ኤርማሳ ቲንቢቴ 12:16 - ጋሞ ማጻፋ

¹⁶ ካሴ ታ ኣሳ ባኣሌ ሱንን ጫቃና ማላ ታማርሶይሳካ፥ ‹ጎዳይ ቤኢን!› ጊዲ ታ ሱንን ጫቂኮ ኢስቲ ታ ኣሳ ጊዶን ጻጵዲ ዳና።

Geeshsha Maxaafa

¹⁶ Kase ta asaa Ba7aale sunththan caaqqana mala tamaarsoyssaththoka, ‹GODAY be7iin!› giidi ta sunththan caaqqiko istti ta asaa giddon xaphphidi daana.

ኤርማሳ ቲንቢቴ 12:16 Referans Kwoze

ኤርማሳ ቲንቢቴ 4:2

ኢንቴ ቱማን፥ ሱሬቴኒኔ ጺሎቴን፥ ‹ዴኦ ጎዳይ ቤዪን!› ጊዲ ጫቂኮ፥ ሄ ዎዴ ካዎቴቲ ኢዛን ኣንጄታናኔ ቦንቼታና» ጌስ።

ሶፎናሳ ቲንቢቴ 1:5

ፎቄ ቦላ ኬዚዲ ሳሎ ሜቴታስ ጎይኒዛይታ፥ ጎዳስ ጎይኒሼኔ ኢዛ ሱንን ጫቂሼ ሲሚ ዎዲ ቃሴ ሚልኮሜ ሱንን ጫቂዛይታ፥

ኢያሶ ማጻፋ 23:7

ሃይታ ኢንቴ ጊዶን ኣቲዳ ካዎቴታራ ኢሲፌቶፍቴ፤ ኢስታ ኤቃ ጾሳታ ሱን ጼይጎፒቴ፤ ኢስታ ሱንን ጫቆፍቴ፤ ኢስታስ ኦፍቴኔ ጎይኖፍቴ።

ዛካራሳ ቲንቢቴ 2:11

ሄ ጋላስ ዳሮ ካዎቴቲ ጎዳኮ ሺቂዲ ኢዛ ዴሬ ጊዳና፤ ኢዚካ ኔ ጊዶን ዴኣና፤ ኡባፌ ዎልቃማ ጎዳይ ታና ኔኮ ኪቲዳይሳ ኔካ ኤራና።

ኤርማሳ ቲንቢቴ 5:2

ጊዶ ኣቲን ኢስታስ፥ ‹ጎዳይ ቤዪን› ጊ ጫቂኮካ ኢስቲ ቱማፔ ዎርዶ ጫቄቴስ» ጌስ።

ኤርማሳ ቲንቢቴ 3:17

ሄ ዎዴን ኢስቲ ዬሩሳላሜ፥ ‹ጎዳ ኣራታ› ጊ ጼይጋና። ካዎቴ ኡባፌ ኣሳይ ጎዳ ሱን ቦንቻናስ ዬሩሳላሜ ሺቃና። ሄሳፌ ኢስቲ ባንታ ኢታ ዎዚና ሃኖቴ ካሌቴና።

ኢሳያሳ ቲንቢቴ 65:16

ሄሳ ጊሻስ ቢታይ ቦላ ኣንጆ ኮይዛዴይ ቱማ ጾሳ ሱንን ኣንጄታና፤ ቢታይን ጫቂዛ ኣሲ ቱማ ጾሳ ሱንን ጫቃና፤ ካሴ ኣዳ ሜቶቲ ዶጌቲዳ፤ ታ ኣይፌፔካ ጌሚዳ» ጌስ።

ኢሳያሳ ቲንቢቴ 49:6

«ኔኒ ታስ ኦሳንቻ ጊዴ፥ ያቆቤ ቆሞታ ኔ ዛራናይሲኔ ታ ናጊዳ ኢስራኤሌ ዛራዳ ኔ ኤሃናይሲ ሄሲ ኔና ዴጼና፤ ቃሴካ ታ ኣቶቴ ቢታ ጋጻ ኔ ጋና ማላ፥ ታኒ ኔና ካዎቴታስ ፖኦ ሂስታና» ጌስ።

ኢሳያሳ ቲንቢቴ 45:23

ጉልባቴይ ኡባይ ታ ሲንን ጉልባታና፤ ኢንጻርስ ኡባይካ ታናን ጫቃና፤ ታኒ ታርካ ታ ሁኤን ጫቃዲስ፤ ጉዬ ሲሞንታ ቃላይ ታ ዶናፔ ጺሎቴን ኬዚዴስ።

1ቆሮንቶሴ ኣሳስ 3:9

ጋሶይካ ኑ ጾሳራ ኢሲፌ ኦዛይታ፤ ኢንቴካ ጾሳ ጎሻ ጋዴኔ ጾሳ ኬታ።

ኦሮሜ ኣሳስ 14:11

«ታ ፓጻ ዳይስ፤ ጉልባቴይ ዉሪካ ታስ ጉልባታና። ኢንጻርሲ ዉሪ ጾሳስ ማርካታና» ጌቴቲ ካሴ ጌሻ ማጻፋን ጻፌቲዴስ።

Siiqo Saba 1:8

«ሃ ማጫ ኡባፌ ኣ ሎኢዛ ማላንቻዬ! ታ ዲዛሶ ኤሮንታ ኣጊኮ ዶርሳቲ ቢዳ ጌዶ ካላዳ ያ፤ ኔ ዴይሻ ላቃታካ ሄንንቻታ ዱንካኔ ማታን ሄማ።»

ኦሮሜ ኣሳስ 11:17

ኬ ማታን ዲዛ ዎጋራ ሚ ሃጋታ ማላቲ ኢንቴ ሜቂ ዎን ሃንኮ ዎራን ዲዛ ዎጋራ ሚታ ሚሳቲዛ ኣይዛቤቲ ኢንቴ ኪቾሳን ጊዲዲ ኢንቴ ሃሮኔ ኢንቴ ኣንጆ ሻኪ ኤኪዛዴንታ ጊዲኮ፥

ኡሩቲ ማጻፋ 3:13

ሃኢ ሃይሳን ኣቃ፤ ቢታኔዚ ኔና ላታና ኮይኮ ሎኦ፤ ኢዚ ኔና ላታና ኮዮንታ ኣጊኮ ታ ኔስ ጎዳን ጫቃይስ ታ ላታ ኤካና፤ ጋዴይ ዎንታና ጋካናስ ሃይሳን ኢቻ» ጊዴስ።

ኢሳያሳ ቲንቢቴ 42:6

«ታኒ ጎዳይ ኔና ጺሎቴን ጼይጋዲስ፤ ታ ኔ ኩሼ ኦይካና፤ ታ ኔና ናጋና። ታኒ ኔና ካዎቴስ ጫቆ ቃላ፥ ኣይዛቤታስካ ፖኦ ሂስታና

ኤርማሳ ቲንቢቴ 5:7

ጎዳይ፥ «ታኒ ኢንቴ ናጋራ ኣይስ ኣቶ ጎ? ኢንቴ ናይቲ ታና ኣጊዳ፤ ኤቃ ጾሳታንካ ጫቂዳ፤ ታኒ ኢስታ ካልሳ ሚዛዲስ፤ ኢስቲ ጊዲኮ ላይማቲዳኔ ላይማ ኬ ቢዳ።

ኤርማሳ ቲንቢቴ 6:16

ጎዳይ፥ «ዳጋላ ኦጌ ቦላ ኤቂ ጼሊቴ፤ ቤኒ ኦጌዮ ኦይቺቴ፤ ሎኦ ኦጌይ ኣዋሪ? ኢዚራ ቢቴ፤ ኢንቴ ኢንቴ ሼምፖስ ሼምፖ ዴማና፤ ኢንቴ ጊዲኮ፥ ‹ኑ ኢዚራ ቦኮ!› ጊዴታ።

ኤርማሳ ቲንቢቴ 16:19

ታስ ሚኖቴኔ ሚጻ ጊዳዳ ሜቶ ጋላስ ታ ሺቃ ኣቲዛሶ ጊዲዳ ጎዳዉ! ካዎቴቲ ሳኣ ጋጻፔ ኔኮ ዪዲ፥ «ካሴ ኑ ኣዋቲ ባና ኣይኮካ ማዶንታ ኤቃ ጾሳታስ ጎይኒዳ።

ኤርማሳ ቲንቢቴ 18:8

ሄ ታኒ ዮቲዳ ካዎቴይ ባ ኢታቴፌ ኣጊዲ ሲሚኮ፥ ታኒ ኢስታ ቦላ ኤሃና ጊዳ ኢታ ሚሽ ኤሆንታ ኣጋጋና።

ዛካራሳ ቲንቢቴ 1:6

ጊዶ ኣቲን ታኒ ታ ናቤታ ባጋራ ዮቲዳ ቃላቲኔ ዎጋቲ ኢንቴ ኣዋታ ቦላ ጋኪቤቴኔ? ‹ኢስቲካ ማሮቴን ጌልሼ ኡባፌ ዎልቃማ ጎዳይ ባ ኮዪዳ ማላ ኑ ኦሶ ማላኔ ኑ ኦጌ ማላ ኑስ ቤሲዛዝ ኑ ቦላ ኦዴስ› » ጊዳ።

ኢሳያሳ ቲንቢቴ 2:3

ዳሮ ኣሳይ ዪዲ፥ «ዎጋይ ጺዮኔፔ፥ ጎዳ ቃላይ ዬሩሳላሜፔ ኬዚዛ ጊሻስ ሃ ዪቴ! ጎዳ ዙማ፥ ያቆቤ ጾሳ ኬ ኣኔ ፑዴ ኬዞስ። ኢዚ ኮይዛይሳ ኑኒ ባና ማላ ኢዚ ኑና ባ ኦጌ ታማርሳና» ጋና።