ኤርማሳ ቲንቢቴ 23:16 - ጋሞ ማጻፋ

¹⁶ ኡባፌ ዎልቃማ ጎዳይ፥ «ሃይቲ ናቤቲ ቲንቢቴ ኢንቴስ ዮቲዛይሳ ሲዮፒቴ፤ ኢስቲ ኢንቴና ዎርዶ ሂዶታን ኩንቴስ፤ ኢስቲ ጎዳፔ ጊዶንታ ባፔ ሜ ኤኪ ዮቴቴስ።

Geeshsha Maxaafa

¹⁶ Ubbaafe Wolqqama GODAY, «Hayti nabeti tinbite inttes yootizayssa siyopite; istti inttena wordo hidotan kunththeettes; istti GODAAPPE gidontta baappe medhdhi ekki yooteettes.

ኤርማሳ ቲንቢቴ 23:16 Referans Kwoze

ኤርማሳ ቲንቢቴ 14:14

ሂስቲን ጎዳይ ታስ፥ «ናቤቲ ታ ሱንን ዎርዶ ዮቴቴስ። ታኒ ኢስታ ኪታቤኬ፥ ኣዛዛቤኬ፥ ኢስታስካ ዮታቤኬ። ኢስቲ ኢንቴስ ዎርዶ ኣጁታ፥ ሙሬኖ ዮኦ፥ ሃዳ ዮኦኔ ባንታ ዎዚናን ዲዛ ባሌ ዮኦ ዮቴቴስ።

ሂዚቄላ ቲንቢቴ 13:6

ኢስታ ኣጁታይኔ ኢስታ ቲንቢቴይ ዎርዶ። ኢስቲ ጎዳይ ኪቶንታ ዲሺን ጎዳይ ሃይሳ ጌስ› ጌቴስ። ኢስቲካ ባ ዮቲዳይሲ ፖሌታና ጊዲ ናጌቴስ።

Maatosa 7:15

«ኢስታስ ጊዶ ባጋይ ካና ሱይቴ ማላ ጊዲ ኡቲዲኔ ዶርሳ ኢቴ ማይኢ ጌሊዲ ኢንቴ ጊዶን ኦዛ ዎርዶ ናቤታፔ ናጌቲቴ።

ሂዚቄላ ቲንቢቴ 13:3

ኡባ ሃሪዛ ጎዳይ፥ ‹ኢሲ ሚሺካ ቤኦንታ ባንታ ኣያና ካሊዛ ኤያ ናቤታስ ኣዬ ኣና!

1ዮሃኒሳ ኪታ 4:1

ታ ኢሻቶ! ኣያና ዉርሲ ኣማኖፒቴ፤ ጊዶ ኣቲን ኣያናቲ ጾሳፌኮኔ ፓጪ ጼሊቴ፤ ጋሶይካ ዳሮ ዎርዶ ናቤቲ ቢታ ቦላ ላሌቲዳ።

ኤርማሳ ቲንቢቴ 23:21

ሃይታ ሃ ናቤታ ታ ኪታቤኬ፤ ጊዶ ኣቲን ኢስቲ ባንታ ኪታ ኤኪ ዎጼቴስ፤ ታ ኢስታስ ዮቶንታ ቲንቢቴ ዮቴቴስ።

2ካዎታ ማጻፋ 17:15

ኢዛ ማራ፥ ኢዚ ኢስታ ኣዋታራ ጌሊዳ ጫቆ ቃላኔ ኢዚ ኢስታስ ሚን ዮቲዳ ቃላ ካዳ፤ ሃዳ ጊዲዳ ኤቃ ጾሳታ ካሊዳ፤ ባንታስካ ሃዳ ጊዲዳ፤ ጎዳይ ኢስታስ፥ «ኢስቲ ኦዛይሳ ኢንቴ ኦፍቴ» ጊዲ ኣዛዚንካ ኢስቲ ባንታ ዩሾን ዲዛ ካዎቴታ ካሊዳ፤ ኢስቲ ኦንታ ማላ ጎዳይ ዲጊዳይሳ ፖሊዳ ኣቲን ኣጊቤቴና።

ሚኪያሳ ቲንቢቴ 2:11

ባሌዛ ዎርዶ ኣሲ ዪዲ፥ ‹ዳሮ ዎይኔ ኡሹ ጊሻሲኔ ማሲዛ ኡሻ ጊሻስ ጊዲ ቲንቢቴ ኢንቴስ ዮታና› ጊኮ ሃይሳ ዴሬዛስ ዶሴቲዳ ናቤ ጊዳና።

ኤርማሳ ቲንቢቴ 23:26

ሃ ዮኦይ ባንታ ዎዚና ባሌን ዎርዶ ቲንቢቴ ሃሳይዛ ናቤታ ዎዚናን ኣይዴ ጋካናስ ጋምኣኔ?

ሂዚቄላ ቲንቢቴ 22:28

ኢዚ ናቤቲ ጎዳ ኣኖን ቲዪዛ ማላ ዎርዶ ኣጁታኒኔ ሙሬኖን ኢስታስ ቡሪ ሺሼቴስ፤ ኢስታስ ጎዳይ ዮቶንታ ዲሺን፥ ‹ኡባ ሃሪዛ ጎዳይ ሃይሳ ማላ ጌስ› ጌቴስ።

ሂዚቄላ ቲንቢቴ 13:23

ሄሳ ጊሻስ ሃይሳፌ ጉዬ ዎርዶ ኣጁታ ቤኤኬታ፤ ሙሬኖካ ሙሬኔኬታ፤ ታ ዴራ ኢንቴ ኩሼፔ ዎ ኤካና፤ ታኒ ጎዳ ጊዲዳይሳ ኢንቴ ሄ ዎዴ ኤራና› ጌስ» ጊዴስ።

ሂዚቄላ ቲንቢቴ 13:16

ዬሩሳላሜስ ቲንቢቴ ዮቲዳይቲኔ ሳሮይ ባይንዳ ዲሺን ሳሮቴ ኣጁታ ኢዚስ ቤኢዳ ኢስራኤሌ ናቤቲ ይዳ› ጋይስ።

ኤርማሳ ቲንቢቴ 29:8

ቱሙካ ኡባፌ ዎልቃማ ጎዳ ኢስራኤሌ ጾሳይ፥ ‹ኢንቴ ጊዶን ዲዛ ናቤቲኔ ማሮቲ ኢንቴና ባሌፌቶ፤ ኢስቲ ኢንቴ ጊሻስ ኣጉሜቲዛ ኣጉሞ ሲዮፒቴ።

ኤርማሳ ቲንቢቴ 9:20

ኢንቴኖ ማጫሳቶ! ጎዳ ቃላ ሲዪቴ! ኢንቴ ሃይይ ኢዛ ዶናፔ ኬዚዛ ቃላ ኤዝጎ። ኢንቴ ማጫ ናይታ ዚላስ ታማርሲቴ፤ ኢሲኒያ ሃንኮሮ ዬሆ ታማርሱ።

ኤርማሳ ቲንቢቴ 2:5

ጎዳይ፥ «ካሴ ኢንቴ ኣዋቲ ታፔ ሃኪዳይ፥ ሃዳ ዮኦ ካሊዳይ፥ ባ ሁኤሲካ ጎኣይ ባይንዳይታ ጊዲዳይ ታፔ ኣይ ሞሮ ዴሚዲ?

ሌሚሶ ማጻፋ 19:27

ታ ናዞ! ታ ዞሬ ኔ ሲዮንታ ኣጊኮ፥ ኔ ኤሪዛ ቃላካ ባላና።

ኦሮሜ ኣሳስ 1:21

ኢስቲ ጾስ ኤሪኮካ ኢዛ ጾሳቴ ማላ ኢዛ ቦንቺቤቴናኔ ጋላቲቤቴና፤ ጊዶ ኣቲን ኢስታ ቆፋይ ሜላ ጎኣይ ባይንዳዝ ጊዲዴሲኔ ዩሺ ቆፖንታ ማላ ኢስታ ዎዚናይ ሚዴስ።

ኤርማሳ ቲንቢቴ 9:12

ሄሳ ኣኬካናስ ዳንዳይዛ ኣ ኤራንቻይ ኦኔ? ጎዳይ ኢዛስ ቆንጪሲን ሃይሳ ኢዛስ ዮታና ዳንዳይዛይ ኦኔ? ቢታያ ኣሲ ባይንዳ ካይስ ኣይስ ጊዳዴ?

ኤርማሳ ዚላስ 2:9

ኢዚ ፔንጌቲ ዱጌ ቢታን ጌሊዳ፤ ካሬ ጎርዲዛ ቢራታ ኮላታቲ ሜቄሬቲ ዎዳ፤ ኢዚ ካዎዚኔ ዳናቲ ኣይዛቤታን ዲኤቲ ቢዳ፤ ሃይሳፌ ጉዬ ካሴ ኢስታስ ዲዛ ዎጋይ ኦና፤ ኢዚ ናቤታስካ ሃይሳፌ ጉዬ ጎዳፔ ኣጁታይ ቆንጬና።

1ካዎታ ማጻፋ 22:11

ኢስታፌ ኢሶይ ኪንኣኔ ና ሳዶቄይ ቢራታፔ ካጬታ ጊግሲዲ ኣካቤስ፥ «ጎዳይ፥ ‹ኣራሜ ኣሳይ ያና ጋካናስ ኔኒ ኢስታ ሃ ካጬታን ቃይጫና› ጌስ» ጊዴስ።

2ታሪኬ ማጻፋ 18:5

ሄሳ ጊሻስ ኢስራኤሌ ካዎዚ ቲንቢቴ ዮቲዛ 400 ናቤታ ሺሺዲ፥ «ታኒ ጋላኣዴን ዲዛ ኤራሞቴ ካታማ ኦላናስ ቦዬ ቦፖ?» ጊዲ ኢስታ ኦይቺዴስ። ሂስቲን ኢስቲ፥ «ጾሳይ ሄ ካታማዛ ካዎ ኩሼን ኣ ኢማና ጊሻስ ባ!» ጊዳ።

ኤርማሳ ቲንቢቴ 29:23

ኢስቲ ባ ላጌታ ማቼታራ ላይማቴን ታ ኢስታስ ዮቶንታ ቃላ ታ ሱንን ዎርዶ ዮቶን ኢስራኤሌ ቦላ ቆሆ ጋዳ፤ ሄሳ ታኒ ኤራይስ፤ ታኒ ሄሳስ ማርካ» ጌስ ጎዳይ።