ኤርማሳ ቲንቢቴ 12:1 - ጋሞ ማጻፋ

¹ ኣቤት ጎዳዉ! ታኒ ኔናራ ፓላሜቲዛ ዎዴ ኡባንካ ኔ ጺሎ። ኢታ ኣሳቲ ኦዛይሲ ኢስታስ ኣይስ ኢንጄቲዜ? ኣማኔቶንታይቲ ኣይስ ኢሻሎ ዱስ ዲዞ?

Geeshsha Maxaafa

¹ Abeet GODAWU! Tani nenara palamettiza wode ubbaankka ne xillo. Iita asati ooththizayssi isttas ays injjetizee? Ammanettonttayti ays ishalo duus dizoo?

ኤርማሳ ቲንቢቴ 12:1 Referans Kwoze

ሚልካሳ ቲንቢቴ 3:15

ሃኢ ኑ ኦቶራንቻቲ ኣንጄቲ ዲሺን ኢታ ኦዛይቲ ዱሬቲሺን ጾሳ ፓጪዛይቲ ኬሲ ኤኪ ኣቲሺን ቤዮስ› ጌታ» ጌስ ኡባፌ ዎልቃማ ጎዳ ጾሳይ።

ዬ ማጻፋ 92:7

ኢታቲ ማታ ማላ ዲጪኮካ፥ ጌኔ ኦዛ ኡባቲ ጪይኮካ ኢስቲ ሜርናስ ያና።

ዬ ማጻፋ 37:1

ኢታ ኦዛይታ ቤኣዳ ዪሎቶፓ፤ ናጋራ ኦዛይታ ቃናቶፓ።

ዳኔላ ቲንቢቴ 9:7

«ኣቤት ጎዳዉ! ኔኒ ጺሎ፤ ኑኒ ጊዲኮ ኔስ ኣማኔቶንታ ጊሻስ ኑና ቢታ ኡባ ቦላን ኔ ላሊዳ ዩሁዳ ኣሳይ፥ ዬሩሳላሜ ኣሳይኔ ኩሜ ኢስራኤሌ ኣሳይ ማታን ጊዲን ሃሆን ዲዛ ኡባይ ሃኢ ዬላቲዶስ።

ኢዮቤ ማጻፋ 12:6

ባ ኤቃ ጾሳታ ጎይኒዛይቲ፥ ካይሶቲኔ ጾሳ ካዲዳ ኣሳቲካ ሳሮን ዴቴስ።

ኢምባቆ ቲንቢቴ 1:4

ሄሳ ጊሻስ ዎጋይ ሌፒዴስ፤ ቱማ ፒርዳይ ዴና፤ ቱማ ፒርዳይ ጌላታና ማላ ኢታቲ ጺሎታ ኡንኤቴስ።

ዬ ማጻፋ 51:4

ታ ኔና ጻላ ቆሃዲስ፤ ቃሴካ ኔ ሲንን ኢታ ኦዲስ። ሄሳ ጊሻስ ኔ ቃጻይዳ ቂጻቴን፥ ኔ ታ ቦላ ፒርዲዳ ፒርዳንካ ኔ ጺሎ

ዬ ማጻፋ 37:35

ታኒ ኢሲ ሜንጼ ኢታ ኣሲ ዎላ ማላ ዳዪዳይሳ ቤያዲስ።

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ኤርማሳ ቲንቢቴ 11:20

ዎዚናኔ ኪላሆ ፓጫ ጼሊዛ ኡባፌ ዎልቃማ ጎዳዉ! ታ ዮኦታ ኔስ ኢማዲስ፤ ኔኒ ኢስታ ቦላ ሃሎ ኬሲሺን ታ ቤያና።

ኤርማሳ ቲንቢቴ 12:6

ኔ ኢሻቲኔ ኔ ሶሆ ኣሳቲ ኔና ሂሊዳ፤ ኔ ቦላ ዋሲዳ፤ ሄሳ ጊሻስ ኢስቲ ኔስ ሎኦ ሃሳይኮካ ኔ ኢስታ ኣማኖፓ።

ኢዮቤ ማጻፋ 13:3

ጊዲኮካ ታ ሃሳያይ ኡባ ዳንዳይዛ ጾሳራ፤ ታ ኢዛራካ ማርሼታና።

ኢዝራ ማጻፋ 9:15

ጎዳ ኢስራኤሌ ጾሳዉ! ኔኒ ቱሙ ፒርዲዛ ጾሳ፤ ጊዶ ኣቲን ኑኒ ጉቲ ዮፔ ኣቲዲ ዴኦን ዳና ማላ ኦዳሳ፤ ኑኒ ኔ ሲን ሺቃና ቤሲዛይታ ጊዶኮሺን ሄኮ ኑኒ ኑ ሞሮራ ኔ ሲን ሺቂዶስ።»

ሆሴኤ ቲንቢቴ 6:7

ኢስቲ ቃሴ ካሴ ኣዳሜ ጌቴቲዛሶን ታናራ ጌሊዳ ጫቆ ቃላ ላሊዳ፤ ሄንካ ኢስቲ ታናን ኣማኔቲቤቴና።

ኢሳያሳ ቲንቢቴ 48:8

ኔኒ ሲያቤካ ዎይኮ ኤራቤካ፤ ኔ ሃይ ቤኒፔካ ዶዬቲቤና። ጋሶይካ ኔኒ ካሴካ ጪሚዛዴኔ ናቴፌ ዶማዳ ኔ ማካላንቻ ጌቴቲዳይሳ ታ ኤራዲስ።

ኢሳያሳ ቲንቢቴ 41:21

ጎዳይ፥ «ኣኔ ኢንቴ ሞቶ ኤኪዲ ሃ ሺቂቴ» ጌስ። ያቆቤ ካዎይ፥ «ኣኔ ኢንቴ ሞቶ ዳፋ ሃ ኤሂቴ» ጌስ።

ሌሚሶ ማጻፋ 1:32

ዎዚናይ ፓጪዳይታ ኣ ኤራቴፌ ሃኮይ ኢስታ ዎና፤ ባላታ ዉዳ ዮይ ኢስታ ይሳና።

ዬ ማጻፋ 145:17

ጎዳይ ባ ኦጌ ኡባን ጺሎ፤ ኢዚ ባ ኦሶ ኡባን ኪያ።

ዬ ማጻፋ 119:137

ኣቤት ጎዳዉ! ኔኒ ጺሎ፤ ኔ ፒርዳይካ ሊኬ።

ዬ ማጻፋ 119:75

ኣቤት ጎዳዉ! ኔ ፒርዳይ ጺሎ ጊዲዳይሳኔ ኔኒ ታና ቃጻይዳይ ኣማኔቴን ጊዲዳይሳ ታኒ ኤራይስ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ሜቴ ማጻፋ 18:25

ጺሎታ ዎርዶታራ ጋ ዎዛይሲኔ ጺሎታኔ ዎርዶታ ኢሲ ኣይፌን ጼሊዛይሲ ሄሲ ኔፔ ሃኮ፤ ሃ ቢታ ኡባ ቦላ ፒርዲዛ ኔኒ ጺሎ ፒርዲኪ?» ጊዴስ።

ናሂሚያ ማጻፋ 9:33

ኔ ኑና ቃጻያና ጋዳ ኔ ኦዳይሲ ዉሪ ሊኬ፤ ኑኒ ናጋራ ኦኮካ ኔኒ ኔ ኣማኔቴን ሚና ኤቃዳሳ።

ዬ ማጻፋ 116:5

ጎዳይ ኪያኔ ጺሎ፤ ኑ ጾሳይ ማሪዛይሳ።

ኤራንቻታ ማጻፋ 8:14

ሳኣ ቦላ ኦሴቲዛ ሃራይ ሃዳ ሚሺ ዴስ፤ ሄሲካ ጺሎቲ ኢታታስ ቤሲዛ ቂጻቴ፥ ኢታቲ ጺሎታስ ቤሲዛ ሎኦ ሚሽ ኤኬቴስ። ሄይቲ ኡባይካ ሃዳ።

ኤርማሳ ቲንቢቴ 3:7

ኢዛ ሃይሳ ኡባ ኦዳካ ታኮ ሲማና ጋዳ ቆፓዲስ ሺን ሲማቤኩ። ቃሴ ኣማኔቶንታ ኢዚ ሚቾ ዩሁዳይካ ሄሳ ቤያዱስ።

ኤርማሳ ቲንቢቴ 3:20

ጊዶ ኣቲን ኢስራኤሌ ኣሳዉ! ኢንቴ ባ ኣዚናስ ኣማኔቶንታ ማጫሳ ማላ ታስ ኣማኔቲቤኬታ» ጌስ።

ኤርማሳ ቲንቢቴ 9:2

ታኒ ታ ዴራፔ ሻኬታዳ ሃካ ባና ማላ ባዞን ማንዳራይ ኣቂዛሶሆ ታስ ኦኔ ኢማናይ! ኢስቲ ኡባይካ ላይማቲዛይታኔ ባሌዛይታ ጊዲዳ።

ኤርማሳ ቲንቢቴ 32:16

ታኒ ኔሪያ ና ባሮኬስ ጋዴዛ ሻሚዳ ዉሌ ዋራቃታ ኢሚዳፔ ጉዬ ጎዳ፥

ኤርማሳ ዚላስ 1:18

«ጾሲ ጺሎ፤ ታኒ ጊዲኮ ኢዛ ኣዛዞ ቦላ ማካላዲስ፤ ኢንቴ ዉሪካ ሲዪቴ፤ ታ ሜቶዛካ ጼሊቴ፤ ማጫ ናይቲኔ ናቴ ኣቱማ ናይቲ ታፔ ዲኤቲ ቢዳ።

ሂዚቄላ ቲንቢቴ 18:25

«ኢንቴ ጊዲኮ፥ ‹ጎዳ ኦጌይ ሱሬ ጊዴና› ጌታ። ኢንቴኖ ኢስራኤሌ ኣሳቶ! ሃኢ ሲዪቴ! ታ ኦጌይ ሱሬ ጊዴኔ? ጌላይ ኢንቴ ኦጌ ጊዴኔ?

ኢዮቤ ማጻፋ 8:17

ጻጶዛ ሹቻ ሙሄ ጊዶን ዬዴስ፤ ዛላ ዛኣን ጻጴስ።

ኢዮቤ ማጻፋ 24:12

ካታማታን ሃይቃናስ ቶቂዛ ኣሳቲ ጎታሬቴስ፤ ማዱንጺዳ ኣሳቲካ ማዶ ኦይሾን ዋሴቴስ። ጾሲ ጊዲኮ ኢስታ ቦላ ኦሴቲዳ ጌኔዛ ቤዪቤና።

ኢዮቤ ማጻፋ 24:23

ጾሲ ኢስታ ሳሮን ዳና ማላ ኦኮካ፥ ኢስቲ ቢዛ ኦጌ ኡባ ቲሺ ሂስቲ ጼሌስ

ዬ ማጻፋ 51:6

ሄኮ ኔኒ ኣሳ ዎዚናፔ ቱማ ኮያሳ፤ ሄሳ ጊሻስ ታ ጊዶ ኣሳቴ ኔ ኣ ኤራቴ ታማርሳ።

ዳኔላ ቲንቢቴ 9:14

ጎዳ ኑ ጾሳይ ባ ኦዛ ኦሶ ኡባን ጺሎ፤ ጎዳይ ኑ ቦላ ባሽ ኤሃናስ ሞቲቤና።

ሚልካሳ ቲንቢቴ 2:17

ኢንቴ ጮ ሃዳ ሃሳያን ጎዳ ሳሌዴታ፤ «ኑ ኢዛ ኣዛን ሳሌዶኒ?» ጌታ፤ ኢንቴ ኢዛ ሳሌዳይ፥ «ኢታ ኦዛይቲ ኡባይ ጾሳ ሲንን ሎኦ፤ ኢዚካ ኢስታን ኡፋዬቴስ» ጉሳን ዎይኮ «ቱማ ፒርዲዛ ጾሲ ኣዋን ዲዜ?» ጉሳና።