ኤርማሳ ቲንቢቴ 2:31 - ጋሞ ማጻፋ

³¹ ኢንቴኖ ሃ ዎዴ ዬሌታቶ! ጎዳ ቃላ ዩሺ ቆፒቴ፤ «ታኒ ኢንቴስ ኢስራኤሌ ኣሳስ ባዞ ማላ ዎይኮ ሳካና ማይ ዲዛ ቢታ ማላ ጊዳዲና? ሂስቲን ኣይስ ታ ኣሳይ፥ ‹ኑኒ ኑ ሼኔ ማላ ሃናና፤ ሲሚዲካ ኔኮ ዮኮ› ጊዜ?

Geeshsha Maxaafa

³¹ Intteno ha wode yeletatoo! GODAA qaala yuushshi qopite; «Tani inttes Isra7eele asaas bazzo mala woykko sakkanna dhumay diza biitta mala gidadinaa? Histtiin ays ta asay, ‹Nuni nu shene mala hanana; simmidikka neekko yookko› gizee?

ኤርማሳ ቲንቢቴ 2:31 Referans Kwoze

ዛሬ ማጻፋ 32:15

«ኢስራኤሌ ኣሳይ ኦርዲዴሲኔ ማካሊዴስ። ዳሮ ሚዲ ሞዴሲኔ ሞላቲዴስ፤ ባና ሜዳ ጾሳ ኣጊዴስ፤ ባና ኣሺዳይሳካ ካዉሺዴስ።

1ቆሮንቶሴ ኣሳስ 4:8

ሃኢ ጊዲኮ ኢንቴስ ኮሺዛዝ ኢንቴ ኡባ ዴሚዴታኔ ዱሬቲዴታ፤ ኑፔካ ሻኬቲዲ ካዎቲዴታ፤ ኢንቴ ቱሙካ ካዎቲዳኮ ኑኒካ ኢንቴናራ ካዎታናኮ ሺን።

ሚኪያሳ ቲንቢቴ 6:9

ጾሳስ ባቦይ ኣዳ ኤራቴ፤ ሲዪቴ! ጾሲ ካታማዮ ሂዝጊ ጼይጌስ፥ «ኢዛ ሃንቆ ጉፌዛ ቆፒቴ፤ ሄሳካ ጊግሲዳይ ኦናኮ ዎዚናን ዎቴ።»

ኣሞጼ ቲንቢቴ 1:1

ኦዚያይ ዩሁዳ ካዎ፤ ሄሳካ ኢዮኣሳ ና ኢዮርባኣሜይ ኢስራኤሌ ካዎ ጊዲ ዲሺን ሄሲካ ቢታይ ቃጻናፔ ናምኡ ላይፌ ሲንን ኢስራኤሌ ጊሻስ ቴቁሄን ሜሄ ሄሚዛይታ ጊዶፌ ኣሞጼይ ቤኢዲ ዮቲዳ ቃላይ ሃይሳፌ ካሊ ዲዛይሳ፤

ሆሴኤ ቲንቢቴ 13:6

ጊዶ ኣቲን ታ ሚዚን ኢስቲ ካሊዳ፤ ካሊዲ ኦቶሬቲዳ፤ ሄሳፌ ጉዬ ታና ባሊዳ።

ኢሳያሳ ቲንቢቴ 45:19

ታ ማ ቢታን ጌማን ዮታቤኬ፤ ያቆቤ ዜሬታስ፥ «ታና ጮ ሃዳ ኮዪቴ» ጋቤኬ። ታኒ ጎዳይ ቱማ ሃሳያይስ፤ ሱሬ ዮኦ ኣዋጃይስ።

ሌሚሶ ማጻፋ 30:9

ሂስቶንታ ኣጊኮ ታኒ ኬሃ ካላዳ ኔና ካዳና፤ ‹ጎዳይ ኢዚ ኦኔ?› ጋና፤ ዎይኮ ማንቃዳ ካይሳና፤ ሂስታዳ ታኒ ጾሳ ሱን ጫይሳና።

ዬ ማጻፋ 12:4

ኢስቲ፥ «ኑኒ ኑ ኢንጻርሳን ጾናና፤ ኑ ዶናይ ኑሳ፤ ኑስ ጎዳይ ኦኔ?» ጌቴስ።

ዬ ማጻፋ 10:4

ኢታ ኣሲ ኦቶሬቴን ጾሳ ኮዬና፤ ኢዛ ቆፋ ኡባን ጾሲ ዴና።

2ታሪኬ ማጻፋ 31:10

ሂስቲን ሳዶቄ ዛሬፔ ቄሴታ ሃላቃ ኣዛሪያሲ ሂዝቂያሳስ፥ «ኣሳይ ባንታ ኢሞታ ጾሳ ኬ ኤሆ ዶሞሶፌ ኑስ ጊዲ ፓላሂዛዝ ዴሚዶስ፤ ጎዳይ ባ ኣሳ ኣንጂዳ ጊሻስ ሃይሳ ኬና ቲርፓይ ኣቲዴስ» ጊዴስ።

ዛሬ ማጻፋ 31:20

ታኒ ቤኒ ኢስታ ኣዋታስ ጫቂዳ ጫቆ ቃላ ማላ ኤሲኔ ማ ኩሚዳ ቢታዮ ታ ኢስታ ጌልና፤ ኢስቲ ሄን ሚዲኔ ኡዪዲ ካሊዳፔኔ ዱሬቲዳፔ ጉዬ ታና ዬጊ ኣጋና፤ ታ ጫቆ ቃላካ ዬጊ ኣጊዲ ኤቃ ጾሳታስ ጎይናና።

ኤርማሳ ቲንቢቴ 2:20

ኡባ ሃሪዛ ጎዳይ፥ «ቤኒፔ ዶማዳ ታኒ ኔ ቃምባራ ሜንዲስ፤ ኔና ቃቺዳ ሚሺካ ዱዲስ። ሂስቲንካ፥ ‹ታኒ ኔስ ኦኬ› ጋዳሳ። ሂስታዳ ቃ ዙምቡላታ ኣቻን ሚ ጋርሳን ላይማታናስ ኢቻዳሳ።

ኤርማሳ ቲንቢቴ 2:25

ኔ ቶሆይ ኣርጋጫና ጋካናስ ዎጾፋ፤ ኔ ዶናይ ሳሞን ሜላና ጋካናስ ቶይላቶፋ፤ ኔ ጊዲኮ፥ «ጮ ዳቡሮፓ፤ ታኒ ኤቃ ጾሳታ ዶሳዲስ፤ ታኒ ኢስታ ካላና» ጋዳሳ።

ዛሬ ማጻፋ 32:18

ኢስቲ ባስ ዴኦ ኢሚዳ ዛላ ዶጊዳ፤ ባና ሜዳ ጾሳካ ባሊዳ።

1ካዎታ ማጻፋ 11:22

ካዎይ ኢዛ፥ «ኔስ ሃይሳን ኣዚ ፓጪን ኔኒ ኔ ቢታ ሲማ ባና ኮያይ?» ጊዲ ኦይቺዴስ። ሂስቲን ሃዳዴይ፥ «ታስ ኣይኮይካ ፓጪቤና፤ ጊዲኮካ ታኒ ባና ማላ ታስ ኤሮ ጋርኪ!» ጊዴስ።

ኢዮቤ ማጻፋ 21:14

«ሄሲ ሄሳ ጊዲ ዲሺን ኢስቲ ጾሳ፥ ‹ኑፔ ሃካ፤ ኔ ኦጌ ኤራናስ ኑ ኮዮኮ› ጌቴስ።

ኤርማሳ ቲንቢቴ 5:5

ሄሳ ጊሻስ ታኒ ጊታ ኣሳታኮ ባና፤ ኢስታስካ ዮታና፤ ጋሶይካ ጎዳ ኦጌኔ ባንታ ጾሳ ዎጋ ኤሬቴስ» ጋዳ ቆፓዲስ። ጊዶ ኣቲን ኢስቲ ኡባይካ ኢሲፌ ኢዛ ቃምባራ ሜንዳ፤ ቃሾዛካ ዱዳ።

ኤርማሳ ቲንቢቴ 5:6

ሄሳ ጊሻስ ጋሞይ ዎራፔ ኬዚዲ ኢስታ ሜንሬና፤ ኢስታ ፑዜሬና፤ ማሄይ ኢስታ ካታማታ ዩሾ ዛማዲ ናጋና። ሄ ካታማታፔ ኬዚዛ ኡባ ኢዚ ፑዛና። ጋሶይካ ኢስታ ማካላቴኔ ካዶይ ዳሪዴስ።

ሂዚቄላ ቲንቢቴ 14:5

ባንታ ኤቃ ጾሳታ ጋሶን ታፔ ሻኬቲዳ ኢስራኤሌ ኣሳ ኡባ ዎዚና ሃ ታኮ ዛራናስ ታ ሄሳ ኦና› ጌስ።