ኤርማሳ ቲንቢቴ 10:12 - ጋሞ ማጻፋ

¹² ባ ዎልቃን ሳኣ ሜዳይ፥ ባ ኣ ኤራቴን ኣላሜ ኤሲዳይ፥ ባ ኣኬካን ሳሎ ሚጪዳይ ጎዳ።

Geeshsha Maxaafa

¹² Ba wolqqan sa7a medhdhiday, ba aadho erateththan alame essiday, ba akeekan salo micciday GODAA.

ኤርማሳ ቲንቢቴ 10:12 Referans Kwoze

ኢዮቤ ማጻፋ 9:8

ኦኒካ ማዶንታ ዲሺን ሳሎታ ሚጪዳይ ኢዛ፤ ኢዚ ኣባ ዳምባላ ቦላ ሄሜቴስ።

ሜቴ ማጻፋ 1:1

ጾሲ ኮይሮ ሳሎኔ ሳኣ ሜዴስ።

ሌሚሶ ማጻፋ 3:19

ጎዳይ ባ ኣ ኤራቴን ሳኣ ሜዴስ፤ ባ ኣኬካንካ ሳሎታ ኢስቲ ዲዛሶን ሚንዴስ።

ኢሳያሳ ቲንቢቴ 40:22

ኢዚ ቢታ ዩሾፔ ቦላራ ባ ኣራታን ኡቴስ፤ ቢታ ቦላ ዲዛ ዴሬይ ቦሌ ማላ፤ ሳሎታ ማጋላሻ ማላ ሚጬስ፤ ዱሳሶ ዱንካኔ ማላ ቶኬስ።

ቆላሲያሴ ኣሳስ 1:16

ሜቴ ዉሪ ኢዛን ሜቲዴስ። ሳሎኒኔ ሳኣን ዲዛይቲ፥ ኣይፌን ቤቲዛይቲኔ ቤቶንታይቲ ጊዲንካ፥ ዎልቃማታ ጊዲንካ፥ ሃሪዛይቲ ጊዲንካ ዎይኮ ጎዳቴ ዲዛይቲ ሃኒዳይ ዉሪካ ኢዛን ኢዛስ ሜቲዳ።

ዮሃኒሳ ሚሺራቾ 1:3

ሜቴ ዉሪ ኢዛን ሜቲዴስ። ሜቲዳዛን ኢዚ ባይንዳ ሜቲዳይ ኢሲናካ ዱኩ።

ዬ ማጻፋ 24:2

ሳኣ ጊታ ኣባታ ቦላ ሚጪዴስ፤ ሃ ቦላካ ሚንዲ ኤሲዴስ።

ዛካራሳ ቲንቢቴ 12:1

ሳሎ ሚጪዳ ጎዳይ፥ ሳኣ ሜዳ ጎዳይ ኣሳ ናይታስ ዴኦ ሼምፖ ኢሚዳ ጎዳይ ኢስራኤሌ ናይታስ ዮቲዳ ቃላይ ሃይሳፌ ካሊዛይሳ፤

ኤርማሳ ቲንቢቴ 32:17

«ኣቤት ኡባፌ ዎልቃማ ጎዳዉ! ኔኒ ሳሎታኔ ሳኣ ኔ ጊታ ዎልቃኒኔ ሚጬቲዳ ኔ ኩሼን ሜዳሳ፤ ኔና ጾኒዛ ኢሲ ሚሺካ ዴና።

ኤርማሳ ቲንቢቴ 10:13

ኢዚ ጉሚዛ ዎዴ፥ ሳሎን ዲዛ ኡባይ ቃጼስ። ኢዚ ሻራ ሳኣ ጋጻፔ ፑዴ ዴንስ። ኢዚ ኢራራ ዳዳ ዬዴስ፤ ጫርኮካ ባ ሚንጃሶፔ ኬሴስ።

ኢሳያሳ ቲንቢቴ 49:8

ጎዳይ፥ «ታኒ ዶሪዳ ዎዴ ኔ ኦይሻ ዛራና፤ ኣቶቴ ጋላስ ታኒ ኔና ማዳና፤ ዴራስ ጫቆ ቃላ ጊዳና ማላ፥ ቢታዮካ ኔ ዛራ ኤሳና ማላ፥ ካሴ ቢታ ዬጊ ይዳይታስ ኢስታ ጺንጾ ኔ ዛራ ኢማና ማላ፥ ታ ኔና ማዳና፤ ታ ኔስ ኦና።

ኢሳያሳ ቲንቢቴ 48:13

ቢታስ ዮች ዬጊዳይ ታ ኩሼ፤ ሳሎታ ሚጪዳይ ታ ኡሻቻ ኩሼ። ታ ኢስታ ጼይጊዛ ዎዴ ኢስቲ ኡባይካ ኢሲ ቦላ ኤቄቴስ።

ኢሳያሳ ቲንቢቴ 45:18

ሳሎታ ሜዳይ ኢዚ ጎዳ፤ ቢታ ጊግሲዲ ሜዳይ፥ ሳኣስ ዮች ዬጊዳይ፥ ኢዛ ኣሳ ዱሳሶ ጊዳና ማላ ኣቲን ጮ ሜላ ዎናስ ሜንታ ጎዳይ፥ ታኒ ጎዳ፤ ታፔ ሃራይ ዴና።

ኢሳያሳ ቲንቢቴ 45:12

ሳኣ ኦዳይ ታና፤ ኣሲካ ኢዚ ቦላ ሜዲስ። ሳሎታ ታኒ ታ ኩሼን ቶላዲስ፤ ኢስታ ቦላ ሳሎ ሜታታ ዎዲስ።

ኢሳያሳ ቲንቢቴ 44:24

ኔና ኣዪ ኡሎን ሜዲ ዎዚዳ ጎዳይ፥ «ኡባ ሜዳ ሳሎታ ታርካ ፒዲሲዳይ፥ ሳኣካ ሚጪዳይ ታና ጎዳ።

ኢሳያሳ ቲንቢቴ 42:5

ሳሎታ ሜዳይ፥ ኢስታ ሚጪዳይካ፥ ሳኣኔ ኢዚን ዲዛ ኡባ ጊግሲዳይ፥ ባ ዴሬስ ፔኖ ኢዚን ዴኢዛ ኣሳታስ ሼምፖ ኢሚዛ ጎዳ ጾሳይ፥

ዬ ማጻፋ 104:24

ኣቤት ጎዳዉ! ኔ ኦሶይ ኣይ ኬና ዳሮ! ኔ ኣ ኤራቴን ኔኒ ኢስታ ኡባ ሜዳሳ፤ ኔ ሜዳ ሜታቲ ቢታ ኩሚዳ።

ዬ ማጻፋ 33:6

ሳሎቲ ጎዳ ቃላን ሜቲዳ። ኢዛ ዶናፔ ኬዚዛ ፔኖን ሳሎን ዲዛ ሜቴቲ ሜቲዳ።

ሌሚሶ ማጻፋ 30:4

ሳሎ ፑዴ ኬኢዲ ዱጌ ዎዳይ ኦኔ? ጫርኮ ባ ኩሼን ኦይኪዳይ፥ ሃ ባ ኣፋላን ዪጪዳይ ሳኣ ጋጻ ኢዛ ሶን ሶን ዎዳይ ኦኔ? ኣኔ ኤሪኮ ኢዛ ሱን ታስ ዮታ፤ ኢዛ ናዛ ሱን ኦና ጌቴቲዜ?

ዬ ማጻፋ 119:90

ኔ ኣማኔቴይ ዬሌታፔ ዬሌታ ጋካናስ ዴስ፤ ኔኒ ሳኣስ ዮቻ ዬጋዳሳ፤ ኢዚካ ሚኒዲ ዴስ።

ዬ ማጻፋ 78:69

ሄሳን ኢዚ ጾሳ ኬ ሳሎ ኬሲ ቃን ኬጺዴስ፤ ሳኣ ማላ ሜርናስ ኤሲዴስ።

ኢዮቤ ማጻፋ 26:7

ጾሲ ፑዴሃ ባጋራ ዲዛ ሳሎዛ ጫርኮ ቦላ ሚጪዴስ፤ ቢታካ ኣይኮይ ባይንዳሶን ኩሎቲ ዳና ማላ ኦዴስ።

ዬ ማጻፋ 104:2

ኔኒ ኣፋላ ማላ ፖኦ ቁማኣዳሳ፤ ሳሎታካ ዱንካኔ ማላ ቶላዳሳ።

ዬ ማጻፋ 93:1

ጎዳይ ካዎቲዴስ! ቴማኔ ዎልቃ ማይኢዴስ፤ ኣላሜይ ቃጾንታ ማላ ሚን ኤሲዴስ፤ ኦኒካ ኢዞ ቃና።

ሜቴ ማጻፋ 2:5

ሳኣ ቦላን ማታይ፥ ሚ፥ ኣይ ሚሺካ ሞኪቤና፤ ኣይስ ጊኮ ጎዳይ ኢራ ቡኪሲቤና፤ ቃሴ ቢታ ኦዛ ኣሲካ ሜቲቤና።

ኢዮቤ ማጻፋ 37:18

ጾሲ ሳሎ ሴሪዳ ማስቶቴ ማላ ሚጪኮ፥ ኔኒ ኢዛ ማታን ኡታዳ ማዳናዉ ዳንዳያይ?

ኢሳያሳ ቲንቢቴ 37:16

«ኣቤት ጎዳዉ፥ ኡባፌ ዎልቃማ ጾሳዉ፥ ኪሩቤታፔ ጊዶን ኡቲዛ ኢስራኤሌ ጾሳዉ፥ ሳኣ ካዎቴታ ኡባ ቦላ ኔ ጻላ ጾሳ። ሳሎኔ ሳኣ ኔኒ ሜዳሳ።

ኤርማሳ ቲንቢቴ 10:16

ጊዶ ኣቲን ያቆቤ ቃዳይ ሄይታ ማላ ጊዴና። ጋሶይካ ኢዚ ኡባ ሜዳይሳ፤ ኢስራኤሌይ ዶሬቲዳ ዴሬ። ኢዛ ዶሪዳይሳ ሱንይ ኡባፌ ዎልቃማ ጎዳ ጾሳ።

ኤርማሳ ቲንቢቴ 27:5

ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና።

1ታሪኬ ማጻፋ 16:26

ኣይዛቤታ ጾሳቲ ኡባይ ኤቃ ጾሳታ፤ ጎዳይ ጊዲኮ ሳሎታ ሜዳ ጾሳ።

ዬ ማጻፋ 65:7

ኔኒ ኣባ ጊሪሳኔ ዳምባላ ጉን ሲርጲ ኦሳ፤ ቃሴ ዴሬይ ዴንዲዛ ዴን ኢርጺሳሳ።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።