ኤርማሳ ቲንቢቴ 14:14 - ጋሞ ማጻፋ

¹⁴ ሂስቲን ጎዳይ ታስ፥ «ናቤቲ ታ ሱንን ዎርዶ ዮቴቴስ። ታኒ ኢስታ ኪታቤኬ፥ ኣዛዛቤኬ፥ ኢስታስካ ዮታቤኬ። ኢስቲ ኢንቴስ ዎርዶ ኣጁታ፥ ሙሬኖ ዮኦ፥ ሃዳ ዮኦኔ ባንታ ዎዚናን ዲዛ ባሌ ዮኦ ዮቴቴስ።

Geeshsha Maxaafa

¹⁴ Histtiin GODAY taas, «Nabeti ta sunththan wordo yooteettes. Tani istta kiittabeekke, azazabeekke, isttaskka yootabeekke. Istti inttes wordo ajjuuta, muurenno yo7o, hada yo7onne bantta wozinan diza baleththo yo7o yooteettes.

ኤርማሳ ቲንቢቴ 14:14 Referans Kwoze

ሂዚቄላ ቲንቢቴ 12:24

ሃይሳፌ ጉዬ ኢስራኤሌ ዴራ ጊዶን ዎርዶ ኣጁታይኔ ኣስ ሙሬኖ ኦሶይ ዴና።

ኤርማሳ ቲንቢቴ 29:31

«ሃይሳ ሃ ኪታ ዲኤቴን ዲዛይታስ ኡባስ፥ ‹ኔሄላሜ ዴሬ ኣስ ሻማኤይ ታኒ ኪቶንታ ቲንቢቴ ዮቲዴስ፤ ኢንቴ ዎርዶን ኣማኔታና ማላ ኦዴስ› ጋ ኪታ።

ኤርማሳ ዚላስ 2:14

ኔ ናቤታ ኣጁታይ ዎርዶኔ ጮ ሃዳ፤ ኔ ናጋራ ቆንጪሲዲ ኔና ዲኤቴፌ ኣሼቴና፤ ኢስቲ ኔስ ዮቲዛ ቲንቢቴይ ባሌዛዚኔ ኦጌፔ ካሬ ኬሲዛዛ።

ሚኪያሳ ቲንቢቴ 3:11

ካሌዛይቲ ማታኤስ ፒርዴቴስ፤ ቄሴቲ ሚሻ ጊሻስ ታማርሴቴስ፤ ናቤቲካ ሚሼ ሚዳ ጊሻስ ዮቴቴስ። ሄሳ ኡባ ኦዲካ፥ «ጾሲ ኑ ጊዶን ዴስ ጊዴኔ? ኣይ ኢታይካ ኑ ቦላ ጋኬና» ጊሼ ጾሳን ጬቄቴቴስ።

ኤርማሳ ቲንቢቴ 5:31

ናቤቲ ዎርዶ ቲንቢቴ ዮቴቴስ፤ ቄሴቲካ ኢስታ ዞሬን ኣይሴቴስ። ታ ኣሳይካ ሄሳ ማላ ሚሽ ዶሴስ! ሂስቲን ዉርሴን ኢንቴ ኣይ ኦኔ?» ጌስ።

ሂዚቄላ ቲንቢቴ 21:29

ኔ ጊሻስ ቤኢዳ ዎርዶ ኣጁታይ፥ ኔስ ዮቴቲዳ ሙሬኖይ ዲኮካ፥ ኢስታስ ጌኔ ጹኣይ ኩሚሺን፥ ኢስታ ባሬይ ጋኪሺን ሲፌታና ቤሲዛ ኢታታ ቆ ቦላ ዎና።

1ጺምቶሳስ 4:2

ሄሳ ማላ ቲሚርቴይ ኢስታ ቆፋይ ቦንቆ ቢራታን ጹጌቲዳ ማላ ጌላቴን ዶጪዳ ቆፔ ቆሞን ሃኒዛ ዎርዳንቻ ኣሳታፔ ያና።

ዛካራሳ ቲንቢቴ 13:3

ኦኒካ ታኒ ናቤ ጊኮ ኢዛዴ ዬሊዳ ኣዋይኔ ኣዬያ ኢዛ ኔ ጎዳ ሱንን ዎርዶ ሃሳይዳ ጊሻስ ኔስ ሃይቆይ ቤሴስ ጌቶ፤ ኢዚ ቲንቢቴ ሃሳይሺን ኢዛ ዬሊዳይቲ ኢዛ ጫዴቶ።

ዛካራሳ ቲንቢቴ 10:2

ኤቃ ጾሳቲ ባሌ ዮኦ ዮቴቴስ፤ ማሮቲ ዎርዶ ኣጁታ ቤዬቴስ፤ ካዪዛይቲ ዎርዶ ኣጉሞ ኣጉሜቴቴስ፤ ኣሳካ ጮ ሃዳ ዮኦን ሚንቴስ፤ ሄሳ ጊሻስ ዴሬይ ሄሚዛዴይ ባይንዳ ዶርሳ ማላ ጮ ሜላ ቶይላቲሼ ቆሄቲዴስ።

ሂዚቄላ ቲንቢቴ 13:23

ሄሳ ጊሻስ ሃይሳፌ ጉዬ ዎርዶ ኣጁታ ቤኤኬታ፤ ሙሬኖካ ሙሬኔኬታ፤ ታ ዴራ ኢንቴ ኩሼፔ ዎ ኤካና፤ ታኒ ጎዳ ጊዲዳይሳ ኢንቴ ሄ ዎዴ ኤራና› ጌስ» ጊዴስ።

ኤርማሳ ቲንቢቴ 37:19

‹ኣኔ ባቢሎኔ ካዎይ ኢንቴናኔ ሃ ቢታዮ ዪዲ ኦሌና› ጊዲ ኢንቴስ ቲንቢቴ ዮቲዳ ናቤቲ ሃኢ ኣዋን ዲዞ?

ኤርማሳ ቲንቢቴ 29:21

ኡባፌ ዎልቃማ ጎዳ ኢስራኤሌ ጾሳይ ታ ሱንን ዎርዶ ቲንቢቴ ኢንቴስ ዮቲዛ ቆላያ ና ኣካቤ ጊሻሲኔ ማኢሳያ ና ሴዴቂያሳ ጊሻስ ታኒ ኢስታ ባቢሎኔ ካዎ ናቡካዳናጾሬስ ኣ ኢማና፤ ኢንቴ ጼሊሺን ኢዚ ኢስታ ዎና።

ኤርማሳ ቲንቢቴ 28:15

ሄሳፌ ጉዬ ናቤ ኤርማሲ ናቤ ሃናኒያስ፥ «ሃናኒያ ሲያ! ጎዳይ ኔና ኪቲቤና፤ ጊዶ ኣቲን ኔኒ ሃ ኣሳይ ዎርዶ ሚሻን ኣማኔታና ማላ ኦዳሳ።

ኤርማሳ ቲንቢቴ 28:13

«ባዳ ሃናኒያስ፥ ‹ኔኒ ሚ ቃምባራ ሜንዳሳ፤ ታኒ ጊዲኮ ኢዛ ጊሻስ ቢራታ ቃምባራ ጊጊሳና› ጌስ ጎዳይ ጋዳ ዮታ።

ኢሳያሳ ቲንቢቴ 9:15

ጪማቲኔ ቦንቼቲዳይቲ ሁኤ፤ ዎርዶ ታማርሲዛ ናቤቲ ጎይና።

1ዮሃኒሳ ኪታ 4:1

ታ ኢሻቶ! ኣያና ዉርሲ ኣማኖፒቴ፤ ጊዶ ኣቲን ኣያናቲ ጾሳፌኮኔ ፓጪ ጼሊቴ፤ ጋሶይካ ዳሮ ዎርዶ ናቤቲ ቢታ ቦላ ላሌቲዳ።

ዛሬ ማጻፋ 18:20

ጊዶ ኣቲን ታ ኢዛ ኣዛዞንታ ጻላቴን ታ ሱንን ዮቲዛ ናቤይ ዎይኮ ኤቃ ጾሳታ ሱንን ዮቲዛ ናቤይ ሃይቆ።

ኢሳያሳ ቲንቢቴ 56:10

ኢስራኤሌ ኣሳ ናጊዛይቲ ቆቄ፤ ኢስታስ ኤራቴ ዴና ኢስቲ ኡባይ ቦጮንታ ካና ማላ፤ ቦጫናስ ዳንዳዬቴና፤ ኢስቲ ኢቺዲ ኣጉሜቴቴስ፤ ኢስቲ ስካንቻ።

ኤርማሳ ቲንቢቴ 8:11

ኢስቲ ታ ዴሬዛ ማዱን ቄሪ ሚሻን ቆዲዲ ማዶንታ ሌ ኢሜቴስ፤ ሳሮይ ባይንዳ፥ ‹ሳሮ፥ ሳሮ› ጌቴስ።

ኤርማሳ ቲንቢቴ 20:6

ፓሽኩሬ! ኔኒኔ ኔ ሶሆን ዲዛ ኡባይካ ዲኤቲዲ ባቢሎኔ ባና። ኔኒኔ ኔ ኢስታስ ዎርዶ ቲንቢቴ ዮቲዳ ኔ ላጌቲ ኡባይ ሄን ሃይቃናኔ ሞጌታና› ጌስ» ጊዴስ።

ኤርማሳ ቲንቢቴ 28:11

ሂስቲዲ ሃናኒያይ ኣሳ ኡባ ሲንን፥ «ጎዳይ፥ ‹ታኒ ናምኡ ላይታ ጊዶን ባቢሎኔ ካዎ ናቡካዳናጾሬ ቃምባራ ካዎቴታ ኡባ ሞርጌፌ ዴንዳ ሃይሳ ሜንና› ጌስ» ጊዴስ። ሄ ዎዴ ናቤ ኤርማሲ ኣጋጊዲ ባ ኦጌ ቢዴስ።

ኤርማሳ ዚላስ 2:9

ኢዚ ፔንጌቲ ዱጌ ቢታን ጌሊዳ፤ ካሬ ጎርዲዛ ቢራታ ኮላታቲ ሜቄሬቲ ዎዳ፤ ኢዚ ካዎዚኔ ዳናቲ ኣይዛቤታን ዲኤቲ ቢዳ፤ ሃይሳፌ ጉዬ ካሴ ኢስታስ ዲዛ ዎጋይ ኦና፤ ኢዚ ናቤታስካ ሃይሳፌ ጉዬ ጎዳፔ ኣጁታይ ቆንጬና።

ኤርማሳ ቲንቢቴ 8:10

ሄሳ ጊሻስ ታኒ ኢስታ ማቼታ ሃራ ኣዚናታስ፥ ኢስታ ቢታታካ ኣላጋታስ ኢማና፤ ጉይካ ጊታይካ ኡባይ ባንታ ጎኣስ ዪቄቴቴስ። ናቤቲኔ ቄሴቲካ ኡባይ ኣስ ባሌቴስ።

ሂዚቄላ ቲንቢቴ 13:2

«ሃይሶ ኣሳ ናዉ! ቲንቢቴ ዮቲዛ ኢስራኤሌ ናቤታ ቦላ ኔኒ ቲንቢቴ ዮታ፤ ባፔ ሜ ኤኪዲ ቲንቢቴ ዮቲዛይታ፥ ጎዳ ቃላ ሲዪቴ!