ኤርማሳ ቲንቢቴ 14:3 - ጋሞ ማጻፋ

³ ዱሬቲ ባንታ ኣይሌታ ሃ ዱቃናስ ኪቴቴስ። ኢስቲካ ሃ ኦላይ ዲዛሶ ቤቴስ፤ ጊዶ ኣቲን ሃ ዴሜቴና፤ ባንታ ኦቶ ሜላ ቶኪ ኤኪዲ ሲሜቴስ። ዬላቲዲኔ ሂዶታ ቃንጺዲ ባንታ ሁኤ ጉሉንቴቴስ።

Geeshsha Maxaafa

³ Dureti bantta aylleta haath duuqqanaas kiitteettes. Isttika haaththa ollay dizaso beettes; gido attiin haath demmettenna; bantta oto mela tookki ekkidi simmeettes. Yeellatidinne hidota qanxxidi bantta hu7e gulluntteettes.

ኤርማሳ ቲንቢቴ 14:3 Referans Kwoze

2ሳሜላ ማጻፋ 15:30

ጊዶ ኣቲን ዳዊቲ ዬኪሼ ፑዴ ዳብራዛይቴ ዙማ ፑዱን ኬዚዴስ፤ ባ ሁኤ ጉሉንቲዲ ሜላ ቶሆራ ዴስ፤ ኢዛራ ኢሲፌ ዲዛ ኣሳይ ኡባይ ኢዛይሳ ባንታ ሁኤ ጉሉንቲዲ ዬኪሼ ፑዱን ኬዜቴስ።

ዬ ማጻፋ 40:14

ታና ዎናዉ ኮይዛይቲ ሙሌካ ዬላቴቶኔ ካዉዬቶ፤ ታኒ ቆሄታናይሳ ኣሞቲዛይቲ ካዉዪዲ ጉዬ ሲሜቶ።

2ካዎታ ማጻፋ 18:31

«ሂዝቂያሲ ኢንቴና ጊዛይሳ ሲዮፒቴ፤ ኣሶሬ ካዎይ፥ ‹ታናራ ኢንቴስ ሳሮቴ ሜቴ፤ ኢንቴ ታስ ኩሼ ኢሚቴ፤ ሄሳፌ ጉዬ ኢንቴፌ ኢሶይ ኢሶይ ባ ባላሴ ሚ ኣይፌኔ ባ ዎይኔ ሚ ኣይፌ ማና፤ ባ ሃ ኦላፌ ሃ ኡያና።

ኣሞጼ ቲንቢቴ 4:8

ኣሳይ ሃ ኡያናስ ኮዪሼ ሃ ካታማፔ ሄ ካታማ ቢዴስ፤ ጊዶ ኣቲን ባስ ጊዲዛ ሃ ዴሞንታ ኣጊዳ ጊሻስ ኡዪዲ ኣላናስ ዳንዳይቤቴና፤ ኢንቴካ ታኮ ሲሚቤኬታ።

ኤርማሳ ቲንቢቴ 2:13

ታ ዴሬይ ናምኡ ኢታ ሚሻታ ኦዴስ፤ ዴኦ ሃ ፑልቶ ጊዲዳ ታና ኣጊዴስ፤ ሃ ኦይካናስ ዳንዳዮንታ ሉኬቲዳ ኦላታ ባስ ቦኪዳ።

ኢዩኤሌ ቲንቢቴ 1:20

ሻፋቲ ሜሊዳ ጊሻስ ዴምባን ዲዛ ማታይ ዉሪካ ጹጌቲዳ ጊሻስ ዎራ ዶኣቲካ ኔኮ ዋሴቴስ።

ኤርማሳ ቲንቢቴ 20:11

ጊዶ ኣቲን ጎዳይ ያሺሲዛ ቶራ ቃራ ማላ ታናራ ዴስ፤ ሄሳ ጊሻስ ታና ዬዴዛይቲ ጴታና ኣቲን ታና ጾኔቴና፤ ኢስቲ ኢታ ካዉሽ ካዉያና ኣቲን ኢስታስ ጊጌና፤ ኢስታ ካዉሻቴይ ሙሌካ ዶጌቴና።

ኤርማሳ ቲንቢቴ 14:4

ኢራይ ቡኮንታ ጊሻስ ቢታይ ሜሊዲ ዛኤስ። ጎሻንቻቲ ዬላቲዲ ባንታ ሁኤ ጉሉንቴቴስ።

ዬ ማጻፋ 109:29

ታና ሞቲዛይቲ ካዉሻቴ ማይኤቶ፤ ባንታ ዬላካ ኩታ ማላ ቁማኤቶ።

ኢዮቤ ማጻፋ 6:20

ባንቲ ኣማኔቲ ኡቲዳ ሻፋቲ ሜሊዳይሳ ቤኢዲ ሂዶታ ቃንጼቴስ፤ ሃኮ ጋኪዛ ዎዴ ዪሎቴቴስ።

ኣስቴሪ ማጻፋ 6:12

ሄሳፌ ጉዬ ማርዲኪዮሲ ካዎዛ ፔንጌ ሲሚዴስ፤ ጊዶ ኣቲን ሃማይ ጬጪሼ ባ ሁኤ ጉሉንቲዲ ኤሶን ባሶ ሲሚ ቢዴስ።

1ካዎታ ማጻፋ 17:7

ቢታን ኢራይ ቡኮንታ ኣጊዳ ጊሻስ ጉ ዎዴፔ ጉዬ ሻፋዚ ሜሊዴስ።

2ሳሜላ ማጻፋ 19:4

ካዎዚ ባ ኣይፌሶ ካሚ ዎዲ፥ «ታ ና ኣቤሴሎሜ ዎ! ታ ና ኣቤሴሎሜ ዎ» ጊሼ ዚላሊዴስ።

ኤርማሳ ቲንቢቴ 2:37

ኔኒ ኣማኔቲዛይታ ጎዳይ ካዉሺዳ ጊሻሲኔ ኢስታፌካ ማዶ ዴሞንታ ጊሻስ ሃይሳፌካ ኔ ሁኤ ኩሼን ባቃ ኦይካዳ ኬዛና።

ኤርማሳ ቲንቢቴ 3:3

ሄሳ ጊሻስ ፑሴይካ ፑሶንታ ማላ ዲጌቲዴስ፤ ባልጎ ኢራይካ ቡኮንታ ኣጊዴስ፤ ኔ ጊዲኮ ሃኖ ጋካናስ ላይማቴ ኣጋቤካ፤ ኔኒ ዬላቶንታካ ኢጻዳሳ።

ኤርማሳ ቲንቢቴ 15:18

ታ ቦላ ሃርጌይ ኣይስ ሚኒዴ? ታ ማዱንይ ኣይስ ዳሪ ዳሪ ቢዴ? ኣይስ ፓጾንታ ኢጺዴ? ኔኒ ታስ ባሌዛ ሻፋ ማላኔ ጪሚዛ ፑልቶ ማላ ኣይስ ጊዳዲ?

ኤርማሳ ዚላስ 4:4

ዳሮ ሳሜቲዳ ጊሻስ ጉ ናይታ ኢንጻርሲ ፑዴ ጎንጊራራ ኦይኬቲዴስ፤ ናይቲ ካ ዎሲዳ ሺን ኦኒካ ኢስታስ ኢሚቤና።

ሆሴኤ ቲንቢቴ 2:3

ኢዛ ሲሞንታ ኢጺኮ ኢዛ ባ ኣዬይ ኡሎፔ ካሎ ዬሌቲዳ ማላ ታ ኢዞ ጺሬ ካሎ ኣሻና። ባዞ ማላኔ ሜላ ቢታ ማላ ታ ኢዞ ኦና። ታ ኢዞ ሃ ሳሞን ዎና።

ዛካራሳ ቲንቢቴ 14:17

ኡባፌ ዎልቃማ ጎዳስ ጎይናናስ ዬሩሳላሜ ሺቆንታ ቢታ ካዎቴታ ኡባስ ኢራይ ቡኬና።

ኣሞጼ ቲንቢቴ 4:7

ኢንቴ ካይ ጋካናፔ ቡሮ ሄ ኣጊናይ ዲሺን ሲንታ ታ ኢንቴስ ኢራይ ቡኮንታ ማላ ዲጋዲስ፤ ኢሲ ካታማን ቡኪሺን ሃራ ካታማን ቡኮንታ ማላ ዲጋዲስ፤ ኢሲ ጋዴን ቡኪሺን ሃንኮ ኢሳ ጋዴን ኢራይ ዪን ሜሊዴስ።