ኤርማሳ ቲንቢቴ 10:22 - ጋሞ ማጻፋ

²² ሲዪቴ! ኢታ ዮኦይ ዩሳ ቦላ ዴስ፤ ሄሲ፥ «ፑዴሃ ባጋራ ዲዛ ካዎቴን ጊታ ቡልኣኬቴ ዩሳን ዴስ» ጊዛይሳ። ኢዛ ኦላንቻቲ ዪዲ ዩሁዳ ካታማታ ባዞኔ ዎራካናታ ዱሳሶ ኬሳና።

Geeshsha Maxaafa

²² Siyite! Iita yo7oy yuussa bolla dees; hessi, «Pudeha baggara diza kawoteththan gita bul7aketeththi yuussan dees» gizayssa. Iza olanchchati yiidi Yuhuda katamata bazzonne worakanata duussaso kessana.

ኤርማሳ ቲንቢቴ 10:22 Referans Kwoze

ኤርማሳ ቲንቢቴ 9:11

ጎዳይ፥ «ዬሩሳላሜ ካታማ ታኒ ቡቲ ካይዚዳሶኔ ዎራካናቲ ካኢዛሶ ኦና። ዩሁዳ ካታማታካ ኣሲ ባይንዳሶ ቡላ ኬሳና» ጌስ።

ሚልካሳ ቲንቢቴ 1:3

ጊዶ ኣቲን ኤሳዌ ኢጻዲስ፤ ኢዛ ዴሬን ዲዛ ዙማታ ባዞ ኬሳዲስ፤ ኢዛ ጋዴዛካ ባዞን ዲዛ ዎራካናታስ ኣ ኢማዲስ» ጊዴስ።

ኤርማሳ ቲንቢቴ 6:22

ቃሴካ ጎዳይ፥ «ሄኮ ፑዴሃ ባጋፌ ኦላንቻቲ ዬቴስ፤ ጊታ ካዎቴ ሳኣ ጋጻፔ ዴን ቦላ ዴስ።

ኤርማሳ ቲንቢቴ 6:1

ጎዳይ፥ «ኢንቴኖ ቢኒያሜ ዛሬቶ! ፑዴሃ ባጋፌ ኢታ ሚሺኔ ባሺ ያና ጊዛ ጊሻስ ኢንቴ ሼምፖ ኣሻናስ ባቃቲቴ! ዬሩሳላሜፔ ኬዚቴ! ቴቁሄ ካታማን ዛዬ ፑኒቴ! ቤቲ-ሃካሪሜን ማላታ ቤሲቴ!

ኤርማሳ ቲንቢቴ 5:15

ጎዳይ ኢንቴና፥ «ኢንቴኖ ኢስራኤሌ ኣሳቶ! ታኒ ኢንቴ ቦላ ሃሆ ቢታፌ ኢሲ ካዎቴ ኤሃና። ኢዚ ዎልቃማኔ ቤኒሶፌ ዲዛ ካዎቴ። ኢዛ ቃላይ ኢንቴስ ኤሬቴና፤ ኢዛ ሃሳያይ ኢንቴስ ጌሌና።

ኤርማሳ ቲንቢቴ 4:6

ጺዮኔ ጌላናስ ባንዲራ ኦይኪቴ! ኤሶን ባቃቲ ኣቲቴ፤ ኣይስ ጊኮ ታኒ ፑዴሃ ባጋፌ ሃንቆኔ ባሽ ኤሃና።

ኤርማሳ ቲንቢቴ 1:15

ታኒ ፑዴሃ ባጋን ዲዛ ካዎቴታ ሃ ያና ማላ ጼይጋና፤ ዬሩሳላሜኒኔ ኢዚ ዩሾን ዲዛ ዩሁዳ ካታማታ ቦላ ሜቶ ጋዲ ኢስታ ኦይካና፤ ሄሳፌ ጉዬ ዬሩሳላሜ ጌሊዛ ፔንጌታ ቦላ ባንታ ኣራታ ሚጫና።

ኢሳያሳ ቲንቢቴ 34:13

ጊምቤቲ ዩዪዳ ካታማታ፥ ኢዚ ሚጻታ ዶዮይኔ ኦካይ ላታና፤ ዎራካናታ ኦላኔ ጉቶታ ዱሳሶ ጊዳና።

ኤርማሳ ቲንቢቴ 1:14

ጎዳይ ታስ፥ «ፑዴሃ ባጋፌ ባሺ ቂዲ ሃ ቢታን ዲዛ ኣሳ ኡባ ቦላ ጉካና።

ኤርማሳ ቲንቢቴ 4:15

ጬንጉርሲ ዳኔፔ ሴቴቴስ፤ ኤፍሬሜ ዙማታ ቦላ ባሺ ኣዋጄቴስ።

ኤርማሳ ቲንቢቴ 25:9

ታኒ ፑዴሃ ባጋ ዴራ ኡባኔ ታ ኣይሌ ጊዲዳ ባቢሎኔ ካዎ ናቡካዳናጾሬ ጼይጋና። ሂስታዳ ኢስታ ሃ ቢታ ቦላ፥ ሃ ቢታን ዲዛ ኣሳ ቦላኔ ሄራን ዲዛ ካዎቴታ ኡባ ቦላ ኤሃና፤ ታኒ ኢንቴና ሙሌራ ይሳና፤ ቃሴ ሜርናስ ኣሲ ካዛኔ ቂዛ ቡላ ኬሳና።

ኤርማሳ ቲንቢቴ 49:33

«ሃጾሬይ ዎራካናታ ዱሳሶ ጊዳና፤ ሜርናስ ቡላ ጊዳና፤ ኦኒካ ሄን ዴኤና፤ ኣይ ኣሲካ ኢዚን ኡቴና» ጌስ።

ኤርማሳ ዚላስ 1:4

ኦኒካ ኢዚ ባኣሌታ ቦንቻናስ ዮንታ ጊሻስ ጺዮኔ ኦጌቲ ዬኬቴስ፤ ኢዚ ፔንጌታራ ጌሊዛይኔ ኬዚዛይ ዴና፤ ኢዚ ቄሴቲ ጬጬቴስ፤ ጌላኦቲካ ሙዞቴቴስ፤ ኢዛካ ጊታ ሜቶ ጋርሳን ቱጋታዉስ።

ሂዚቄላ ቲንቢቴ 12:19

ቢታን ዲዛ ኣሳስ፥ ‹ኡባ ሃሪዛ ጎዳይ ኢስራኤሌ ቢታን ዲዛ ዬሩሳላሜ ኣሳስ፡ ኢስቲ ባንታ ካ ሂርጊሼ ማና፤ ባንታ ሃካ ጋዢጋዢሼኔ ባቢሼ ኡያና። ሄን ዲዛ ኣሳይ ኡባይ ጌናንቻ ጊዲዳ ጊሻስ ኢስታ ቢታይ ካይዛና።

ኤርማሳ ቲንቢቴ 2:15

ጋሞቲ ኢዛ ቦላን ጻጊዳ፤ ኢስቲ ባንታ ቃላ ቁ ሂስቲዲ ኢዛ ቦላ ጋርማሚዳ፤ ኢስቲ ኢዛ ቢታ ቡላ ኬሲዳ፤ ኢዛ ካታማቲካ ጹጌቲዳኔ ካይዚዳ።