ኤርማሳ ቲንቢቴ 15:6 - ጋሞ ማጻፋ

⁶ «ኔ ታና ኣጋዳሳ፤ ጉዬ ጉዬ ባሳ፤ ሄሳ ጊሻስ ታኒ ኔ ቦላ ታ ኩሼ ዴንዳ ኔና ይሳና፤ ሃይሳፌ ጉዬ ኔስ ቃቲኬ።

Geeshsha Maxaafa

⁶ «Ne tana aggadasa; guye guye baasa; hessa gishshas tani ne bolla ta kushe denththada nena dhayssana; hayssafe guye nees qadhettike.

ኤርማሳ ቲንቢቴ 15:6 Referans Kwoze

ኤርማሳ ቲንቢቴ 7:24

ኢስቲ ጊዲኮ ታ ጊዛዝ ሲዪቤቴና፤ ዎዚናን ዎ ሲያናስካ ኮዪቤቴና፤ ኢስቲ ባንታ ኢታ ዎዚና ቆፋ ሚን ካሊዳ፤ ኢስቲ ሲን ቡስ ኣጊዲ ጉዬ ጉዬ ቢዳ።

ሶፎናሳ ቲንቢቴ 1:4

ጎዳይ፥ «ታኒ ዩሁዳኒኔ ዬሩሳላሜን ዲዛ ኣስ ኡባ ቃጻያና፤ ቃሴካ ባኣሌ፥ ኢስታ ኤቃ ጾሳታኔ ላይማቲዛ ቄሴታ ሃይሳፌ ታ ሚልጺ ሂስታ ይሳና።

ዛካራሳ ቲንቢቴ 7:11

«ኢስቲ ቃሴ ሲያና ኮዪቤቴና፤ ዞኮ ዛሪዲ ባ ሃይ ቱጪዳ።

ሆሴኤ ቲንቢቴ 11:7

ታ ዴሬይ ታፔ ሃካናስ ኮዪዴስ፤ ጊዲኮካ ኢስቲ ታኮ ኡባፌ ዎልቃማ ጾሳኮ ዋሲኮ ታ ኢስታ ኣሺኬ።

ኢሳያሳ ቲንቢቴ 1:4

ኢንቴኖ ናጋራንቻ ካዎቴቶ! ቆሆን ኩሚዳይቶ! ኢታ ኦዛ ዜሬቶ! ኢንቴ ኣዋታ ቱናቴ ካሊዛ ናይቶ! ኢንቴና ኣዬ ኣና! ጎዳ ኣጋጊዴታ፤ ኢስራኤሌ ጌሻዛ ዬጊ ኣጊዴታ፤ ዞኮካ ኢዛስ ዛሪዴታ።

ሆሴኤ ቲንቢቴ 13:14

ታኒ ኔና ዱፎ ዎልቃፌ ኣሻና፤ ሃይቆፔካ ዎዛና። ሃይቆ! ኔ ዎዛ ዎልቃይ ኣዋን ዲዜ? ዱፎዞ! ኔኒ ኣስ ይሲዛ ዎልቃይ ኣዋን ዲዜ? ታኒ ኢዛስ ቃቲኬ።

ሂዚቄላ ቲንቢቴ 25:7

ታኒ ታ ቄሴ ኢንቴ ቦላ ዴንና፤ ታኒ ካዎቴቲ ኢንቴፌ ቦንቃና ማላ ኦና፤ ታ ኢንቴና ካዎቴታ ጊዶፌ ሾዳና፤ ኣሳፔካ ሻካዳ ይሳና፤ ታ ኢንቴና ዲፒ ሂስታና። ታኒ ጎዳ ጊዲዳይሳ ኢንቴ ሄ ዎዴ ኤራና› ጌስ።

ኤርማሳ ቲንቢቴ 6:19

ቢታዬ ሲያ! ኢስቲ ታ ቃላ ሲዮንታ ኢጺዳ ጊሻሲኔ ታ ዎጋካ ካዳ ጊሻስ ታኒ ዴራ ቦላ ኢስታ ኢታ ቆፋ ማላ ባሽ ኤሃና።

ኤርማሳ ቲንቢቴ 6:11

ሄሳ ጊሻስ ጎዳ ሃንቆይ ታናን ኩሚ ኡቲዴስ፤ ታኒ ሃ ሃንቆዛ ታ ኡሎን ኦይካና ዳንዳይኬ። ሂስቲን ጎዳይ ታና፥ «ታ ሃንቆዛ ኦጌን ዲዛ ጉ ናይታ ቦላኔ ሺቂዳ ዬላጋ ናይታ ቦላ ጉሳ፤ ማቻኔ ኣዚናይ፥ ጪሚዳ ኣሳቲካ ኬሲ ኤኪ ኣቴቴና።

ኤርማሳ ቲንቢቴ 2:17

ኦጌ ኔና ካሌዛይሳ ጎዳ ኔ ጾሳ ኣጋዳ ሃይሳ ኔ ቦላ ኤሂዳይ ኔና ጊዲኪ?

ኤርማሳ ቲንቢቴ 1:16

«ዩሁዳ ኣሳይ ታና ኣጊዲ፥ ሃራ ኤቃ ጾሳታስ ኤጻኔ ጩዋሲዳ ጊሻስ፥ ባ ኩሼን ኦ ኬሲዳይታ ጎይኒዳ ጊሻስ ታ ዴራ ቦላ ፒርዳ ኣዋጃዲስ።

ሆሴኤ ቲንቢቴ 4:16

ኢስራኤሌ ዴሬይ ማካላንቻ ኡሳ ማላ ማካሊዴስ፤ ሂስቲን ጎዳይ ኢስታ ዶርሳ ላቃታ ማላ ሎኦሶን ዎስቲ ሄማኔ?

ሂዚቄላ ቲንቢቴ 14:9

« ‹ናቤዛ ቲንቢቴ ዮታና ማላ ባሌኮ፥ ሄ ናቤዛ ባሌዳይ ታና ጎዳ፤ ታኒ ታ ቄሴ ኢዛ ቦላ ዴንዳ ታ ዴሬ ኢስራኤሌ ጊዶፌ ኢዛ ይሳና።

ኤርማሳ ቲንቢቴ 20:9

ታኒ፥ «ሃይሳፌ ጉዬ ጎዳ ሱን ዴንኬ፤ ኢዛ ሱንንካ ሃሳይኬ» ጊኮ ኢዛ ቃላይ ታ ዎዚና ጊዶን ታማ ማላ፥ ታ ሜቄ ጊዶንካ ሱርቁንቶ ማላ ጊዲዴስ፤ ሄሳ ጊሻስ ታ ካማ ኦይካናስ ጾኒዴስ፤ ሙሌራካ ኤቄታናዉ ዳንዳያቤኬ።

ኤርማሳ ቲንቢቴ 8:5

ሂስቲን ሃይሲ ዴሬዚ ኣይስ ጉዬ ሲሚ ቢዜ? ዬሩሳላሜይ ኣይስ ኡባቶ ጉዬ ሲማዜ? ኢስቲ ጌኔ ኦሶ ሚን ኦይኪዳ፤ ሲማናስካ ኮዬቴና።

ኤርማሳ ቲንቢቴ 2:19

ኔ ኢታቴ ኔ ቦላ ቂጻቴ ጋና፤ ኔ ታና ካዶይሲ ኔ ቦላ ሃንቆ ኤሃና። ጎዳ ኔ ጾሳ ኔ ኣጊሺን፥ ታስ ያሻቴ ኔ ዉዱ ጎንታ ኢጺሺን ኣይ ማላ ኢታይኔ ጫሞ ሚሺ ኔ ቦላ ጋካናኮ ቆፓ፤ ኣኔ ኣኬካ» ጌስ።

ኤርማሳ ቲንቢቴ 2:13

ታ ዴሬይ ናምኡ ኢታ ሚሻታ ኦዴስ፤ ዴኦ ሃ ፑልቶ ጊዲዳ ታና ኣጊዴስ፤ ሃ ኦይካናስ ዳንዳዮንታ ሉኬቲዳ ኦላታ ባስ ቦኪዳ።

ኢሳያሳ ቲንቢቴ 28:13

ሄሳ ጊሻስ ጎዳ ቃላይ ኢስቲ ቢዲ ጉዬ ኩንዳና ማላ፥ ማዱንጻና ማላኔ ዎጺማዴን ኦይኬታና ማላ፥ ዲኤታና ማላ ኣዛዞ ቦላ ኣዛዞ፥ ኣዛዞ ቦላ ኣዛዞ፥ ዎጋ ቦላ ዎጋ፥ ዎጋ ቦላ ዎጋ ጊዲዲ፥ ሃን ጉራ፥ ሄን ጉራ ሃናና።

ኢሳያሳ ቲንቢቴ 31:3

ጊብጼ ኣሳይ ኣሳፔ ኣቲን ጾስ ዴቴና፤ ኢስታ ፓራቲካ ኣሾፔ ኣቲን ኣያና ጊዴቴና። ጎዳይ ባ ኩሼ ሚጪዛ ዎዴ ኢዛ ማዲዛዴይ ጴታና፤ ማዴቲዛዴይካ ኩንዳና፤ ናምኣይካ ኢሲፌ ያና።

ኤርማሳ ቲንቢቴ 6:12

ታኒ ሄ ቢታን ዲዛይታ ቦላ ታ ኩሼ ዬዲዛ ዎዴ ኢስታ ኬቲ፥ ኢስታ ጋዴቲኔ ኢስታ ማቼቲካ ኣቶንታ ኡባይ ሃራታስ ጊዳና» ጌስ።

ኤርማሳ ቲንቢቴ 7:16

ጎዳይ፥ «ኤርማሳ፥ ኔ ዎሲንካ ታ ሲዮንታ ጊሻስ ኔ ሃይሳ ዴራስ ዎሶፋ፤ ኢስታስ ሾቦፋ ዎይኮ ኢስታስ ጋናቶፓ።

ኤርማሳ ቲንቢቴ 8:9

ኣ ኤራንቻቲ ዬላታና፤ ኢስቲ ካዉያናኔ ዎጺማዴን ኦይኬታና። ጎዳ ቃላራ ኢስቲ ኤቄቲቺን ኢስታስ ኣዛ ኤራቴ ዲዜ?

ሂዚቄላ ቲንቢቴ 35:3

ኔኒ ኢዛስ ኡባ ሃሪዛ ጎዳይ፥ ‹ሃይሶ ሴይሬ ዙማዞ! ታ ኔ ቦላ ዴንዳዲስ፤ ታኒ ታ ኩሼ ኔ ቦላ ዴንና፤ ኔና ቡላኔ ኣሲ ባይንዳሶ ኬሳና።

ኤርማሳ ቲንቢቴ 13:14

ታኒ ኢሲ ኣስ ሃራ ኣሳራ፥ ኣዋ ናራ ኦሻና፤ ታኒ ኢስታ ይሳና ኣቲን ኢስታስ ሚሼቲኬ፤ ቃቲኬኔ ማሪኬ› ጌስ ጋ» ጊዴስ።

ኤርማሳ ቲንቢቴ 44:22

ኢንቴ ኦዳ ኢታኔ ሃራሲዛ ኦሶ ጎዳይ ጮኡ ጋናስ ዳንዳዮንታ ጊሻስ ሃች ኢንቴ ቤኢዛ ማላ ኢንቴ ቢታይ ቃንጌስ ማላታ፥ ኣሲ ባይንዳ ባዞ ቢታ ጊዲዴስ።