ኤርማሳ ቲንቢቴ 12:2 - ጋሞ ማጻፋ

² ኔኒ ኢስታ ቶካዳሳ፤ ሂስቲን ጻጶ ዬዲዳ፤ ዲጪዲ ኣይፌ ኣይፊዳ። ኢስቲ ኔና ዶናፔ ዬጌቴና፤ ኔኒ ጊዲኮ ኢስታ ዎዚናፔ ሃኮን ዳሳ።

Geeshsha Maxaafa

² Neni istta tokkadasa; histtiin xapho yeddida; diccidi ayfe ayfida. Istti nena doonappe yeggettenna; neni gidikko istta wozinappe haakon daasa.

ኤርማሳ ቲንቢቴ 12:2 Referans Kwoze

ኢሳያሳ ቲንቢቴ 29:13

ጎዳይ፥ «ሃይሲ ዴሬይ ዶናን ጻላ ታኮ ሺቄስ፤ ባ ሜቴርሻን ጻላ ታና ቦንቼስ፤ ጊዶ ኣቲን ኢዛ ዎዚናይ ታፔ ሃኮን ዴስ። ኢስቲ ኣሲ ታማርሲዳኔ ኣሲ ዎዳ ዎጋን ታስ ጎይኔቴስ።

Titosas 1:16

ኢስቲ ባና ኑኒ ጾስ ኤሮስ ጌቴስ ሺን ባ ሃኖቴን ጊዲኮ ካዴቴስ፤ ኢስቲ ሃራሲዛይታ፥ ኣዛዜቶንታይታኔ ሎኦ ኦሶስ ቤሶንታይታ።

ኤርማሳ ቲንቢቴ 11:17

«ኢስራኤሌ ኣሳቲኔ ዩሁዳ ኣሳቲ ባኣሌስ ኤጻኔ ጩዋሲዲ ታና ዪሎሲዳ ጊሻስ ኢንቴና ቶኪዳ ኡባፌ ዎልቃማ ጎዳይ ኢንቴ ቦላ ኢታ ሚሽ ኤሃናስ ኣዋጃዲስ» ጊዴስ።

ሂዚቄላ ቲንቢቴ 33:31

ኡባ ጋላስ ኢስቲ ኦዛ ማላ ታ ዴሬይ ኔኮ ያና፤ ኔ ቃላ ሲያናስ ኢስቲ ኔ ሲንን ኡታና፤ ጊዶ ኣቲን ሲዪዳይሳ ፖሌቴና። ባንታ ሜቴርሻን ዳሮ ሲቆ ቆንጪሴቴስ፤ ጊዶ ኣቲን ኢስታ ዎዚናይ ቤሶንታ ጎኣን ሼምፒዴስ።

ኤርማሳ ቲንቢቴ 45:4

ጎዳይ፥ «ታኒ ቢታ ቦላ ኬጺዳይሳ ላላና፤ ታ ቶኪዳይሳካ ሾዳና።

ማርቆሳ ሚሺራቾ 7:6

ኢዚካ ኢስታስ፥ «ኢሳያሲ ቆፔ ቆሞን ሃኒዛ ኢንቴ ጊሻስ፥ ‹ሃይሲ ዴሬይ ባ ሜቴርሻን ጻላላ ታና ቦንቼስ፤ ዎዚናይ ጊዲኮ ታፔ ሃኪዴስ።

ኤርማሳ ቲንቢቴ 3:10

ሄሳን ኡባንካ ኢዚ ሚቺያ፥ ኣማኔቶንታ ዩሁዳይ ጮ ሲሚዳ ሚሳታዉሲፌ ኣቲን ኩሜ ዎዚናፔ ታኮ ሲማቤኩ» ጊዴስ።

ኢዮቤ ማጻፋ 5:3

ኤያ ኣሲ ሚኒዲ ዲሺን ቤያዲስ፤ ጊዶ ኣቲን ኢዛ ኣቆይ ቆፖንታ ዲሺን ጾሳ ሃንቆን ላሌቲዴስ።

ዬ ማጻፋ 37:35

ታኒ ኢሲ ሜንጼ ኢታ ኣሲ ዎላ ማላ ዳዪዳይሳ ቤያዲስ።

ኢምባቆ ቲንቢቴ 1:13

ኔ ኣይፌቲ ኢታ ጼሎንታ ማላ ኬሂ ጌሻ፤ ኔኒ ቆሆ ጮኡ ጋ ጼላናስ ዳንዳያካ፤ ሂስቲን ኣስ ባሌዛይታ ኣዛስ ጮኡ ጋዲ? ሄ ኣሳቲ ባፔ ኬሂ ጺሊዛ ኣሳታ ይሲሺን ኔ ኣዛስ ጮኡ ጋይ?

ኢዮቤ ማጻፋ 24:12

ካታማታን ሃይቃናስ ቶቂዛ ኣሳቲ ጎታሬቴስ፤ ማዱንጺዳ ኣሳቲካ ማዶ ኦይሾን ዋሴቴስ። ጾሲ ጊዲኮ ኢስታ ቦላ ኦሴቲዳ ጌኔዛ ቤዪቤና።

ሆሴኤ ቲንቢቴ 7:14

ኢስቲ ባ ሂጻ ቦላ ኢቺዲ ዬኬቴስ፤ ጊዶ ኣቲን ዎዚናፔ ታኮ ዎሴቴና፤ ካሲኔ ኡሻስ ሺቄቴስ፤ ጊዶ ኣቲን ታፔ ሼርኢ ጊዳ።