ኤርማሳ ቲንቢቴ 14:17 - ጋሞ ማጻፋ

¹⁷ ሃ ቃላ ኢስታስ፥ « ‹ታ ዴሬይ ኬሂ ዴሼቲዲ ማዱንጺዳ ጊሻስ፥ ታ ኣይፌቲ ኦማርሲኔ ጋላስ ሼምፖንታ ኣፉንጼቴስ።

Geeshsha Maxaafa

¹⁷ Ha qaala isttas, « ‹Ta derey keehi deshettidi madunxida gishshas, ta ayfeti omarsinne gallas shempontta afunxxeettes.

ኤርማሳ ቲንቢቴ 14:17 Referans Kwoze

ኤርማሳ ቲንቢቴ 8:21

ታ ዴሬይ ማዱንጺሺን ታኒካ ማዱንጻዲስ፤ ዬካዲሲኔ ዳጋማዲስ።

ኤርማሳ ዚላስ 2:13

«ሃኔ ዬሩሳላሜ! ታ ኔ ጊሻስ ኣይ ጋናስ ዳንዳያዚና? ታ ኔና ኣዛራ ጊናሳ ጼሎ? ሃኔ ዶሴቲዳ ጺዮኔ ጌላኦዬ! ታ ኔና ዎስታ ሚንናስ ዳንዳያዚና? ኔ ማዱንይ ኣባፌካ ጪማቴስ፤ ኔና ፓናስ ዳንዳይዛይ ኦኔ?

ኤርማሳ ቲንቢቴ 13:17

ኢንቴ ሲዮንታ ኢጺኮ፥ ኢንቴ ኦቶሬቴ ጊሻስ ታ ሼምፖያ ጌማን ዬካና፤ ጎዳ ዉዴይ ዲኤቲ ቢቺዳ ጊሻስ ታኒ ጫሞ ዬሆ ዬካይስ፤ ታ ኣይፌፔ ኣፉን ሃ ማላ ጎጌስ።

ኤርማሳ ቲንቢቴ 9:1

ሹኬቲዳ ታ ዴራ ጊሻስ ኦማርሲኔ ጋላስ ታ ዬካና ማላ ታ ሁኤይ ሃ ኦላ፥ ታ ኣይፌቲካ ፑልቶ ማላ ኣፉን ጎጊሲዳኮ ታ ኣይ ማላ ዶሳንዲና!

ሚኪያሳ ቲንቢቴ 6:13

ሄሳ ጊሻስ ታ ኔና ይሳና ዴንዳዲስ፤ ኔ ናጋራ ጌዶን ታ ኔና ላላና።

ኤርማሳ ዚላስ 2:18

ዬሩሳላሜ ጊምቤ ጊዶን ዲዛ ኣሳዉ! ጾሳኮ ዋሲቴ፤ ኢንቴ ኣፉን ኦማርሲኔ ጋላስ ዲኦ ማላ ጎጎ፤ ኢንቴካ ሼምፖፍቴ፤ ኢንቴ ኣይፌሲካ ሼምፖ ኢሞፍቴ።

ኤርማሳ ቲንቢቴ 10:19

ዋኖ ኣይ ሃኖ! ታ ማዱንይ ፓጾንታ ማዱን። ጊዶ ኣቲን ታ ታና፥ «ሃይሲ ታ ሃርጌ፤ ታኒ ዳንዳያናስ ቤሴስ» ጋዲስ።

ኢሳያሳ ቲንቢቴ 37:22

«ጎዳይ ሴናኪሬሜ ጊሻስ ዮቲዳ ቃላይ፥ «ጌላኦያ ጺዮኔ ናያ ኔና ካዱሲኔ ሌቃዱስ። ዬሩሳላሜ ናያ ኔ ባቃቲሺን ቤኣዳ ባ ቆ ቃዱስ።

ዬ ማጻፋ 39:10

ኔ ቦሻ ታ ቦላፌ ዴን፤ ኔ ዎልቃማ ሾቻ ጋሶን ታ ዳቡራዲስ።

ኣሞጼ ቲንቢቴ 5:2

«ጌላኦያ ኢስራኤሌይ ኩንዳዱስ፤ ናምኣን ዴንዳናስ ዳንዳዩኩ፤ ኢዞ ማዲ ዴንናይ ባይንዳ ጊሻስ ኢዛ ባርካ ባ ዴሬን ኩንዳ ኣታና።»

ዬ ማጻፋ 119:136

ኔ ዎጋይ ቦንቼቶንታ ጊሻስ ታ ኣፉን ሃ ማላ ጎጌስ።

ኤርማሳ ቲንቢቴ 8:18

ታ ጬጪዛ ዎዴ ታና ሚንዛይሶ! ታ ዎዚናይ ኬሂ ሜቂዴስ።

2ካዎታ ማጻፋ 19:21

ሄሳ ጊሻስ ጎዳይ ኢዛ ቦላ ዮቲዳ ቃላይ ሃይሳ። «ጌላኦ ጺዮኔ ናያ ኔና ካዱሲኔ ካዉሻዱስ፤ ዬሩሳላሜ ናያ ኔ ኢዚ ቦላራ ፒራ ቢሺን ባ ቆ ኔ ቦላ ቃዉስ።

ኤርማሳ ቲንቢቴ 9:18

ኢስቲ ኤሶን ዬቶ፤ ኑ ኣይፌራ ኣፉን ጎጋናሼ ጋካናሲኔ ኑ ሲጲንራ ኣፉን ፑልታና ጋካናስ ኑ ጊሻስ ዚላሌቶ።

ኤርማሳ ቲንቢቴ 18:13

ሄሳ ጊሻስ ጎዳይ፥ «ኣኔ ካዎቴታ፥ ‹ሃይሳ ማላ ሚሺ ኢንቴ ጊዶን ሴቴቲ ኤሪዜ?› ጊ ኦይቺቴ። ጌላኦያ ኢስራኤሌይ ሃራሲዛ ኢታ ሚሽ ኦዱስ።

ኤርማሳ ዚላስ 2:11

ታ ዴሬይ ዉሪዴስ፤ ናቴ ናይቲኔ ቄሪ ናይቲ ካታማ ጊዶን ላባኒ ኩንዲዳ። ሄሳ ጊሻስ ታ ኣይፌይ ኣፉንን ባልጁሚዴስ፤ ታስ ማራጬይ ኮኮሪዴስ፤ ታ ዎዚናይካ ሴሪዴስ፤