ዳናታ ማጻፋ 17:3 - ጋሞ ማጻፋ

³ ናዚ 1,100 ሳቂሌ ቢራ ባ ኣዬይስ ዛሪዴስ፤ ኢዛ ኣዬያ፥ «ታኒ ታ ናዛ ጊሻስ ጾሳስ ዱማሳና፤ ሄ ቢራራ ሚፌ ኦሴቲዲ ቢራን ሜሼቲዳ ኤቃ ጾስ ሜቶ፤ ታኒ ዛራዳ ኔስ ኢማና» ጋዱስ።

Geeshsha Maxaafa

³ Naazi 1,100 saqile bira ba aayeys zaarides; iza aayeya, «Tani ta naaza gishshas Xoossas dummasana; he biraara miththafe oosettidi biran meeshettida eeqa xoos medhdhetto; tani zaarada nees immana» gadus.

ዳናታ ማጻፋ 17:3 Referans Kwoze

ኬሳ ማጻፋ 20:4

«ቦላ ሳሎን ዲዛ ሚሽ ጊዲን፥ ዎይኮ ጋርሳ ሳኣን ዲዛ ሚሽ ጊዲን፥ ዎይኮ ቢታፌ ጋርሳን ሃ ጊዶን ዲዛ ሚሽ ጊዲን ኣይኮካ ሚሳቲሳዳ ኔስ ሚስሌ ሂስታዳ ሜፋ።

ሌዌታ ማጻፋ 19:4

« ‹ታና ኣጊዲ ኤቃታስ ጎይኖፍቴ፤ ዎይኮ ኤቃ ጾሳታ ቢራታፔ ሴሪሲዲ ኢንቴስ ሜፍቴ፤ ታኒ ጎዳ ኢንቴ ጾሳ።

ኬሳ ማጻፋ 20:23

ታፔ ኣቲን ሃራ ጾሲ ኢንቴስ ዶፖ፤ ቢራፔ ዎይኮ ዎርቃፌ ኢንቴስ ኤቃ ጾሳታ ሜዲ ጎይኖፍቴ።

ዮሃኒሳ ሚሺራቾ 16:2

ኢስቲ ኢንቴና ባ ኬፌ ጎዳና፤ ሃራይ ኣቶሺን ኢንቴና ዎዛዴይ ዉሪ ጾሳስ ኦዛዴ ሚሳቲዛ ዎዴይ ያና።

ኤርማሳ ቲንቢቴ 10:8

ሃዳ ጊዲዳ ሚፌ ማሴቲዳ ኤቃ ጾሳታፔ ቲሚርቴ ታማርዛ ኡባይ ኤያኔ ዳማ።

ኢሳያሳ ቲንቢቴ 66:3

«ጊዶ ኣቲን ታስ ቦራ ያርሺዛዴይ ኣስ ዎዛዴ ማላ፥ ዶርሳ ላቃ ያርሺዛዴይ ካና ጩሊ ዎዛ ኣሳ ማላ፤ ካ ያርሾ ሺሺዛዴይ፥ ጉዱን ሱ ሺሺዛዴ ማላ፤ ቆፊሶስ ኤጻኔ ታስ ጩኣሲዛዴይ፥ ኤቃ ጾስ ጎይኒዛ ኣሳ ማላ፤ ኢስቲ ባንታ ኦጌ ዶሪዳ፤ ኢስታ ሼምፖያካ ኢስታ ቱናቴን ኡፋዬታዉስ።

ዳናታ ማጻፋ 18:5

ሳኦሊ ኪቲዳሶ ኣዋንካ ዳዊቲ ባ ኪቴቲዳይሳ ቤሲዳ ማላ ፖሊዛ ጊሻስ ባ ኦላንቻታ ቦላ ሹሚዴስ፤ ሄሲ ዴራ ኡባኔ ሳኦሌ ኦላ ሹሜታ ኡፋይሲዴስ።

ዳናታ ማጻፋ 17:13

ሚኪያሲካ፥ «ታ ሌዌ ቆሞፌ ቄሴ ዴሚዳ ጊሻስ ታስ ኡባ ሚሽ ጾሲ ሎኤናይሳ ሃኢ ታ ኤራዲስ» ጊዴስ።

ዛሬ ማጻፋ 12:3

ኢስቲ ያርሾ ያርሺዛሶሆታ ላሊ ይሲቴ፤ ሹቻፌ ኦሴቲዲ ቱሳ ማላ ኤቂዳ ኤቃ ጾሳታ ኡባ ሊቂሲቴ፤ ኣሼሮ ጌቴታ ጼይጌቲዛ ኤቃ ጾሳይ ሚስሌታ ኡባ ታማን ጹጊቴ፤ ማሴቲ ጊጊዳ ኢስታ ኤቃ ጾሳታ ኡባ ሜንሬ ዬጊቴ፤ ኢስታ ሱንካ ቢታፌ ይሲቴ።

ኬሳ ማጻፋ 34:17

«ኢንቴስ ጎይናና ኤቃ ጾሳታ ኣዛፔካ ሴሪሲዲ ሜፍቴ።

ዳናታ ማጻፋ 17:2

ኢሲ ጋላስ ሚኪያሲ ባ ኣዮ፥ «ኔፔ ኢሲ ኣሲ 1,100 ሳቂሌ ቢራ ካይሶቲዳ ዎዴ ኔኒ ሄ ካይሶቲዳ ቢታኔዛ ቃንጊሺን ታኒ ሲያዲስ። ቤያ! ሄ ሚሻይ ታ ኣቻን ዴስ፤ ታ ኤካዲስ» ጊዴስ። ኢዛ ኣዬያ፥ «ታ ናዞ ኔና ጾሲ ኣንጆ!» ጋዱስ።

ዳናታ ማጻፋ 17:4

ናዚ ባ ኣዬይስ ሚሻ ዛሪን ኢዛ ኣዬያ ሄ ቢራፔ 200 ሳቂሌ ቢራ ኤካዳ ሚ ማሲዲ ቢራን ቲዪ ቲይዲ ኤቃ ሚስሌ ሜዛ ኢሲ ሂላዛስ ኢማዱስ፤ ሄ ኦሴቲዳ ኤቃ ጾሳ ሚስሌዚ ሚኪያሳ ሶን ኡቲዴስ።

ዳናታ ማጻፋ 18:30

ዳኔ ቆሞቲ ባስ ጎይናናስ ኤቃ ጾሳታ ኤሲዳ፤ ሙሴ ና ጌርሾሜፔ ዬሌቲዳ ዮናታኔ ባንታ ቄሴ ኦዳ። ኢዛ ዛሬቲ ኣሳይ ዲኤቲ ቢዳ ዎዴ ጋካናስ ኢስታስ ቄሴ ጊዲዳ።

ኢሳያሳ ቲንቢቴ 30:22

ሄሳፌ ቢራን ሜሼቲዳ ኢንቴ ኤቃ ጾሳታኔ ዎርቃን ሜሼቲዳ ሚስሌታ ኢንቴ ሞራና፤ «ኑፔ ሃኪቴ» ጊዲ ቱና ጫርቃ ማላ ኢንቴ ዎራ ዬጋና።

ዛሬ ማጻፋ 27:15

«ጎዳይ ኤቃ ጾሳታስ ጎይኖ ኢጺዛ ጊሻስ፥ ሚፌ ማሲዲ ሹቻፌ ቆጺዲኔ ቢራታ ሴሪሲዲ ኤቃ ጾስ ጊግሲዲ ጌማን ጎይኒዛዴይ ኦኒካ ቃንጌቲዳዴ ጊዶ!» ዴሬዚ ዉሪካ፥ «ኣሚን!» ጎ።

2ታሪኬ ማጻፋ 33:7

ሄሳፌ ጉዬ ባ ሜዳ ኤቃ ሚስሌዛ ጾሳ ኬ ጊዶን ኤሲዴስ፤ ሄ ጾሳ ኬይ ጾሲ ዳዊቴሲኔ ኢዛ ና ሶሎሞኔስ፥ «ሃ ጾሳ ኬኒኔ ኢስራኤሌ ኡባ ጊዶፌ ታኒ ዶሪዳ ዬሩሳላሜን ታኒ ታ ሱን ሜርናስ ጼይጊሳና።