ኤርማሳ ቲንቢቴ 21:14 - ጋሞ ማጻፋ

¹⁴ ታኒ ኔና ኔ ኦሶ ማላ ቃጻያና፤ ታኒ ኔ ዎራን ታማ ዬዳና፤ ኢዛ ዩሾን ዲዛይሳካ ኡባ ጹጋና» ጌስ።

Geeshsha Maxaafa

¹⁴ Tani nena ne ooso mala qaxxayana; tani ne woran tama yeddana; iza yuushon dizayssaka ubbaa xuuggana» gees.

ኤርማሳ ቲንቢቴ 21:14 Referans Kwoze

ኤርማሳ ቲንቢቴ 32:19

ኔ ሃልቾይ ጊታ፤ ኔኒ ኔ ኦሶን ሚኖ፤ ኔ ኣይፌቲ ኣሳ ኦጌ ኡባ ጼሌቴስ፤ ኢሳስ ኢሳስ ኢዛ ኦጌ ማላኔ ኢዛ ኦሶ ማላ ኔ ኢማና።

ሌሚሶ ማጻፋ 1:31

ሄሳ ጊሻስ ኢስቲ ባንቲ ኦዳ ኦሶ ኣይፌዛ ማና፤ ባንቲ ቆፒዳ ቆፋ ኣይፌካ ካላና።

ኤርማሳ ቲንቢቴ 52:13

ጎዳ ኬዛኔ ካዎቴ ኬ ሄሳካ ዬሩሳላሜን ዲዛ ኬ ኡባካ ታማን ጹጊዴስ፤ ሃራ ዎልቃማ ኬታካ ዲፒ ሂስቲ ጹጊዴስ።

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

2ታሪኬ ማጻፋ 36:19

ሄሳፌ ጉዬ ባቢሎኔ ኦላንቻቲ ጾሳ ኬ ታማን ጹጊዳ፤ ዬሩሳላሜ ዲርሳ ጊምቤዛካ ላሊዳ፤ ካዎቴ ኬታ ታማን ጹጊዳ፤ ሄን ዴኢዛ ኣልኦ ሚሻታ ኡባካ ይሲዳ።

ኤርማሳ ቲንቢቴ 9:25

ቃሴካ ጎዳይ፥ «ቤኢቴ፥ ባንታ ኣሾ ጻላ ቃጻሬቲዳ ኣሳ ታኒ ቃጻያና ዎዴይ ዬስ።

ዛካራሳ ቲንቢቴ 11:1

ሊባኖሴ ኔናን ዲዛ ዚጋ ሚ ታማይ ማና ማላ ኔ ፔንጌታ ዶያ።

ኤርማሳ ቲንቢቴ 22:7

ታኒ ኔና ኦሊዛይታ ሁኤን ሁኤን ኦላ ሚሽ ኦይዳ ኔ ቦላ ዬዳና፤ ኢስቲ ዚጋፔ ማሴቲዳ ቱቄታ ቃንጼሬዲ ታማን ዬጋና።

ኤርማሳ ቲንቢቴ 11:22

ኡባፌ ዎልቃማ ጎዳይ፥ «ታኒ ኢስታ ቃጻያና፤ ኢስታ ናቴ ናይቲ ማሻን ሃይቃና፤ ኢስታ ማጫ ናይቲኔ ኣቱማ ናይቲ ኮሻን ሃይቃና፤

ኤርማሳ ቲንቢቴ 6:29

ቢራታ ሴሪሳናስ ዎምፒና ሎኤ ፑና፤ ጊዶ ኣቲን ኢታቲ ሙሌራ ፒቴቲ ኬዞንታ ጊሻስ ሄሲ ጮ ሃዳ ዳቡራ።

ኢሳያሳ ቲንቢቴ 37:24

ኔኒ ኪቲዳ ኣሳታ ባጋራ ጎዳ ቦላ ዳሮ ጫሻ ቃላ ሃሳያዳሳ። ቃሴካ፥ ‹ታኒ ጮራ ፓራ-ጋሬታን ዙማታ ካራ፥ ሊባኖሴ ሁኤ ኬዛዲስ። ሂስታዳ ኣዱሳ ዚጋታኔ ኡባፌ ሎኢዛ ጺዳታ ቃንጻዲስ። ታኒ ኬሂ ቃሶሆታኒኔ ኬሂ ካይሺዛ ዎራን ጋካዲስ።

ኢሳያሳ ቲንቢቴ 24:21

ሄ ጋላስ ጎዳይ ቦላ ሳሎን ዲዛ ዎልቃማታ ጋርስ ቢታ ቦላ ዲዛ ካዎታካ ቃጻያና።

ኢሳያሳ ቲንቢቴ 10:12

ጎዳይ ጺዮኔ ዙማ ቦላኔ ዬሩሳላሜ ቦላ ባ ኦና ኦሶ ኡባ ፖሊዳፔ ጉዬ፥ «ኣሶሬ ካዎ ኢዛ ዎዚና ኦቶሬቴ ጊሻሲኔ ኢዚ ካ ኣይፌን ጼሊዛ ጊሻስ ታ ኢዛ ቃጻያና» ጌስ።

ኢሳያሳ ቲንቢቴ 10:16

ሄሳ ጊሻስ ጎዳይ፥ ኡባፌ ዎልቃማ ጎዳይ፥ ሞዳ ኢዛ ኦላንቻታ ቦላ ጊልቂሲዛ ሃርጌ ዬዳና፤ ኢዛ ቦንቾዛፔ ጋርሳራ ላጪዛ ታማ ዬዳና።

ኤርማሳ ቲንቢቴ 11:16

ጎዳይ ኔና፥ ‹ዲጪዛ፥ ሎኦ ኣይፌ ኣይፊዛ ዎጋራ ሚ› ጊዲ ሱንዴስ። ጊዶ ኣቲን ኢዚ ዎልቃማ ጎቴ ጫርኮ ጊሪሳን ጹጋና፤ ኢዚ ሃጋቲካ ሜቄሬቲ ዎና።

ኤርማሳ ቲንቢቴ 17:27

ጊዶ ኣቲን ኢንቴ ሳምባታ ጋላሳታ ዱማሶንታ ኢጺዲ ሳምባታ ጋላስ ቶሆ ቶኪዲ ዬሩሳላሜ ፔንጌታራ ጌሊዲ ታ ኣዛዞ ሜንኮ ታኒ ዬሩሳላሜ ፔንጌታ ቦላ ኢዚ ሚጻታ ሚዛ ቶኦንታ ታማ ታ ኤና» ጊዴስ።

ኤርማሳ ቲንቢቴ 22:1

ጎዳይ፥ «ዱጌ ዩሁዳ ካዎ ሶ ባዳ፥

ኤርማሳ ቲንቢቴ 46:23

ፒ ጊዳ ዎራ ጊዲኮካ ዎራይ ቄጼቴስ፤ ኢስታ ዳሮቴይ ቦሌ ማላ፤ ኢስቲ ቆዴታናስ ዳንዳዬቴና።

ኤርማሳ ቲንቢቴ 50:32

ኦቶራንቻይ ጴቲዲ ኩንዳና፤ ዴንናይካ ዴና፤ ኢዛ ዩሾን ዲዛይታ ኡባ ሚዛ ታማ ኢዛ ካታማታ ቦላ ዬዳና» ጌስ።

ኤርማሳ ዚላስ 2:3

ኢዚ ባ ጊታ ሃንቆን ኢስራኤሌ ዎልቃ ሊቂሲዴስ፤ ሞርኬይ ኢዛ ኦላናስ ዪዛ ዎዴ ባ ማዶ ኩሼ ኢስታፌ ዴንዴስ፤ ባ ዩሾን ዲዛ ኡባ ሚዛ ታማ ላጮ ማላ ኢዛ ሃንቆይ ያቆቤ ቦላ ኤጺ ኬዚዴስ።

ሌሚሶ ማጻፋ 12:14

ኣሲ ባ ዶናፔ ኬኢዛ ቃላን ሎኦ ሚሽ ካሌስ፤ ባ ኦዳ ኦሶ ዋጋካ ዴሜስ።

ኤርማሳ ቲንቢቴ 6:19

ቢታዬ ሲያ! ኢስቲ ታ ቃላ ሲዮንታ ኢጺዳ ጊሻሲኔ ታ ዎጋካ ካዳ ጊሻስ ታኒ ዴራ ቦላ ኢስታ ኢታ ቆፋ ማላ ባሽ ኤሃና።

ሂዚቄላ ቲንቢቴ 21:3

ኢስታስ ጎዳይ፥ ‹ታ ኔ ቦላ ዴንዳዲስ፤ ታኒ ታ ማሻ ኮሆፔ ሾዳዳ ጺሎ ኣሳኔ ኢታ ኣሳ ኔ ጊዶፌ ዲጋና።

ሚኪያሳ ቲንቢቴ 7:13

ኢስታ ኦሶ ጌዶኔ ኢዚን ዲዛ ኣሳ ጋሶን ቢታያ ኣይኮይ ባይንዳዝ ጊዳና።