ኤርማሳ ቲንቢቴ 10:7 - ጋሞ ማጻፋ

⁷ ኣቤት ካዎቴታስ ካዎ! ኔስ ያዮንታይ ኦኔ? ኔስ ቦንቾይ ቤሴስ፤ ጋሶይካ ኣ ኤራንቻታ ጋርሳኒኔ ኢስታ ካዎቴታ ኡባ ጋርሳን ኔ ማላይ ዴና።

Geeshsha Maxaafa

⁷ Abeet kawoteththatas kawoo! Nees yayyonttay oonee? Nees bonchchoy bessees; gaasoykka aadho eranchchata garsaninne istta kawoteththata ubbaa garsan ne malay deenna.

ኤርማሳ ቲንቢቴ 10:7 Referans Kwoze

ዮሃኒሳ ኣጁታ 15:4

ጎዶ፥ ኔስ ባቦንታ ኣሲኔ ኔ ሱን ቦንቾንታ ኣሲ ኦኔ? ኔኒ ኔርካ ጌሻ፤ ኔ ቱማ ፒርዳይ ቆንጪዳ ጊሻስ ዴሬቲ ዉሪ ዪዲ ኔ ሲንን ኔስ ጎይናና» ጊ ዬጺዳ።

ዬ ማጻፋ 22:28

ኣይስ ጊኮ ማታይ ኢዛሳ፤ ካዎቴይ ኡባይ ኢዛስ ሃሬታና።

ኤርማሳ ቲንቢቴ 10:6

ኣቤት ጎዳዉ! ኔ ማላይ ኦኒካ ዴና። ኔኒ ጊታ፤ ኔ ሱንይካ ጊታኔ ዎልቃማ።

ኤርማሳ ቲንቢቴ 5:22

ኢንቴ ታስ ያያናስ ቤሴኔ? ኢንቴ ታ ሲንን ኮኮራናስ ቤሴኔ? ኣይስ ጊኮ ኢዚ ሜርናስ ካን ቦንታ ማላ፥ ታኒ ኣንጮ ኣባስ ዛዋ ኦዲስ። ዳምባላይ ቡላኬቲኮካ ዛዋፔ ኣና፤ ኢዚ ጉሚኮካ ፒናናስ ዳንዳዬና።

ዬ ማጻፋ 89:6

ሳሎን ጎዳራ ሊኬታናስ ዳንዳይዛይ ኦኔ? ሳሎ ሜቴታ ጊዶንካ ጎዳ ማላይ ኦኔ?

ሉቃሳ ሚሺራቾ 12:5

ጊዶ ኣቲን ኢንቴ ባባናስ ቤሲዛይ ኦናኮ ታ ኢንቴና ቤሳና፤ ኣሾ ዎዳፔ ጉዬ ኣሾኔ ሼምፖ ኢሲፌ ጋ ጋናሜ ታማን ዬጋናስ ዳንዳይዛይሳስ ባቢቴ፤ ኤ ኢዛስ ባቢቴ ጋይስ።

ዛካራሳ ቲንቢቴ 2:11

ሄ ጋላስ ዳሮ ካዎቴቲ ጎዳኮ ሺቂዲ ኢዛ ዴሬ ጊዳና፤ ኢዚካ ኔ ጊዶን ዴኣና፤ ኡባፌ ዎልቃማ ጎዳይ ታና ኔኮ ኪቲዳይሳ ኔካ ኤራና።

ኢሳያሳ ቲንቢቴ 2:4

ኢዚ ካዎቴታ ጊዶን ፒርዳና፤ ዳሮ ኣሳታ ጋርሳን ዲዛ ፓላማ ኢዚ ዲጋና። ኢስቲ ባንታ ጊ ማሻ ማራሻ፥ ባንታ ቶራካ ባጫ ቆጺ ኬሳና። ዴሬይ ዴሬ ቦላ ማሻ ዴንና፤ ሄሳፌ ጉዬ ኢስቲ ኦላ ታማሬቴና።

ዬ ማጻፋ 86:9

ኣቤት ጎዳዉ! ኔኒ ሜዳ ካዎቴይ ኡባይ ኔኮ ዪዲ ኔስ ጎይናና፤ ኔ ሱንካ ቦንቻና።

ዬ ማጻፋ 76:7

ኣቤት ጾሳዉ! ኔኒ ያሻሳ! ኔ ሃንቆይ ሱሊዳ ዎዴ ኔ ሲንን ኦኔ ኤቃናይ?

ዬ ማጻፋ 72:11

ካዎቲ ኡባይ ኢዛስ ጉልባታና፤ ካዎቴይ ኡባይ ኢዛስ ሃሬታና።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

ኬሳ ማጻፋ 8:10

ሂስቲን ካዎዚ፥ «ዎንቶ ጊዶ» ጊዴስ። ሙሴይካ፥ «ጎዳ ኑ ጾሳ ማላይ ኦኒካ ባይንዳይሳ ኔኒ ኤራና ማላ ኔ ጊዳ ማላ ኦና።

ኬሳ ማጻፋ 9:14

ኔ ዬዶንታ ኢጺኮ ኔ ቦላ፥ ዳናታ ቦላኔ ኔ ኣሳ ቦላ ታ ዎልቃማ ሃንቆ ሃኢ ዬዳና፤ ሄሳንካ ቢታ ቦላን ታ ማላይ ባይንዳይሳ ኔኒ ኤራና።

ኢያሶ ማጻፋ 4:24

ሄሳ ኢዚ ኦዳይ ሳኣን ዲዛ ኣሳይ ዉሪ ጎዳ ዎልቃይ ኣይ ማላ ጊታኮ ኤራናሲኔ ኢንቴካ ጎዳስ ኢንቴ ጾሳስ ሜርናስ ያያናሳ» ጊዴስ።

ኣስቴሪ ማጻፋ 1:13

ሱሬኔ ቱማ ፒርዳ ፒርዳናስ ኤራንቻታፔ ዞሬ ኦይሾይ ካዎዛስ ሎሴ ጊዲዳ ጊሻስ ዎዴ ሃኖቴ ኤሪዛ ኤራንቻታራ ዞሬቲዴስ።

ዳኔላ ቲንቢቴ 2:27

ዳኔሊካ ኢዛስ፥ «ካዎ! ኣይ ኣ ኤራንቻቲ፥ ሳጋቲ፥ ማሮቲኔ ሙሬኒዛይቲ ኔ ኦይቺዳ ጹራ ዮኦዛ ኔስ ዮታናስ ዳንዳዬቴና።

ዳኔላ ቲንቢቴ 2:28

ጊዶ ኣቲን ጹራ ዮኦ ኡባ ቆንጪሲዛ ጾሲ ሳሎን ዴስ፤ ኢዚ ቡሮ ሲንፌ ያና ላይታን ሃናናይሳ ኡባ ኔስ ቆንጪሲዴስ፤ ኔኒ ኔ ሂን ኢቻ ዳሼ ቤኢዳ ኣጉሞይኔ ኣጁታይ ሃይሳፌ ካሊዛይሳ።

ኢምባቆ ቲንቢቴ 3:2

ኣቤት ጎዳዉ! ታ ኔ ጎባቴ ጊሻስ ሲያዲስ። ጎዳዉ ኔ ኦሶይካ ታና ያሺሲዴስ፤ ኔኒ ኔ ኦሶ ኑ ዎዴን ኦራ፤ ኔ ኦሶቲ ኑ ዎዴንካ ኤሬታና ማላ ኦርኪ! ሃንቆ ዎዴካ ማሮቴ ቆፓርኪ!

ሚልካሳ ቲንቢቴ 1:11

ኣዋ ኣርሼይ ኬዚዛሶፔ ዶሚዲ ኣርሼይ ዉሊዛሶ ጋካናስ ታ ሱንይ ዴሬ ኡባ ጊዶን ቦንቼታና፤ ቤቶሶን ኡባን ታ ሱንስ ኤጻኔይኔ ጌሻ ያርሾ ኣሳይ ሺሻና፤ ታ ሱን ኣሳ ኡባ ኣቻን ቦንቼታና።

2ካዎታ ማጻፋ 17:39

ኢንቴ ሞርኬታ ኡባ ኩሼፔ ኢንቴና ኣሺዛይ ኢዛ ጊዲዳ ጊሻስ ጎዳ ኢንቴ ጾሳስ ጎይኒቴ» ጊ ኣዛዚ ዎዴስ።

1ታሪኬ ማጻፋ 16:25

ጎዳይ ጊታ፤ ኢዛስ ቤሲዛ ጋላታይካ ቃ፤ ጾሳታ ኡባፌ ኣስ፤ ኢዛስ ያያናስ ቤሴስ።

ዬ ማጻፋ 47:3

ዴራ ኑ ጋርስ ኣዴስ፤ ካዎቴታካ ኑ ቶሆ ጋርሳን ሃሪሲዴስ።

ዬ ማጻፋ 86:8

ኣቤት ጎዳዉ! ኔ ማላይ ጾሳታ ጊዶን ባዋ፤ ኔ ኦሶራ ጊናቲዛ ኦሶይካ ዴና።

ዬ ማጻፋ 147:5

ኑ ጎዳይ ጊታ፤ ኢዚ ኬሂፔ ዎልቃማ፤ ኢዛ ኤራቴስ ዛዋይ ዴና።