ኤርማሳ ቲንቢቴ 2:16 - ጋሞ ማጻፋ

¹⁶ ቃሴካ ሜምፒሳኔ ጻፊናሴ ኣሳቲ ኔ ሁኤ ቡሉሲዳ።

Geeshsha Maxaafa

¹⁶ Qasseka Memppisanne Xaafinaase asati ne hu7e bulusida.

ኤርማሳ ቲንቢቴ 2:16 Referans Kwoze

ኤርማሳ ቲንቢቴ 46:14

«ሃይሳ ጊብጼን ዮታ፤ ቃሴ ጊብጼ ካታማታን ሚጊዶሌን፥ ሜምፒሳኒኔ ጻፊናሴን ኣዋጃ። ኢንቴ ዩሾን ዲዛይታ ማሻይ ማና ጊጌቲዳ ጊሻስ ኢንቴ ዲዛሶን ዲዛሶን ጊጌቲ ኡቲቴ።

ኤርማሳ ቲንቢቴ 44:1

ጊብጼን ፑዴሃ ባጋራ ዲዛ ሚጊዶሌን፥ ጻፊናሴኒኔ ሜምፒሳን ሄሳካ ጊብጼፔ ዱጌሃ ባጋን ዲዛ ኣይሁዳ ኣሳስ ጎዳ ቃላይ ኤርማሳኮ ዪዲ፥

ኢሳያሳ ቲንቢቴ 19:13

ጻኖሴ ሃላቃቲ ኤይዳ፤ ሜምፒሳ ሹሜቲ ባሌቲዳ፤ ኢዚ ዴሬ ካሌዛ ኤሬቲዳይቲ ጊብጼ ኣሳ ባሌዳ።

ዛሬ ማጻፋ 33:20

ጋዴ ቆሞታ ጊሻስ ሙሴይ፥ «ጋዴ ቆሞታ ዛዋ ኣሲዳ ጾሳይ ጋላቴቶ፤ ጋዴይ ሞርኬታ ሜንሬናስ ጋሞ ማላ ሻንካቴስ።

ሂዚቄላ ቲንቢቴ 30:16

ታኒ ጊብጼ ቦላ ታማ ኤና፤ ሲኔይ ጬጬን ቡልኣኬታና፤ ቴቤሴይ ዳምባላን ሚቴታና፤ ሜምፒሳይ ዱጾንታ ጬጬ ጊዶ ጌላና።

ሂዚቄላ ቲንቢቴ 30:13

«ኤቃ ጾሳታ ታ ይሳና፤ ሜምፒሳን ዲዛ ሚስሌታ ታ ዲፒ ሂስታና፤ ሃይሳፌ ጉዬ ጊብጼን ሃላቃታናይ ዴና፤ ቢታይ ቦላ ታ ያሻቴ ኪታና።

ኤርማሳ ቲንቢቴ 46:19

ኢንቴኖ ጊብጼ ቢታን ዲዛይቶ! ዲኤቲ ባናስ ኢንቴስ ዲዛዝ ጊግሲቴ፤ ሜምፒሳ ላሌታዳ ኢዚን ኣሲ ባይንዳ ቡላ ጊዳና።

ኢሳያሳ ቲንቢቴ 8:8

ቡሪ ኤኪዲ ዱጌ ዩሁዳ ዎና፤ ቢታ ኩሚዲ ኣና፤ ቆ ጋካናስ ሚታና» ጊዴስ። ጊዶ ኣቲን ኣማኑኤሌ! ሚጬቲዳ ኢዛ ቄፌይ ኔ ቢታ ጋጻፔ ጋጻ ጋካናስ ካሚ ኦይኪዴስ።

2ካዎታ ማጻፋ 23:33

ኢዚ ዬሩሳላሜን ኡቲዲ ካዎቶንታ ማላ ፋሮን-ኒካይ ሃማቴ ዴሬን ኤሬቢላ ጌቴቲዛሶን ኢዛ ሳንሳላታን ቃቺዴስ። ዩሁዳ ቦላ 3,400 ኪሎ ቢራኔ 34 ኪሎ ዎርቃ ጊራ ዬጊዴስ።

2ካዎታ ማጻፋ 18:21

ኔኒ ኢዚን ኣማኔቲዛ ጊብጼይ ኢዚን ዜምፒሺን ሜቂ ዎዲ ኩሼን ኤቂዛ ዲንጬቲዳ ማቃ ማላ፤ ጊብጼ ካዎ ፓሮኔይካ ባናን ኣማኔቲዛ ኣሳ ኡባሲካ ሄሳ ማላ› ጊዲ ዮቲቴ።

ኤርማሳ ቲንቢቴ 48:45

«ሃሴቦኔፔ ሞኣቤ ሊጴ፥ ጬቄቲዛይታ ፒ ጹጊዛ ታማይ፥ ታማ ላጮይ ሲሆኔ ኬፌ ኬዚዴስ፤ ባቃቲ ቢዳይቲ ሃሴቦኔ ኩዋ ጋርሳን ባናሶ ይዲ ኤቂዳ።

ሆሴኤ ቲንቢቴ 9:6

ኢስቲ ባሻፌ ኣታናስ ቤቲኮካ ጊብጼይ ኢስታ ሺሻና፤ ሜምፒሳ ጌቴቲዛሶን ኢስታ ሞጋና፤ ኢስቲ ሃሪዳ ቢራይ ዉሪካ ሻራፋ ማይኢ ኣታና፤ ኢስታ ዱሳሶ ኡባ ኣጉን ላታና።

ኢሳያሳ ቲንቢቴ 59:13

ኑኒ ጎዳ ቦላ ማካሊዲ ዎርዶ ሃሳይዶስ፤ ኑ ጾሳ ካሎ ኣጊዲ ሼርኢ ጊዶስ፤ ማካላቴኔ ጌኔ ዮኦ ሃሳይዶስ። ኑ ዎዚናይ ሻሪ ኡቲዳ ዎርዶ ሃሳይዶስ።