ኤርማሳ ቲንቢቴ 23:29 - ጋሞ ማጻፋ

²⁹ «ታ ቃላይ ታማ ማላኔ ሹች ቄሪዛ ናሪቃ ማላ ጊዴኔ?» ጌስ።

Geeshsha Maxaafa

²⁹ «Ta qaalay tama malanne shuch qeriza naariqa mala gidennee?» gees.

ኤርማሳ ቲንቢቴ 23:29 Referans Kwoze

Ibirawe 4:12

ጾሳ ቃላይ ፓጻ ዲዛይሳኔ ኦዛ ቃላ፤ ናምኡ ባጋ ቃራ ማሻፌካ ኣ ቃራ፤ ሼምፖኔ ኣያና፥ ሻያኔ ኮልካ ሻካና ጋካናስ ጫዴስ፤ ዎዚና ቆፋኔ ኣሞቴካ ፓጪ ጼሌስ።

ኤርማሳ ቲንቢቴ 5:14

ሄሳ ጊሻስ ጎዳይ ኡባፌ ዎልቃማ ጾሳይ፥ «ኢስቲ ሃ ቃላ ሃሳይዳ ጊሻስ ታኒ ታ ቃላ ኔ ዶናን ታማ ኬሳና። ሃ ኣሳካ ሚ ኬሳና፤ ታማይካ ኢስታ ሚ ይሳና» ጌስ።

ሉቃሳ ሚሺራቾ 24:32

ኢስቲካ፥ «ኑ ዪሼ ኦጌ ቦላ ዲሺን ኑና ሃሳይሲዲ ጌሻ ማጻፋታካ ቆንጪሲዲ ኑስ ጌላናሼ ዮቲን ኑ ዎዚናይ ታማ ማላ ጹጌቲቤኔ?» ጊዲ ኢሶይ ኢሳራ ሃሳዬቲዳ።

ኤርማሳ ቲንቢቴ 20:9

ታኒ፥ «ሃይሳፌ ጉዬ ጎዳ ሱን ዴንኬ፤ ኢዛ ሱንንካ ሃሳይኬ» ጊኮ ኢዛ ቃላይ ታ ዎዚና ጊዶን ታማ ማላ፥ ታ ሜቄ ጊዶንካ ሱርቁንቶ ማላ ጊዲዴስ፤ ሄሳ ጊሻስ ታ ካማ ኦይካናስ ጾኒዴስ፤ ሙሌራካ ኤቄታናዉ ዳንዳያቤኬ።

ዮሃኒሳ ኣጁታ 11:5

ኦኒካ ኢስታ ቆሃናስ ኮይኮ ኢስታ ዶናፔ ታማይ ኬዚዲ ኢስታ ሞርኬታ ጹጋና፤ ኢስታ ቆሃና ኮይዛዴንቲ ዉሪ ሃይቃናይ ሄሳ ማላንኮ።

ዮሃኒሳ ሚሺራቾ 6:63

ኣሳስ ዴኦ ኢሚዛይ ጾሳ ኣያናኮ! ኣሳ ዎልቃይ ቃሴ ኣይኮካ ጎኤና፤ ታ ኢንቴስ ዮቲዳ ቃላይ ዴኦ ኢሚዛ ኣያና።

ሃዋሬታ ኦሶ 2:3

ታማ ላጮ ሚሳቲዛ ቃላይ ኣሳስ ቤቲዲ ሻኬቲ ሻኬቲ ኢሳ ኢሳ ቦላ ኡቲዴስ።

ሃዋሬታ ኦሶ 2:37

ዴሬይ ሄሳ ሲዪዳ ማላ ዎዚናይ ቦሼቲዴስ፤ ጴጽሮሳኔ ሃንኮ ዬሱሲ ኪቲዳይታ፥ «ሂስቲን ኑ ኢሻቶ! ኑ ኣይ ኦኖ?» ጊዳ።

2ቆሮንቶሴ ኣሳስ 2:16

ያናይታስ ኑኒ ዎዛ ጺንቆ፤ ኣታናይታስ ቃሴ ሃይቆፔ ዴኦሶ ኤፊዛ ዴኦ ሳዎ፤ ሂስቲን ሃይሳስ ቤሲዛዴይ ኦኔ?

ሆሴኤ ቲንቢቴ 6:5

ሄሳ ጊሻስ ታኒ ታ ናቤታ ባጋራ ኢንቴና ቃንጼሬዲስ፤ ታ ዶናፔ ኬኢዛ ቃላን ታ ኢንቴና ዎዲስ። ታ ፒርዳይካ ኢንቴ ቦላ ዎልቃን ማላ ፖኢዴስ።