ኤርማሳ ቲንቢቴ 21:6 - ጋሞ ማጻፋ

⁶ ታኒ ሃ ካታማይን ዲዛ ኣሳኔ ሜሃ ሾጫና፤ ኢስቲካ ኢታ ሃርጌን ዉራና።

Geeshsha Maxaafa

⁶ Tani ha katamayn diza asaanne mehaa shocana; isttika iita hargen wurana.

ኤርማሳ ቲንቢቴ 21:6 Referans Kwoze

ሶፎናሳ ቲንቢቴ 1:3

ጎዳይ፥ «ኣሴኔ ሜዶሳታ ይሳና፤ ሳሎ ካፎታኔ ኣባ ጊዶን ዲዛ ሞሌታ ታ ይሳና፤ ታ ኣሳ ዜሬ ቢታ ቦላፌ ይሲዛ ዎዴ ኢታቲ ላሌቲዳ ቡራ ዶሬ ማላ ጊዳና» ጌስ።

ሆሴኤ ቲንቢቴ 4:3

ሄሳ ጋሶን ቢታይ ቦላ ኮሻይ ዬስ፤ ኢዚ ቦላ ዲዛይ ዉሪ ጊልቄስ፤ ሜሄቲ፥ ዶኣቲ፥ ካፎቲኔ ኣባ ጊዶን ዲዛ ሞሌቲ ኡባይ ዉሬቴስ።»

ሂዚቄላ ቲንቢቴ 14:21

«ኡባ ሃሪዛ ጎዳይ፡ ታኒ ኣሳኔ ሜሄ ዎናስ ዬሩሳላሜ ቦላ ታ ኦይዱ ፒርዳታ፥ ማሻ፥ ኮሻ፥ ዎራ ዶኣታኔ ኢታ ሃርጌ ዬዲዛ ዎዴ ኢዚ ኣይ ኬና ኣ ኢታ ሚሽ ጊዳንዴ!

ሂዚቄላ ቲንቢቴ 14:19

«ዎይኮ ታኒ ቢታይ ቦላ ኢታ ሃርጌ ዬዳዳ፥ ታ ሃንቆን ኣሳይ ሱ ጉሳና ማላ ኦዳ ኣሳኔ ሜሃ ዎ ዉርሲኮ፥

ሂዚቄላ ቲንቢቴ 14:17

«ዎይኮ ታኒ ሃ ቢታ ቦላን ማሻ ኤሃዳ፥ ‹ሃ ቢታራ ማሻይ ካን› ጋዳ ሜሄኔ ኣስ ይሲኮ፥

ሂዚቄላ ቲንቢቴ 14:13

«ሃይሶ ኣሳ ናዉ! ኢሲ ዴሬይ ታናን ኣማኔቶንታ ኢጺዲ ናጋራ ኦኮ፥ ታኒ ታ ኩሼዛ ዬዳዳ ካ ፑልቶ ሜሊሲኮ፥ ኮሻ ዬዳዳ ሜሄኔ ኣስ ዎኮ፥

ኤርማሳ ቲንቢቴ 33:12

ጎዳይ ኡባፌ ዎልቃማ ጾሳይ፥ «ኣስ ጊዲን ዎይኮ ሜዶሳቲ ባይንዳ ቡላ ሶሆን ካታማታ ኡባን ሄንንቻቲ ባንታ ዉዴታ ሄሚዛሶሆ ዴማና።

ኤርማሳ ቲንቢቴ 32:24

«ሄኮ ባቢሎኔቲ ካታማዮ ኦይካናስ ጊምቤ ዩሾን ቢታ ዶሪዲ ጊዶዳ፤ ኦላፔ፥ ኮሻፔኔ ኢታ ሃርጌፌ ዴንዲዳይሳን ካታማያ ኢስታራ ኦሌቲዛ ባቢሎኔታ ኩሼን ኣ ኢሜታና ሃናዉስ፤ ኔኒ ሃኢ ቤኢዛይሳ ማላ ኔ ዮቲዳ ኡባይ ፖሌቲሼ ዴስ።

ኢሳያሳ ቲንቢቴ 6:11

ታኒካ፥ «ኣቤት ጎዳዉ! ሃይሲ ኣይዴ ጋካናስ ሃናኔ?» ጋዲስ። ኢዚካ ዛሪዲ ታስ፥ «ካታማቲ ኢስታን ዴኢዛ ኣሲ ዪን ኢስቲ ላሌታና ጋካናስ፥ ኬቲካ ኡባይ ካይዛና ጋካናሲኔ ቢታይካ ሙሌራ ኣይኮይ ባይንዳ ቡላ ጊዳና ጋካናሳ።

ሉቃሳ ሚሺራቾ 21:24

ባጋ ኣሳይ ማሻን ሃይቃና፤ ባ ዴሬፔ ሃራ ዴሬ ዲኤታና፤ ዬሩሳላሜይካ ጾስ ኤሮንታ ዴሬታ ዎዴይ ፖሌታና ጋካናስ፥ ጾስ ኤሮንታ ኣሳታን ዬቲዳሮ ጊዳና።

ሚኪያሳ ቲንቢቴ 3:12

ሄሳ ጊሻስ ኢንቴ ጌዶን ጺዮኔይ ጎሻ ቢታ ማላ ጎዬታና፤ ዬሩሳላሜይካ ቆሌቲዳ ኬ ዶሬ ጊዳና፤ ጾሳ ኬይ ዲዛ ዙማይካ ሻራፋ ማታይ ኢዛ ቦላ ዲጪዳ ዙማ ጊዳና።

ሂዚቄላ ቲንቢቴ 33:29

ኢስቲ ኦዳ ሃራሲዛ ኦሶፔ ዴንዲዳይሳን ታኒ ቢታዮ ቡላኔ ኣሲ ባይንዳ ካይስ ሂስቲሺን ታኒ ጎዳ ጊዲዳይሳ ኢስቲ ሄ ዎዴ ኤራና› ጌስ።

ሂዚቄላ ቲንቢቴ 33:27

«ኔ ኢስታስ ኡባ ሃሪዛ ጎዳይ፥ ‹ታኒ ዴኦ ጾስ ጊዲዳይሳን ጫቃይስ፤ ላሌቲሼ ኣቲዳይቲ ማሻን ዉራና፤ ጋጻሬን ዲዛይታ ፑዜሬ ማና ማላ ታኒ ዎራ ዶኣታስ ኣ ኢማና፤ ሚኖ ሚጻኒኔ ጎንጎሎ ጊዶን ዲዛይቲ ኢታ ሃርጌን ሃይቃና።

ሂዚቄላ ቲንቢቴ 12:16

ኢስቲ ባንቲ ቢዳ ካዎቴታ ጊዶን ባንታ ቱና ኦሶ ፓጻና ማላ፥ ታኒ ኢስታፌ ጉታ ኦላፔ፥ ኮሻፔኔ ኢታ ሃርጌፌ ኬሲ ኤካና ማላ ኦና። ታኒ ጎዳ ጊዲዳይሳ ኢስቲ ሄ ዎዴ ኤራና» ጊዴስ።

ሂዚቄላ ቲንቢቴ 7:15

« ‹ካሬራ ኦላይ ዴስ፤ ሶራ ኢታ ሃርጌይኔ ኮሻይ ዴስ፤ ካታማፔ ካሬን ዲዛይቲ ኦላን ዉራና፤ ካታማን ዲዛይቲ ኮሻኒኔ ኢታ ሃርጌን ዉራና።

ኤርማሳ ቲንቢቴ 42:22

ሄሳ ጊሻስ ኢንቴ ቢዲ ዳናስ ኮይዛ ቢታን ኢንቴ ኦላን፥ ኮሻኒኔ ኢታ ሃርጌን ሃይቂዲ ዉራና» ጊዴስ።

ኤርማሳ ቲንቢቴ 36:29

ቃሴ ዩሁዳ ካዎ ኢዮኣቄሜስ፥ ‹ባቢሎኔ ካዎይ ቱማፔ ዪዲ ሃ ቢታ ይሳና፤ ኢዚን ዲዛ ኣሳኔ ሜሄ ዉርሳና ጋዳ ኣይስ ጻፋዲ?› ጋዳ ጻ ማጻፋ ጹጋዳሳ» ጌስ ጎዳይ ጋዳ ዮታ።

ኤርማሳ ቲንቢቴ 34:17

ሄሳ ጊሻስ ታኒ ጎዳይ፥ «ኢንቴ ታስ ኣዛዜቶንታ ኢጺዲ ኢንቴ ኢሻታኔ ኢንቴ ዳቦታ ኣይሌቴፌ ላኣ ዬዲዛ ኣዋጃ ኣዋጂቤኬታ፤ ቤኢቴ ታኒ ኢንቴ ቦላ፥ ‹ላኣ› ኣዋጃ ኣዋጃና፤ ሄሲካ ኦላን፥ ኢታ ሃርጌኒኔ ኮሻን ኢንቴ ኩንዳና ኣዋጃ፤ ታኒ ኢንቴና ሳኣ ቦላ ዲዛ ካዎቴቲ ሻጴቲዛ ሚሽ ኦና።

ኤርማሳ ቲንቢቴ 14:12

ኢስቲ ጾሚ ዎሲኮካ ታኒ ኢስታ ዋሶ ሲዪኬ፤ ጹጌቲዛ ያርሾኔ ካ ያርሾዛ ኢስቲ ያርሺኮካ ታኒ ኢስታ ያርሾዛ ኤኪኬ። ታኒ ኢስታ ማሻን፥ ኮሻኒኔ ኢታ ሃርጌን ይሳና» ጊዴስ።

ኤርማሳ ቲንቢቴ 7:20

ሄሳ ጊሻስ ኡባፌ ዎልቃማ ጎዳይ፥ «ታ ዪሎይኔ ታ ሃንቆይ ሃ ሶሆ ቦላ፥ ሜዶሳታ ቦላ፥ ጋዴን ዲዛ ሚ ቦላኔ ካ ቦላ ጉካና፤ ሂስቲዲ ኤጻና፤ ቶኣናስካ ዳንዳዬና» ጌስ።

ሜቴ ማጻፋ 6:7

ሄሳ ጊሻስ ጎዳይ፥ «ታኒ ሜዳ ኣሳ ሃ ቢታ ቦላፌ ኡባ ይሳና፤ ኣሳ፥ ሜሄ፥ ዶኣ፥ ቢታራ ጎሼቲዛ ሜቴታኔ ካፎታ ይሳና፤ ኣይስ ጊኮ ታኒ ኢስታ ሜዳ ጊሻስ ሚሼታዲስ» ጊዴስ።

ኤርማሳ ቲንቢቴ 16:4

«ኢስቲ ኢታ ሃርጌን ሃይቃና፤ ኢስታስ ዬሆይ ዴና፤ ሞጎካ ሞጌቴቴና፤ ኢስታ ኣሃይ ቢታ ቦላን ቡራ ማላ ዬጌቲ ኣታና፤ ኢስቲ ማሻኒኔ ኮሻን ዉራና፤ ኢስታ ኣሃይ ሳሎ ካፎታሲኔ ዎራ ዶኣታስ ቁማ ጊዳና» ጊዴስ።

ኤርማሳ ቲንቢቴ 20:4

ጋሶይካ ጎዳይ፥ ‹ታኒ ኔናኔ ኔ ላጌታ ኡባ ዳጋማስ ኣ ኢማና፤ ኢስቲ ኔኒ ጼሊሺን ባንታ ሞርኬታ ማሻን ዉራና፤ ታኒ ዩሁዳ ኣሳ ኡባ ባቢሎኔ ካዎ ኩሼን ኣ ኢማና፤ ኢዚ ኢስታ ዲኢዲ ባቢሎኔ ኤፋና፤ ሂስቲዲ ሄን ኢስታ ማሻን ሲፋና።