛ ኣስ ኦናካ ቦቾፍቴ። ዎ ታ ኬን ዶሚቴ» ጊዴስ። ሄሳ ጊሻስ ኢስቲ ጾሳ ኬ ሲንን ኤቂዲ ዎ ጪማታን ዶሚዳ።

ሂዚቄላ ቲንቢቴ 6:3

‹ኢስራኤሌ ዙምቡላቶ! ኡባ ሃሪዛ ጎዳ ቃላ ሲዪቴ! ኡባ ሃሪዛ ጎዳይ ዙምቡላታስ፥ ፖጎኖታስ፥ ካካታሲኔ ዙሌታስ፡ ታ ኢንቴ ቦላ ማሻ ኤሃና፤ ኢንቴ ኢስታ ቦላ ጎይኒዛሶሆታካ ይሳና።

ሂዚቄላ ቲንቢቴ 5:8

ሄሳ ጊሻስ ኡባ ሃሪዛ ጎዳይ፥ «ሄኮ፥ ታኒ ታ ባጋራ ኔ ቦላ ዴንዳዲስ፤ ካዎቴታ ሲንን ታኒ ኔ ቦላ ፒርዳ ኤሃና።

ኤርማሳ ዚላስ 5:20

ኔ ኑና ኣይስ ኡባ ዎዴ ጮኡ ጋይ? ቃሴ ኣይስ ሃይሳ ጋካናስ ኣጋጋዲ?

ኤርማሳ ቲንቢቴ 52:3

ጎዳይ ዬሩሳላሜ ቦላኔ ዩሁዳ ቦላ ሄሳ ኡባካ ጋዳይኔ ዉርሴን ኢዚ ባ ሲንፌ ዲጊዳይ ሃንቄቲዳ ጊሻሳ። ሴዴቂያሲካ ባቢሎኔ ካዎ ቦላ ማካሊዴስ።

ኤርማሳ ቲንቢቴ 36:31

ኢዛኔ ኢዛ ናይታ፥ ኢዛ ሹሜታ ኢስታ ኢታቴ ጊሻስ ታ ኢስታ ቃጻያና፤ ታ ጊዛዝ ኢስቲ ሲዮንታ ኢጺዳ ጊሻስ ታ ኢስታ ቦላ ኤሃና ጊዳ ባሽ ኡባ ኢስታ ቦላ፥ ዬሩሳላሜኒኔ ዩሁዳን ዲዛ ኣሳ ቦላ ኤሃና» ጌስ።

ኤርማሳ ቲንቢቴ 35:17

ሄሳ ጊሻስ ኡባፌ ዎልቃማ ጎዳ ኢስራኤሌ ጾሳይ፥ «ቤኢቴ፤ ታኒ ዩሁዳ ኣሳ ቦላኔ ዬሩሳላሜን ዲዛይታ ኡባ ቦላ ኤሃና ጊዳ ኢታ ሚሽ ታ ኤሃና፤ ጋሶይካ ታ ኢስታስ ዮቲን ሲዪቤቴና፤ ታ ኢስታ ጼይጊን ኢስቲ ታስ ኮዪቤቴና» ጌስ።

ኤርማሳ ቲንቢቴ 7:15

ኢንቴ ኢሻታ ኤፍሬሜ ዛሬታ ታኒ ዲጊዳ ማላ ታ ሲንፌ ኢንቴናካ ዲጋና» ጌስ።

ኢሳያሳ ቲንቢቴ 51:12

ጎዳይ፥ «ኢንቴና ሚንዛይ ታኒ ጻላ ኢዛ፤ ሃይቂዛ ኣሳ ዜሬ፥ ማታ ማላ ሹሊዛ ኣሳ ናስ ኣይስ ባባይ?

ኢሳያሳ ቲንቢቴ 48:15

ታኒ ታርካ ዮታዲስ፤ ቱሙካ ታ ጼይጋዲስ፤ ታ ኢዛ ኤሃና፤ ኢዛ ኦሶይካ ኢዛስ ፖሌታና።

ሌሚሶ ማጻፋ 13:13

ዞሬ ካዛ ኣሲ ሜቶን ጌሌስ፤ ኣዛዞ ቦንቺዛ ኣሲ ጊዲኮ ባ ዋጋ ኤካና።

ዬ ማጻፋ 51:11

ታና ኔ ሲንፌ ኦሎፓ፤ ኔ ጌሻ ኣያና ታፔ ኤኮፋ።

ዛሬ ማጻፋ 32:39

«ታኒ ጻላ ጾስ ጊዲዳይሳ ኤሪቴ፤ ታፔ ሃራ ጾሲ ዴና፤ ዎዛይካ ፓጻ ዎዛይካ ታና፤ ታኒ ማዱንይሲኔ ፓይስ፤ ታ ኩሼፔ ኦኒካ ኢንቴና ኣሼና።

ሌዌታ ማጻፋ 26:28

ታ ኢንቴ ቦላ ሃንቆን ዴንዳና፤ ኢንቴ ናጋራ ጊሻስ ታ ኢንቴና ላፑን ዳኮ ቃጻያና።

ሜቴ ማጻፋ 6:17

«ታኒ ሳሎፔ ጋርሳን ሼምፖራ ዲዛ ሜቴ ኡባ ይሳናስ ሃ ቢታ ቦላን ይሳ ሃ ዬዲኮ ቢታን ዲዛይሲ ዉሪ ያና።

ሜቴ ማጻፋ 4:16

ቃዬሌይ ጎዳ ሲንፌ ኬዚዲ ኤዴኔ ባጋፌ ኣርሼይ ሞኪዛ ባጋራ ዲዛ ኖዴ ጌቴቲዛ ቢታን ዴኢዴስ።

ኤርማሳ ቲንቢቴ 7:14

ሄሳ ጊሻስ ታኒ ሴሎን ኦዳይሳ ማላ ሃኢካ ሃይሳን ኢንቴ ኣማኔቲዛ፥ ታ ሱንይ ኢዛን ጼይጌቲዛ ሃ ጾሳ ኬ ቦላካ ኦና፤ ኢንቴሲኔ ካሴ ኢንቴ ኣዋታስ ኢሚዳ ሶሆን ሃይሳን ታኒ ሴሎ ቦላ ኦዳይሳ ማላ ዛራዳ ኦና።

ኤርማሳ ቲንቢቴ 12:7

ታኒ ታ ኬ ኣጋና፤ ታ ጺንጾዮካ ዬጋ ኣጋና፤ ታኒ ታ ሲቂዛ ኣሳ ኢስታ ሞርኬታ ኩሼን ኣ ኢማና።

ኤርማሳ ቲንቢቴ 23:38

ጊዶ ኣቲን ኢንቴ፥ ‹ሃይሲ ጎዳ ቶሆ› ጊኮ፥ ጎዳይ ታኒ ኢንቴና፥ ‹ሃይሲ ጎዳ ቶሆ› ጎፒቴ ጊንካ ኢንቴ፥ ‹ሃይሲ ጎዳ ቶሆ› ጊዴታ።

2ካዎታ ማጻፋ 23:27

ሄሳ ጊሻስ ጎዳይ፥ «ታኒ ኢስራኤሌ ታ ሲንፌ ዲጎይሳ ዩሁዳካ ታ ሲንፌ ዲጋና፤ ታኒ ዶሪዳ ዬሩሳላሜ ካታማዮ፥ ‹ታ ሱን ሄን ዴኣና› ጋዳ ታኒ ካሴ ዮቲዳ ጾሳ ኬዮ ታ ዬጋ ኣጋና» ጊዴስ።