ኤርማሳ ቲንቢቴ 2:5 - ጋሞ ማጻፋ

⁵ ጎዳይ፥ «ካሴ ኢንቴ ኣዋቲ ታፔ ሃኪዳይ፥ ሃዳ ዮኦ ካሊዳይ፥ ባ ሁኤሲካ ጎኣይ ባይንዳይታ ጊዲዳይ ታፔ ኣይ ሞሮ ዴሚዲ?

Geeshsha Maxaafa

⁵ GODAY, «Kase intte aawati taappe haakkiday, hada yo7o kaalliday, ba hu7esikka go7ay bayndayta gididay taappe ay mooro demmidii?

ኤርማሳ ቲንቢቴ 2:5 Referans Kwoze

2ካዎታ ማጻፋ 17:15

ኢዛ ማራ፥ ኢዚ ኢስታ ኣዋታራ ጌሊዳ ጫቆ ቃላኔ ኢዚ ኢስታስ ሚን ዮቲዳ ቃላ ካዳ፤ ሃዳ ጊዲዳ ኤቃ ጾሳታ ካሊዳ፤ ባንታስካ ሃዳ ጊዲዳ፤ ጎዳይ ኢስታስ፥ «ኢስቲ ኦዛይሳ ኢንቴ ኦፍቴ» ጊዲ ኣዛዚንካ ኢስቲ ባንታ ዩሾን ዲዛ ካዎቴታ ካሊዳ፤ ኢስቲ ኦንታ ማላ ጎዳይ ዲጊዳይሳ ፖሊዳ ኣቲን ኣጊቤቴና።

ኦሮሜ ኣሳስ 1:21

ኢስቲ ጾስ ኤሪኮካ ኢዛ ጾሳቴ ማላ ኢዛ ቦንቺቤቴናኔ ጋላቲቤቴና፤ ጊዶ ኣቲን ኢስታ ቆፋይ ሜላ ጎኣይ ባይንዳዝ ጊዲዴሲኔ ዩሺ ቆፖንታ ማላ ኢስታ ዎዚናይ ሚዴስ።

ዮናሳ ቲንቢቴ 2:8

ሃዳ ኤቃታ ካሊዛይቲ ዉሪ ኔናን ጎዳን ኣማኔታናይሳ ኣጊዳ።

ዬ ማጻፋ 115:8

ኢስታ ሜዛይቲኔ ኢስታን ኣማኔቲዛይቲ ኡባይ ኢስታ ማላ ጊዴቶ።

ኢሳያሳ ቲንቢቴ 44:9

ኤቃ ሚስሌታ ሜዛይቲ ኡባቲ ሃዳ፤ ሚስሌታ ኢስታፌ ኦዛ ሚሻቲካ ሃዳ፤ ኢስታስ ዮቲዛይቲካ ቆቄ፤ ኢስታስ ኤራቴ ዴና፤ ኢስቲ ዬላታና።

1ሳሜላ ማጻፋ 12:21

ኢንቴና ጎኣናስ ዎይኮ ኣሻናስ ዳንዳዮንታ ሹፉሮ ሚሻታ ካሎፍቴ፤ ኢስቲ ሃዳ።

ዛሬ ማጻፋ 32:21

ቱሙ ጊዶንታ ጾሳታን ታና ሚሺሲዳ፤ ጎኣይ ባይንዳ ባ ኤቃ ጾሳታን ታና ሃንቄዳ። ታኒካ ኢስታ ካቲዳ ካዎቴታ ኢስቲ ሚጌታና ማላ ኦና። ታ ኢስታ ኣኬኮንታ ዴሬታን ሃንቄና።

ሃዋሬታ ኦሶ 14:15

«ሃይቶ ኣሳቶ! ሃይሳ ኣዛስ ኦቲ? ኑኒካ ኢንቴ ማላ ኣሳኮ! ኢንቴካ ቃሴ ሃይሳ ሜላ ሃዳ ዮኦፔ ሃኪዲ ሳሎኔ ሳኣ፥ ኣባካ፥ ኣባታ ጊዶን ዲዛይታ ኡባ ሜዳ ዴኦ ጾሳኮ ኢንቴ ሲማና ማላ ኢንቴስ ሚሺራቾ ቃላ ሳባኮስ።

ኤርማሳ ቲንቢቴ 2:31

ኢንቴኖ ሃ ዎዴ ዬሌታቶ! ጎዳ ቃላ ዩሺ ቆፒቴ፤ «ታኒ ኢንቴስ ኢስራኤሌ ኣሳስ ባዞ ማላ ዎይኮ ሳካና ማይ ዲዛ ቢታ ማላ ጊዳዲና? ሂስቲን ኣይስ ታ ኣሳይ፥ ‹ኑኒ ኑ ሼኔ ማላ ሃናና፤ ሲሚዲካ ኔኮ ዮኮ› ጊዜ?

ሂዚቄላ ቲንቢቴ 11:15

«ሃይሶ ኣሳ ናዉ! ኔ ኢሻቲ ኔ ዳቦቲኔ ኢስራኤሌ ኣሳይ ኡባይ ዲኤቲዲ ጎዳፔ ሃኪዳ፤ ሃና ቢታያ ኑስ ጺንጾ ጊዳ ኢሜታዱስ» ጊዲ ዲኤቶንታ ዬሩሳላሜን ኣቲዳይቲ ሃሳይዳ።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ኤርማሳ ቲንቢቴ 12:2

ኔኒ ኢስታ ቶካዳሳ፤ ሂስቲን ጻጶ ዬዲዳ፤ ዲጪዲ ኣይፌ ኣይፊዳ። ኢስቲ ኔና ዶናፔ ዬጌቴና፤ ኔኒ ጊዲኮ ኢስታ ዎዚናፔ ሃኮን ዳሳ።

ኤርማሳ ቲንቢቴ 10:8

ሃዳ ጊዲዳ ሚፌ ማሴቲዳ ኤቃ ጾሳታፔ ቲሚርቴ ታማርዛ ኡባይ ኤያኔ ዳማ።

ኢሳያሳ ቲንቢቴ 29:13

ጎዳይ፥ «ሃይሲ ዴሬይ ዶናን ጻላ ታኮ ሺቄስ፤ ባ ሜቴርሻን ጻላ ታና ቦንቼስ፤ ጊዶ ኣቲን ኢዛ ዎዚናይ ታፔ ሃኮን ዴስ። ኢስቲ ኣሲ ታማርሲዳኔ ኣሲ ዎዳ ዎጋን ታስ ጎይኔቴስ።

ኢሳያሳ ቲንቢቴ 46:12

«ኢንቴኖ ዎዚና ሹቻቶ፥ ጺሎቴፌካ ሃኪዳይቶ፥ ታና ሲዪቴ።

ኤርማሳ ቲንቢቴ 2:4

ኢንቴኖ ያቆቤ ኬ ኣሳቶ! ኢስራኤሌ ዛሬ ኡባቶ! ጎዳ ቃላ ሲዪቴ!

ኤርማሳ ቲንቢቴ 8:19

ታ ኣሳይ ሃሆ ቢታን ዲሼ ዋሲዛ ዋሶ ሲያ። ኢስቲ፥ «ጎዳይ ጺዮኔን ዴኔ? ኢዚ ካዎይካ ሄን ዴኔ?» ጊዲ ዋሴቴስ። ሂስቲን ጎዳይ ኢዛስ፥ «ኢስቲ ባስ ማሲዳ ሚስሌታን፥ ሃዳ ጊዲዳ ኤቃ ጾሳታን ታና ኣይስ ሃንቄዶ?» ጌስ።

ሂዚቄላ ቲንቢቴ 14:5

ባንታ ኤቃ ጾሳታ ጋሶን ታፔ ሻኬቲዳ ኢስራኤሌ ኣሳ ኡባ ዎዚና ሃ ታኮ ዛራናስ ታ ሄሳ ኦና› ጌስ።