ኤርማሳ ቲንቢቴ 18:21 - ጋሞ ማጻፋ

²¹ ሄሳ ጊሻስ ኢስታ ናይታ ኮሻሲኔ ማሻስ ኣ ኢማ፤ ኢስታ ማጫሳቲ ማይኔኔ ኣምኤታ ጊዴቶ፤ ኢስታ ኣቱማሳቲካ ፓራ ሃይቆን ዉሬቶ፤ ኢስታ ናቴ ናይቲ ኦላሶን ማሻስ ጊዴቶ

Geeshsha Maxaafa

²¹ Hessa gishshas istta nayta koshassinne mashshas aaththa imma; istta maccassati maynnenne am7eta gidetto; istta attumasatikka para hayqon wuretto; istta naateththa nayti olason mashshas gidetto

ኤርማሳ ቲንቢቴ 18:21 Referans Kwoze

ኣሞጼ ቲንቢቴ 4:10

«ታ ካሴ ጊብጼ ቢታ ቦላ ዬዲዳ ኢታ ሃርጌዛ ማላ ሃርጌ ኢንቴ ቦላ ዬዳዲስ፤ ኢንቴ ናቴ ናይታ ማሻን ሃይቃና ማላ ኦዲስ፤ ኢንቴ ፓራታካ ዲኤታና ማላ ታ ኦዲስ፤ ኢንቴ ዲዛሶን ሃይቂዳ ኣሳ ኣሃ ጺንቆይ ኢንቴ ሲ ቱጪዴስ፤ ኢንቴ ጊዲኮ ሃ ታኮ ሲሚቤኬታ።

ኤርማሳ ዚላስ 5:3

ኑኒ ዪኦ ጊዲዶስ፤ ኑ ኣዬቲ ኣምኤታ ጊዲዳ።

ኤርማሳ ቲንቢቴ 15:8

ታኒ ኢስታ ኣምኤታ ቆዳ ኣባን ዲዛ ኣጬፔካ ዳርሳና፤ ሚኖ ኣዬታ ይሲዛዝ ሴታ ጋላስ ታ ኢስታ ቦላ ኤሃና፤ ኢስቲ ቆፖንታ ዲሺን ዳጋማኔ ሺሮ ታ ኢስታ ቦላ ዬጋና።

ኤርማሳ ቲንቢቴ 9:21

ሃይቆይ ናይታ ኦጌፔ፥ ናቴ ናይታ ዱቡሻፔ ፒቲ ይሲዴስ፤ ኑ ማስኮቴታራ ጌሊዴስ፤ ኑ ቆልኣ ጊዶ ካንዴስ።

ዛሬ ማጻፋ 32:25

ኦጌ ኡባን ኢስታ ናይታ ኦላይ ዉርሳና፤ ኢስታ ኬ ጊዶንካ ሂርጋይ ኩማና፤ ፓንቲኔ ጌላኦቲ፥ ጉ ናይቲኔ ጪማቲ ኡባይ ዉራና።

ኬሳ ማጻፋ 22:24

ሄ ዎዴ ታ ሃንቆይ ኢንቴ ቦላ ዴንዳና፤ ታኒ ኢንቴና ማሻን ዉርሳና፤ ኢንቴ ማቼቲ ኣምኤታ ኢንቴ ናይቲካ ኣዋይ ባይንዳ ዪኦ ናይታ ጊዳና።

2ጺምቶሳስ 4:14

ጻርቂማላ ቆጺዛ ኢስኪንዲሮሲ ታ ቦላ ዳሮ ቆሆ ጋዴስ ሺን ጎዳይ ኢዛስ ኢዛ ኦሶ ማላ ኢማና።

ኤርማሳ ቲንቢቴ 12:3

ጊዶ ኣቲን ኣቤት ጎዳዉ! ኔኒ ታና ኤራሳ። ታና ቤኣሳ፤ ታኒ ኔስ ኣይ ቆፒዛኮ ፓጫሳ። ሹኬታና ቢዛ ዶርሳታ ማላ ኔኒ ኢስታ ላጋ! ሹካ ጋላሳስ ኢስታ ዱማ ሻካ ዎ!

2ታሪኬ ማጻፋ 36:17

ሄሳ ጊሻስ ጎዳይ ባቢሎኔ ካዎ ኢስታ ቦላ ዴንዲ ኤሂዴስ፤ ሂስቲን ጾሳ ኬ ጊዶን ኢዚ ኢስታ ዬላጋ ኣቱማ ናይታ ማሻን ሱፑ ሂስቲዴስ፤ ዬላጋ ኣቱማ ናይታ፥ ዎይኮ ጌላኦታ፥ ዎይኮ ጪማታ፥ ዎይኮ ጬጋታ ጾሲ ኢስታ ኡባ ናቡካዳናጾሬ ኩሼን ኣ ኢሚዴስ።

1ሳሜላ ማጻፋ 15:33

ሳሜሊካ፥ «ኔ ማሻይ ማጫሳታ ዬሎይ ባይንዳ ኣሺዳይሳ ኔ ኣያካ ማጫሳታ ጊዶን ዬሎይ ባይንዳሮ ጊዳና» ጊሼ ኣጋጌ ጌልጌላን ጎዳ ሲንን ቃንጼሬ ዬጊዴስ።

ዬ ማጻፋ 63:10

ኢስቲ ማሻስ ኣ ኢሜታና፤ ኢስቲ ጎዳሬ ካዎ ጊዳና።

ኢሳያሳ ቲንቢቴ 9:17

ሄሳ ጊሻስ ጎዳይ ናቴ ናይታን ኡፋዬቴና፤ ዪኦታሲኔ ኣምኤታስ ቃቴና፤ ኡባይካ ኢታ ኦዛይታኔ ጾሳ ያሻቴ ባይንዳይታ፤ ኡባ ኣሳ ዶናፔ ሃራሲዛ ቃላይ ኬዜስ፤ ሄሲ ኡባይ ሃኒንካ ጎዳ ሃንቆይ ኢርጺቤና፤ ኢዛ ኩሼይካ ዴንዲዳሶፔ ሲሚቤና።

ኢሳያሳ ቲንቢቴ 13:18

ኢስታ ዎንዳፌቲ ዎዳላታ ዉርሳና፤ ቄሪ ናይታካ ማሬቴና፤ ኢስታ ዎዚናይካ ናይታስ ሚሼቴና።

ኤርማሳ ቲንቢቴ 14:16

ቃሴ ኢስቲ ቲንቢቴ ዮቲዳ ዴሬይካ ኮሻኒኔ ኦላ ጋሶን ዬሩሳላሜ ዱቡሻታን ኩንዳና፤ ኢስታስ፥ ኢስታ ማቼታ፥ ኢስታ ኣቱማ ናይታኔ ማጫ ናይታ ኣሃ ሞጊዛይ ያና፤ ታኒ ኢስታ ሞሮ ማላ ኢስታ ቦላ ቂጻቴ ኤሃና» ጊዴስ።

ኤርማሳ ቲንቢቴ 15:7

ታኒ ኢስታ ካ ሱራጊዛ ማላ ሱራጋዳ ካታማታ ፔንጌን ላላና፤ ኢስቲ ባ ኦጌፔ ሲሞንታ ኣጊዳ ጊሻስ ታኒ ታ ዴሬዛ ካዮን ኩንና፤ ኢስታ ቦላካ ባሽ ኤሃና።

ኤርማሳ ቲንቢቴ 50:30

ሄሳ ጊሻስ ኢዚ ናቴ ኣቱማ ናይቲ ኣሶን ኣሶን ሃይቃና፤ ኢዚ ኦላንቻቲ ኡባይ ሄ ጋላስ ኩንዳና» ጌስ ጎዳይ።

ኤርማሳ ዚላስ 1:15

«ኑ ጋርሳን ዲዛ ኦላንቻታ ኡባታራ ጾሲ ኤቄቲዴስ፤ ኑ ጊዶፌ ዬላጋታ ይሳናስ ኦላንቻታ ኑ ቦላ ዬዲዴስ። ዎይኔ ሚ ኣይፌ ኡሹ ኬሳናስ ዬዛ ማላ ጎዳይ ቦሼቶንታ ጌላኦ ሚሳቲዛ ዩሁዳ ኣሳ ዬዴስ።

ሂዚቄላ ቲንቢቴ 16:38

ታኒ ላይማቲዛ ማጫሳታ ቦላኔ ሼምፖ ዎዛ ማጫሳታ ቦላ ፒርዲዛ ማላ ኔ ቦላ ፒርዳና፤ ታ ሃንቆኒኔ ሚሾናን ሼምፖ ዎናሼ ጋካናስ ታ ሃሎ ኬሳና።

ሂዚቄላ ቲንቢቴ 22:25

ኢዚ ዳናቲ ባ ዎዳይሳ ፑዚሼ ጻጊዛ ጋሞ ማላ ኢዚ ጊዶን ዱላቴቴስ፤ ዴራ ዎቴስ፤ ኢስታ ኣቆታኔ ኢስታስ ዲዛ ኣልኦ ሚሻታ ቦንቂ ኤኬቴስ፤ ዳሮ ማጫሳታ ኣምኤታ ሂስቴቴስ።

ዬ ማጻፋ 63:11

ጊዶ ኣቲን ካዎይ ጾሳን ኡፋዬታና፤ ጾሳ ሱንን ጫቂዛ ኡባይ ኢዛ ጋላታና፤ ዎርዶ ሃሳይዛይታ ዶናይ ጊዲኮ ጎርዴታና።

ኢሳያሳ ቲንቢቴ 9:16

ሃይሳ ዴራ ካሌዛይቲ ባሌቴስ፤ ካሊዛ ዴሬይካ ኦጌፔ ካሬ ኬዚዲ ቶይላቴስ።