ኤርማሳ ቲንቢቴ 23:24 - ጋሞ ማጻፋ

²⁴ ታኒ ቤኦንታ ማላ ጌማሶን ቆቴቲ ኣታና ኣሲ ዲዜ? ሳሎኔ ሳኣ ኩሚዳይ ታና ጊዲኪና!» ጌስ ጎዳይ።

Geeshsha Maxaafa

²⁴ Tani be7ontta mala geemason qotetti attana asi dizee? Salonne sa7a kumiday tana gidikkinaa!» gees GODAY.

ኤርማሳ ቲንቢቴ 23:24 Referans Kwoze

ሌሚሶ ማጻፋ 15:3

ጎዳ ኣይፌቲ ኡባሶ ጼሌቴስ፤ ኢታታኔ ሎኦታ ኡባ ሎኤ ቤኤቴስ።

ዬ ማጻፋ 139:7

ታኒ ኔ ኣያናፔ ኣዋ ባናስ ዳንዳያዚና? ዎይኮ ኔ ሲንፌ ኣዋ ባቃታናስ ዳንዳያዚና?

ዬ ማጻፋ 90:8

ኔኒ ኑ ኢታ ኦሶ ኔ ሲንን ዎዳሳ፤ ቃሴ ኑ ጌንዳ ናጋራ ኔ ሲን ፖኦኮ ኣዳሳ።

ኢሳያሳ ቲንቢቴ 29:15

ባንታ ሃልቾ ጎዳፔ ጌንናስ ዱጌ ጪማ ኦላን ዎዛይታስ ባንታ ኦሶ ማን ኦዛይታስ «ኑና ኦኒ ቤኣኔ? ኑና ኦኒ ኤራኔ?» ጊዛይታስ ኣዬ ኣና!

1ካዎታ ማጻፋ 8:27

«ቱማፔ ጾሲ ሳኣ ቦላ ዴኢ ኤሪዜ? ቤኣ ሳሎይ፥ ሳሎታፔ ቦላን ዲዛ ሳሎይካ ኔና ኦይካና ዳንዳዬና፤ ሂስቲን ሃይሲ ታ ኬጺዳ ጾሳ ኬይ ኔስ ኣይ ጊዳኔ!

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ኢሳያሳ ቲንቢቴ 66:1

ጎዳይ፥ «ሳሎይ ታስ ኣራታ፤ ሳኣይካ ታስ ዬዛሶ፤ ሂስቲን ኢንቴ ታስ ኬጻና ኬኔ ታ ሼምፓና ሶይ ኣዋይሴ?

ዬ ማጻፋ 10:11

ኢታ ኣሲ ባ ዎዚናን፥ «ጾሲ ታና ዶጊዴስ፤ ባ ሲን ታፔ ጌንዴስ፤ ሙሌካ ኢዚ ታና ቤኤና» ጌስ።

2ታሪኬ ማጻፋ 6:18

«ጊዶ ኣቲን ጾሳይ ቱማፔ ኣሳራ ኢሲፌ ሃ ሳኣን ዴኣኔ? ቤኣ፥ ሳሎቲ፥ ሳሎታፔ ቦላን ዴኢዛ ሳሎቲካ ኔና ኦይካናስ ዳንዳዬቴና። ሂስቲን ሃይሲ ታኒ ኬጺዳ ጾሳ ኬይ ኔስ ኣይ ኬና ጉጻንዴሻ!

ኤፌሶኔ ኣሳስ 1:23

ዎሳ ኬያ ኪርስቶሳ ኣሳቴ፤ ሄ ኢዛካ ኡባሶን ኡባ ሚሽ ኩንዛ ሄ ኢዛ ኩሜ።

2ታሪኬ ማጻፋ 2:6

ጊዶ ኣቲን ሳሎይኔ ሳሎፔ ቦላራ ዲዛ ሳሎታ ቃቴ ኢዛ ኤኬና፤ ሂስቲን ኢዛስ ኬ ኬጻናስ ዳንዳይዛይ ኦኔ? ኢዛ ሲንን ኤጻኔ ጩዋሲዛሶፔ ኣቲን ኢዛስ ኬ ኬጻናስ ታኒ ኦኔ?

ዳኔላ ቲንቢቴ 4:35

ቢታ ቦላ ዲዛ ዴሬቲ ዉሪካ ኢዛ ኣቻን ቄሪ ኡኤ ማላ፤ ሳሎን ዲዛ ኦሳንቻታ ቦላኔ ቢታ ቦላ ዲዛ ዴራ ቦላ ኢዚ ባ ዶሲዳዝ ኦስ፤ ኢዛ ሼኔ ዲጋናስ ዳንዳይዛይኔ ‹ኔ ሃይሳ ኣዛስ ኦይ?› ጋናይ ኦኒካ ዴና።

ሂዚቄላ ቲንቢቴ 9:9

ኢዚ ዛሪዲ ታስ፥ «ኢስራኤሌ ኬ ናጋራይኔ ዩሁዳ ኬ ናጋራይ ኬሂ ዳሪዴስ፤ ቢታያ ሱ ጻላ ጊዳዱስ፤ ቃሴ ካታማያ ጌላቴን ኩማዱስ፤ ጋሶይካ ኣሳይ፥ ‹ጎዳይ ቢታ ኣጊዴስ፤ ጎዳይ ቤኤና› ጌቴስ።

ሂዚቄላ ቲንቢቴ 8:12

ቃሴ ጾሲ ታና፥ «ሃይሶ ኣሳ ናዉ! ኢስራኤሌ ኬ ጪማቲ ኢሶይ ኢሶይ ቆልኣ ጊዶን ማሶን ባንታ ኤቃ ሚስሌ ኬን ኢስቲ ኦዛይሳ ቤያይ? ጋሶይካ ኢስታ፥ ‹ጎዳይ ኑና ቤዬና፤ ጎዳይ ቢታ ኣጊዴስ› ጌቴስ» ጊዴስ።

ኤርማሳ ቲንቢቴ 49:10

ጊዶ ኣቲን ታኒ ኤሳዌ ፓጻ ካሎ ኣሻና፤ ኢዚ ቆቴቲ ኣቶንታ ማላ ኢዚ ቆቴታናሶሆታ ታኒ ቆንጬ ኬሳና፤ ኢዛ ናይቲ፥ ኢዛ ዳቦቲኔ ኢዛ ሾሮቲ ያና፤ ኢዚካ ባ ሁኤስ ዴና።

ዬ ማጻፋ 148:13

ኢዛ ሱን ኡባ ቦላ ቃ፤ ኢዛ ቦንቾይ ሳኣፔኔ ሳሎፔ ቦላ፤ ሄሳ ጊሻስ ሃይቲ ኡባይ ኢዛ ሱን ጋላቴቶ።

ሜቴ ማጻፋ 16:13

ኣጋራካ፥ «ታኒ ታና ቤኢዛይሳ ቤኣዳ ፓጻ ኣታኔ?» ጋዳ ኢዛ ባስ ሃሳይዳ ጎዳ፥ «ኔኒ ታና ቤኢዛ ጾሳ» ጋ ሱንዱስ።

Ibirawe 4:13

ጾሳ ኣይፌፔ ጌሜቲዳ ሜታይ ሙሌካ ዴና፤ ኑ ኢዛስ ኑ ጊሻስ ዛሮ ኢማናስ ቤሲዛ ኢዛ ሲንን ሃኖይ ዉሪካ ካሎ ቆንጬን ቤታና።

ኢዮቤ ማጻፋ 34:21

«ጾሲ ኣሳ ኡባ ታንጎዛ ጼሌስ፤ ኢሳ ኢሳ ሄሜ ካሌቴስ።

ኢዮቤ ማጻፋ 34:22

ኢታ ኣሳቲ ቆቴታና ማላ ጊርዲ ጊዳ ማይ ዴና።

ኤርማሳ ቲንቢቴ 16:17

ታ ኣይፌይ ኢስታ ኦጌ ኡባ ቤኤስ፤ ኢስቲ ታፔ ጌሜቴና፤ ኢስታ ናጋራይካ ታ ኣይፌፔ ጌሚቤና።

ኤርማሳ ቲንቢቴ 32:19

ኔ ሃልቾይ ጊታ፤ ኔኒ ኔ ኦሶን ሚኖ፤ ኔ ኣይፌቲ ኣሳ ኦጌ ኡባ ጼሌቴስ፤ ኢሳስ ኢሳስ ኢዛ ኦጌ ማላኔ ኢዛ ኦሶ ማላ ኔ ኢማና።

ዳኔላ ቲንቢቴ 2:22

ኢዚ ጪማ ጊዲዳ ጹራ ዮኦታኔ ጌሚዳይታ ቆንጪሴስ፤ ኡባ ዎዴ ኢዛ ማታን ፖኦይ ዴስ፤ ሄሳ ጊሻስ ኢዚ ማን ዲዛዝ ኤሬስ።

ዬ ማጻፋ 139:8

ፑዴ ሳሎ ኬኢኮ ኔኒ ሄን ዳሳ! ዱጌ ሲኦሌ ዎኮካ ኔኒ ሄን ዳሳ።