ኤርማሳ ቲንቢቴ 14:19 - ጋሞ ማጻፋ

¹⁹ ኣቤት ጎዳዉ! ኔኒ ዩሁዳ ሙሌካ ኣጋዲ? ጺዮኔ ኣሳ ሃራሴታዲ? ኔኒ ኑና ፓጾንታ ማላ ኦዳ ኣይስ ዴቻዲ? ኑኒ ሳሮቴ ናጊዶስ፤ ጊዶ ኣቲን ሳሮቴ ዴሚቤኮ፤ «ፓጻና ዎዴይ ያና» ጊዲ ናጊዶስ፤ ጊዶ ኣቲን ዳጋማ ጻላ ጊዲዴስ።

Geeshsha Maxaafa

¹⁹ Abeet GODAWU! Neni Yuhuda mulekka aggadii? Xiyoone asaa harassetadii? Neni nuna paxontta mala ooththada ays dechchadii? Nuni saroteth naagidos; gido attiin saroteth demmibeekko; «Paxana wodey yaana» giidi naagidos; gido attiin dagama xalla gidides.

ኤርማሳ ቲንቢቴ 14:19 Referans Kwoze

ኤርማሳ ዚላስ 5:22

ኔ ሄሳ ኦንታ ኣጊኮ ኑና ሙሌራ ኣጋዲ? ኔ ሃንቆዛስካ ዛዋይ ባዌ?

ኤርማሳ ቲንቢቴ 8:15

‹ሳሮይ ያና› ጊዲ ሂዶታ ኦዶስ፤ ጊዶ ኣቲን ሎኦ ሚሺ ዪቤና። ‹ኑኒ ፓጻና› ጊዲ ኣሞቲዶስ፤ ጊዶ ኣቲን ዳጋማ ጻላ ጊዲዴስ።

1ታሶሎንቄ ኣሳስ 5:3

ኣሳይ፥ «ጋዴይ ሳሮኔ ሎኦኮ» ጊሺን ሚጻይ ቃንራ ዲዛ ማጫስ ኦይኪዛ ማላ ሄሳካ ኣስ ይሲዛይ ቆፖንታ ዲሺን ኣሳ ቦላ ጋካና፤ ኦኒካ ኬሲ ኤኬና።

ኤርማሳ ቲንቢቴ 6:30

ጎዳይ ኢስታ ካዳ ጊሻስ ኢስቲ ካቲዳ ቢራ ጌቴቲ ጼይጌታና» ጌስ።

ኤርማሳ ቲንቢቴ 30:13

ኢንቴ ጊሻስ ሞቴቲዛይ ዴና፤ ኢንቴ ማዱንስካ ሌይ ቤቴና፤ ኢንቴስ ፓጾይ ዴና።

ኤርማሳ ቲንቢቴ 15:18

ታ ቦላ ሃርጌይ ኣይስ ሚኒዴ? ታ ማዱንይ ኣይስ ዳሪ ዳሪ ቢዴ? ኣይስ ፓጾንታ ኢጺዴ? ኔኒ ታስ ባሌዛ ሻፋ ማላኔ ጪሚዛ ፑልቶ ማላ ኣይስ ጊዳዲ?

ኤርማሳ ቲንቢቴ 12:8

ታ ጺንጾያ ዎራ ጊዶን ዲዛ ጋሞ ማላ ታ ቦላ ዴንዳዱስ፤ ታ ቦላካ ጻጋዱስ፤ ሄሳ ጊሻስ ታኒ ኢዞ ኢጻዲስ።

ዬ ማጻፋ 78:59

ሂስቲን ጾሲ ሄሳ ሲዪዲ ኬሂ ሃንቄቲዴስ፤ ኢስራኤሌ ሙሌራ ዬጊ ኣጋጊዴስ።

ኢዮቤ ማጻፋ 30:26

ሎኦ ሚሽ ዴማና ጋ ታ ናጊሺን ኢታ ሚሺ ታና ጋኪዴስ፤ ፖኦይ ያና ጋ ታ ናጌቲሺን ታስ ጋላሳይ ሚዴስ።

ኤርማሳ ዚላስ 4:17

ኑ ኣይፌይ ማዶ ዴማናስ ጼሊሼ ጮ ሜላ ዳቡርዴስ፤ ኑና ኣሻናስ ዳንዳዮንታ ዴሬታፔ ማዶ ዴማናስ ላሞታን ናጊዶስ።

ኤርማሳ ዚላስ 2:13

«ሃኔ ዬሩሳላሜ! ታ ኔ ጊሻስ ኣይ ጋናስ ዳንዳያዚና? ታ ኔና ኣዛራ ጊናሳ ጼሎ? ሃኔ ዶሴቲዳ ጺዮኔ ጌላኦዬ! ታ ኔና ዎስታ ሚንናስ ዳንዳያዚና? ኔ ማዱንይ ኣባፌካ ጪማቴስ፤ ኔና ፓናስ ዳንዳይዛይ ኦኔ?

ኤርማሳ ቲንቢቴ 15:1

ሄሳፌ ጉዬ ጎዳይ ታስ፥ «ሙሴይኔ ሳሜሊ ታ ሲንን ኤቂዳኮካ ታ ዎዚናይ ሃ ዴራስ ሚሼቴና፤ ኢስታ ታ ሲንፌ ዲጋ፤ ኢስቲ ቤቶ።

ኤርማሳ ቲንቢቴ 8:22

ጋላኣዴን ቲዪዛ ሌይ ዴኔ? ዎይኮ ሄን ኣኪሜይ ዴኔ? ሂስቲን ታ ዴራ ማዱን ኣይስ ፓጺቤኔ?

ኤርማሳ ቲንቢቴ 7:29

ሃንቆይ ኢዛ ቦላ ጋኪዳ ሃ ዬሌታ ጎዳይ ካዳ ጊሻሲኔ ኣጊዳ ጊሻስ ኢንቴ ሁኤ ሜዲዲ ዎራ ዬጊቴ፤ ኣይኮይካ ባይንዳ ዙምቡላታ ቦላ ኬዚዲ ዚላሊቴ› ጋ» ጌስ።

ዬ ማጻፋ 89:38

ጊዶ ኣቲን ሃኢ ኔኒ ቲያዳ ካዎዳይሳ ቦላ ኬሃ ሃንቄታዳሳ፤ ኢዛ ካዳሳኔ ዬጋ ኣጋዳሳ።

2ታሪኬ ማጻፋ 36:16

ጊዶ ኣቲን ጾሳ ሃንቆይ ኢስታ ቦላ ዪን ፓጻቴ ኢስታስ ቤቶንታ ኢጻናሼ ጋካናስ ኢስቲ ጎዳይ ኪቲዳይታ ቂዳ፤ ኢዛ ቃላ ካዳኔ ናቤታካ ካዉሺዳ።

ኤርማሳ ቲንቢቴ 12:7

ታኒ ታ ኬ ኣጋና፤ ታ ጺንጾዮካ ዬጋ ኣጋና፤ ታኒ ታ ሲቂዛ ኣሳ ኢስታ ሞርኬታ ኩሼን ኣ ኢማና።

ሚኪያሳ ቲንቢቴ 1:12

ሜቶፔ ሼምፓናስ ኮሻን ማሮቴን ዲዛይቲ ሜቶን ዋዬቴቴስ፤ ሄሲካ ዬሩሳላሜ ፔንጌ ጋካናስ ኢታ ሜቶይ ጾሳ ኣቻፌ ዪዳ ጊሻሳ።

ሌሚሶ ማጻፋ 29:1

ዳሮ ዎዴ ሴሪን ኢጺዲ ባ ሞርጌ ዞዲሲዳ ኣሲ ሃሳኦንታ ሜቃና፤ ሄሳዴስ ፓጼቴካ ዴና።

ኤርማሳ ቲንቢቴ 30:12

ጎዳይ፥ «ኢንቴ ሜቆይ ኮሌቴና፤ ኢንቴ ማዱንይ ፓጼና።

ኤርማሳ ቲንቢቴ 51:5

ኢስታ ቢታያ ኢስራኤሌ ጌሻ ሲንን ሞሮን ኩሚዳ ጊዲኮካ ኢስራኤሌኔ ዩሁዳ ኡባፌ ዎልቃማ ጎዳይ ኢስታ ጾሳይ ኢስታ ዬጊ ኣጊቤና።

ኤርማሳ ዚላስ 2:22

ባኣሌ ጋላስ ዲጊሳስ ጼይጊዛ ማላ ታ ሞርኬታ ታ ቦላ ጼይጋዳሳ፤ ኔ ሃንቆ ጋላስ ኦኒካ ኬሲ ኤኪቤና፤ ዎይኮ ሼምፖራ ፓጻ ኣቲዳይ ዴና፤ ታ ዬላ ዲቺዳይታ ሞርኬይ ታፔ ይሲዴስ።